4
1 ဒီးယဃၣ်ယသးဒီး ယကွၢ်ကယဲၢ်တၢ်မၤအၢလၢအ မၤအသးလၢမုၢ်အဖီလာ်, ဒီးကွၢ်ကွၢ်, ပှၤလၢအဘၣ်တၢ် မၤအၢအီၤအမဲာ်ထံလီၤ, ဒီးပှၤမၤမုာ်ထီၣ်က့ၤအီၤ တ အိၣ်ဘၣ်, ဒီးတၢ်အစိအကမီၤအိၣ်ဝဲလၢပှၤမၤအၢအီၤအ စုပူၤ, ဒီးပှၤမၤမုာ်ထီၣ်က့ၤအီၤတအိၣ်ဘၣ်.
2 တုၤနုၤတစု ယစံးထီၣ်ပတြၢၤပှၤသံလၢအသံတ့ၢ် အါန့ၢ်ပှၤမူလၢအ မူဒံးတက့ၢ်လီၤ.
3 မ့ၢ်လံ, ပှၤလၢအတအိၣ်ဒံးဘၣ်, လၢ အတထံၣ်ဘၣ်တၢ်မၤအၢလၢ အမၤအသးလၢမုၢ်အဖီ လာ်န့ၣ်ဂ့ၤန့ၢ်အဝဲခံဂၤလၢာ်တက့ၢ်လီၤ.
4 ဒီးယကွၢ်ကယဲၢ်တၢ်ဖံးတၢ်မၤ, ဒီးပှၤမၤသ့အတၢ်မၤ လၢပှၤလၢအဃၢၤသးကါအီၤလၢအဃိလီၤ.အဝဲန့ၣ်မ့ၢ် စ့ၢ်ကီးတၢ်ကလီကလီ, ဒီးတၢ်မၤတဂိာ်တသီၣ်ဘၣ်တၢ် ဘၣ်လီၤ.
5 ပှၤဟးဂီၤဖိတဝံထီၣ်အစု, ဒီးအီၣ်အညၣ်ဒၣ် ဝဲလီၤ.
6 တၢ်အိၣ်ဘှံးပှဲၤပစုတတၢၤဒုၣ်ဂ့ၤန့ၢ်တၢ်ဖံးတၢ် မၤဒီးတၢ်ဂုာ်မၤန့ၢ်ကလံၤပှဲၤပစုခံတၢၤဒုၣ်တက့ၢ်လီၤ.
7 ဒီးယဃၣ်ယသး, ဒီးယကွၢ်ထံတၢ်ကလီကလီတ မံၤလၢမုၢ်အဖီလာ်လီၤ.
8 ပှၤအိၣ်ဝဲတဂၤဃီ, ဒီးခံဂၤတဂၤတအိၣ်ဘၣ်.ဒီးအဖိခွါမ့ၢ်ဂ့ၤ အဒီပုၢ်ဝဲၢ်မ့ၢ်ဂ့ၤ, တ အိၣ်ဘၣ်.ဘၣ်ဆၣ်ဒီးအမၤတၢ်တဆိတ့ၢ်ဘၣ်, ဒီးအမဲာ် တဘျဲးကွၢ်ဘၣ်တၢ်ထူးတၢ်တီၤဘၣ်, ဒီးစံးဝဲ, ယမၤတၢ်, ဒီးယမၤလီၤဖးယသးဒီး တၢ်ဂ့ၤလၢမတၤတဂၤ အဂီၢ် လဲၣ်.အဝဲန့ၣ်မ့ၢ်စ့ၢ်ကီး တၢ်ကလီကလီ, ဒီးမ့ၢ်တၢ်မၤ အအၢဒိၣ်မးလီၤ.
9 ပှၤခံဂၤဂ့ၤန့ၢ်ပှၤတဂၤတက့ၢ်လီၤ. အ ဂ့ၢ်ဒ်အံၤ, အဘူးအလဲဂ့ၤအိၣ်ဝဲလၢအမၤတၢ်အဂီၢ်လီၤ.
10 အဂ့ၢ်ဒ်အံၤ, တဂၤမ့ၢ်လီၤဃံၤဒီး, ပှၤတဂၤကဝံၣ်ဆၢ ထၢၣ်အသကိးလီၤ. မ့မ့ၢ်ပှၤအိၣ်တဂၤဃီ မ့ၢ်လီၤဃံၤ ဒီး, ပှၤခံဂၤတဂၤလၢအကဝံၣ်ဆၢထၢၣ်အီၤ တအိၣ် ဘၣ်ဒီး, ဘၣ်အဖှီၣ်လီၤ.
11 ဒီးပှၤခံဂၤမ့ၢ်မံဃုာ်ဒီး, လၢၤဝဲ လီၤ. မ့မ့ၢ်ပှၤတဂၤဧိၤကလၢၤဝဲဒ်လဲၣ်.
12 ဒီးတၢ်မ့ၢ်မၤ ဃၣ်ပှၤတဂၤဒီး, ခံဂၤကတြီအီၤလီၤ. ဒီးပျံၤပိၤအသး သၢပလွံတဘိန့ၣ် ပှၤတမၤတဲာ်ဘၣ်ချ့သဒံးဘၣ်.
13 ဖိသၣ်လၢအဖှီၣ်အယာ် ဒီးကူၣ်တၢ်သ့န့ၣ်ဂ့ၤန့ၢ်စီၤ ပၤလၢအသးပှၢ်, ဒီးမ့ၢ်ပှၤဟးဂီၤဖိ, ဒီးတတူၢ်လိာ်လၢၤ ဘၣ်တၢ်သိၣ်က့ၤအီၤဘၣ်တက့ၢ်လီၤ.
14 အဂ့ၢ်ဒ်အံၤ, ဟဲ ထီၣ်ဝဲလၢဃိာ်ပူၤ ဒ်သိးအကကဲစီၤပၤလီၤ. အဝဲတဂၤ အိၣ်ဖျဲၣ်လၢအဘီအမုၢ်အပူၤဘၣ်ဆၣ်ဒီးကဲလၢပှၤဖှီၣ်ဖိ ယာ်ဖိလီၤ.
15 ယထံၣ်ပှၤအမူ လၢအဟးဝဲလၢမုၢ်အဖီ လာ်ခဲလၢာ်န့ၣ် အိၣ်ဝဲဒီးဖိသၣ်, ပှၤခံဂၤတဂၤလၢအ ဆၢထၢၣ်လၢအလီၢ်န့ၣ်လီၤ.
16 ပှၤဂီၢ်မုၢ်လၢ အလဲၤတၢ်လၢအမဲာ်ညါန့ၣ်အကတၢၢ် တအိၣ်ဘၣ်ဘၣ်ဆၣ်ဒီး, ပှၤလၢအဟဲလၢအလီၢ်ခံန့ၣ် တသးခုလၢအပူၤဘၣ်. မ့ၢ်မးအဝဲအံၤမ့ၢ်စ့ၢ်ကီးတၢ်က လီကလီ, ဒီးတၢ်ဂုာ်မၤန့ၢ်ကလံၤလီၤ.