4
1 ယိခွါ,ယၥၭဘီၩ့လဂၩဧ့,နမွဲဎံၫလၩတၭး ယိခွါ,နမွဲ ဎံၫလၩး နအီၪလၧထိၪလွံအမ့ၬၥၪၥံၪ, လၧဆၧမၩဘံၭ နမ့ၬအချိၫ့နီၪး နခိၪၥူၫမၩအၥၭဘဲၫဘ့ၪလဒီၪ့, လၧအ
2 အီၪဝ့ၫလၧခိၪလီၩ့ဂံလအၭနီၪလီၫ.- နၥွၫၥံၪမၩအၥၭ ဘဲၫၥိၪလဒီၪ့, လၧအဆီၪ့ဘၪဆၧထံၬခွံၬဝ့ၫလၧအဂဲၫ ထၪ့လၧဆၧၥူၫဝၭခွံၬဝ့ၫအလး ကိၭဒုၩဒ့ၭဖိၪဆါအ ဎဲၩ့လဖၪတၭ, လၧအကျၩနီၪအထူၬဖိၪအီၪနးဒုၩအ့ၬ.
3 နနိၭဖျံၩၥံၪမၩအၥၭဘဲၫလူၪလုၭဖုၭလဘီၩ့, ဒဲနနိၭဎံၫ လၩဝ့ၫးနနိၭဖၩထံၭၥံၪ မၩအၥၭဘဲၫၥလဲၩၥၪလကဲၩ့
4 လၧနခိၪၥူၫအကျၩနီၪလီၫ.- နခိၬနီၪမၩအၥၭဘဲၫစဒၫ ဝံၭအထိၬထီၫအၥိၭနီၪ, လၧဆၧမၩထၪ့ဝ့ၫလၧအမိအီၪ က့ၪကီၪ့စူၪဝဲၩၥံၪအလး, လၧအကွၭလၩ့ဆဲၩ ဆၧပ ဒၩ့လထီၫ့, ၦၡၩအဆီၪ့ၥံၪ အထၩ့ဖံၭထီးအလူၬနီၪ
5 လီၫ.- နနူနံၫခီၫမၩအၥၭ ဘဲၫခံၫဘၩ့ဖိၪအဎဲၩ့နံၫဒုၩ လၧအအၪ့အဆၪလၧဖီၫယၫအကျၩအၥိၭနီၪလီၫ.
6 ထီးမုၡုၪလၩ့နီၪ, ဒဲဆၧလၩၡုၪၥံၪဒံၩခွံၬဝ့ၫတၭးယ မိလ့ၩစိၩလၧမူၫရၫ့အခိၪလီၩ့နီၪ, ဒဲလၧလီဘၫ့အဆၧ စီၩ့ခိၪအလီၩ့နီၪလီၫ.
7 ယၥၭဘီၩ့လဂၩဧ့,နမွဲဎံၫလၩထီးအလူၬတၭ,ဆၧ
8 မဲၪၥၧၫ့မဲၪဝီၩအီၪလၧနလီၩ့နးစီၪ့အ့ၬ.- ယမၫဧ့,ဂဲၫလၧ ယၥိၭစဲၪ့လၩ့ခွံၬလၧလ့ၭဘနၧၫ့နီၪ, လၧလ့ၭဘနၧၫ့အ လီၩ့နီၪဘီၪး လၧအမၪ့နၫအဒၩ့ခိၪနီၪ,ယိခွါ,လၧၡံနၧၫ ဒဲဟၧမၧၫ့အဒၩ့ခိၪဘီၪး လၧဆၬလၥၧၫ့ၥံၪအဖၧၩ့နီၪ,
9 လၧခ့ၫစံၫဖီးၥံၪအခိၪလီၩ့နီၪလီၫ.- နအၪ့ဂူၬန့ယၥၭ, ယထၧၫ့ဖုဝဲမုၪဧ့း ယမၫဧ့း နအၪ့ဂူၬန့ယၥၭလၧနမ့ၬ ၥၪလတီၪ့နီၪ, ဒဲလၧနခိၬအဖဲၫလဝၫ့နီၪလီၫ.
10 ယထၧၫ့ဖုဝဲမုၪဧ့, ယမၫဧ့, နဆၧအဲၪနီၪမုၬလၩဝ့ၫ ဆံၭအၪလဲၪၬ နဆၧအဲၪနီၪဂ့ၩနဲၪ့ဒံၭ စဘံၭထံၫဆံၭ အၪလဲၪၬ ဒဲနၥိၪနၧၫ့မၧၫ့နီၪဂ့ၩနဲၪ့ကယဲဆၧၡုးၥံၪထီး
11 အလူၬလဖၪဆံၭအၪလဲၪၬ- ယမၫဧ့, နနိၭဖျံၩၥံၪဒုၭ လၩ့ဆၩ့ဆၧဘဲၫန့ၫခိၪထံၫအၥိၭတၭ, န့ၫစၩ့ဒဲဆၧနုထံၫ အီၪလၧနဖျ့ၩအဖၫ့လၬး ဒဲနကီၩ့နၥိၭအဆၧနၧၫ့မၧၫ့ နီၪမၩအၥၭ ဘဲၫလ့ၭဘနၧၫ့ အဆၧနၧၫ့မၧၫ့အၥိၭနီၪ လီၫ.
12 ယထၧၫ့ဖုဝဲမုၪ, ယမၫ, မွဲကျိၭအီၪဝၩ့ထၬဝ့ၫလၧ ထနါနီၪ,ထံၫထၪ့ဖျိၭဘၪဆၧဝၩ့ထၬဝ့ၫ, ထံၫဖၧၩ့ဘၪ
13 ဆၧစဲၩနဲၪ့ထၬဝ့ၫလီၫ.- နဆၧၥုၪ့လၩ့အၥၭၥံၪမွဲၥံၪ့ၥ
14 လဲၫလဝၩ့, လၧအၥၪအွံၪလ့ၬ,- ၥံၪ့ဝီၩစူၪမံၪ, ဒဲနၫဒူၫး နၫဒူၫဒဲကၫကူၫး လီၫဟ့, ခဒၫရၫ, လီဘၫ့ထံၭၥံၪကိၭ မံၩ့ဒ့ၭ, မူၫရၫ့ဒဲအကၠီၫ, ဒဲဆၧၡုးၥံၪဂ့ၩထုၬကိၭမံၩ့ဒ့ၭ
15 လီၫ.- ဆၧၥၪအလးထံၫထၪ့ဖျိၭ, ထံၫမၧၫ့လဖၧၩ့အီၪ ဝ့ၫ,ဒဲထံၫချိၬလဖၪ ဂဲၫလၩ့ယွၩဝ့ၫ လၧလ့ၭဘနၧၫ့နီၪ လီၫ.
16 လံၩမုဖၩဧ့,နၪ့ထၪ့ထဲၩ့ဘီၪး ဒဲလံၩမုခံၫ့နဝ့ၫဒၪဧ့,ဂဲၫ ကဒၪဘီၪး အူၪဘၪယကျိၭဖၧၩ့, ဘဲၫၥိၭဆၧနၧၫ့မၧၫ့ လဖၪနီၪမိနၧၫ့မၧၫ့ထၪ့ဘီၪ. ၦလၧယအဲၪဝ့ၫလဂၩနီၪ, မွဲအဂဲၫနုၬလၧအကျိၭဖၧၩ့, ဒဲအၪ့အဆၧၥၪအဂ့ၩလ ဖၪနီၪဘီၪ.