44
1 ဒီးစိာ်ထီၣ်ကဒါက့ၤယၤလၢ ကျဲဆူတၢ်အလီၢ်စီဆှံ အပဲတရီလၢခိတဖျိလၢအဖျိဝဲဆူမုၢ်ထီၣ်တခီ, ဒီးကး တံာ်ဃာ်အသးလီၤ.
2 ဒီးယွၤစံးဘၣ်ယၤ, ပဲတရီတဖျိအံၤဘၣ်ကးတံာ်ဃာ် အသးလီၤ. တၢ်တဘၣ်အိးထီၣ်အီၤဘၣ်.ဒီးပှၤတဘၣ် လဲၤနုာ်ဘၣ်လၢအပူၤနီတဂၤဘၣ်. အဂ့ၢ်ဒ်အံၤ,ယွၤအံၣ် စရ့လးအကစၢ်လဲၤနုာ်တ့ၢ်လၢအီၤလီၤ. မၤသးဒ်န့ၣ် ဒီးကဘၣ်ကးတံာ်ဃာ်အသးလီၤ.
3 ပဒိၣ်ဖးဒိၣ်, ပဒိၣ်ဖးဒိၣ်အဝဲဒၣ်ကဆ့ၣ်နီၤဝဲလၢအ ပူၤဒ်သိးအကအီၣ်တၢ်အီၣ်လၢယွၤအမဲာ်ညါ, ကလဲၤ နုာ်ဝဲလၢပဲတရီအတၢ်ခိၣ်ဒုးထီၣ်အသး, ဒီးကဟးထီၣ် ဝဲလၢအကျဲတဘိဃီန့ၣ်လီၤ.
4 ဒီးစိာ်ထီၣ်ယၤဆူပဲတရီလၢကလံၤစိးတခီ လၢဟံၣ် အမဲာ်ညါ, ဒီးယကွၢ်,ဒီးကွၢ်ကွၢ်,ယွၤအလၤကပီၤမၤ ပှဲၤယွၤအဟံၣ်, ဒီးယထိၣ်လီၤဃံၤအီထီလာ်ယသး လီၤ.
5 ဒီးယွၤစံးဘၣ်ယၤ, ပှၤကညီဖိခွါဧၢ,တိၢ်လၢနသးဒီး ကွၢ်လၢနမဲာ်,ဒိးနနၢ်လၢ ကယဲၢ်တၢ်လၢယစံးဘၣ်နၤ လၢယွၤအဟံၣ်အတၢ်မၤလိာ်အဂ့ၢ်ဒီး အတၢ်သိၣ်တၢ် သီ, ဒီးတိၢ်လၢနသးလၢတၢ်လဲၤနုာ်ဟံၣ်ပူၤ,ဒီးကယဲၢ် တၢ်ဟးထီၣ်လၢ တၢ်အလီၢ်စီဆှံအကျဲတဘိလၢ်လၢ် န့ၣ်တက့ၢ်.
6 ဒီးစံးဘၣ်ပှၤအံၣ်စရ့လးအပှၤဟံၣ်ဖိ, လၢအပူထီၣ် ဒၣ်တၢ်, ကစၢ်ယွၤစံးဒ်အံၤ,ပှၤအံၣ်စရ့လးအပှၤဟံၣ် ဖိသ့ၣ်ဧၢ,
7 လၢကယဲၢ်သုတၢ်မၤဘၣ်အၢတဖၣ်အဖီ ခိၣ်န့ၣ်မ့ၢ်သုဒုးဟဲနုာ်ပှၤတခီဘီမုၢ်ဖိ, ပှၤတဒိးဘၣ်တၢ် ကူးတရံးလၢသး, ဒီးတဒိးတၢ်ကူးတရံးလၢညၣ်,လၢ ယလီၢ်စီဆှံအပူၤသတးဒီး, သုမၤဘၣ်အၢယဟံၣ်ဖဲအ ကတီၢ်လၢသုမၤဘူၣ်တၢ်အီၣ်, တၢ်သိ,ဒီးတၢ်သွံၣ်,ဒီး မၤဟးဂီၤယတၢ်အၢၣ်လီၤအီလီၤလၢ သုတၢ်သးဘၣ် အၢအဃိသတးဒီး, မ်သုမံသူၣ်မံသးလၢသုတၢ်သး ဘၣ်အၢအဂ့ၢ်တက့ၢ်.
8 ဒီးသုတကွၢ်ဘၣ်တၢ်ပၢၤယလီၢ်စီဆှံဘၣ်, မ့မ့ၢ်သုပာ် ပှၤကွၢ်တၢ်ပၢၤယလီၢ်စီဆှံလၢသုဂီၢ်ဒၣ်သုဝဲလီၤ.
9 ကစၢ်ယွၤစံးဒ်အံၤ, ပှၤတခီဘီမုၢ်ဖိတဒိးဘၣ်တၢ်ကူး တရံးလၢသး, ဒီးတဒိးဘၣ်တၢ်ကူးတရံးလၢညၣ်လၢ ပှၤတခီဘီမုၢ်ဖိအိၣ်လၢ ပှၤအံၣ်စရ့လးဖိအကျါန့ၣ်တ ဘၣ်လဲၤနုာ်ဘၣ်ဆူယလီၢ်စီဆှံအပူၤနီတဂၤဘၣ်.
10 မ့မ့ၢ်ပှၤလ့ၤဝံဖိဒၣ်လဲာ်လၢ အလဲၤသဒၣ်ယၤဆူအ ယံၤဖဲအကတီၢ်လၢ အံၣ်စရ့လးဟးဖျိးကျဲလၢအဟး ဖျိးတၢ်လၢယၤ, ဒီးလဲၤထွဲအတၢ်ဂီၤတၢ်ဖီၣ်အခံန့ၣ်အ ဝဲသ့ၣ်တဖၣ်န့ၣ်ကဘၣ်အတၢ်ဒဲးဘးလီၤ.
11 ဘၣ်ဆၣ်ဒီးကမၤယခ့ယပှၤအတၢ်လၢ ယလီၢ်စီဆှံ အပူၤ, ကပၢၤတၢ်ဖဲဟံၣ်အပဲတရီ, ဒီးကမၤဟံၣ်အခ့ အပှၤအတၢ်မၤလီၤ. ကမၤသံတၢ်လုၢ်မ့ၣ်အူ,ဒီးတၢ်လုၢ် လၢပှၤဂီၢ်မုၢ်အဂီၢ်, ဒီးကဆၢထၢၣ်လၢအမဲာ်ညါဒ်သိး အကမၤပှၤဂီၢ်မုၢ်အခ့အပှၤအတၢ်လီၤ.
12 မ့ၢ်အမၤတၢ်အခ့အပှၤအတၢ်လၢ အတၢ်ဂီၤတၢ်ဖီၣ် အမဲာ်ညါ, ဒီးဒုးလီၤကမၣ်အံၣ်စရ့လးအပှၤဟံၣ်ဖိဒီး, ယယူာ်ထီၣ်လံယစုထီဒါအီၤ, ဒီးယဆိၣ်လၢအက ဘၣ်အတၢ်ဒဲးဘးလီၤ,ကစၢ်ယွၤစံးဝဲဒၣ်.
13 ဒီးတဘၣ်သုးဘူးအသးဆူယအိၣ် ဒ်သိးအကမၤပှၤ လုၢ်တၢ်အဒိၣ်အတၢ်လၢယဂီၢ်, ဒီးတဘၣ်သုးဘူးဘၣ် အသးဒ်သိး အကမၤယတၢ်စီဆှံတမံၤလၢတၢ်အလီၢ် စီဆှံကတၢၢ်နီတမံၤဘၣ်လီၤ. မ့မ့ၢ်ဘၣ်တူၢ်အတၢ်မဲာ် ဆှးဒီးအတၢ်သးဘၣ်အၢလၢအမၤတ့ၢ်တၢ်လီၤ.
14 ဘၣ်ဆၣ်ဒီးယကပာ်အီၤလၢ ပှၤကွၢ်တၢ်ပၢၤဟံၣ်လၢ အတၢ်မၤခဲလၢာ်အဂီၢ်, ဒီးလၢကယဲၢ်တၢ်လၢပှၤကမၤ ဝဲလၢအပူၤခဲလၢာ်အဂီၢ်လီၤ.
15 မ့မ့ၢ်ပှၤလုၢ်တၢ်အဒိၣ်, ပှၤလ့ၤဝံဖိ,စီၤစၤဒိးအဖိခွါလၢ အကွၢ်တၢ်ပၢၤယလီၢ်စီဆှံဖဲ အကတီၢ်လၢပှၤအံၣ်စရ့ လးဖိဟးဖျိလၢယအိၣ်န့ၣ် ကသုးဘူးအသးဆူယအိၣ် ဒ်သိးအကမၤယခ့ယပှၤအတၢ်, ဒီးကဆၢထၢၣ်လၢ ယမဲာ်ညါဒ်သိးအကလုၢ်ယၤလၢ တၢ်သိဒီးတၢ်သွံၣ်, ကစၢ်ယွၤစံးဝဲဒၣ်.
16 ကလဲၤနုာ်ဝဲဆူယလီၢ်စီဆှံအပူၤ, ဒီးကသုးဘူးအသး ဆူယစီၢ်နီၤခိၣ်အအိၣ်ဒ်သိး အကမၤယခ့ယပှၤအတၢ်, ဒီးကကွၢ်ယတၢ်ပၢၤလီၤ.
17 ဒီးတုၤအလဲၤနုာ်လၢ တၢ်အဂၢၤလၢညါတပူၤအပဲ တရီန့ၣ်တၢ်ကမၤအသးလၢ အကသိးဝဲဒီး ဖှီဝါက ဆှၣ်, ဒီးသိအဆူၣ်တဘၣ်ဟဲဘူးဘၣ်ဒီးအီၤ လၢအမၤ တၢ်လၢတၢ်ဂၢၤလၢညါတပူၤအပဲတရီ, ဒီးလၢဟံၣ်လၢ ညါခီအဖၢမုၢ်န့ၣ်ဘၣ်.
18 ဒီးဘၣ်အိၣ်ဒီးအခိၣ်ဖၢၣ်ဖှီဝါကဆှၣ် လၢအခိၣ်,ဒီး တၢ်ဖျီၣ်ခံဖှီဝါကဆှၣ်လၢအယီၢ်ဒ့, ဒီးတဘၣ်ကံၢ်တူာ် ဘၣ်အသးလၢတၢ်ဒုးကပၢၤထီၣ်တၢ်ဘၣ်.
19 ဒီးတုၤအဟးထီၣ်ဆူဂၢၤလၢခိတပူၤ, ဆူဂၢၤလၢခိ လၢပှၤဂီၢ်မုၢ်အအိၣ်ဒီး, ကဘ့ၣ်ကွံာ်အကူအသိးလၢ အမၤအတၢ်လၢအပူၤဒီး ပာ်အီၤလၢဒၢးဖိစီဆှံတဖၣ် အပူၤ, ဒီးကူထီၣ်သိးထီၣ်တၢ်အကူအသိးအဂၤ,ဒ်သိး အသုတမၤစီဆှံပှၤဂီၢ်မုၢ်လၢအကူအသိးတဂ့ၤလီၤ.
20 ဒီးတဘၣ်လူၤဘၣ်အခိၣ်ဘၣ်, ဒီးတဘၣ်ဒုးထီထီၣ် အခိၣ်သူထီထီကလဲာ်ဘၣ်. ဘၣ်တံာ်အခိၣ်သူလီၤ.
21 ဒီးတုၤပှၤလုၢ်တၢ်အဒိၣ် လဲၤနုာ်လၢဂၢၤလၢညါခီတ ပူၤဒီး, တဘၣ်အီဘၣ်စပံးထံနီတဂၤဘၣ်.
22 ဒီးပှၤမုၣ်ကမဲမ့ၢ်ဂ့ၤ, ပိာ်မုၣ်လီၤဖှၣ်ဒီးအဝၤမ့ၢ်ဂ့ၤ,တ ဘၣ်န့ၢ်ဘၣ်မါလၢအီၤဘၣ်. ဘၣ်ဟံးန့ၢ်ပှၤမုၣ်ကနီၤ လၢအံၣ်စရ့လးအပှၤဟံၣ်ဖိအချံအသၣ်အကျါလီၤ. မ့ တမ့ၢ်ဘၣ်ဒီးကဟံးန့ၢ် ပှၤမုၣ်ကမဲလၢအမ့ၢ်တ့ၢ်ပှၤလုၢ် တၢ်အဒိၣ်အမါလီၤ.
23 ဒီးကသိၣ်လိယပှၤဂီၢ်မုၢ်လၢတၢ်စီဆှံ ဒီးတၢ်တဘၣ် ပာ်စီဆှံအီၤအဆၢ, ဒီးဒုးနီၤဖးအီၤလၢတၢ်ကဆှီဒီးတၢ် တကဆှီဘၣ်အဆၢလီၤ.
24 ဒီးလၢပှၤလိာ်ကွီၢ်န့ၣ် ကဆၢထၢၣ်ဝဲဒ်သိးအကစံၣ် ညီၣ်ကွီၢ်လီၤ. ကစံၣ်ညီၣ်ဝဲဒ်ယတၢ်စံၣ်ညီၣ်အသိးန့ၣ် ဒီးတိၢ်န့ၢ်ယတၢ်သိၣ်တၢ်သီ, ဒီးယတၢ်မၤလိာ်လၢယ မၤဘူၣ်အဆၢအကတီၢ်ခဲလၢာ်အပူၤ, ဒီးကပာ်စီဆှံယ အိၣ်ဘှံးနံၤတဖၣ်လီၤ.
25 ဒီးတဘၣ်ဟဲဘူးဘၣ်ဆူ ပှၤသံလၢအကမၤတကဆှီ ဘၣ်အသးနီတဂၤဘၣ်. ဘၣ်ဆၣ်ဒီးလၢပၢ်အဂီၢ်မ့ၢ်ဂ့ၤ, လၢမိၢ်အဂီၢ်မ့ၢ်ဂ့ၤ, လၢဖိခွါအဂီၢ်မ့ၢ်ဂ့ၤ, လၢဖိမုၣ်အ ဂီၢ်မ့ၢ်ဂ့ၤ, လၢဒီပုၢ်ဝဲၢ်ခွါအဂီၢ်မ့ၢ်ဂ့ၤ, လၢဒီပုၢ်ဝဲၢ်မုၣ် လၢအဝၤတအိၣ်ဘၣ်အဂီၢ်မ့ၢ်ဂ့ၤ, ကမၤတကဆှီဘၣ် အသးလီၤ.
26 ဒီးလၢတၢ်သ့စီကွံာ်အီၤအလီၢ်ခံန့ၣ်, ပှၤကဂံၢ်လၢအ ဂီၢ်နွံနံၤလီၤ.
27 မုၢ်တနံၤလၢအလဲၤနုာ်လၢတၢ်အလီၢ် စီဆှံအပူၤ, ဆူဂၢၤလၢညါခီတပူၤဒ်သိး အကမၤတၢ် လၢတၢ်အလီၢ်စီဆှံအပူၤဒီး, ကလုၢ်အတၢ်လုၢ်တၢ်ဒဲး ဘးလီၤ,ကစၢ်ယွၤစံးဝဲဒၣ်.
28 ဒီးတၢ်န့ၣ်ကကဲထီၣ်အတၢ်န့ၢ်သါလီၤ. ယဲဒၣ်အံၤ ယမ့ၢ်အတၢ်န့ၢ်သါလီၤ. ဒီးသုတဘၣ်ဟ့ၣ်လီၤဘၣ်အီၤ လၢတၢ်န့ၢ်သါလၢအံၣ်စရ့လးအကျါ နီတမံၤဘၣ်,ယဲ ဒၣ်အံၤယမ့ၢ်အတၢ်န့ၢ်သါလီၤ.
29 ကအီၣ်ဘၣ်တၢ်မၤဘူၣ်ကိၣ်, ဒီးတၢ်လုၢ်တၢ်ဒဲးဘး, ဒီးတၢ်လုၢ်တၢ်ကမၣ်, ဒီးကယဲၢ်တၢ်မၤဘူၣ်လၢအံၣ်စ ရ့လးအကျါတမံၤလၢ်လၢ်, ကကဲထီၣ်အတၢ်လီၤ.
30 ဒီးတၤသၣ်ဆိအခီၣ်ထံးလၢ တၢ်ခဲလၢာ်အကျါ,ဒီး ကယဲၢ်တၢ်ဝံၢ်လၢသုဝံၢ်ထီၣ် မၤဘူၣ်ခဲလၢာ်အကျါကိး မံၤဒဲးန့ၣ်ကကဲထီၣ်ပှၤလုၢ်တၢ်အဒိၣ်အတၢ်လီၤ. သု ဘၣ်ဟ့ၣ်ပှၤလုၢ်တၢ်အဒိၣ်လၢ သုကိၣ်ကမူၣ်ဆိဒ်သိး အကဒုးအိၣ်ဒုးဆိးတၢ်ဆိၣ်ဂ့ၤလၢသုဟံၣ်ပူၤလီၤ.
31 ထိၣ်ဧိၤလံၣ်ဧိၤမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ,တၢ်လၢအ သံဒၣ်တၢ်မ့ၢ်ဂ့ၤ, လၢအဘၣ်တၢ်အ့ၣ်ဖှီကွံာ်အီၤမ့ၢ်ဂ့ၤ န့ၣ်ပှၤလုၢ်တၢ်အဒိၣ်တဘၣ်အီၣ်ဘၣ်လီၤ.