48
1 ဒီးအအံၤမ့ၢ်ဒူၣ်တဖၣ်အမံၤ.လၢကလံၤစိးတခီလၢ ဃ့သလိၣ်အဃၢၤဖဲပှၤလဲၤဝဲ ဆူဃမါသး,ဃစၢ်ဧ့နၣ်, ဒၤမ့ၤစ့းအဃၢၤဆူကလံၤစိး, ဆူဃမါသးအဃၢၤ, ဒီးလၢမုၢ်ထီၣ်တခီပၢၢ်လၢမုၢ်နုာ် တခီန့ၣ်မ့ၢ်အဃၢၤလီၤ. အန့ၣ်မ့ၢ်ဒၣ်တဒူၣ်လီၤ.
2 ဒီးလၢဒၣ်အဃၢၤန့ၣ် လၢမုၢ်ထီၣ်တခီ ပၢၢ်လၢမုၢ် နုာ်တခီန့ၣ်, အၤရှ့ၢ်တဒူၣ်လီၤ.
3 ဒီးလၢအၤရှ့ၢ်အဃၢၤန့ၣ်လၢမုၢ်ထီၣ်တခီ ပၢၢ်လၢမုၢ် နုာ်တခီန့ၣ်နးသၤလံတဒူၣ်လီၤ.
4 ဒီးလၢနးသၤလံအဃၢၤန့ၣ်လၢမုၢ်ထီၣ်တခီ ပၢၢ်လၢ မုၢ်နုာ်တခီန့ၣ်မနၤရှ့ၤတဒူၣ်လီၤ.
5 ဒီးလၢမနၤရှ့ၤအဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်, အ့ဖရဲၣ်တဒူၣ်လီၤ.
6 ဒီးလၢအ့ဖရဲၣ်အဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်, ရူၤဘ့ၣ်တဒူၣ်လီၤ.
7 ဒီးလၢရူဘ့ၣ်အဃၢၤန့ၣ် လၢမုၢ်ထီၣ်တခီပၢၢ်လၢမုၢ် နုာ်တခီန့ၣ်,ယူဒၤတဒူၣ်လီၤ.
8 ဒီးလၢယူဒၤအဃၢၤန့ၣ် လၢမုၢ်ထီၣ်ပၢၢ်လၢမုၢ်နုာ်တ ခီန့ၣ်တၢ်ဝံၢ်ထီၣ်လၢသုကမၤဘူၣ်န့ၣ် ကအိၣ်ဝဲအဒီၣ် ဃီၤနီၣ်ထိၣ်တပိၢ် အစိၤခံကလးယဲၢ်ကထိ, ဒီးအထီ တုၤသိးသိးဒီးတၢ်အဂီၢ်တဂီၢ်လၢမုၢ်ထီၣ်တခီ,ပၢၢ်လၢ မုၢ်နုာ်တခီလီၤ. ဒီးတၢ်အလီၢ်စီဆှံကအိၣ်ဝဲလၢအသး ကံၢ်ပူၤလီၤ.
9 တၢ်ဝံၢ်ထီၣ်လၢသုဘၣ်မၤဘူၣ်ယွၤန့ၣ် အထီကမ့ၢ် နီၣ်ထိၣ်တပိၢ်အစိၤခံကလးယဲၢ်ကထိ, ဒီးအဒီၣ်ဃီၤ န့ၣ်အစိၤတကလးလီၤ.
10 ဒီးတၢ်ဝံၢ်ထီၣ်စီဆှံန့ၣ် ကအိၣ်ဝဲလၢအဝဲသ့ၣ်အဂီၢ်, ကအိၣ်ဝဲလၢပှၤလုၢ်တၢ်အဒိၣ်အဂီၢ်န့ၣ် လၢကလံၤစိး တခီအထီအစိးခံကလးယဲၢ်ကထိ, ဒီးဆူမုၢ်နုာ်တခီ အဒီၣ်ဃီၤအစိၤတကလး, ဒီးဆူမုၢ်ထီၣ်အဒီၣ်ဃီၤအ စိၤတကလး, ဒီးဆူကလံၤထံးတခီ အထီအစိၤခံက လးယဲၢ်ကထိန့ၣ်လီၤ. ဒီးယွၤအလီၢ်စီဆှံကအိၣ်ဝဲလၢ အသးကံၢ်ပူၤလီၤ.
11 ကအိၣ်ဝဲလၢ ပှၤလုၢ်တၢ်အဒိၣ်လၢတၢ်ပာ်စီဆှံအီၤ လၢစီၤစၤဒိးအဖိခွါ,လၢအကွၢ်တ့ၢ်ယတၢ်ပၢၤ, လၢအ တဟးဖျိးဖဲအကတီၢ်လၢပှၤအံၣ်စရ့လးဖိဟးဖျိဝဲ, ဒ်ပှၤ လ့ၤဝံဖိဟးဖျိတၢ်အသိးန့ၣ်အဂီၢ်လီၤ.
12 ဒီးကကဲလၢတၢ်မၤဘူၣ်စီဆှံကတၢၢ်လၢ ပှၤလ့ၤဝံဖိ အဃၢၤလၢဟီၣ်ခိၣ်ဝံၢ်ထီၣ်အသးအကျါလီၤ.
13 ဒီးအိၣ်သဃီၤဒီးပှၤလုၢ်တၢ်အဒိၣ် အဃၢၤန့ၣ်ပှၤလ့ၤ ဝံဖိကအိၣ်ဒီးတၢ်လၢအထီ အစိၤခံကလးယဲၢ်ကထိ, ဒီးအဒီၣ်ဃီၤအစိၤတကလးလီၤ. အထီဒီဘိညါမ့ၢ်အ စိၤခံကလးယဲၢ်ကထိ,
14 ဒီးတဘၣ်ဆါကွံာ်ဘၣ်အီၤနီ တစဲးဘၣ်, ဒီးတဘၣ်လဲလိာ်ဘၣ်အီၤ,ဒီးတဘၣ်ဟ့ၣ် လီၤကွံာ်ဘၣ်အတၤသၣ်ဆိဘၣ်. အဂ့ၢ်ဒ်အံၤ,မ့ၢ်တၢ် စီဆှံလၢယွၤအဂီၢ်လီၤ.
15 ဒီးတၢ်အစိၤယဲၢ်ကထိလၢ အအိၣ်လီၤတဲာ်လၢတၢ် ဒီၣ်ဃီၤအဖီခိၣ်အိၣ်သဃီၤဒီးတၢ်အစိၤခံကလးယဲၢ်က ထိန့ၣ် ကကဲလၢအလီၢ်တကဆှီဘၣ်လၢဝ့ၢ်အဂီၢ်,လၢ ပှၤအိၣ်ဝဲဆိးဝဲအလီၢ်အဂီၢ်, ဒီးလၢအလီၢ်အိၣ်လၢဝ့ၢ် လၢခိအဂီၢ်လီၤ. ဒီးဝ့ၢ်န့ၣ်ကအိၣ်ဝဲလၢအသးကံၢ်ပူၤ လီၤ.
16 ဒီးအအံၤမ့ၢ်အထိၣ်ဝဲန့ၣ် အထီလၢကလံၤစိးတခီ, မ့ၢ်အစိၤလွံၢ်ကထိယဲၢ်ကယၤ, ဒီးလၢကလံၤထံးတခီ အစိၤလွံၢ်ကထိယဲၢ်ကယၤ, ဒီးလၢမုၢ်ထီၣ်တခီအစိၤ လွံၢ်ကထိယဲၢ်ကယၤ, ဒီးလၢမုၢ်နုာ်တခီအစိၤလွံၢ်က ထိယဲၢ်ကယၤလီၤ.
17 ဒီးတၢ်အလီၢ်အိၣ်ဝဲလၢ ဝ့ၢ်လၢခိန့ၣ်အစိၤခံကယၤ ယဲၢ်ဆံကအိၣ်လၢကလံၤစိးတခီ, ဒီးအစိၤခံကယၤယဲၢ် ဆံကအိၣ်လၢကလံၤထံးတခီ, ဒီးအစိၤခံကယၤယဲၢ် ဆံကအိၣ်လၢမုၢ်ထီၣ်တခီ, ဒီးအစိၤခံကယၤယဲၢ်ဆံ ကအိၣ်လၢမုာ်နုာ်တခီလီၤ.
18 ဒီးတၢ်အိၣ်လီၤတဲာ်လၢအထီန့ၣ်, အိၣ်သဃီၤဒီးတၢ် ဝံၢ်ထီၣ်အသးစီဆှံန့ၣ် အစိၤတကလးဆူမုၢ်ထီၣ်တခီ, ဒီးအစိၤတကလးဆူမုၢ်နုာ်တခီ, အိၣ်သဃီၤဒီးတၢ်ဝံၣ် ထီၣ်အသးစီဆှံန့ၣ်အတၢ်အါထီၣ်န့ၣ် ကကဲလၢတၢ် အီၣ်လၢပှၤလၢအမၤဝ့ၢ်အတၢ်အဂီၢ်လီၤ.
19 ဒီးပှၤလၢအမၤဝ့ၢ်အတၢ်န့ၣ် ကမၤဝဲလၢအံၣ်စရ့လး အဒူၣ်ခဲလၢာ်အကျါလီၤ.
20 တၢ်ဝံၢ်ထီၣ်အသးဒီဘ့ၣ်ညါန့ၣ် အထီကမ့ၢ်အစိၤခံ ကလးယဲၢ်ကထိ, ဒီးအဒီၣ်ဃီၤအစိၤခံကလးယဲၢ်က ထိလီၤ. သုဘၣ်မၤဘူၣ်တၢ်ဝံၢ်ထီၣ်စီဆှံလၢ တၢ်လွံၢ် နၢၣ်အိၣ်ဒီးဝ့ၢ်အတၢ်ဟံးဃာ်လီၤ.
21 ဒီးတၢ်အိၣ်လီၤတဲာ်လၢအတၢ်ဝံၢ်ထီၣ်အသးစီဆှံ ခံ ခီလိာ်ဒီးလၢဝ့ၢ်အတၢ်ဟံးဃာ်န့ၣ် အိၣ်သဃီၤဒီးတၢ် အစိၤခံကလးယဲၢ်ကထိ ဆူတၢ်အဃၢၤလၢမုၢ်ထီၣ်တ ခီ, ဒီးသဃီၤဒီးတၢ်အစိၤခံကလးယဲၢ်ကထိဆူ တၢ် အဃၢၤလၢမုၢ်နုာ်တခီ, လၢပှၤအဒူၣ်အဂီၢ်တဖၣ် အ ဃၢၤန့ၣ် ကအိၣ်ဝဲလၢပဒိၣ်ဖးဒိၣ်အဂီၢ်လီၤ. ဒီးတၢ် ဝံၢ်ထီၣ်အသးစီဆှံ, ဒီးဟံၣ်အလီၢ်စီဆှံကအိၣ်ဝဲလၢ အသးကံၢ်ပူၤလီၤ.
22 တၢ်အိၣ်လီၤတဲာ်လၢ ပှၤလ့ၤဝံဖိအတၢ်ဒီးလၢဝ့ၢ်န့ၣ် အတၢ်လၢအအိၣ်ဝဲလၢ ပဒိၣ်ဖးဒိၣ်အတၢ်ဘၢၣ်စၢၤ, လၢအအိၣ်ဝဲလၢယူဒၤအဃၢၤ ဒီးဘံၣ်ယၤမံၣ်အဃၢၤ အဘၢၣ်စၢၤန့ၣ်ကကဲလၢပဒိၣ်ဖးဒိၣ်အတၢ်လီၤ.
23 ပှၤအဒူၣ်လၢအအိၣ်လီၤတဲာ်တဖၣ်အံၤ, လၢမုၢ်ထီၣ် တခီပၢၢ်လၢမုၢ်နုာ်တခီန့ၣ်, ဘံၣ်ယၤမံၣ်တဒူၣ်လီၤ.
24 ဒီးလၢဘံၣ်ယၤမံၣ်အဃၢၤန့ၣ် လၢမုၢ်ထီၣ်တခီပၢၢ် လၢမုၢ်နုာ်တခီန့ၣ်,စူၤမ့းအိၣ်တဒူၣ်လီၤ.
25 ဒီးလၢစူၤမ့းအိၣ်အဃၢၤန့ၣ် လၢမုၢ်ထီၣ်တခီပၢၢ်လၢ မုၢ်နုာ်တခီန့ၣ်,ယံးစၣ်ကၢ်တဒူၣ်လီၤ.
26 ဒီးလၢယံးစၣ်ကၢ်အဃၢၤန့ၣ် လၢမုၢ်ထီၣ်တခီ ပၢၢ် လၢမုၢ်နုာ်တခီန့ၣ်,စဘူလိၣ်တဒူၣ်လီၤ.
27 ဒီးလၢစဘူလိၣ်အဃၢၤန့ၣ် လၢမုၢ်ထီၣ်တခီပၢၢ်လၢ မုာ်နုာ်တခီန့ၣ်, ကးတဒူၣ်လီၤ.
28 ဒီးလၢကးအဃၢၤန့ၣ်လၢကလံၤထံးတခီ ဆူကလံၤ ထံးန့ၣ်, လၢတၤမၢ်ပၢၢ်လၢထံအ့ၣ်လိာ်လၢကၤဒ့ၣ်အ ပူၤ, ပၢၢ်လၢထံမိၢ်ပှၢ်န့ၣ်လၢ ပီၣ်လဲၣ်ဖးဒိၣ်အဃၢၤ ကအိၣ်လီၤ.
29 ဖးတၢ်သတးဒီး, အအံၤမ့ၢ်ကီၢ်တဘ့ၣ်လၢသုကဟ့ၣ် နီၤဖးလၢပှၤအံၣ်စရ့လးအဒူၣ်တဖၣ် လၢအတၢ်န့ၢ်သါ အဂီၢ်, ဒီးအအံၤမ့ၢ်အဂီၢ်တဖၣ်လီၤ.ကစၢ်ယွၤစံးဝဲဒၣ်.
30 ဒီးအအံၤမ့ၢ်ဝ့ၢ်အပဲတရီတဖၣ်, လၢကလံၤစိးတခီန့ၣ် ကမ့ၢ်အနီၣ်ထိၣ်တပိၢ်အစိၤလွံၢ်ကထိယဲၢ်ကယၤလီၤ.
31 ဒီးဝ့ၢ်အပဲတရီတဖၣ်အမံၤန့ၣ် ကဒ်သိးလီၤပျိာ်ဒီး အံၣ်စရ့လးအဒူၣ်တဖၣ်အမံၤလီၤ. လၢကလံၤစိးတခီ န့ၣ်ပဲတရီသၢဖျိအိၣ်, ရူၤဘ့ၣ်အပဲတရီတဖျိ, ယူဒၤ အပဲတရီတဖျိ, လ့ၤဝံအပဲတရီတဖျိလီၤ.
32 ဒီးလၢမုၢ်ထီၣ်တခီန့ၣ် ကမ့ၢ်အနီၣ်ထိၣ်တပိၢ်အစိၤ လွံၢ်ကထိယဲၢ်ကယၤ, ဒီးပဲတရီသၢဖျိအိၣ်, ယိၤသး အပဲတရီတဖျိ, ဘံၣ်ယၤမံၣ်အပဲတရီတဖျိ,ဒၣ်အပဲတ ရီတဖျိလီၤ.
33 ဒီးလၢကလံၤထံးတခီန့ၣ် ကမ့ၢ်အနီၣ်ထိၣ်တပိၢ်အ စိၤလွံၢ်ကထိယဲၢ်ကယၤ, ဒီးပဲတရီသၢဖျိထီၣ်,စူၤမ့း အိၣ်အပဲတရီတဖျိ, ယံးစၣ်ကၢ်အပဲတရီတဖျိ, စဘူ လိၣ်အပဲတရီတဖျိလီၤ.
34 လၢမုၢ်နုာ်တခီန့ၣ် ကမ့ၢ်အနီၣ်ထိၣ်တပိၢ်အစိၤလွံၢ် ကထိယဲၢ်ကယၤ, ဒီးအပဲတရီသၢဖျိအိၣ်,ကးအပဲတ ရီတဖျိ,အၤရှ့ၢ်အပဲတရီတဖျိ, နးသၤလံအပဲတရီတဖျိ လီၤ.
35 အနီၣ်ထိၣ်တပိၢ်ဝးတရံးဝဲန့ၣ် မ့ၢ်အစိၤတကလးဃိး ကထိလီၤ. ဒီးလၢမုၢ်တနံၤန့ၣ်လံၤလံၤဝ့ၢ်အမံၤမ့ၢ်,ယွၤ အိၣ်ဖဲန့ၣ်လီၤ.