45
1 ဒီးသုဖးတၢ်သတးဒီး, တုၤသုနီၤဖးထံဧိၤကီၢ်ဧိၤလၢ တၢ်န့ၢ်သါအဂီၢ်ဒီး, သုဘၣ်မၤဘူၣ်တၢ်ဝံၢ်ထီၣ်လၢ ယွၤအဂီၢ်,ကီၢ်တနီၤစီဆှံလီၤ. အထီကမ့ၢ်အနီၣ်ထိၣ် တပိၢ်အစိၤခံကလးယဲၢ်ကထိ, ဒီးအဒီၣ်ဃီၤကမ့ၢ်အ စိၤတကလးလီၤ. အဝဲန့ၣ်ကစီဆှံဝဲလၢအဃၢၤ ဝးတ ရံးဝဲခဲလၢာ်လီၤ.
2 လၢအဝဲန့ၣ်အပူၤအထီအစိၤယဲၢ်ကယၤ, ဒီးအဒီၣ် ဃီၤအစိၤယဲၢ်ကယၤ ကအိၣ်ဝဲလၢအလီၢ်စီဆှံအဂီၢ်, တၢ်လွံၢ်နၢၣ်ဝးတရံးဝဲလီၤ. ဒီးကလီၢ်ကအိၣ်လၢခိဝး တရံးဝဲန့ၣ်အဒီၣ်ဃီၤအပျၢ်ယဲၢ်ဆံလီၤ.
3 ဒီးလၢတၢ်ထိၣ်တ့ၢ်တၢ်အပူၤန့ၣ် နဘၣ်ထိၣ်အထီအ စိၤခံကလးယဲၢ်ကထိ, ဒီးအဒီၣ်ဃီၤအစိၤတကလး,ဒီး ကကဲထီၣ်အလီၢ်စီဆှံ, အလီၢ်စီဆှံကတၢၢ်လီၤ.
4 အန့ၣ်မ့ၢ်တၢ်စီဆှံလၢကီၢ်ပူၤအဂီၢ်တဂီၢ်, ကအိၣ်ဝဲ လၢပှၤလုၢ်တၢ်အဒိၣ်အဂီၢ်, ပှၤလၢအမၤတၢ်အလီၢ်စီ ဆှံအခ့အပှၤအတၢ်တဖၣ်, လၢအသုးဘူးအသးဒ်သိး, အကမၤယွၤအခ့အပှၤအတၢ်လီၤ. ဒီးကအိၣ်ဝဲလၢအ ဟံၣ်တဖၣ်အလီၢ်, ဒီးလၢတၢ်အလီၢ်စီဆှံအဂီၢ်,လၢ ယွၤအလီၢ်စီဆှံအဂီၢ်လီၤ.
5 ဒီးတၢ်လၢအထီမ့ၢ်အစိၤခံကလးယဲၢ်ကထိ, ဒီးအဒီၣ် ဃီၤအစိၤတကလးန့ၣ် ကအိၣ်ဝဲလၢပှၤလ့ၤဝံဖိ,ပှၤလၢ အမၤဟံၣ်အတၢ်မၤတဖၣ်, အဂီၢ်ဒၣ်ဝဲ,လၢအတၢ်ဟံး ဃာ်အဂီၢ်, ဒီးဒၢးဖိအဒၢးခံဆံလီၤ.
6 ဒီးသုဘၣ်ပာ်တၢ်အဒီၣ်ဃီၤအစိၤယဲၢ်ကထိ, ဒီးအ ထီအစိၤခံကလးယဲၢ်ကထိလၢဝ့ၢ်အဂီၢ် သဃီၤဒီးတၢ် အလီၢ်စီဆှံယူာ်ထီၣ်အသးလီၤ. ကအိၣ်ဝဲလၢအံၣ်စရ့ လးအပှၤဟံၣ်ဖိခဲလၢာ်အဂီၢ်လီၤ.
7 ဒီးတၢ်အဂီၢ်တဖၣ်လၢ ပဒိၣ်ဖးဒိၣ်အဂီၢ်န့ၣ်ကအိၣ် ဝဲလၢတၢ်စီဆှံအလီၢ်ယူာ်ထီၣ်အသး ဒီးလၢဝ့ၢ်အတၢ် ဟံးဃာ်လၢအဝဲတခီ, ဒီးလၢအဝဲတခီ, ဒီးလၢတၢ် အလီၢ်စီဆှံယူာ်ထီၣ်အသးဒီး ဝ့ၢ်အတၢ်ဟံးဃာ်အမဲာ် ညါလၢအဃၢၤလၢ မုၢ်နုာ်တခီဆူမုၢ်နုာ်တခီ, ဒီးလၢ အဃၢၤလၢမုၢ်ထီၣ်တခီဆူမုၢ်ထီၣ်တခီ, ဒီးအထီန့ၣ် ကအိၣ်သဃီၤဒီးတၢ်အဂီၢ်ကိးမံၤဒဲးလၢ အဃၢၤလၢမုၢ် နုာ်တခီပၢၢ်လၢအဃၢၤလၢမုၢ်ထီၣ်တခီလီၤ.
8 တၢ်လၢဟီၣ်ခိၣ်တပူၤန့ၣ် ကကဲထီၣ်အတၢ်ဟံးဃာ် လၢအံၣ်စရ့လးအကျါ ဒ်သိးယပဒိၣ်ဖးဒိၣ်တဖၣ်တ မၤအၢလၢၤဘၣ်ယပှၤဂီၢ်မုၢ်လၢၤဘၣ်. မ့မ့ၢ်ဒ်သိးအက ဟ့ၣ်လီၤဟီၣ်ခိၣ်လၢအအိၣ်လီၤတဲာ်န့ၣ်လၢ အံၣ်စရ့ လးအပှၤဟံၣ်ဖိဒ်အဒူၣ်တဖၣ်အသိးန့ၣ်လီၤ.
9 ကစၢ်ယွၤစံးဒ်အံၤ, မ်တၢ်န့ၣ်အါလၢသုဂီၢ်တက့ၢ်, အံၣ်စရ့လးအပဒိၣ်သ့ၣ်ဧၢ, ပာ်ကွံာ်တၢ်မၤန့ၢ်ဆူၣ်,ဒီး တၢ်ဂုာ်ဆူၣ်ပျီဆူၣ်လၢသုအိၣ်တက့ၢ်, ဒီးမၤတၢ်စံၣ် ညီၣ်,ဒီးတၢ်တီတၢ်လိၤတက့ၢ်, ဒီးဆိတ့ၢ်သုဟီထီၣ် ကွံာ်ယပှၤဂီၢ်မုၢ်တက့ၢ်,ကစၢ်ယွၤစံးဝဲဒၣ်. အိၣ်ဒီးစီၤပီၢ်တီ, ဒီးအ့ဖးတီ,ဒီးဘၤသးတီတက့ၢ်.
10 10
11 အ့ဖး,ဒီးဘၤသးဘၣ်တြီၢ်တၢ်ထဲသိးသိး, ဒ်သိးဘၤသး ကတြီၢ်ဃိမ့ၢ်ဆံဆဲၣ်ပူတပူ, ဒီးအ့ဖးကတြီၢ်ဃိမ့ၢ်ဆံ ဆဲၣ်ပူတပူလီၤ. တၢ်အဃီၣ်န့ၣ်ကမ့ၢ်ဃိမ့ၢ်အတၢ်ဃီၣ် လီၤ.
12 ဒီးၡက့လးကထဲသိးဒီးက့ရၤခံဆံလီၤ. ၡက့လးခံဆံ, ၡက့လးခံဆံယဲၢ်, ဒီးၡက့လးတဆံယဲၢ်န့ၣ်ကကဲထီၣ် မၤနၤတမၤနၤလၢသုဂီၢ်လီၤ.
13 အအံၤမ့ၢ်တၢ်ယူာ်ထီၣ်လၢ သုဘၣ်မၤဘူၣ်လၢ ဘု ကၠူၣ်တဃိမ့ၢ်အပူၤန့ၣ် အ့ဖးဃုပူတပူ, ဒီးလၢဘုမု ယီၤတဃိမ့ၢ်အပူၤန့ၣ်အ့ဖးဃုပူတပူလီၤ.
14 တၢ်မၤလိာ်ဘၣ်ဃးဒီးတၢ်သိန့ၣ် သုဘၣ်မၤဘူၣ်ဘၤ သးဆံဆဲၣ်ပူတပူလၢကိၢ်တကိၢ်အပူၤလီၤ. တကိၢ်န့ၣ် မ့ၢ်ဆံဆဲၣ်ဘၤသးလီၤ. အဂ့ၢ်ဒ်အံၤ,ဆံဆဲၣ်ဘၤသးမ့ၢ် တဃိမ့ၢ်လီၤ.
15 ဒီးသုဘၣ်မၤဘူၣ်တၢ်အဖိတဒုလၢ သိဒီးမဲာ်တဲးလဲး အကျါ, လၢခံကယၤလၢအအိၣ်ဝဲလၢအံၣ်စရ့လးအ တၢ်အီၣ်ဆၣ်အလီၢ် ဘၣ်စီၣ်ကစီဒီတဖၣ်အကျါလၢ တၢ်မၤဘူၣ်ကိၣ်,ဒီးလၢတၢ်လုၢ်မ့ၣ်အူအဂီၢ်, ဒီးလၢတၢ် လုၢ်စံးထီၣ်ပတြၢၤအဂီၢ်ဒ်သိး အကမၤတၢ်ပူၤဖျဲးလၢ အဂီၢ်လီၤ, ကစၢ်ယွၤစံးဝဲဒၣ်.
16 ပှၤကီၢ်ဖိခဲလၢာ်မၤဘူၣ် တၢ်ဝံၢ်ထီၣ်အံၤလၢအံၣ်စရ့ လးအပဒိၣ်ဖးဒိၣ်အဂီၢ်လီၤ.
17 ဒီးပဒိၣ်ဖးဒိၣ်န့ၣ်ဘၣ်ဟ့ၣ်တၢ်လုၢ်မ့ၣ်အူ, ဒီးတၢ်မၤ ဘူၣ်ကိၣ်, ဒီးတၢ်လုၢ်အီလၢတၢ်မၤဘူၣ်နံၤတဖၣ်အပူၤ, ဒီးလၢလါထီၣ်သီအနံၤတဖၣ်, ဒီးလၢတၢ်အိၣ်ဘှံးအ နံၤတဖၣ်, လၢအံၣ်စရ့လးအပှၤဟံၣ်ဖိအတၢ်အိၣ်ဖှိၣ် အမုၢ်နံၤခဲလၢာ်အပူၤလီၤ. ဒီးဘၣ်တၢ်မၤဘူၣ်တၢ်လုၢ် တၢ်ဒဲးဘး, ဒီးတၢ်မၤဘူၣ်ကိၣ်, ဒီးတၢ်လုၢ်မ့ၣ်အူ,ဒီး တၢ်လုၢ်မၤဃူမၤဖိး, ဒ်သိးအကမၤတၢ်ပူၤဖျဲးလၢအံၣ် စရ့လးအပှၤဟံၣ်ဖိအဂီၢ်လီၤ.
18 ကစၢ်ယွၤစံးဒ်အံၤ, လၢလါခီၣ်ထံး,လါထီၣ်တနံၤန့ၣ် နဘၣ်ဟံးန့ၢ်ဂီၤဖံးဖါဖိအလၢအပှဲၤတဒု, ဒီးမၤကဆှီ တၢ်အလီၢ်စီဆှံလီၤ.
19 ဒီးပှၤလုၢ်တၢ်အဒိၣ်ကဘၣ်ဟံးန့ၢ် တၢ်လုၢ်တၢ်ဒဲးဘး အသွံၣ်တနီၤ, ဒီးပာ်လၢဟံၣ်အထူၣ်တဖၣ်အလိၤ,ဒီး လၢတၢ်လုၢ်လီၢ်အသကျီၤလွံၢ်နၢၣ်အလိၤ, ဒီးလၢတၢ် ဂၢၤလၢညါခီတပူၤအပဲတရီအထူၣ်လိၤလီၤ.
20 ပှၤလၢအနာ်ကမၣ်တၢ်အဃိမ့ၢ်ဂ့ၤ, ပှၤလၢအတမၤ လိဘၣ်တၢ်ဘၣ်အဃိမ့ၢ်ဂ့ၤ, မ့ၢ်မၤကမၣ်တၢ်ဒီး,လါ ထီၣ်နွံနံၤတနံၤန့ၣ် နဘၣ်မၤဒ်န့ၣ်အသိးလီၤ.ဒီးသုဘၣ် မၤတၢ်ပူၤဖျဲးလၢဟံၣ်အဂီၢ်လီၤ.
21 လါခီၣ်ထံး, လါထီၣ်တဆံလွံၢ်နံၤတနံၤန့ၣ်သုဘၣ် မၤဘူၣ်လဲၤကပာ်တၢ်, ဘၣ်မၤဘူၣ်နွံနံၤလီၤ. ပှၤဘၣ် အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်ကိးဂၤဒဲးလီၤ.
22 ဒီးတၢ်လၢမုၢ်တနံၤန့ၣ်ပဒိၣ်ဖးဒိၣ် ဘၣ်လုၢ်ဂီၤဖံးဖါ တဒုလၢတၢ်လုၢ်တၢ်ဒဲးဘးအဂီၢ်, လၢအဂီၢ်ဒၣ်ဝဲ, ဒီး လၢပှၤဂီၢ်မုၢ်လၢထံဧိၤကီၢ်ဧိၤအပူၤခဲလၢာ်အဂီၢ်လီၤ.
23 ဒီးလၢတၢ်မၤဘူၣ်နွံနံၤအတီၢ်ပူၤန့ၣ် ဘၣ်လုၢ်ယွၤလၢ တၢ်လုၢ်မ့ၣ်အူ,ဂီၤဖံးဖါနွံဒု, ဒီးသိဖါနွံဒုအလၢအပှဲၤ, ကိးနံၤဒဲးလၢနွံနံၤအတီၢ်ပူၤ, ဒီးမဲာ်တဲးလဲးဖါတဒုလၢ တၢ်လုၢ်တၢ်ဒဲးဘးအဂီၢ်ကိးမုၢ်နံၤဒဲးလီၤ.
24 ဒီးဘၣ်မၤဘူၣ်တၢ်မၤဘူၣ်ကိၣ်, တအ့ဖးလၢဂီၤဖံးတ ဒုအဂီၢ်, ဒီးတအ့ဖးလၢသိဖါတဒုအဂီၢ်,ဒီးတၢ်သိတ ဟံၣ်လၢတအ့ဖးအဂီၢ်လီၤ.
25 လၢလါနွံလါတလါ, ထီၣ်တဆံယဲၢ်နံၤတနံၤန့ၣ်ဘၣ် မၤဒ်န့ၣ်, ဒီးလၢတၢ်မၤဘူၣ်နွံနံၤအတီၢ်ပူၤ ဒ်တၢ်လုၢ် တၢ်ဒဲးဘးဒီးတၢ်လုၢ်မ့ၣ်အူ, ဒီးတၢ်မၤဘူၣ်ကိၣ်, ဒီး တၢ်သိန့ၣ်အသိးလီၤ.