5
1 ယထၧၫ့ဖုဝဲမုၪဧ့,ယမၫဧ့, ယဂဲၫနုၬယူၭ လၧယ ကျိၭဖၧၩ့တၭ, ယအၪ့ထုၫ့ကီၪ့ယူၭယမူၫရၫ့, ဒဲယဆၧ ၡုးၥံၪး ယအၪ့ယန့ၫစၩ့ဒဲန့ၫခိၪထံၫ, ယအီၩယစဘံၭ ထံၫဒဲယဆၧနူထံၫဆ့လီၫ. ယထံၩယၥိၭၥံၪဧ့, အၪ့ ဘီၪး ၦလၧယအဲၪဝ့ၫ, နၥံၪဝ့ၫဧ့,အီၩဘီၪ, မွဲမၬ, အီၩ အၪအၪလ့ၬဆံၭ.
2 ယမံၫယဝ့ၫ လါနၫ့ဘိၩ့, ယၥၭအီၪနၪ့ထၪ့အၥၭ တၭးမွဲၦလၧယအဲၪဝ့ၫလဂၩအလူ, လၧအဒိၪထိၬဆၧ နီၪ,စံၭဝ့ၫ, ယထၧၫ့ဖုဝဲမုၪ, ယၥၭဘီၩ့လဂၩ, ယထိၪ လွံ,ယၡၩလၧၫ့ဎွ့ၩလဂၩဧ့, ဝဲထၪ့န့ယဂးဘီၪး အဂဲး ဘဲၫယီၩယခိၪဎွံၪဘၪစီၪဎွ့ၩဝ့ၫလၧဆၩ့ထံၫ, ယခိၪၥူၫ လၧဆၧလၩ့ဆၩ့မုနၩလခီၫအဖျိၪ့လဖၪလီၫ.
3 ယဘဲၪ့လၩ့ခွံၬယကီၩ့ယၥိၭတၭ, ယမိၥိၭထၪ့ထဲၩ့ ဝ့ၫဘဲၫၥ့ၪလဲၪ. ယၥူၫဝၭခွံၬယခၪ့တၭး ယမိမၩဘၪၥၭ လိၪဒီၭဘဲၫၥ့ၪလဲၪ.
4 ၦလၧယအဲၪဝ့ၫလဂၩနီၪ ဒုၭနုၬအစူၪလၧတရၫ့အဖိး
5 နီၪတၭ, ယၥၭဂဲၩဝ့ၫလၧအကၠီၩ့လီၫ.- ယဂဲထုၪ့ဘဲၫ ၥိၭယမိဝဲထၪ့ဆၧလၧၦလၧယအဲၪဝ့ၫအဂးတၭ, မူၫရၫ့ နီၪလၩ့ဆၩ့လၧယစူၪအလီၩ့, ဒဲမူၫရၫ့နၧၫ့မၧၫ့လၩ့ဆၩ့ လၧယစူၪနိၩ့ၥံၪတၭ,ဘၪလၧတရၫ့အစူၪဖုၬနီၪအလီၩ့
6 လီၫ.- ယဝဲထၪ့န့ၦလၧယအဲၪဝ့ၫလဂၩနီၪအဂးတၭး အ့ၪမွဲၦလၧယအဲၪဝ့ၫလဂၩနီၪ အနၫ့ဆါ စဲၪ့ထၪ့ခွံၬ တၭ,လၩ့မါပံၭလီၫ. ထီးအချဲၩ့ထၪ့ဆၧနီၪယၥၭထုၬ ထုၩတၭ ယအၪ့ဎူၫအၪ့ဎၬလါနၫ့နီၪ, ယဒၪဘၪဝ့ၫနး စီၪ့အ့ၬး ယကိၭထၪ့အဝ့ၫလါနၫ့နီၪ,ချဲၩ့ဆၧၫ့ယၧၩနး
7 ထံၪအ့ၬ.- ၦခိၭဆၧလ့ၩဝံၩ့ဝၩ့လၧဒိၩ့ဖၧၩ့နီၪ, ဒၪဘၪ ယၧၩတၭ,ထးယၧၩ, ဆ့ၭယၧၩး ၦခိၭခိၪဒၧၩ့လဖၪအၪ့
8 ဂူၬန့ယဆၧမၩဘံၭယမ့ၬနီၪလီၫ.- ယရုစလံၫ့အဖိၪ မုၪၥံၪဧ့,ယဒုၭဆိၪလၩ့နၥံၪအၥၭး ထီးနၥံၪအ့ၪဒၪဘၪ ၦလၧယအဲၪဝ့ၫလဂၩနီၪ, နၥံၪဘၪလီၩဘၪအဝ့ၫဘဲၫ ယီၩ,ယဝ့ၫဒၪယဆၫယူၭ လၧဆၧအဲၪအကၠီၩ့နီၪလီၫ.
9 နဝ့ၫဒၪၦလၧနအဲၪလဂၩနီၪ, မွဲအဂ့ၩနဲၪ့ဒံၭၦလၧ ဂူၫဂၩအဲၪဝ့ၫလဂၩဂၩနီၪဘဲၫၥ့ၪလဲၪ. ၦလၧအဎံၫလၩ ထုၬလၧၦမုၪၥံၪအကျၩဧ့, နဘၪမၪလူၬပၧၩဖိၭဘိၭနီၪ ၦလၧနအဲၪဝ့ၫလဂၩနီၪ, မွဲအဂ့ၩနဲၪ့ဒံၭၦလၧဂူၫဂၩအဲၪ လဂၩဂၩနီၪဘဲၫၥ့ၪလဲၪ.
10 ယဝ့ၫဒၪၦလၧယအဲၪဝ့ၫလဂၩနီၪ, ဘွၩဝ့ၫ,ဒဲဝီၩဝ့ၫ
11 တၭး လၧၦလလၬအကျၩနီၪမွဲၦအခိၪလီၫ.- အခိၪဎွံၪ နီၪမၩအၥၭဘဲၫထီၫ့ဆံၫ့အၥိၭ, အခိၪၥူၫဖုရုၩဒဲၥၧၫ့ဘဲၫ
12 ကျၭအၥိၭနီၪလီၫ.- အမ့ၬၥၪၥံၪမွဲဘဲၫထိၪလွံလၧအ အီၪလၧထံၫမိၡါၥံၪအနဲၩ့ထံၭအမ့ၬၥၪအၥိၭနီၪ, ဘၪ ဆၧၥူၫဝၭခွံၬဝ့ၫ လၧဆၧနူထံၫအီၪလၧဆၧဎွ့ၩအဖၧၩ့
13 လီၫ.-အနိၭဖၩထံၭၥံၪမၩအၥၭ ဘဲၫဂၪ့ခိၪလဝၩ့အီၪ လၧၥံၪ့နၧၫ့မၧၫ့လဖၪအၥိၭတၭ, အနိၭဖျံၩၥံၪဘဲၫဖီၫ
14 ယၫအၥိၭဒုၭလၩ့ဆၩ့မူၫရၫ့နၧၫ့မၧၫ့လီၫ.- အစူၪမၩ အၥၭဘဲၫဆၧခွၩ့ထီၫ့အီၪလၧထၫ့မျါလၫယ့ၫၥံၪ, အမိ ၡါမၩအၥၭ ဘဲၫကဆၫ့မဲၪ အီၪလၧထၫ့မျါနံၩလၩအ
15 ၥိၭး- အခၪ့မၩအၥၭဘဲၫလိးဘွၩကံၪကဲၩ့အထုၪ့အ ၥိၭအီၪဝ့ၫ လၧအခၪ့ထံၭထီၫ့ဆံၫ့အဖၫ့ခိၪလီၫ. အမ့ၬ မၩအၥၭဘဲၫလ့ၭဘနၧၫ့အၥိၭ, ဂ့ၩဘဲၫၥံၪ့ၡိၫအ့ရ့ၭအ
16 ၥိၭလီၫ.- အနိၭဆၧၫ့ဂ့ၩထုၬတၭ, မွဲမၬ,အဝ့ၫနီၪဎံၫ လၩထၧၫ့ဂၩယၫလီၫ. ယရုစလံၫ့အဖိၪမုၪၥံၪဧ့, အနီၪ မွဲၦလၧယအဲၪဝ့ၫလဂၩ, ဒဲယထံၩယၥိၭလဂၩမွဲအဝ့ၫ ဒၪလီၫ.