36
1 ဒီးနဲဒၣ်ပှၤကညီဖိခွါဧၢ, ကတိၤတၢ်လၢဝံကျိာ်လၢ အံၣ်စရ့လးအကစၢၢ်ကလိအဂ့ၢ်, ဒီးစံး,အံၣ်စရ့လးအ ကစၢၢ်သ့ၣ်ဧၢ, ကနၣ်ကစၢ်ယွၤအကလုၢ်တက့ၢ်.
2 ကစၢ်ယွၤစံးဒ်အံၤ, မ့ၢ်တၢ်အဒုၣ်အဒါစံးလၢသုဂ့ၢ်, ကျၢၤသးတၢ်အလီၢ်ထီၣ်ထီအထူအယိာ် ကဲထီၣ်ပတၢ် န့ၢ်သါအလီၢ်လံဒီး,
3 ကတိၤတၢ်လၢဝံကျိာ်ဒီးစံး,က စၢ်ယွၤစံးဒ်အံၤ, မ့ၢ်မးမ့ၢ်ပှၤမၤသယုၢ်သု,ဒီးယူၢ်လီၤ ကွံာ်သုကိးခီဒဲး, ဒ်သိးသုကကဲထီၣ်တၢ်န့ၢ်သါလၢပှၤ ကလုာ်တဖၣ်လၢအအိၣ်လီၤတဲာ်အဂီၢ်, ဒီးတၢ်ကတိၤ တၢ်အလီၢ်လၢ ပှၤကတိၤဒၣ်တၢ်အဂီၢ်ဒီးတၢ်ဒုၣ်ဒွဲၣ် အလီၢ်လၢပှၤဂီၢ်မုၢ်အဂီၢ်,
4 မၤသးဒ်န့ၣ်ဒီးအံၣ်စရ့လးအကစၢၢ်သ့ၣ်ဧၢ, ကနၣ် ကစၢ်ယွၤအကလုၢ်တက့ၢ်. ကစၢ်ယွၤစံးလၢကစၢၢ်က လိ,ဒီးတၢ်စိခိၣ်, ဒီးကစၢၢ်ကဆူး,ဒီးတၢ်ပျီပူၤတၢ်အ လီၢ်အိၣ်သယုၢ်, ဒီးဝ့ၢ်တဖၣ်လၢပှၤလဲၤသဒၣ်အီၤလၢ အကဲထီၣ်တၢ်ဂုာ်န့ၢ်, ဒီးတၢ်မၤတရီတပါအလီၢ်လၢ ပှၤကလုာ်လၢအအိၣ်လီၤတဲာ်တဖၣ်အဂီၢ်,
5 မၤသးဒ် န့ၣ်ဒီးကစၢ်ယွၤစံးဒ်အံၤ, မ့ၢ်မးယကတိၤတ့ၢ်တၢ်လၢ ယသးက့ၣ်ထီဒါပှၤကလုာ်တဖၣ်လၢအအိၣ်လီၤတဲာ်, ဒီးထီဒါပှၤအဒိၣ်ဖိခဲလၢာ်လၢအဟံးန့ၢ်ပာ် ယကီၢ်လၢ အဂီၢ်ဒၣ်ဝဲလၢအသးခုလၢအသးဒီဖျၢၣ်ညါ, ဒီးပာ်က ဖိအသးဒ်သိးအကပာ်အီၤလၢ တၢ်ဂုာ်န့ၢ်အလီၢ်လၢအ သးလီၤ.
6 မၤသးဒ်န့ၣ်ဒီးကတိၤတၢ်လၢဝံကျိာ် လၢကီၢ်အံၣ်စ ရ့လးအဂ့ၢ်, ဒီးစံးဘၣ်ကစၢၢ်ကလိ,ဒီးတၢ်စိခိၣ်,ဒီးက စၢၢ်ကဆူး,ဒီးတၢ်ပျီပူၤ,ကစၢ်ယွၤစံးဒ်အံၤ, ကွၢ်ကွၢ်, ယကတိၤတ့ၢ်တၢ်လၢယသးက့ၣ်, ဒီးလၢယသးကဲၤ ထီၣ်လီၤ. အဂ့ၢ်ဒ်အံၤ, သုဘၣ်တ့ၢ်ပှၤကလုာ်တဖၣ် အတၢ်ဒုၣ်ဒွဲၣ်လီၤ.
7 မၤသးဒ်န့ၣ်ဒီးကစၢ်ယွၤစံးဒ်အံၤ, ယယူာ်ထီၣ်လံယ စုလံ,ဒီးယဆိၣ်, မ့ၢ်မးပှၤကလုာ်တဖၣ်လၢအအိၣ်ဝး တရံးသု,အဝဲသ့ၣ်ကဘၣ်အတၢ်ဒုၣ်ဒွဲၣ်လီၤ.
8 မ့မ့ၢ်သုဝဲသ့ၣ်အံၣ်စရ့လးအကစၢၢ်သ့ၣ်ဧၢ, သုကယူာ် ထီၣ်သုသ့ၣ်အဒ့, ဒီးသၣ်ထီၣ်တၢ်လၢယပှၤဂီၢ်မုၢ်အံၣ် စရ့လးအဂီၢ်လီၤ. အဂ့ၢ်ဒ်အံၤ, ဘူးဒီးအကဟဲလီၤ.
9 အ ဂ့ၢ်ဒ်အံၤ, ကွၢ်ကွၢ်, ယအိၣ်လၢသုဂီၢ်, ဒီးယကဃၣ်ယ သးဆူသုအိၣ်,ဒီးပှၤကထဲၣ်သု,ဒီးဖှံတၢ်လၢသုလိၤလီၤ.
10 ဒီးယကမၤအါထီၣ်ပှၤကညီလၢသုလိၤ, ကယဲၢ်အံၣ် စရ့လးအပှၤဟံၣ်ဖိခဲလၢာ်ဒၣ်လဲာ်, အဝဲသ့ၣ်ခဲလၢာ်, ဒီးပှၤကအိၣ်ကဆိးလၢဝ့ၢ်တဖၣ်အပူၤ, ဒီးပှၤကမၤထီၣ် က့ၤတၢ်အိၣ်သယုၢ်လီၤ.
11 ဒီးယကမၤအိၣ်ထီၣ်ပှၤကညီ, ဒီးဆၣ်ဖိကီၢ်ဖိလၢသု လိၤ, ဒီးကအါထီၣ်ဝဲ,ဒီးသၣ်ထီၣ်, ဒီးတၢ်ကအိၣ်က ဆိးလၢသုလိၤဒ်လၢပျၢၤအသိးန့ၣ်, ဒီးယကမၤသုဂ့ၤ န့ၢ်လၢအခီၣ်ထံးတက့ၢ်, ဒီးသုကသ့ၣ်ညါလၢယမ့ၢ် ယွၤလီၤ.
12 ဒီးယကဒုးလဲၤပှၤကညီလၢသုလိၤ, ယပှၤဂီၢ်မုၢ်အံၣ် စရ့လးဒၣ်လဲာ်, ဒီးကန့ၢ်သါနၤ,ဒီးနကကဲထီၣ်အတၢ် န့ၢ်သါ,ဒီးနတမၤတူာ်ဖိလၢၤဘၣ်အဖိဘၣ်.
13 ကစၢ်ယွၤစံးဒ်အံၤ, မ့ၢ်အဝဲသ့ၣ်စံးဘၣ်သု,နအီၣ်ကွံာ် ပှၤကညီ,ဒီးမၤတူာ်ဖိပှၤကလုာ်တဖၣ်လီၤ.
14 မၤသးဒ် န့ၣ်ဒီးနတအီၣ်လၢၤဘၣ်ပှၤကညီဘၣ်, ဒီးနတဒုးတူာ် ဖိလၢၤဘၣ်နပှၤကလုာ်တဖၣ်ဘၣ်, ကစၢ်ယွၤစံးဝဲ ဒၣ်,
15 ဒီးယတဒုးဟူထီၣ်လၢၤဘၣ် ပှၤကလုာ်တဖၣ် အတၢ်ဒုၣ်ဒွဲၣ်နၤဘၣ်, ဒီးနတဘၣ်လၢၤဘၣ်ပှၤဂီၢ်မုၢ်အ တၢ်မၤတရီတပါဘၣ်, ဒီးနတဒုးတူာ်ဖိလၢၤဘၣ်နပှၤ ကလုာ်ဘၣ်, ကစၢ်ယွၤစံးဝဲဒၣ်.
16 ဒီးယွၤအကလုၢ်ဘၣ်ယၤ, ဒီးစံးဝဲဒၣ်,
17 ပှၤကညီ ဖိခွါဧၢ, လၢပှၤအံၣ်စရ့လးဖိအိၣ်ဆိးဝဲလၢ အကီၢ်ဒၣ် ဝဲအပူၤန့ၣ်မၤဘၣ်အၢအီၤလၢအကျဲ, ဒီးလၢအမၤတၢ် လီၤ. အကျဲလၢယမဲာ်ညါမၤသးဒ်ပိာ်မုၣ်လၢအဆှုၣ် အသးအတၢ်တကဆှီဘၣ်အသိးန့ၣ်လီၤ.
18 ဒီးယလူလီၤယသးကဲၤထီၣ်လၢအဖီခိၣ်လၢ တၢ်သွံၣ် လၢအလူလီၤဝဲလၢထံဧိၤကီၢ်ဧိၤအပူၤအဃိ, ဒီးလၢအ မၤဘၣ်အၢအီၤလၢအတၢ်ဂီၤတၢ်ဖီၣ်အဃိလီၤ.
19 ဒီးယမၤလီၤပြံလီၤပြါအီၤလၢ ပှၤကလုာ်တဖၣ်အ ကျါ,ဒီးလီၤမုၢ်လီၤဖးဝဲလၢကီၢ်တဖၣ်အပူၤလီၤ. ယစံၣ် ညီၣ်အီၤဒ်အကျဲအသိး, ဒီးဒ်အမၤတၢ်အသိးန့ၣ်လီၤ.
20 ဒီးတုၤအလဲၤတုၤဝဲလၢပှၤကလုာ်တဖၣ်အကျါ, ဖဲအ လဲၤတၢ်ဒီး, မၤဘၣ်အၢယမံၤစီဆှံလီၤ.ပှၤစံးလၢအဂ့ၢ် န့ၣ်,အဝဲအံၤမ့ၢ်ယွၤအပှၤဂီၢ်မုၢ်, ဒီးဟးထီၣ်ကွံာ်လၢအ ကီၢ်ပူၤလီၤ.
21 ဒီးယသးလီယမံၤစီဆှံလၢ ပှၤအံၣ်စရ့လးဖိမၤဘၣ် အၢဝဲလၢပှၤကလုာ်တဖၣ်အကျါဖဲအလဲၤတၢ်လီၤ.
22 မၤသးဒ်န့ၣ်ဒီးစံးဘၣ်အံၣ်စရ့လးအပှၤဟံၣ်ဖိ, ကစၢ် ယွၤစံးဒ်အံၤ, အံၣ်စရ့လးအပှၤဟံၣ်ဖိသ့ၣ်ဧၢ,ယမၤတၢ် အံၤလၢသုဃိတမ့ၢ်ဘၣ်, မ့ၢ်လၢယမံၤစီဆှံလၢသုမၤ ဘၣ်အၢအီၤလၢပှၤကလုာ်တဖၣ်အကျါ ဖဲသုလဲၤတၢ် အဃိလီၤ.
23 ဒီးယကပာ်စီဆှံယမံၤဒိၣ် လၢအဘၣ်အၢလၢပှၤက လုာ်တဖၣ်အကျါ လၢသုမၤဘၣ်အၢအီၤလၢအပူၤ,ဒီးတုၤတၢ်ပာ်စီဆှံယၤလၢသုဃိလၢအမဲာ်ညါဒီး, ပှၤက လုာ်တဖၣ်ကသ့ၣ်ညါဝဲလၢ ယမ့ၢ်ယွၤလီၤ,ကစၢ်ယွၤ စံးဝဲဒၣ်.
24 အဂ့ၢ်ဒ်အံၤ, ယကဟံးထီၣ်ကွံာ်သုလၢပှၤကလုာ်တ ဖၣ်အကျါ, ဒီးယကထၢဖှိၣ်သုလၢကီၢ်ခဲလၢာ်အကျါ, ဒီးယကဒုးဟဲက့ၤသုဆူသုကီၢ်ဒၣ်သုဝဲအပူၤလီၤ.
25 တုၤ နုၤတဘျီယကဖှံထံဆှံလၢသုဖီခိၣ်, ဒီးသုကကဆှီထီၣ် လီၤ.ယကသ့စီသုတၢ်ဘၣ်အၢလၢသုလိၤခဲလၢာ်, ဒီး သုတၢ်ဂီၤအတၢ်ဘၣ်အၢလၢသုလိၤခဲလၢာ်လီၤ.
26 ဒီးယကဟ့ၣ်လီၤသုသးသီ, ဒီးသုသးဆိကမိၣ်တၢ် အသီယကပာ်လၢသုပူၤ, ဒီးယကဟံးထီၣ်ကွံာ်သုသး လၢၢ်လၢသုဖံးသုညၣ်အပူၤ, ဒီးယကဟ့ၣ်လီၤသုသး ညၣ်လီၤ.
27 ဒီးယကပာ်ယသးလၢသုပူၤ, ဒီးဒုးလဲၤသုလၢယတၢ် သိၣ်တၢ်သီအပူၤ, ဒီးသုကတိၢ်န့ၢ်ယတၢ်စံၣ်ညီၣ်,ဒီး မၤအီၤလီၤ.
28 ဒီးသုကအိၣ်ကဆိးလၢကီၢ်ပူၤ လၢယ ဟ့ၣ်တ့ၢ်သုပၢ်တဖၣ်, ဒီးသုကမ့ၢ်ယပှၤဂီၢ်မုၢ်,ဒီးယက မ့ၢ်သုကစၢ်လီၤ.
29 ဒီးယကအုၣ်က့ၤခီၣ်က့ၤသုလၢ သုတၢ်တကဆှီဘၣ် အပူၤ, ဒီးယကကိးန့ၢ်သုဘုဧိၤဟုဧိၤ, ဒီးမၤအါထီၣ် အီၤ, ဒီးတဒုးဘၣ်ဘၣ်သုလၢတၢ်သၣ်ဝံၤလီၤဒိနီတမံၤ ဘၣ်.
30 ဒီးယကမၤအါထီၣ်အတၤသၣ်, ဒီးတၢ်အါထီၣ်လၢ စံာ်ပူၤ, ဒ်သိးသုသုတဘၣ်လၢၤဘၣ်တၢ်သၣ်ဝံၤလီၤဒိ အတၢ်ဒုၣ်ဒွဲၣ်လၢပှၤကလုာ်တဖၣ်အကျါတဂ့ၤလီၤ.
31 တုၤနုၤတဘျီ သုကသ့ၣ်နီၣ်ထီၣ်က့ၤသုကျဲအၢဒၣ် သုဝဲ,ဒီးသုမၤတၢ်လၢအတဂ့ၤဘၣ်, ဒီးသုကသးဟ့ လီၤသုသးလၢသုမဲာ်ညါဒၣ်သုဝဲလၢ သုတၢ်ဒဲးဘးအ ဃိ,ဒီးလၢသုတၢ်သးဘၣ်အၢအဃိလီၤ.
32 ယမၤတၢ်အံၤတမ့ၢ်ဘၣ်လၢသုဃိဒၣ်သုဝဲဘၣ်,ကစၢ် ယွၤစံးဝဲဒၣ်, သ့ၣ်ညါသုဝဲတက့ၢ်.ပာ်ဆှးသုမဲာ်,ဒီးအိၣ် ဒီးသုသးကတုၤလၢသုကျဲအဃိတက့ၢ်. အံၣ်စရ့လး အပှၤဟံၣ်ဖိသ့ၣ်ဧၢ.
33 ကစၢ်ယွၤစံးဒ်အံၤ, မုၢ်တနံၤလၢယသ့စီသုတၢ်ဒဲးဘး လၢသုလိၤခဲလၢာ်န့ၣ် ယကဒုးအိၣ်ဒုးဆိးတၢ်လၢဝ့ၢ် တဖၣ်အပူၤ, ဒီးဒုးမၤထီၣ်က့ၤတၢ်အိၣ်သယုၢ်အလီၢ် တဖၣ်န့ၣ်လီၤ.
34 ဒီးပှၤကထဲၣ်ထီၣ်ဟီၣ်ခိၣ်အိၣ်သယုၢ်လီၤ. ဘၣ်ဆၣ် ဒီးအိၣ်တ့ၢ်သယုၢ်ဝဲလၢ ကယဲၢ်ပှၤလၢအလဲၤတြူာ်ဝဲ အမဲာ်ညါခဲလၢာ်လီၤ.
35 တုၤနုၤတဘျီပှၤကစံးဝဲ, ဟီၣ်ခိၣ်အံၤလၢအအိၣ်တ့ၢ် သယုၢ်န့ၣ်ကဲထီၣ် ဒ်ဧ့ၤဒ့ၣ်အတၤသၣ်လီၢ်အသိးန့ၣ်, ဒီးဝ့ၢ်လၢတၢ်မၤလူၤအီၤ, ဒီးအိၣ်သယုၢ်ဝဲ, ဒီးလီၤပှီၢ် တဖၣ်အိၣ်ဒီးအခိၣ်ဒူဒီးပှၤအိၣ်ဝဲဆိးလၢအပူၤလီၤ.
36 ဒီးပှၤကလုာ်တဖၣ်လၢ အအိၣ်လီၤတဲာ်ဝးတရံးသု, ကသ့ၣ်ညါလၢယၤယွၤအံၤ ယမၤထီၣ်က့ၤတၢ်လၢအ လီၤပှီၢ်တ့ၢ်, ဒီးယသူၣ်တၢ်ဖျးတၢ်လၢတၢ်လၢအအိၣ် တ့ၢ်သယုၢ်အပူၤလီၤ. ယၤယွၤအံၤယကတိၤလံတၢ်လံ, ဒီးယကမၤတၢ်န့ၣ်လီၤ.
37 ကစၢ်ယွၤစံးဒ်အံၤ, ဘၣ်ဆၣ်ဒီးယကဒိးတၢ်ဃုယၤ လၢအံၣ်စရ့လးအပှၤဟံၣ်ဖိ, ဒ်သိးယကမၤတၢ်အံၤလၢ အဂီၢ်လီၤ. ယကမၤအါထီၣ်အီၤလၢပှၤကညီဒ်သိတဖု အသိးန့ၣ်လီၤ.
38 ဒ်သိတဖုစီဆှံအသိး, ဒ်ယရူၤၡလ့ၣ် အသိတဖုလၢ မၤဘူၣ်တၢ်အဆၢအကတီၢ်အသိးန့ၣ် ဝ့ၢ်အိၣ်သယုၢ်တဖၣ်ကပှဲၤဝဲဒီး ပှၤကညီအဖုတဖၣ်ဒ် န့ၣ်သိး, ဒီးကသ့ၣ်ညါဝဲလၢယမ့ၢ်ယွၤလီၤ.