3
1 ဒိၩ့လၧအပိၩ့ထၪ့, ဒဲဘၪၥၭလိၪ, ဒဲမၩအၧၩ့မၩၥၫ့
2 ဆၧနီၪ,ဘၪအၡၪ့လီၫ.- ခိၭနၪဆၧအလူအ့ၬး ဒိၭဆၧ ၥီၪ့လိၪအ့ၬး ဒိၭနဲၩ့အၥၭ လၧယဟိဝၩအ့ၬး ၥုၭဘူၭ
3 အၥၭလၧအယွၩအအီၪအ့ၬ.- အၦဒိၪဖၭဒိၪလၧအ ဖၧၩ့နီၪမွဲဆၬလၥၧၫ့ လၧအယုၩ့ထၪ့ဆၧတၭ, အၡၩ စ့ၩရၫ့ခွးနီၪ မွဲထွံၪမံၩ့ လၧမုဂၪလၩ့, အဲၪ့ကျိၩဆၧဎွံၪ
4 လဖၪလၧဂီၩလခီၫအ့ၬ.- အမီၪလဖၪ မွဲၦအီၪက့ၪဖိၫ လိၫအၥၭ ၦအၪ့လီၫန့ဆၧလီၫ. အၡၩလုဆၧမၩဘၪ ၥၭလိၪဆၧဆံၫ့ဎံၪလဖၪ, လၨၪခၫ့ဖၬ ဆၧၥီၪ့ဆၧၥၫ့
5 လီၫ.- ယဟိဝၩ, ဆၧတီၩဆၧလီၩ့လဂၩ အီၪလၧအ ကျၩ, မၩဆၧအၧၩ့နးမံၩ့အ့ၬ. နဲၪဖျီၪထၪ့ဆၧစ့ၩရၫ့ လၧဆၧဖၩ့အကျၩကိၭဂီၩဒ့ၭတၭ, လၩ့ၡၩအ့ၬ. လါ
6 နၫ့တၭၦအၧၩ့ၥ့ၪယၫဆၧမ့ၬမဲအ့ၬ.- ယဒၪ့ထ့ၬခွံၬယူၭ ၦဆၨၩလဖၪယူၭ. အနိၪ့လဖၪအီၪယူယူၭး ယမၩယူ ယူၭအဖၧၩ့ၥုၪ့ဖၧၩ့ၥၭယူၭ, ၦဖိၬဝ့ၫနးဂၩအ့ၬ. အဒိၩ့ လဖၪထီၩ့ယူၭ လၧဆၧဂၭဂီၩ့ယူၭ, ၦၡၩအီၪလၧအ
7 ဖၧၩ့အ့ၬ. ၦၡၩအီၪဝ့ၫလၧအဖၧၩ့နးဂၩအ့ၬ.- ယစံၭ ၥၭမဲၪတၡါယၧၩဆံၭ. ဒိၭန့ဘၪဆၧၥီၪ့လိၪနီၪ, ဘဲၫ ၥိၭအအီၪအလး ထီးဂၭဂီၩ့လဂ့ၩ, ဘဲၫကယဲဆၧထီး အလူၬလၧယအီၪက့ၪလၩ့လၧအဂးအၥိၭနီၪလီၫး လါ နၫ့တၭ, ဂဲထုၪ့လၧဂီၩလခီၫနီၪ, မၩဘၪၥၭလိၪအမၩ ဆၧထီးအလူၬလီၫ.
8 မၩအၥၭဘဲၫနီၪတၭ, ယိလါယဖၧၩ့ၥၭ,ယဟိဝၩ စံၭဝ့ၫဒၪ. ထီးမုလနံၩဘၪလၧယမိဂဲထုၪ့လၧဆၧအၪ့ဂူၬ န့အလးနီၪဆံၭ. အဂဲးဘဲၫယီၩယကိၪ့ဝဲၩဆၧလၧယမိ ဒုၭအီၪကီၪ့ၦဆၨၩလဖၪ, လၧယမိအၪ့ထုၫ့ကီၪ့ဘၩ့မုး လဖၪ,ဘဲၫၥိၭယမိလူၫလၩ့ယၥၭထၪ့လၧအလီၩ့,ယၥၭ ခဲၩထၪ့ထီးအလူၬလီၫ. အဂဲးဘဲၫယီၩယၥၭကဲၪ့အမ့ၪ
9 မိအၪ့ခွံၬဂၪ့ခိၪထၧၫ့ဘံၪ့ယၫလီၫ.- ထီးနီၪလဖၧၫ့ယမိ ဖ့ၪလၫ့ၦဆၨၩလဖၪ ချဲၩ့ဆၧအလၨဆံၫ့ ဘဲၫၥိၭအမိ ကိၭထၪ့ယဟိဝၩအမံၩ့, ဘဲၫၥိၭအမိမၩဆၧလၧအၥၭ
10 လဖျိၪ့ဎးလီၫ.- လၧကုၡၫအထံၫမိၡါဝါလခီၫနီၪ,ၦအၪ့ ကံၩ့အၪ့ယၫယၧၩလဖၪ, ယဆၧလၩ့ပြံၩလၩ့ပၩအဖိၪ
11 မုၪမိဂဲၫဆိၬယဆၧမၩဘိၪ့လီၫ.- ဆၧလၧမုလနံၩနီၪ နမ့ၬမဲဘၪ လၧနမၩဆၧထီးအလူၬ လၧနမၩမၪဘၪ ယၧၩအကၠီၩ့အ့ၬ. အဂဲးဘဲၫယီၩ ထီးနီၪလဖၧၫ့ ယမိ ဆိၬခွံၬနၡၩ လၧအအီၪက့ၪထၪ့ထီၫအၥၭလဖၪ လၧ နကျၩ,နအီၪက့ၩဖိၫလိၫလၧၩ့နၥၭ လၧယခိၪလီၩ့ဆံၫ့
12 ဎံၪအလီၩ့အ့ၬ.- လၧနကျၩနီၪယမိအီၪက့ၪလၩ့ထးၦ ခမျၧးလၧအၥုၪ့ဆၧၩ့အၥၭဆၧၩ့ ဒဲၦဘၪၡၪ့ဘၪယၬ တၭ, အဝ့ၫၥံၪမိဒိၭနဲၩ့အၥၭ လၧယဟိဝၩအမံၩ့လီၫ.
13 အံၫစရ့လၭလၧအအီၪလၩ့ထးနီၪ မၩအၧၩ့ဘၪဆၧ အ့ၬ.ချဲၩ့ဘၪဆၧဘျံၭဆၧဘျၪ, ဒဲဖျ့ၩလၧအအၪ့လီၫ ဆၧနီၪအီၪဘၪလၧအနိၭဖၧၩ့အ့ၬ. အဂဲးဘဲၫယီၩအ ဝ့ၫၥံၪမိအၪ့ဆၧ ဒဲမံၫနၩ့တၭး ဆၧမၩၥၭမဲၪဝ့ၫနးဂၩ အ့ၬ.
14 ဇံအိၫ့အဖိၪမုၪဧ့, ၥံၫကျံၩဆၧဆံၭး အံၫစရ့လၭဧ့, ကိၭၡၭထၪ့ဆံၭး ၥုၪ့ထိၬၥၭထိၬ ဒဲၥုၪ့ဎွံၫၥၭယီၫ လၧ
15 နၥၭထၧၫ့ဖျိၪ့ယၫဆံၭ,ယရုစလံၫ့အဖိၪမုၪဧ့,- ယဟိ ဝၩအီၪက့ၪခွံၬယူၭ နဆၧစ့ၩရၫ့ယူၭ, နၫ့ထၪ့ခွံၬယူၭ နဒုၪနဒၩယူၭ, အံၫစရ့လၭအစဎွၩ, ယဟိဝၩအီၪဝ့ၫ
16 လၧနကျၩ, နမိဒၪလၧၩ့ဆၧအၧၩ့အ့ၬ.- ဆၧလၧမုလ နံၩနီၪယမိစံၭယရုစလံၫ့, ထီးၥၭမဲၪဆၧလဂ့ၩ. တၭမိ စံၭဇံအိၫ့, မွဲနစူၪအဂဲးအဘၭနီၪ ထီးလၩ့ဆါလဂ့ၩ.
17 ယဟိဝၩနယွၩအီၪလၧနကျၩနီၪ, ဆၧအဆီၪ့လၧအမိ ထိးထဲၩ့တၩ့ထဲၩ့ဆၧလီၫ. မိၥုၪ့ဎွံၫၥၭယီၫလၧနဖၫ့ခိၪ အီၪလၧအၥုၪ့ထိၬၥၭထိၬလီၫ. မိအီၪလၩ့မါပံၭလၧ အဆၧအဲၪအဖၧၩ့, ဒဲမိၥုၪ့ထိၬၥၭထိၬလၧနဖၫ့ခိၪ အီၪ
18 လၧဆၧၥံၫကျံၩလီၫ.- ယမိအၪ့ထုၫ့ကီၪ့ ၦလၧအၥုၪ့ အုၭၥၭအုၭလၧဆၧမၩဘိၪ့အနံၩလဖၪအကၠီၩ့, (ကဲၪ ထၪ့ဝ့ၫလၧနၧၩ) ၦလၧအဘၪဆၧဒုၪဒွ့ၪ လၧအကၠီၩ့ လီၫ.
19 ယိခွါ, အဆၧၫ့အထီ ထီးနီၪယမိမၩ ကယဲၦလၧ အမၩၡၪ့မၩနၭနၧၩတၭ, ယမိထိးထဲၩ့တၩ့ထဲၩ့ၦလၧ အလ့ၩစ့ၭထိၬစ့ၭထိၬ, ဒဲဒုၭအီၪကီၪ့ ၦလၧအဘၪဆၧ နၫ့ထၪ့ခွံၬဝ့ၫတၭ, ယမိအီၪက့ၪအဝ့ၫၥံၪလၧဆၧစံၭထၪ့ အၪ့အူၭအလး, ဒဲဒုၭဂၧၫ့ထၪ့ၥၩလၩ့အမံၩ့ လၧကယဲ
20 ခးဖၧၩ့ ထီးအဘၪဆၧမ့ၬမဲကိၭဘံၪ့ဒ့ၭလီၫ.- အထီ ထီးနီၪယမိဒုၭဂဲၫနုၬနၥံၪ, အထီထီးယမိဒုၭအီၪကီၪ့ နၥံၪလီၫ. အဂဲးဘဲၫယီၩ ယမိဒုၭဂၧၫ့ထၪ့ၥၩလၩ့နၥံၪ အမံၩ့တၭ, အီၪက့ၪဝ့ၫလၧဆၧစံၭထၪ့အၪ့အူၭအလး လၧၦခမျၧးထီးအလူၬအကျၩ, ထီးအထီလၧယဒုၭဂဲၫ ထဲၩ့နၥံၪလၧဆၧအၪ့မၧၫ့ဎီးလၧနၥံၪအမ့ၬယၫ, ယဟိ ဝၩစံၭဝ့ၫဒၪ.