2
1 ၦလဆၨၩလၧအလဘၪဘၪဆၧအၥၭၥံၪဧ့, ကူၭလၩ့
2 နၥံၪအၥၭတၭ, အီၪကူၭလၩ့နၥံၪအၥၭဆံၭ.- ဆၧမၪ လူၬလချႃၭအီၪဖျဲၪဒံၭဘၪတၭ, မုလနံၩနီၪလချႃၭဒံၩ ခွံၬဒံၭဘၪဘဲၫဖ့ၫအၥိၭ, ယဟိဝၩအၥၭခဲၩထၪ့လချႃၭ ဘၪဒံၭဘၪနၥံၪ, ယဟိဝၩ အၥၭထၪ့ အမုလနံၩနီၪ
3 လချႃၭဘၪဒံၭဘၪနၥံၪတၭ,- အၪ့ဎၬယဟိဝၩဆံၭ. ကယဲၦလၧအၥၭဆၧၩ့ လၧထံၫၥံၪခးၥံၪအဖၧၩ့ လၧ အမၩအဆၧစ့ၩရၫ့ ထီးအလူၬၥံၪဧ့, အၪ့ဎၬဆၧတီၩ ဆၧလီၩ့,အၪ့ဎၬဆၧၥုၪ့ဆၧၩ့ ၥၭဆၧၩ့နီၪဆံၭ. ဘၪ လဘၪနၥံၪမိအီၪကဒုၩခွံၬ လၧယဟိဝၩအၥၭထၪ့မု လနံၩအဖၧၩ့နီၪလီၫ.
4 အဂဲးဘဲၫယီၩ ၦမိစဲၪ့ဒၪဂၫဇၫတၭ, အၭၡကံလၧၫ့ မိကဲၪထၪ့ ဆၧအီၪယူဝ့ၫလီၫ. ဆၧမိနၫ့ထၪ့ခွံၬ အၭ ဇဒီၭလၧမုထုၪ့တၭ, ဆၧမိထ့ၭထၪ့ခွံၬ အ့ၭကြၧၫ့လီၫ.
5 ၦက့ရ့ၭဖိၪလဆၨၩ, ၦအီၪဝ့ၫလၧမၫဆမံၭနဲၩ့နီၪဘၪ အၡၪ့လီၫ. ၦဖလံၡၫဖိၪအခး ကၫနအၫ့ဧ့, ယဟိဝၩ အလူထၫ့ဒၩနၥံၪလီၫ. ယမိမၩဂၭဂီၩ့နၧၩ ထီးၦအီၪ
6 ဝ့ၫလၧနဖၧၩ့လအီၪဘၪနးဂၩလီၫ.- မၫဆမံၭနဲၩ့မိကဲၪ ထၪ့ဆၧအၪ့အဆၪအလး အီၪလၧကမၫ လၧၦယိၥိၪ
7 အဂး,ဒဲဆၧအဖီၩ့လၧၥိၪဒဲဘ့ၪအဂးလီၫ.- ဆၧအနဲၩ့ ထံၭနီၪမိအီၪလၧယုဒၫအၡၩဂံၪ့ဖိၪ လၧအအီၪလၩ့ထး အဂးလီၫ. မိဒုၭအၪ့အဆၪထီးနီၪ, မိမံၫနၩ့လၧမုဂၪ လၩ့လၧအၭၡကံလၧၫ့အဂံၪ့ဖၧၩ့လီၫ. အဂဲးဘဲၫယီၩ ယဟိဝၩအဝ့ၫၥံၪအယွၩမိအီၪၡီၩ့အဝ့ၫၥံၪတၭ, မိဒုၭ ဂဲၫထဲၩ့ဝ့ၫလၧအလ့ၩကဲၪဎီးလီၫ.
8 ယနါဂၧၫ့မိအၭအဆၧဒုၪဒွ့ၪ, ဒဲၦအၫမၧၫ့ဖိၪအစံၭ အၧၩ့ဆၧလၧအဒုၪဒွ့ၪ ယၡၩခမျၧးတၭ, အီၪက့ၪဒိၪ
9 အၥၭထၫ့ဒၩအခးအနဲၩ့ထံၭလီၫ.- မၩအၥၭဘဲၫနီၪတၭ, ဆၧၥုၭမုခမျၧးအယဟိဝၩ, အံၫစရ့လၭအယွၩ စံၭဝ့ၫ ဒၪ,ယမၧၫ့ယဝ့ၫ, မိအၭမိကဲၪထၪ့ဘဲၫစီဒၧၫ့အၥိၭနီၪ, ဒဲၦအၫမၧၫ့ဖိၪဘဲၫဂမီရၫအၥိၭနီၪ, ဆၧအလးအီၪလၧ ဆၧဆူၪဆၧမဲၪ, ဒဲထံၫလၪအဖၧၩ့လဖၪ, ဒဲဆၧအီၪ ယူလၩ့ဆိၩလၩ့ကၠၪလီၫ. ၦခမျၧးလၧအအီၪလၩ့ထး လဖၪနီၪမိအၪ့ဂူၬဆီၪ့အဝ့ၫၥံၪတၭ, ၦအီၪလၩ့ထးလၧ
10 ယၡၩလဆၨၩအကျၩနီၪ မိန့ဘၪအဝ့ၫၥံၪလီၫ.- အဝ့ၫ ၥံၪမိဘၪဆၧနီၪလဖၪလၧအၥၭထၪ့ထီၫအကၠီၩ့, အဂဲး ဘဲၫယီၩအဝ့ၫၥံၪဒုၪဒွ့ၪဆၧတၭ, အီၪက့ၪဒိၪထၪ့အၥၭ ထၫ့ဒၩဆၧၥုၭမုခမျၧး အယဟိဝၩအၡၩခမျၧးလီၫ.
11 ယဟိဝၩ မိကဲၪထၪ့ဆၧမၩၥၭမဲၪအလး လၧအဝ့ၫၥံၪ အဂးလီၫ. အဂဲးဘဲၫယီၩ မိမၩလူၬခွံၬ ကယဲယွၩၥံၪ လၧဂၪ့ခိၪချိၫ့ထီးအလူၬ, ဒဲကယဲၦလၧအအီၪဝ့ၫ လၧ ခးလၧမၫဆမံၭနဲၩ့ထီးအလူၬနီၪ, မိဘိၪ့ထၪ့ဘၩထၪ့ အဝ့ၫလဂၩ လၧအလးဒၪဝ့ၫ လဂၩလၧအလးဒၪဝ့ၫ ဆုၬဆုၬလီၫ.
12 ၦကုၡၫဖိၪၥံၪဧ့, နၥံၪမိဘၪဆၧမၩၥံၫနၥံၪဆ့လၧယ
13 နၭလီၫ.- မိယၩ့ထၪ့အစူၪလၧမုဖၩအဖၫ့ခိၪတၭ, မၩ ဂၭဂီၩ့အစံရအၫ, ဒဲမိမၩယူနံနဝ့ၫ လၧဆၧအီၪယူထူၬ
14 အလးဘဲၫၡါမုနၧၫ့ဖၫအၥိၭလီၫ.- ၥိၪဒဲဘ့ၪလဖၪမိခိၬ လၩ့လၧအၥၭခံဖၧၩ့တၭး ၦဆၨၩလဖၪအဆၧဖိၪဆၧ ဎါအမံၩ့ထီးအလူၬ, ထိၪစၭကဝၭဒဲဆၧဂီဆူၪလဖၪမိ အီၪလၧအနီးလဖၪအဖၧၩ့, ဆၧအလူမိဎွံၩ့လၧတရၫ့ လံၩအဖၧၩ့, ဆၧအီၪယူမိအီၪဝ့ၫ လၧအတရၫ့ခၧၪ့ၥံၪ လီၫ.အဂဲးဘဲၫယီၩ ဆၧမၩလၧၥံၪ့ၡိၫအ့ရ့ၭနီၪလၩ့ဎီး
15 ခွံၬယူၭ.- အယီၩမွဲဒိၩ့လၧအၥုၪ့ဎွံၫၥၭယီၫတၭ, အီၪ ဝ့ၫလၧအစံၭလၧအၥၭခံဖၧၩ့, ယအီၪတၭး လၧယၧၩ အဖၫ့ခိၪနီၪအီၪအ့ၬ. ကဲၪထၪ့ဝ့ၫလၧဆၧအီၪယူအလး, ဆၧအလးလၧဆၧဖိၪဆၧဎါမိခိၬလၩ့ လၧအဖၧၩ့မၬ ကၨ.ၦလၧအလ့ၩလဲးလီၩ့ လဂၩလါလါနီၪ မိဒုၪဒွ့ၪ ဒဲဂံၩဂုအခိၪလီၫ.