လံၬစဎွၩၥံၪအခၪ့ထံၭလဘံၪ့.
1
1 တၭစဎွၩဒၫဝံၭအၥၭၡါယူၭ, လ့ၩနုၬယူၭလၧမုနံၩ လဖၪအကျၩယူၭ, ၦဒုၭလုၬအဝ့ၫလၧဆၧကီၩ့ဆၧၥိၭ
2 လါနၫ့တၭး လၧၩ့ထၪ့အ့ၬ.- အခိးမွဲဘဲၫနီၪတၭ, အခ့ၫ အၡၩစံၭအဝ့ၫ, မွဲၦအၪ့ဎၬန့ၦမုၪနၩ့လၧအၥၭဘၪ့လ ဂၩလၧယကဆါအဂးတၭ, မွဲအဆၧၫ့ထုၪ့လၧစဎွၩအ မ့ၬယၫတၭ, ကဲၪထၪ့အထံၩအၥိၭ ဒဲမံၫလၧအၥၭနၫ ၡါအလီၩ့ဆံၭ. တၭယကဆါစဎွၩ မိလၧၩ့ထၪ့လီၫ.
3 အခိးမွဲအဝ့ၫၥံၪအၪ့ဎၬဝ့ၫ ၦမုၪနၩ့အခံးအဂၩ့ဂ့ၩလၧ အံၫစရ့လၭအခးနဲၩ့ ထီးအလူၬအဖၧၩ့တၭ, ဒၪန့ဝ့ၫ လၧၦရှုန့ၫဖိၪနးအၭဘၡၭတၭ, ဂဲၫၥိၫ့ဝ့ၫလၧစဎွၩအ
4 အီၪလီၫ.- ၦမုၪနၩ့နီၪအခံးအဂၩ့ဂ့ၩမၬတၭ, ယိထဲၩ့ခွါထဲၩ့စဎွၩနီၪ, မၩအခ့ၫအၡၩအဆၧတၭး စဎွၩၥ့ၪယၫဝ့ၫဒၪအ့ၬ.
5 နးဟၭဂံၭအဖိၪခွၫစအၭဒနဲယၫ အီၪက့ၪထၪ့ထီၫ အၥၭတၭ,စံၭဝ့ၫဒၪ, ယမိကဲၪထၪ့စဎွၩလီၫ. တၭတဲၩ့ ဝဲၩလဲၪ့ၥုၭလဖၪ, ဒဲၦထူၬကၥ့ၪလဖၪ, ဒဲၦၡၩလၧအမိ
6 စဲၪ့လၧအမ့ၬယၫယဲဆံၫလီၫ.- တၭအဝ့ၫဒၪမၩဆၧလ မံၩ့လါလါနီၪ အဖါပဒၩ့လၧအစံၭဝ့ၫ, မွဲဘၪနီၫနမၩ ဆၧဘဲၫနီၪလဲၪ, နးဆိၭအ့ၬ. တၭအခံးအဂၩ့နီၪဂ့ၩ မၬဆ့လီၫ. တၭအဝ့ၫအီၪဖျဲၪ လၧစအၭဘစလၧၫ့အ
7 လးခဲၫ့နီၪလီၫ.- တၭအဝ့ၫဒၪချဲၩ့ဆၧ လၧနးဇ့ၫရုၫအဲ အၫအဖိၪခွၫစယိအၭ, ဒဲၦလုဆၧစအဘဲအၥၫတၭ,အ
8 ဝ့ၫၥံၪဖိၬစအၭဒနဲယၫအခဲၫ့တၭ မၩဆၧၩ့ဝ့ၫလီၫ.- အ့ၪ မွဲၦလုဆၧစဇၫဒီၭ, ဒဲစယဟီအဒၫအဖိၪခွၫစဘံၫ့နအဲ အၫ,ဒဲမီၪစနၫၥၫ့, ဒဲစၡံမအဲၫ,ဒဲစရံအဲၫ, ဒဲစဒၫဝံၭအၡၩ
9 အဆီၪ့ၥံၪနီၪအီၪလၧစအၭဒနဲယၫအၥိၭအ့ၬ.- တၭစ အၭဒနဲယၫမၩၥံၫၥိၪဒဲချီဖၫၥံၪ, ဒဲချီဖိၪအဘီၪ့လဖၪ လၧလိးဇိဟလ့ၭ အနဲၩ့လၧအအီၪဝ့ၫ ထီးအံၪ့ရိၫဂ့ လၭတၭ, ကိၭန့အထၧၫ့ဖုဝဲ စဎွၩအဖိၪခွၫၥံၪ ထီးအ လူၬ,ဒဲၦၡၩယုဒၫဖိၪ စဎွၩအခ့ၫအၡၩၥံၪထီးအလူၬ
10 လီၫ.- အ့ၪမွဲမီၪစနၫၥၫ့, ဒဲစဘံၫ့နအဲအၫ, ဒဲၦအဆီၪ့လ ဖၪ, ဒဲအထၧၫ့ဖုဝဲစစီလမၧၫ့နီၪကိၭဝ့ၫအ့ၬ.
11 စနၫၥၫ့ချဲၩ့ဆၧလၧစစီလမၧၫ့ အမိနးဘၭၥၡံဘၫ တၭ,စံၭဝ့ၫဒၪ, လၧနးဟၭဂံၭအဖိၪခွၫ စအၭဒနဲယၫ, ကဲၪစဎွၩတၭ, ပကဆါစဒၫဝံၭလၥ့ၪယၫဘၪနီၪ, မွဲန
12 လနါဂၧၫ့ဘၪဧၪ.- တၭဘိၩ့နဲၪ့ယီၩဂဲၫဘီၪ, ဒုၭကိၪ့လါ ယၧၩလၧနၧၩ, ဘဲၫၥိၭနမိမၩဖီၩ့မၩဖျ့ၭနၥၭမၧၫ့, ဒဲန
13 ဖိၪခွၫစစီလမၧၫ့အၥၭမၧၫ့နီၪဆံၭ.- လ့ၩဘီၪ, လ့ၩနုၬ လၧစဎွၩဒၫဝံၭအအီၪတၭ, စံၭအဝ့ၫ,ယကဆါစဎွၩဧ့, နဆိၪလၩ့နၥၭလၧနဎီးမုၪတၭစံၭ, နဖိၪခွၫစစီလမၧၫ့မိ ကဲၪစဎွၩလၧယလးခဲၫ့တၡါတၭ, မိဆၧၫ့နၩ့လၧယလး ဆီၩ့ဆီနီၪလမွဲဘၪဧၪ. တၭစအၭဒနဲယၫ ကဲၪစဎွၩ
14 နီၪမွဲဘၪလဲၪ.- ယိခွါ, နချဲၩ့ဆၧလၧစဎွၩအဘိၩ့ဘၭ တၭ,ယမိဂဲၫဆ့လၧနလးခဲၫ့တၭ, မၩဂုးထၪ့ခၧၫ့ထၪ့န ဆၧချဲၩ့လီၫ.
15 နးဘၭၥၡံဘၫ လ့ၩနုၬလၧစဎွၩအအီၪလၧဒူၭဖၧၩ့ တၭ, စဎွၩအၥၭၡါဖၭဒိၪယူၭလီၫ. တၭၦရှုန့ၫဖိၪနး
16 အၭဘၡၭနီၪမၩစဎွၩအခ့ၫအၡၩအဆၧလီၫ.- တၭနး ဘၭၥၡံဘၫ ၡီၫ့လၩ့အခိၪ, ဒဲထွံၩလၩ့ လၧစဎွၩအမ့ၬ ယၫတၭ,စဎွၩစံၭဝ့ၫဒၪ, မွဲနဆိၫ့န့ဘၪ ဆၧနီၪလမံၩ့
17 လဲၪ.- ၦမုၪနီၪစံၭဝ့ၫ, ယကဆါဧ့, နဆိၪလၩ့နၥၭလၧန ဎီးမုၪလၧယဟိဝၩနယွၩအမ့ၬယၫတၭ, နစံၭ,နဖိၪခွၫ စစီလမၧၫ့မိကဲၪစဎွၩ လၧယလးခဲၫ့တၡါတၭ, မိဆၧၫ့
18 နၩ့လၧယလးဆီၩ့ဆီလီၫ.- တၭဘိၩ့နဲၪ့ယီၩ ယိခွါ, စအၭဒနဲယၫကဲၪစဎွၩတၭ, ဘိၩ့နဲၪ့ယီၩယကဆါစဎွၩ
19 ဧ့,နၥ့ၪယၫအ့ၬ.- တၭအဝ့ၫဒၪမၩၥံၫယူၭချီဖၫၥံၪ, ချီဖိၪ အဘီၪ့ၥံၪ, ဒဲၥိၪၥံၪအၪအၪလ့ၬတၭ, ကိၭန့ယူၭစဎွၩအ ဖိၪခွၫထီးအလူၬ, ဒဲၦလုဆၧစအဘဲအၥၫ, ဒဲၦၥုၭမုအ ခိၪစယိအၭလီၫ. အ့ၪမွဲနခ့ၫနၡၩစစီလမၧၫ့နီၪ ကိၭဝ့ၫ
20 ဒၪအ့ၬ.- တၭနဝ့ၫဒၪယီၩယကဆါ,စဎွၩဧ့, အံၫစရ့လၭ ထီးအလူၬအမ့ၬၥၪၥံၪအီၪဝ့ၫ လၧနလီၩ့, လၧယက ဆါစဎွၩအလးခဲၫ့နီၪ, မွဲပလၫမိဆၧၫ့နၩ့ လၧအလး ဆီၩ့ဆီလဂၩလဲၪနီၪ, ဘဲၫၥိၭနမိလီၩဘၪအဝ့ၫၥံၪလီၫ.
21 နအ့ၪလမၩဘၪဘဲၫနီၪတၭ, ထီးယကဆါစဎွၩ မိမံၫ လၧအဖါၥံၪအၥိၭတၭ, ဆၧမိမၩအၥၭလၧဆၧမိအီၪ က့ၪယၧၩဒဲယဖိၪခွၫစစီလမၧၫ့ လၧၦပိၩ့ထၪ့ဆၧလီၫ.
22 တၭယိခွါ, အဝ့ၫဒၪချဲၩ့ဝ့ၫလၧစဎွၩအဘိၩ့ဘၭနီၪ,
23 မီၪစနၫၥၫ့ဂဲၫနုၬဝ့ၫဆ့လီၫ.- တၭၦဒုၭနဲၪစဎွၩတၭ,စံၭ ဝ့ၫဒၪ,ယိခွါ, မီၪစနၫၥၫ့လီၫ. တၭအဝ့ၫဒၪဂဲၫနုၬဝ့ၫလၧ စဎွၩအအီၪနီၪ, ထွံၩလၩ့အၥၭလၧစဎွၩအမ့ၬယၫ,အ
24 မ့ၬထီၩ့လၩ့လၧဂၪ့ခိၪလီၫ.- တၭစနၫၥၫ့စံၭဝ့ၫဒၪ,ယ ကဆါစဎွၩဧ့, မွဲနစံၭလၧစအၭဒနဲယၫမိကဲၪစဎွၩလၧ
25 ယလးခဲၫ့တၭ, မိဆၧၫ့နၩ့လၧယလးဆီၩ့ဆီဆ့ဧၪ.-အ ဂဲးဘဲၫယီၩ အဝ့ၫဒၪလ့ၩလၩ့လနံၩယီၩတၭ, မၩၥံၫ ယူၭချီဖၫၥံၪ,ဒဲချီဖိၪလၧ အဘီၪ့လဖၪအၪအၪလ့ၬတၭ, ကိၭန့စဎွၩအဖိၪခွၫထီးအလူၬ, ၦၥုၭမုအခိၪလဖၪ,ဒဲၦ လုဆၧစအဘဲအၥၫတၭ, ယိခွါ, အဝ့ၫၥံၪနီၪအၪ့ဆၧ,ဒဲ အီၩဆၧလၧအမ့ၬယၫတၭ, စံၭဝ့ၫဒၪ, မွဲစအၭဒနဲယၫ
26 မၧၫ့ဝ့ၫဆံၭ.- အ့ၪမွဲဆၧလၧယၧၩယီၩ, ယဝ့ၫဒၪနခ့ၫန ၡၩ,ဒဲၦလုဆၧစဇၫဒီၭ, ဒဲစယဟီအဒၫအဖိၪခွၫစဘံၫ့
27 နအဲအၫဒဲနခ့ၫနၡၩ စစီလမၧၫ့နီၪကိၭဝ့ၫအ့ၬ.- မွဲပလၫ မိဆၧၫ့နၩ့လၧယကဆါအလးဆီၩ့ဆီ လၧအလးခဲၫ့လ ဂၩလဲၪနီၪနလဒုၭၥ့ၪယၫဘၪနခ့ၫနၡၩတၭ, ဆၧလမံၩ့ ယီၩမွဲအဘၪဆၧမၩဝ့ၫ လၧယကဆါစဎွၩဆ့ဧၪ.
28 တၭစဎွၩဒၫဝံၭစံၭဆၧၫ့ဆၧတၭး စံၭ, ကိၭန့ယၧၩလၧ နးဘၭၥၡံဘၫဆံၭ. တၭအဝ့ၫဒၪဂဲၫနုၬဝ့ၫလၧစဎွၩအ အီၪတၭဆၧၫ့ထုၪ့လၧစဎွၩအမ့ၬယၫလီၫ.
29 စဎွၩဆိၪလၩ့အၥၭတၭ, စံၭဝ့ၫဒၪ, ယဟိဝၩလၧအ ဎွ့ၩန့ထဲၩ့ယၥၭ လၧကယဲဆၧၡၪ့ဆၧနၭ အဖၧၩ့နီၪမၧၫ့
30 ဝ့ၫ,- ဘဲၫယဆိၪလၩ့ယၥၭဒၪလ့ၬလၧနၧၩလၧယဟိဝၩ အံၫစရ့လၭအယွၩအမ့ၬယၫအၥိၭတၭ, စံၭ, နဖိၪခွၫ စစီလမၧၫ့မိကဲၪထၪ့စဎွၩ လၧယလးခဲၫ့တၡါတၭ,မိ ဆၧၫ့နၩ့လၧယလးဆီၩ့ဆီလၧယလးနီၪ, လၧမုဆၫလ
31 နံၩယီၩဒၪလ့ၬ ယမိမၩတၡါဘဲၫနီၪအၥိၭလီၫ.- ထီး နီၪလဖၧၫ့ နးဘၭၥၡံဘၫၡီၫ့လၩ့အခိၪ ချႃၬလၩ့အမ့ၬ လၧဂၪ့ခိၪတၭ, ထွံၩလၩ့လၧစဎွၩအမ့ၬယၫတၭစံၭဝ့ၫ ဒၪ,မွဲယကဆါစဎွၩဒၫဝံၭ မၧၫ့ဝ့ၫအဆိၩဆိၩအကၠၪ ကၠၪဆံၭ.
32 တၭစဎွၩဒၪဝံၭစံၭဝ့ၫဒၪ, ကိၭန့ယၧၩလၧၦလုဆၧ စဇၫဒီၭ,ဒဲမီၪစနၫၥၫ့, ဒဲစယဟီအဒၫအဖိၪခွၫစဘံၫ့န အဲအၫဆံၭ. တၭအဝ့ၫၥံၪဂဲၫနုၬဝ့ၫ လၧစဎွၩအမ့ၬယၫ
33 လီၫ.- စဎွၩစံၭဆ့အဝ့ၫၥံၪ, မၩန့နၥံၪအကဆါအခ့ၫအ ၡၩလၧနၥံၪအၥိၭတၭ, ဒုၭထူၬယဖိၪခွၫစစီလမၧၫ့လၧ ယကၥ့ၪယီၩ့ဒၪယဝ့ၫတၭ, ၥိၫ့လၩ့အဝ့ၫ လၧဂဲဟၫ့
34 ဆံၭ.- တၭမွဲၦလုဆၧစဇၫဒီၭ, ဒဲမီၪစနၫၥၫ့ဂုၪအဝ့ၫလၧ စဎွၩလၧအံၫစရ့လၭအဖၫ့ခိၪထီးနီၪဆံၭ. နၥံၪဝ့ၫအူၪ
35 ထၪ့ခွ့ၩတၭစံၭ,မွဲစဎွၩစစီလမၧၫ့မၧၫ့ဝ့ၫဆံၭ.- ထီးနီၪ လဖၧၫ့နၥံၪမိဘၪဂဲၫထၪ့လၧအလးခဲၫ့ ဘဲၫၥိၭအမိဂဲၫ ဆၧၫ့နၩ့လၧယလးဆီၩ့ဆီအဖၧၩ့း အဂဲးဘဲၫယီၩအဝ့ၫဒၪ မိဘၪကဲၪထၪ့စဎွၩလၧယလးလီၫး ယအီၪက့ၪထၪ့ယူၭ အဝ့ၫဘဲၫၥိၭအမိကဲၪထၪ့ၦပၧၩ့ဆၧ လၧအံၫစရ့လၭဒဲ
36 လၧယုဒၫအဖၫ့ခိၪလီၫ.- တၭစယဟီအဒၫ အဖိၪခွၫ စဘံၫ့နအဲအၫစံၭဆၧၫ့ စဎွၩတၭ, စံၭဝ့ၫဒၪ, အၩမံၩ့, ယဟိဝၩ ယကဆါစဎွၩအယွၩနီၪ, မွဲအစံၭဘဲၫနီၪအ
37 ၥိၭဆံၭ.- ဘဲၫယဟိဝၩအီၪယူၭဝ့ၫ လၧယကဆါစဎွၩ အၥိၭနီၪ, မွဲအအီၪလၧစစီလမၧၫ့ဘဲၫနီၪအၥိၭ, ဒဲမွဲအ မၩအလးဆီၩ့ဆီဒိၪနဲၪ့ ယကဆါစဎွၩဒၫဝံၭအလး ဆီၩ့ဆီနီၪဆံၭ.
38 အခိးမွဲၦလုဆၧစဇၫဒီၭဒဲမီၪစနၫၥၫ့, ဒဲစယဟီအဒၫ အဖိၪခွၫစဘံၫ့နအဲအၫ, ဒဲၦခ့ၫရ့ၭဖိၪၥံၪ, ဒဲၦပံလ့ၭဖိၪ ၥံၪလ့ၩလၩ့ဝ့ၫတၭ, ဒုၭထူၬစစီလမၧၫ့လၧစဎွၩဒၫဝံၭအ
39 ကၥ့ၪယီၩ့တၭ, ဂဲၫၥိၫ့အဝ့ၫလၧဂဲဟၫ့လီၫ.- ၦလုဆၧ စဇၫဒီၭမၩန့ဆၧနိၩ့လခီၫအီၪလၧၥိၪ လၧတဲၩဆံၫ့ဎံၪ အဖၧၩ့တၭ, ဂုၪစစီလမၧၫ့လီၫ. ၦအူၪထၪ့ခွ့ၩနီၪ,ၦခ
40 မျၧးထီးအလူၬစံၭဝ့ၫဒၪ, မွဲစစီလမၧၫ့မၧၫ့ဝ့ၫဆံၭ.- ၦ ခမျၧးထီးအလူၬဂဲၫဖိၬထၪ့အခဲၫ့တၭ, ၦခမျၧးအူၪခဲၫ တၭ,ၥၭထိၬလၧဆၧၥၭထိၬဖၭဒိၪတၭ, ဂၪ့ခိၪဝၭဖျၩ့ လၧအၥီၫအကၠီၩ့လီၫ.
41 စအၭဒနဲယၫ, ဒဲကယဲၦလၧအဒိၭကိၭအၥၭထီးအ လူၬလၧအအီၪလၧအဝ့ၫနီၪအၥိၭနါဂၧၫ့ဝ့ၫတၭ, အဝ့ၫ ၥံၪနီၪအၪ့လၧၩ့ဆၧအ့ၬး တၭစယိအၭနါဂၧၫ့ခွ့ၩအၥီၫ တၭ,စံၭဝ့ၫဒၪ, ဒိၩ့တုၩ့ထၪ့တုၩ့လၩ့အၥီၫနီၪး မွဲဆၧနီၪ လမံၩ့လဲၪ.
42 အဝ့ၫဒၪချဲၩ့ဆၧအဘိၩ့ဘၭနီၪ, ယိခွါ,ၦလုဆၧစအ ဘဲအၥၫအဖိၪခွၫ စစၪ့နၥၧၫ့ဂဲၫဝ့ၫတၭ, စအၭဒနဲယၫ စံၭအဝ့ၫ,ဂဲၫနုၬဘီၪ. အဂဲးဘဲၫယီၩနမွဲၦအဆီၪ့အၥၭ
43 ဒူၩဒဲဂဲၫဆိၬဆၧပရၧၫ့အဂ့ၩလီၫ.- စစၪ့နၥၧၫ့စံၭဆၧၫ့ ဆၧတၭ,စံၭစအၭဒနဲယၫ, မွဲမၬပကဆါစဎွၩဒၫဝံၭအီၪ
44 က့ၪယူၭစစီလမၧၫ့လၧစဎွၩလီၫ.- တၭစဎွၩအၪ့မၧၫ့ လၩ့ၦလုဆၧစဇၫဒီၭ, ဒဲမီၪစနၫၥၫ့, ဒဲစယဟီအဒၫအ ဖိၪခွၫစဘံၫ့နအဲအၫ, ဒဲၦခ့ၭရ့ၭဖိၪၥံၪ, ဒဲၦပံလ့ၭဖိၪၥံၪ လၧအၥိၭတၭ, အဝ့ၫၥံၪနီၪဒုၭထူၬဝ့ၫ လၧစဎွၩအကၥ့ၪ
45 ယီၩ့နီၪး- တၭၦလုဆၧစဇၫဒီၭ, ဒဲမီၪစနၫၥၫ့နီၪဂုၪဝ့ၫ လၧစဎွၩလၧဂဲဟၫ့အဖၧၩ့တၭ, ဂဲၫထဲၩ့ထၪ့ထီးနီၪလၧ အၥုၪ့ထိၬအၥၭထိၬတၭ, ဒိၩ့ဝၭêတၩထၪ့လီၫ. အနီၪ
46 မွဲဆၧၥီၫလၧနၥံၪနါဂၧၫ့လီၫ.- တၭစစီလမၧၫ့ဆၧၫ့နၩ့
47 လၧဘၩ့မုးအလးဆီၩ့ဆီဆ့လီၫ.- တၭစဎွၩအခ့ၫအ ၡၩဂဲၫစံၭထၪ့အၪ့အူၭ ပကဆါစဎွၩဒၫဝံၭတၭ, စံၭဝ့ၫ ဒၪ,မွဲယွၩမၩစစီလမၧၫ့အမံၩ့ ဂ့ၩနဲၪ့နမံၩ့တၭ, မၩအ လးဆီၩ့ဆီဒိၪနဲၪ့နလးဆီၩ့ဆီဆံၭ. တၭစဎွၩဘၩဆၧ
48 လၧအလးမံၫဖၧၩ့လီၫ.- တၭစဎွၩစံၭဆ့ဘဲၫယီၩ, ယ ဟိဝၩအံၫစရ့လၭအယွၩ လၧအအီၪက့ၪၦလဂၩဆၧၫ့ နၩ့လၧယလးဆီၩ့ဆီလၧမုဆၫလနံၩယီၩ, ယမ့ၬၥၪဒၪ ဘၪအဝ့ၫနီၪ, မွဲအဘၪဆၧစံၭထၪ့အၪ့အူၭဝ့ၫဆံၭ.
49 ၦလၧအဒိၭကိၭအၥၭ လၧအအီၪဝ့ၫလၧစအၭဒနဲ ယၫအၥိၭထီးအလူၬနီၪ, ၥၭမဲၪဝ့ၫတၭ, ဂဲထုၪ့တၭ,စဲၪ့ ထၪ့ခွံၬလဂၩ လၧအဖၧၩ့ၥၭဒၪဝ့ၫ, လဂၩလၧအဖၧၩ့
50 ၥၭဒၪဝ့ၫလီၫ.- တၭစအၭဒနဲယၫၥၭမဲၪဆၧလၧစစီလ မၧၫ့အကၠီၩ့နီၪ, ဂဲထုၪ့လ့ၩဖီၪ့ထၬဆၧလုအလးအနိၩ့
51 လဖၪလီၫ.- ၦဒုၭနဲၪစစီလမၧၫ့တၭ, စံၭဝ့ၫဒၪ,ယိခွါ, စအၭဒနဲယၫၥၭမဲၪ စဎွၩစီလမၧၫ့နီၪ, အဂဲးဘဲၫယီၩ, ယိခွါ,ဖီၪ့ထၬဆၧလုလးအနိၩ့လဖၪတၭ, စံၭဝ့ၫဒၪ, မွဲစဎွၩစီလမၧၫ့ ဆိၪလၩ့အၥၭလၧယၧၩ လၧမုဆၫ လနံၩယီၩလၧအလမၩၥံၫဘၪ အခ့ၫအၡၩလၧနၭနီၪ
52 ဆံၭ.- တၭစစီလမၧၫ့စံၭဝ့ၫဒၪ, အ့ၪကဲၪထၪ့ၦအဂ့ၩအ ဘၪတၭ,န့ၫအခိၪၥူၫလဘီၩ့ လၩ့ထ့ၬဘၪလၧဂၪ့ခိၪအ့ၬ. အ့ၪမွဲဆၧအၧၩ့အ့ၪအီၪလၧအဖၧၩ့တၭ, မိဘၪၥံၫလီၫ.
53 စဎွၩစီလမၧၫ့ အၪ့မၧၫ့လၩ့ဆၧတၭ, ၦဂဲၫထဲၩ့ဆိၬဝ့ၫ လၧဆၧလုအလးတၭ, အဝ့ၫဒၪဂဲၫဝ့ၫတၭ, ထွံၩလၩ့အ ၥၭလၧစဎွၩစီလမၧၫ့အမ့ၬယၫတၭ, စစီလမၧၫ့စံၭအ ဝ့ၫ,လ့ၩလၧနဂံၪ့ဆံၭ.