24
(ၥကွ့ၭ ၂ၥ:ၥ-၂၇).
1 ယဟိဝၩအၥၭထၪ့ဘၪဒီၭ အံၫစရ့လၭတၭ, မွဲအ ထိၪဂဲၩစဒၫဝံၭထၫ့ဒုၪဒၩအဝ့ၫၥံၪ ဘဲၫၥိၭအမိစံၭ,လ့ၩ ဘီၪ,ဝံထၪ့နၬထၪ့အံၫစရ့လၭဖိၪ, ဒဲၦယုဒၫဖိၪနီၪဆံၭ.
2 တၭစဎွၩစံၭၦၥုၭမုအခိၪလၧအအီၪဝ့ၫ လၧအၥိၭစယိ အၭ, လ့ၩလၧအံၫစရ့လၭအဒီၪ့လဖၪအကျၩ လၧဒၫ့ ဖိးလၧဘံအၧၫၡံၫဘၫတၭ, ဝံထၪ့ၦခမျၧးဘဲၫၥိၭယမိ
3 ၥ့ၪယၫၦခမျၧးအဆၧဝံဆၧနၬဆံၭ.- စယိအၭစံၭၦခ မျၧးအ့ၪအီၪဎွ့ၩအံၩဎွ့ၩအိၩနီၪတၭ, မွဲယဟိဝၩနယွၩ ဒုၭအၪထၪ့အၪနဲၪ့အလးအစၩ လယၩတၭ,မွဲယကဆါ စဎွၩမိဒၪဘၪဝ့ၫဆံၭ. ဘၪစဎွၩအၥၭလၧဆၧလမံၩ့နီၪ,
4 မွဲဘၪလဲၪ.- မွဲလါနၫ့ဘိၩစဎွၩအဆၧချဲၩ့ဆီၪ့နဲၪ့စယိ အၭ,ဒဲၦၥုၭမုလဖၪအဆၧချဲၩ့တၭ, စယိအၭဒဲအၡၩ ၥုၭမုအခိၪၥံၪစဲၪ့ထၪ့ခွံၬလၧစဎွၩအအီၪ, ဘဲၫၥိၭအမိ ဝံထၪ့နၬထၪ့အံၫစရ့လၭလီၫ.
5 အဝ့ၫၥံၪလ့ၩခၫ့ဂၬ ယီၫဒၫ့တၭ, ၥုၪ့တဲၩလၧအရိ အၧၫလၧဒိၩ့အစူၪထွ့ၪလခီၫလၧအအီၪဝ့ၫ လၧဂၭအ ခိၪလီၩ့ဆူၭအၥၭကျၩ, ဒဲတီၩလၧယၫဇၧၫနီၪဆ့လီၫ.
6 အဝ့ၫၥံၪဂဲၫဝ့ၫလၧဂံလအၭ, ဒဲလၧခးတၫတံၫ့ဟီၭဒၡဲၫ တၭ,ဂဲၫဝ့ၫလၧဒၫ့ယၫအၫ့တၭ, လ့ၩဎဲၪ့ဝ့ၫလၧဇဲဒၧၫ့,
7 တၭဂဲၫဝ့ၫလၧတဲအၫအထိၬ, ဒဲလၧၦဟံဝဲၫဖိၪအဒိၩ့ လဖၪထီးအလူၬ, ဒဲလၧၦကၫနအၫ့ဖိၪအအီၪတၭ,စဲၪ့ ထၪ့ဝ့ၫလၧယုဒၫအမုခံၫ့လခီၫလၧဘံအၧၫၡံၫဘၫလီၫ.
8 ထီးအဝ့ၫၥံၪလ့ၩဖျီၫ့ခးထၧၫ့ဘံၪ့ယၫဂီၩ့တၭ, အလၩ ခွံၫဘံၪ့ဒဲအနံၩနံၫဆံၫ အထုၬနီၪဂဲၫထဲၩ့ဝ့ၫထီၩ့လၧယ
9 ရုစလံၫ့လီၫ.- စယိအၭဖ့ၪလၫ့စဎွၩလၧၦခမျၧးအဆၧ ဝံဆၧနၬတၭ, ၦအဆီၪ့လၧအထုၭထၪ့နၭလၧအံၫစရ့ လၭအကျၩ အီၪဎိၭကုၬတၭ, ယုဒၫအၡၩ အီၪဝ့ၫယဲ ကုၬလီၫ.
10 လၧအဝံထၪ့နၬထၪ့ၦခမျၧးအလးခဲၫ့နီၪ, စဒၫဝံၭနီၫ့ ယါလၩ့ထဲၩ့အၥၭတၭ, စဒၫဝံၭစံၭယဟိဝၩ,ယမၩဆၧ နီၪတၭ,ယမၩမၪယူၭဖၭဒိၪယူၭတၭ, ဘိၩ့နဲၪ့ယီၩဖျါ လါနခ့ၫနၡၩအဆၧဒဲၩဘၭဆံၭ, ယဟိဝၩဧ့, အဂဲးဘဲၫ
11 ယီၩ,ယမၩယူၭဆၧဂီၩ့ဆၧစၪနၭနၭလ့ၬယူၭ.- ထီး စဒၫဝံၭဂဲထုၪ့ လၧမုဂီၩလခီၫတၭ, ယဟိဝၩအလူဘၪ မီၪစဂၭ, စဒၫဝံၭအၡၩဒၪဆၧလၧယၫလဂၩတၭ, စံၭ
12 ဝ့ၫဒၪ,- လ့ၩလီၩဘၪစဒၫဝံၭဆံၭ. ယဟိဝၩစံၭဘဲၫယီၩ, ယအီၪက့ၪဆၧၥၧၫ့မံၩ့လၧနမ့ၬယၫလီၫ. ရွံန့နးမံၩ့လၧ အကျၩဆံၭ. တၭယမိအီၪက့ၪဆၧနီၪလမံၩ့ လၧနဂး
13 လီၫ.- စဂၭဂဲၫလၧစဒၫဝံၭအအီၪတၭ, ဒုၭနဲၪဝ့ၫတၭ, စံၭအဝ့ၫ, ဆၧၥၭဝံလၩ့ဒိၩနွ့ၫနံၪ့မိဂဲၫနုၬလၧနခးဖၧၩ့ ဆ့ဧၪးအ့ၪလမွဲဘၪ နမိစဲၪ့ဖျိၭလၩၥၧၫ့ဘံၪ့ လၧနဒုၪန ဒၩအမ့ၬယၫထီးအဝ့ၫၥံၪလီၩ့ဆီးနၧၩဆ့ဧၪး အ့ၪလ မွဲဘၪဆၧဆၫအဖျဲၪမိအီၪလၧနခးဖၧၩ့ ၥၧၫ့နံၩဆ့ဧၪး တၭဘိၩ့နဲၪ့ယီၩၥ့ၪယၫဒဲယိဘီၪ, ယမိဘၪစံၭဆၧၫ့ထဲၩ့
14 ၦလၧအအၪ့မၧၫ့လၩ့န့ယၧၩလဂၩဘဲၫၥ့ၪလဲၪ.- တၭ စဒၫဝံၭစံၭစဂၭနီၪ, ယအီၪလၧဆၧအလး ကထံၬနၭ နၭလ့ၬအဖၧၩ့လီၫ. မွဲပလၩ့ဘၪၡီၩ့ လၧယဟိဝၩအ စူၪဖၧၩ့ဆံၭ, အဂဲးဘဲၫယီၩအဝ့ၫဒၪအဆၧယၫ့ၥၭအီၪ အၪအၪလ့ၬၥၭအီၪပၧၩ ဒိၪမၬလီၫ. တၭမွဲယထီးလၩ့ ဘၪလၧၦၡၩအစူၪဖၧၩ့လဂ့ၩ.
15 အခိးမွဲယဟိဝၩအၪ့မၧၫ့လၩ့ ဆၧဆၫအဖျဲၪလၧ အံၫစရ့လၭအဖၫ့ခိၪလၧမုဂီၩ ထီးအထီလၧအဖၭဝဲၩဝ့ၫ နီၪ,ၦၥံၫဝ့ၫလၧၦခမျၧးအကျၩ လၧဒၫ့ဖိးလၧဘံအၧၫ
16 ၡံၫဘၫနွ့ၫလၬလီၫ.- ထီးအၥီၫ့ယၩ့ထၪ့အစူၪလၧယရု စလံၫ့အဖၫ့ခိၪဘဲၫၥိၭအမိမၩဂၭဂီၩ့ဝ့ၫတၭ, ယဟိဝၩ နီၫ့ယါလၩ့ထဲၩ့အၥၭ, လၧဆၧအၧၩ့နီၪတၭ, စံၭအၥီၫ့ လၧအမၩဂၭဂီၩ့ၦခမျၧးလဂၩနီၪ, အၪယူၭ,ထုၭလၩ့ ထဲၩ့နစူၪဆံၭ. တၭယဟိဝၩအၥီၫ့နီၪအီၪဝ့ၫလၧ ၦယ့
17 ဘုၫဖိၪစအရီနၫအခရဲးဖၧၩ့နီၪလီၫ.- ထီးအဒၪဘၪဝ့ၫ လၧအၥီၫ့ဖ့ၬခွံၬ ၦခမျၧးတၭ, စဒၫဝံၭ ချဲၩ့ဆၧလၧယ ဟိဝၩ,စံၭဝ့ၫဒၪ, ယိခွါ,ယမၩမၪယူၭဆၧယူၭ, ဒဲမၩ အၧၩ့ဆ့း အ့ၪမွဲၥိၪလဖၪယီၩမွဲအဝ့ၫၥံၪမၩဘၪဆၧနီၪ လမံၩ့လဲၪ, မွဲနစူၪအီၪလါလၧယလီၩ့ဒဲယဖါအၡၩဂံၪ့ ဖိၪအလီၩ့နီၪဆံၭ.
18 ဆၧလၧမုလနံၩနီၪ စဂၭဂဲၫလၧစဒၫဝံၭအအီၪတၭ စံၭအဝ့ၫ,လ့ၩထၪ့ဘီၪ, မၩထၪ့ဆၧလုအလးလၧယဟိ ဝၩအဂးလၧၦယ့ဘုၫဖိၪစအရီနၫအခရဲးဖၧၩ့နီၪဆံၭ.
19 စဒၫဝံၭမၩဝ့ၫဘဲၫစဂၭအလူအၥိၭနီၪတၭ, လ့ၩထၪ့
20 ဝ့ၫဘဲၫယဟိဝၩ မၪလူၬဆၧအၥိၭနီၪလီၫ.- စအရီနၫ ယိဝ့ၫနီၪ,ဒၪဘၪစဎွၩ ဒဲအခ့ၫအၡၩၥံၪဂဲၫလၧအအီၪ တၭ,ထွံၩလၩ့တၭ ချႃၬလၩ့အမ့ၬလၧဂၪ့ခိၪလၧစဎွၩ
21 အမ့ၬယၫလီၫ.- တၭစအရီနၫစံၭအဝ့ၫဒၪ, ယကဆါစ ဎွၩဂဲၫလၧအခ့ၫအၡၩအအီၪ, မွဲအဘၪဆၧနီၪလမံၩ့ လဲၪ. တၭစဒၫဝံၭစံၭဝ့ၫဒၪ, ဘဲၫၥိၭယမိဎွ့ၩန့ခရဲးလၧ နအီၪဘဲၫၥိၭယမိမၩထၪ့ဆၧလုအလး လၧယဟိဝၩ အဂးလၧဆၧမိပဒၩ့ဆၧဆၫအဖျဲၪ လၧၦခမျၧးနီၪလီၫ.
22 စအရီနၫစံၭစဒၫဝံၭ, မွဲယကဆါစဎွၩမၩန့ဆၧတၭ,လု ထၪ့ဆၧလၧအဂ့ၩလၧအမ့ၬယၫဆံၭ. ယိခွါ,ချီဖၫလၧ ဆၧလုမ့ၪအဂး, ဒဲနိၪထးၥံၪလၧပထးဘုၪ, ချီအဎၧၩ့ အဎီလဖၪ, လၧၥံၪ့မုအဂးနီၪအီၪဝ့ၫလီၫ.
23 ဆၧထီးအလူၬနီၪ စအရီနၫဖ့ၪလၫ့ဘဲၫစဎွၩအၥိၭ, လၧစဎွၩအစူၪဖၧၩ့လီၫ. စအရီနၫစံၭစဎွၩ, မွဲယဟိ ဝၩနယွၩထိးဆၧၫ့နၧၩဆံၭ.
24 တၭစဎွၩစံၭစအရီနၫ,မွဲအ့ၬ. ယမိဎွ့ၩဆၧလၧနၧၩ လၧအဎွ့ၩတၡါလီၫ. တၭလၧဆၧ လၧယန့ဘၪပျီၩ ပျီၩနီၪ,ယလုထၪ့ဆၧလုမ့ၪ လၧယဟိဝၩယယွၩအဂး အ့ၬ. အခိးမွဲစဒၫဝံၭဎွ့ၩခရဲးနီၪ, ဒဲချီလဖၪလၧစ့ၩၡ
25 က့လၭယဲဆံၫလီၫ.- စဒၫဝံၭမၩထၪ့ ဆၧလုအလးထီး နီၪလၧယဟိဝၩအဂးတၭ, လုထၪ့ဆၧလုမ့ၪ ဒဲဆၧလု မၩဘၪလိၬအိၭလိၬလီၫ. တၭယဟိဝၩခိၭနၪအဆၧ ဘၩဆိၪဖၪလၧခးအဂးနီၪတၭ, ဆၧဆၫအဖျဲၪလၩ့မါ လၧအံၫစရ့လၭအကျၩနီၪလီၫ.