2
1 ဆၧလဖၪနီၪအလးခဲၫ့ ဆၧမၩအၥၭလၧစဒၫဝံၭအၪ့ စၪ့ဆၧလၧယဟိဝၩတၭ, စံၭဝ့ၫဒၪ, ယမိဘၪလ့ၩထၪ့ လၧယုဒၫအဒိၩ့လဖျိၪ့ဖျိၪ့ဆ့ဧၪး တၭယဟိဝၩစံၭအ ဝ့ၫ,လ့ၩထၪ့ဘီၪ. တၭစဒၫဝံၭစံၭဝ့ၫဒၪ, ယမိဘၪလ့ၩ ထၪ့ခီၫခီၫလဲၪ. တၭအဝ့ၫဒၪစံၭဝ့ၫ, လၧဟံဘြၧၫ့နီၪ
2 လီၫ.- တၭစဒၫဝံၭလ့ၩထၪ့ထီးနီၪ, လၧအမၫနံၫဂၩဆ့, ၦယ့ၭစရ့လၭဖိၪ နးအဟံၫ့နိၫအၫ့, ဒဲၦကၫမလ့ၭဖိၪစ
3 နၫဘလၭအမၫနးအၭဘဂၫလၭလီၫ.- တၭစဒၫဝံၭလ့ၩ ကိၭန့ၦအီၪလၧအၥိၭလဖၪ, လဂၩလၧအၡၩဂံၪ့ဖိၪ, လဂၩလၧအၡၩဂံၪ့ဖိၪဆုၬဆုၬတၭ, အဝ့ၫၥံၪအီၪဝ့ၫ
4 လၧဟံဘြၧၫ့အဒိၩ့လဖၪအဖၧၩ့လီၫ.- ယုဒၫအၡၩဂဲၫ ဝ့ၫတၭ,ဂုၪစဒၫဝံၭထီးနီၪလၧအမိကဲၪစဎွၩ လၧယုဒၫ အၡၩဂံၪ့ဖိၪၥံၪအဖၫ့ခိၪလီၫ. တၭၦလီၩဘၪ စဒၫဝံၭ လၧၦယ့ဘ့ၭဂံလအၭဖိၪခုၪ့လၩ့ဘၧၩ့ခွံၬ စစီလူၫလီၫ.
5 တၭစဒၫဝံၭအၪ့မၧၫ့ အၥီၫ့ၥံၪလ့ၩလၧယ့ဘ့ၭဂံလ အၭအၡၩၥံၪအအီၪတၭ, စံၭအဝ့ၫၥံၪ, မွဲနၥံၪဘၪဆၧ ဆိၪဂ့ၩ လၧယဟိဝၩဆံၭ. အဂဲးဘဲၫယီၩ နၥံၪမၩခိး မၩတၩနၥံၪအကဆါစစီလူၫတၭ, ခုၪ့လၩ့ဘၧၩ့ခွံၬဝ့ၫ
6 လီၫ.- တၭဘိၩ့နဲၪ့ယီၩ, မွဲယဟိဝၩမၩနၥံၪလၧဆၧအ ခိးအတၩ, ဒဲဆၧမွဲဆၧတီၩနီၪဆံၭ. တၭယဝ့ၫဒၪယီၩ ယမိမၩနၥံၪလၧဆၧဂ့ၩဆ့ လၧဆၧအခိးအတၩယီၩ အကၠီၩ့လီၫ. မွဲလၧနၥံၪမၩဆၧနီၪလမံၩ့ အဂဲးလီၫ.
7 တၭဘိၩ့နဲၪ့ယီၩ မွဲနၥံၪအစူၪဆီၪ့ထၪ့, ဒဲနၥံၪအၥၭဎွံၫ ထၪ့ဆံၭ. အဂဲးဘဲၫယီၩနၥံၪအကဆါ စစီလူၫၥံၫယူၭ. ယုဒၫအၡၩဂံၪ့ဖိၪဂုၪယၧၩ လၧစဎွၩ လၧအဝ့ၫၥံၪအ ဖၫ့ခိၪလီၫ.
8 တၭစစီလူၫ အၥုၭမုအခိၪ စနၧၫအဖိၪခွၫစအၭဘ နၧၫမၩန့စစီလူၫအဖိၪခွၫ စအံၭၡဘိၡ့ၭတၭ, ဂဲၫဆိၬ
9 ဝ့ၫလၧမၫဟနၫအံၫ့နီၪလီၫ.- တၭအီၪက့ၪဝ့ၫလၧစဎွၩ လၧဂံလအၭအဖၫ့ခိၪ, ဒဲလၧၦအၭရှုၫဖိၪ အဖၫ့ခိၪ,ဒဲ လၧယ့ၭစရ့လၭအဖၫ့ခိၪ, ဒဲလၧအံဖြံၫ့အဖၫ့ခိၪဒဲလၧ ဘံၪ့ယမံၫ့အဖၫ့ခိၪ, ဒဲလၧအံၫစရ့လၭထီးအလူၬအဖၫ့
10 ခိၪလီၫ.- တၭစစီလူၫအဖိၪခွၫစအံၭၡဘိၡ့ၭလၧအကဲၪ ၥၫ့အံၫစရ့လၭအစဎွၩနီၪ အၥၭအီၪအနံၪ့လံဆံၫတၭ ကဲၪစဎွၩနံၫနံၪ့လီၫ. အ့ၪမွဲယုဒၫအၡၩဂံၪ့ဖိၪ ဖိၬစဒၫ
11 ဝံၭအခဲၫ့လီၫ.- တၭမုနံၩလဖၪ လၧစဒၫဝံၭကဲၪစဎွၩ လၧဟံဘြၧၫ့အဖၧၩ့ လၧယုဒၫအဂံၪ့ဖိၪအဖၫ့ခိၪနီၪမွဲ နွ့ၫနံၪ့ဒဲလၩဎူၫဘံၪ့လီၫ.
12 တၭစနၧၫအဖိၪခွၫစအၭဘနၧၫ, ဒဲစစီလူၫအဖိၪခွၫ စအံၭၡဘိၡ့ၭအခ့ၫအၡၩၥံၪ စဲၪ့ထၪ့ခွံၬ လၧမၫဟနၫ
13 အံၫ့နီၪထီၩ့လၧဂံဘအၧၫ့လီၫ.- စဇ့ၫရုၫအဲအၫ အဖိၪ ခွၫစယိအၭဒဲစဒၫဝံၭအခ့ၫအၡၩလဖၪ စဲၪ့ထၪ့တၭဘၪ ခီၩ့လိၬအၥၭလၧကမၫဂံဘအၧၫ့အနဲၩ့တၭ, ဆၧၫ့နၩ့ ဝ့ၫ,ၦလဒီၪ့လၧကမၫအလခီၫ, ဒဲအလဒီၪ့နီၪလၧကမၫ
14 လခီၫဒၪလီၫ.- စအၭဘနၧၫစံၭစယိအၭ, မွဲၦဖိၪၥၪခွၫ ဂဲထုၪ့တၭ, ကွ့ၩလၧပမ့ၬယၫဘီၪ. တၭစယိအၭစံၭဝ့ၫ
15 ဒၪ,မွဲအဂဲထုၪ့ဒၪဝ့ၫဘီၪ.- ထီးနီၪလဖၧၫ့ဂဲထုၪ့တၭခၫ့ ဂၬဝ့ၫဘဲၫဆၧဝံထၪ့နၬထၪ့အၥိၭ, ၦဘံၪ့ယမံၫ့ဖိၪလၧ အဘၪဆဲၫ့ စစီလူၫအဖိၪခွၫ စအံၭၡဘိၡ့ၭလဆံၫနံၫ
16 ဂၩ,ဒဲစဒၫဝံၭအခ့ၫအၡၩ လဆံၫနံၫဂၩလီၫ. တၭအ ဝ့ၫၥံၪဖီၪ့န့လဂၩ အဆီၫဒၪဝ့ၫ အခိၪဎွံၪဆုၬဆုၬတၭ, ဆ့ၭအနၭလၧအဆီၫဒၪဝ့ၫအဂုၬဖၩတၭ, အဝ့ၫၥံၪလၩ့ ထံၩဖါဝ့ၫလစီၪ့ဎးလီၫ. တၭဆၧလၧအလးနီၪၦကိၭ ဝ့ၫလၧဟ့လကၭဟၭဇရံၫ့ လၧအအီၪဝ့ၫလၧဂံဘအၧၫ့
17 အဖၧၩ့လီၫ.- ဆၧဒုၭၥုၭဆီၪ့ဆီၪ့လ့ၬ လၧမုလနံၩနီၪ တၭ,စအၭဘနၧၫ ဒဲအံၫစရ့လၭအၡၩစၪဝ့ၫလၧစဒၫ ဝံၭအခ့ၫအၡၩအမ့ၬယၫလီၫ.
18 တၭနးဇ့ၭရုၫအဲအၫ အဖိၪခွၫစယိအၭ, ဒဲစအၭဘ ၡဲၫ,ဒဲစအၫစဟ့လၭၥၧၫ့ဂၩအီၪထီးနီၪလီၫ. တၭစအၫ စဟ့လၭနီၪ မွဲၦလၧအခၪ့ဎွံၫ ဘဲၫခ့ၫဘၩ့မံၩ့အခၪ့အ ၥိၭနီၪလီၫ.
19 တၭစအၫစဟ့လၭနီၪ လီၩ့ဆီးစအၭဘနၧၫတၭ, လ့ၩဆၧလၧအလီၩ့စအၭဘနၧၫ အဘိၩ့ဘၭနီၪလၧစူၪ ထွ့ၪမွဲဂ့ၩ, စူၪစ့ၪမွဲဂ့ၩ, ကၠၪအၥၭအ့ၬ.
20 စအၭဘနၧၫယိထဲၩ့အလးခဲၫ့တၭ, စံၭဝ့ၫဒၪ, နမွဲ စအၫစဟ့လၭနီၪဧၪ, တၭအဝ့ၫဒၪစံၭဝ့ၫ, ယၧၩလီၫ.
21 စအၭဘနၧၫစံၭဝ့ၫ, လၧနစူၪထွ့ၪမွဲဂ့ၩ, လၧနစူၪစ့ၪမွဲ ဂ့ၩ,ကၠၪနၥၭတၭ, ဖီၪ့န့ၦဖိၪၥၪခွၫလဂၩဂၩတၭ, မၩ န့အစူၪဝဲၩဆံၭ, မွဲလါနၫ့ စအၫစဟ့လၭလီၩ့ဖိၬအခဲၫ့
22 နီၪကၠၪအၥၭအ့ၬ.- တၭစအၭဘနၧၫစံၭဒီၭစအၫစဟ့ လၭနီၪ,ကၠၪခွံၬနၥၭလၧနဖိၬယခဲၫ့ဆံၭ, ယမိဘၪဖ့ၬ ထံၩဖါလၩ့နၧၩလၧဂၪ့ခိၪနီၪ, မွဲဘၪလဲၪ. အ့ၪမွဲဘဲၫနီၪ တၭ,ယမိထိးယိယမ့ၬလၧနထၧၫ့ဖုဝဲ စယိအၭဘဲၫၥ့ၪ
23 လဲၪ.- အ့ၪမွဲလကၠၪခွံၬဘၪအၥၭနီၪတၭ, စအၭဘနၧၫ ဆ့ၭဝ့ၫလၧဖၩ့ဘီၩ့အထိၭနၫ လၧအဂူၭဖိၫ့ ထီးဖၩ့ဖျီၫ့ ထၪ့လၧအချိၫ့ခိၪတၭ, လၩ့ထံၩဖါဝ့ၫထီးနီၪတၭ, ၥံၫ ဝ့ၫထီးအလး လစီၪ့နီၪလီၫ. တၭထီးဒၪ ၦလၧအဂဲၫ လၧအလးထီးစအၫစဟ့လၭ လၩ့ထံၩဖါၥံၫဝ့ၫနီၪ,ဆၧ
24 မၩအၥၭလၧအအီၪပထုၬဝ့ၫလီၫ.- စယိအၭဒဲစအၭ ဘၡဲၫလီၩ့ဆီးစအၭဘနၧၫဆ့တၭ, ထီးအထီၩ့လၧဆၧ စီၩ့ခိၪအၫမၫလၧအအီၪဝ့ၫ လၧဂဲအၫ အမ့ၬယၫလၧ ၡါမုနၧၫ့ဖၫ ဂံဘအၧၫ့အဖၧၩ့ၥၭနီၪတၭ, မုလၩ့နုၬဝ့ၫ လီၫ.
25 ၦဘံၪ့ယမံၫ့ဖိၪအီၪကိၩ့အီၪကီၪ့ လၧစအၭဘနၧၫ အလးခဲၫ့တၭ, ကဲၪထၪ့ၥုၭလဒီၪ့တၭ, ဆၧၫ့ထုၪ့လၧ
26 ဆၧစီၩ့ခိၪအဒၩ့ခိၪလီၫ.- ထီးနီၪလဖၧၫ့စအၭဘနၧၫကိၭ ထၪ့လၧစယိအၭတၭ, စံၭဝ့ၫဒၪ,နၭၥံၪဖၩ့ၥံၪမိဘၪအၪ့ ဆၧလထံၪဎးလဘီၩ့ဎးဆ့ဧၪ, လၧခဲၫ့ထုၬနီၪ မိကဲၪ ထၪ့ဆၧခိဆၧဝီၩ နၥ့ၪယၫအ့ၬဧၪ. အခိးမွဲနမိမၪလူၬ ၦခမျၧးဘဲၫၥိၭအမိဂဲၫထဲၩ့ထဲၩ့ လၧအလီၩ့ဖိၬအထၧၫ့
27 ဖုဝဲအခဲၫ့နီၪဆံၭယံၬခိၬလဲၪ.- စယိအၭစံၭဝ့ၫဒၪ,ယွၩ မၧၫ့ဝ့ၫ,နအ့ၪလချဲၩ့ထၪ့ဘၪဆၧတၭ, မွဲတၡါလၧဂီၩ လခီၫနီၪ,ၦခမျၧးထဲၩ့ထဲၩ့ယူၭ လၧအလီၩ့ဖိၬအထၧၫ့
28 ဖုဝဲအခဲၫ့ကိၭဂၩဒ့ၭလီၫ.- အခိးမွဲ စယိအၭ အူၪခွ့ၩ တၭ,ၦခမျၧးအီၪထီတၭ, လီၩ့ဆီးလၧၩ့အံၫစရ့လၭ အ့ၬ, ဒုၭလၧၩ့ၥုၭဆ့အ့ၬ.
29 တၭစအၭဘနၧၫ, ဒဲအၡၩၥံၪလ့ၩဆၧၥၫ့နၩချီၩ့လၧ ဆၧပျၩ့ဖၧၩ့နီၪတၭ, ခၫ့ဂၬယီၫဒၫ့, ဒဲလ့ၩခၫ့ဂၬဘံၭၥၧၫ့
30 တၭ,လ့ၩထီၩ့လၧမၫဟနၫအံၫ့နီၪလီၫ.- တၭစယိအၭ ဂဲၫထဲၩ့ထဲၩ့လၧအလီၩ့ဖိၬ စအၭဘနၧၫအခဲၫ့, ထီးအ ဒုၭအီၪကီၪ့ၦခမျၧးထီးအလူၬနီၪတၭ, စဒၫဝံၭအခ့ၫအ
31 ၡၩလဆံၫခွံၫဂၩ, ဒဲစအၫစဟ့လၭအီၪအ့ၬ.- အ့ၪမွဲစဒၫ ဝံၭအခ့ၫအၡၩဖ့ၬခွံၬယူၭ ၦလၧဘံၪ့ယမံၫ့, ဒဲစအၭဘ
32 နၧၫအၡၩတၭ, ၦၥၧၫ့ယၩဎူၫဆံၫၥံၫဝ့ၫလီၫ.- အဝ့ၫၥံၪ မၩန့ထၪ့စအၫစဟ့လၭတၭ, ခုၪ့လၩ့ဘၧၩ့ခွံၬဝ့ၫလၧ အဖါအၥွၪခိၪဖၧၩ့ လၧအအီၪဝ့ၫလၧဘ့ၭၥလံဟံၫ့အ ဖၧၩ့နီၪလီၫ. တၭစယိအၭ ဒဲအၡၩၥံၪလ့ၩဆၧၥၫ့နၩ ချီၩ့တၭ,ထီၩ့ဝ့ၫလၧဟံဘြၧၫ့လၧမုဆဲၪ့ထၪ့နီၪလီၫ.