20
1 ဒီးယွၤကတိၤ တၢ်ကတိၤအံၤခဲလၢာ်, ဒီးစံးဝဲဒၣ်,-
2 ယဲဒၣ်အံၤယမ့ၢ်ယွၤနကစၢ် လၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤ, လၢပှၤကုၢ်ဖိအဟံၣ်ပူၤလီၤ. အိၣ်ဒီးကစၢ်အဂုၤအဂၤတဖၣ်လၢယမဲာ်ညါတဂ့ၤ.
3 3
4 တ့တၢ်ဂီၤတၢ်ဖီၣ်လၢနဂီၢ်တဂ့ၤ. တၢ်အိၣ်လၢမူခိၣ်ထး မ့ၢ်ဂ့ၤ, တၢ်အိၣ်လၢဟီၣ်ခိၣ်လာ်မ့ၢ်ဂ့ၤ, တၢ်အိၣ်လၢ ထံကျါလၢဟီၣ်ခိၣ်အဖီလာ်မ့ၢ်ဂ့ၤ, တ့အက့ၢ်အဂီၤလၢ နဂီၢ်နီတမံၤတဂ့ၤ.
5 ဘါအီၤတဂ့ၤ. မၤအတၢ်တဂ့ၤ. အဂ့ၢ်ဒ်အံၤ, ယဲဒၣ်ယွၤနကစၢ်အံၤ, ယမ့ၢ်ကစၢ်လၢ အသးက့ၣ်တၢ်, လၢအဒုးအိၣ်သကိးပၢ်တဖၣ်အတၢ် ဒဲးဘးလၢဖိတဖၣ်တုၤလီၤလၢ ပှၤသးဟ့ယၤသၢစိၤတ စိၤ, ဒီးလၢလွံၢ်စိၤတစိၤ,
6 ဒီးလၢအမၤဘျုးမၤဖှိၣ်ပှၤ ကထိသ့ၣ်တဖၣ်, ပှၤလၢအအဲၣ်ယၤဒီးတိၢ်န့ၢ်ယတၢ် မၤလိာ်တဖၣ်န့ၣ်လီၤ.
7 ပှ့ၤဘၣ်ယွၤနကစၢ်အမံၤ လၢတၢ်ကလီကလီတဂ့ၤ.အဂ့ၢ်ဒ်အံၤ, ပှၤလၢအပှ့ၤဘၣ်ယွၤအမံၤလၢတၢ်ကလီ ကလီန့ၣ်ယွၤတပာ်ဘၣ်အီၤလၢ အတၢ်ဒဲးဘးတအိၣ် ဘၣ်န့ၣ်ဘၣ်.
8 သ့ၣ်နီၣ်ထီၣ်မုၢ်အိၣ်ဘှံးအနံၤလၢ နကပာ်စီဆှံအီၤ အဂ့ၢ်န့ၣ်တက့ၢ်.
9 နကမၤဘၣ်တၢ်ဃုနံၤ, ဒီးမၤနတၢ် မၤခဲလၢာ်လီၤ.
10 မ့မ့ၢ်မုၢ်နွံနံၤတနံၤန့ၣ် မ့ၢ်ယွၤနကစၢ် အတၢ်အိၣ်ဘှံးအနံၤလီၤ. နဲဒၣ်ဂ့ၤ,နဖိခွါဂ့ၤ,နဖိမုၣ်ဂ့ၤ, နကုၢ်နပှၤပိာ်ခွါဂ့ၤ, နကုၢ်နပှၤပိာ်မုၣ်ဂ့ၤ, နဆၣ်ဖိကီၢ် ဖိအဒၢဂ့ၤ, ပှၤတခီဘီမုၢ်ဖိလၢအအိၣ်လၢနပဲတြီအပူၤ ဂ့ၤ, သုတမၤတၢ်မၤနီတမံၤတဂ့ၤ.
11 အဂ့ၢ်ဒ်အံၤ, ဃု နံၤအတီၢ်ပူၤန့ၣ်ယွၤတ့လီၤမူခိၣ်, ဒီးဟီၣ်ခိၣ်, ပီၣ်လဲၣ်, ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤ, ဒီးအိၣ်ဘှံး ဝဲလၢမုၢ်နွံနံၤတနံၤန့ၣ်လီၤ. မၤသးဒ်န့ၣ်ဒီးယွၤဆိၣ်ဂ့ၤ မုၢ်နွံနံၤတနံၤဒီးပာ်စီဆှံအီၤလီၤ.
12 ဒ်သိးနမုၢ်နံၤတဖၣ်ကထီထီၣ်လၢကီၢ်ပူၤ လၢယွၤန ကစၢ်ဟ့ၣ်လီၤနၤဒီး, ယူးယီၣ်နမိၢ်နပၢ်တက့ၢ်.
13 မၤသံတၢ်တဂ့ၤ.
14 အဲၣ်ဘၢမါအဲၣ်ဘၢဝၤတဂ့ၤ.
15 ဟုၣ်တၢ်တဂ့ၤ.
16 အုၣ်နသးကဘျံးကဘျၣ်လၢ ပှၤလၢနဃၢၤအဂ့ၢ်တ ဂ့ၤ.
17 သးကွံပှၤလၢနဃၢၤအဟံၣ်တဂ့ၤ. ပှၤလၢနဃၢၤအမါ ဂ့ၤ, အကုၢ်အပှၤပိာ်ခွါဂ့ၤ, အကုၢ်အပှၤပိာ်မုၣ်ဂ့ၤ, အဂီၤဖံးဂ့ၤ, အကသ့ၣ်ယီၤဂ့ၤ, ဖဲဒၣ်ပှၤလၢနဃၢၤအ တၢ်တမံၤမံၤဂ့ၤ, သုတသးကွံအီၤတဂ့ၤ.
18 ဒီးကယဲၢ်ပှၤဂီၢ်မုၢ်ခဲလၢာ်ထံၣ်ဘၣ်လီသီၣ်, ဒီးလီဝၢ် အဒံး, ဒီးကွဲၤအသီၣ်, ဒီးမ့ၣ်အူခုၣ်ထီၣ်ဝဲလၢကစၢၢ် လိၤန့ၣ်လီၤ. ဒီးတုၤပှၤဂီၢ်မုၢ်ထံၣ်ဘၣ်ဝဲဒီး, သုးအလီၢ်, ဒီးဆၢထၢၣ်လၢအယံၤလီၤ.
19 ဒီးအဝဲသ့ၣ်စံးဘၣ်စီၤမိၤ ရှ့, ကတိၤနဲဒီးပှၤတက့ၢ်, ဒီးပကဒိကနၣ်လီၤ. မ့မ့ၢ် ယွၤတဂၤန့ၣ်မ်အသုတကတိၤတၢ်ဒီးပှၤတဂ့ၤ. ပကသံ ဘၣ်ဖုးလီၤ.
20 ဒီးစီၤမိၤရှ့စံးဘၣ်ပှၤဂီၢ်မုၢ်, ပျံၤတၢ်တဂ့ၤ, အဂ့ၢ်ဒ် အံၤ, ယွၤဟဲမၤကွၢ်သု, ဒ်သိးတၢ်ပျံၤအီၤကအိၣ်လၢ သုမဲာ်ညါ, လၢသုသုတမၤကမၣ်တၢ်တဂ့ၤလီၤ.
21 ဒီးပှၤဂီၢ်မုၢ်ဆၢထၢၣ်လၢအယံၤ, ဒီးစီၤမိၤရှ့သုးဘူး အသးဆူတၢ်အၢၣ်တီၣ်ခံးဖဲယွၤအိၣ်ဝဲလီၤ.
22 ဒီးယွၤစံးဘၣ်စီၤမိၤရှ့, နဘၣ်စံးဘၣ်ပှၤအံၣ်စရ့လးဖိ ဒ်အံၤ, သုထံၣ်ဘၣ်လံယကတိၤတၢ်ဒီးသု လၢမူခိၣ် လီၤ.
23 တ့ကစၢ်စ့ဒီးယၤတဂ့ၤ. ဒီးတ့ကစၢ်ထူလၢသု ဂီၢ်တဂ့ၤ.
24 နဘၣ်မၤတၢ်လုၢ်လီၢ်လၢဟီၣ်ခိၣ်လၢယဂီၢ်,ဒီးနဘၣ် လုၢ်နတၢ်လုၢ်မ့ၣ်အူ, ဒီးနတၢ်လုၢ်မၤဃူမၤဖိးတၢ်, နသိ နမဲာ်တဲးလဲး, ဒီးနဂီၤဘုၣ်ဂီၤဖံးလၢအဖီခိၣ်လီၤ.ကယဲၢ် အလီၢ်ဖဲယပာ်တၢ်သ့ၣ်နီၣ်ထီၣ်က့ၤယမံၤတပူၤလၢ်လၢ် န့ၣ်, ယကဟဲဆူနအိၣ်, ဒီးဆိၣ်ဂ့ၤနၤလီၤ.
25 ဒီးနမ့ၢ်တ့န့ၢ်ယၤလၢ တၢ်လုၢ်လီၢ်လၢလၢၢ်ဒီး, မၤ အီၤလၢလၢၢ်စိးပျၤအသးတဂ့ၤ. အဂ့ၢ်ဒ်အံၤ, နမ့ၢ်ယူာ် ထီၣ်နနီၣ်တ့တၢ်လၢအလိၤဒီး, နမၤဘၣ်အၢအီၤလီၤ.
26 ဒီးနတဘၣ်ထီၣ်ဘၣ် ယတၢ်လုၢ်လီၢ်လၢဃီဘၣ်. ဒ် သိးနတၢ်အိၣ်ဘ့ၣ်ဆ့ အသုတအိၣ်ဖျါလၢအဖီခိၣ်န့ၣ် တဂ့ၤလီၤ.