စစၫမုၫအ့လၭအလံၬနံၫဘံၪ့လဘံၪ့
1
1 စစီလူၫၥံၫအလးခဲၫ့နီၪ ဆၧမၩအၥၭလၧစဒၫဝံၭဂဲၫ ထဲၩ့ထဲၩ့လၧအမၩၥံၫၦအၫမလ့ၭဖိၪတၭ, စဒၫဝံၭအီၪ
2 ထးဝ့ၫလၧဇံလၭနံၫနံၩတၭ,- လၧၥၧၫ့နံၩလနံၩနီၪ, ယိခွါ,ဆၧမၩအၥၭ လၧၦလဂၩဂဲၫလၧစစီလူၫအၥုၭ မုအကျၩအီၪလၧအဆဲၫ့ယၬ, ဒဲဂၪ့ခိၪအမုၬအီၪဝ့ၫ လၧအခိၪဎွံၪလီၩ့တၭ, ဂဲၫဝ့ၫလၧစဒၫဝံၭ အအီၪတၭ, ဆၧမၩအၥၭလၧအထိၪထံၩဖါလၩ့အၥၭ လၧဂၪ့ခိၪ
3 တၭ,ထွံၩလၩ့ဝ့ၫလီၫ.- စဒၫဝံၭစံၭအဝ့ၫ, နဂဲၫအထံၭ ခီၫခီၫလဲၪ. တၭအဝ့ၫဒၪစံၭဝ့ၫ, ယစဲၪ့ထၪ့ဖီၩ့ဖျ့ၭလၧ
4 အံၫစရ့လၭအၥုၭမုၥုၪ့တဲၩအကျၩလီၫ.- တၭစဒၫဝံၭ စံၭဝ့ၫ,ဆၧမၩအၥၭဘဲၫၥ့ၪလဲၪ. လီၩဘၪလါယၧၩနး ထံၪဘီၪ.တၭအဝ့ၫစံၭဆၧၫ့ဝ့ၫ, ၦခမျၧးစဲၪ့ဖျိၭယူၭလၧ ဆၧဒုၭၥုၭအဖၧၩ့, ဒဲၦခမျၧးအၪဂၩလၩ့ထံၩဖါယူၭဆ့ တၭ,ၥံၫယူၭတၭ, စစီလူၫဒဲစစၪ့နၥၧၫ့ၥံၫဆ့ယူၭ.
5 တၭစဒၫဝံၭစံၭၦဖိၪၥၪခွၫ လၧအလီၩဘၪအဝ့ၫနီၪ, စစီလူၫဒဲအဖိၪခွၫစစၪ့နၥၧၫ့ၥံၫယူၭနီၪ, မွဲနၥ့ၪယၫဘဲၫ
6 ၥ့ၪလဲၪ.- တၭၦဖိၪၥၪခွၫလၧအလီၩဘၪအဝ့ၫ, စံၭဝ့ၫ ဒၪ,ဘၪလၧယအီၪလၧခိၪလီၩ့ဂံၫလဘိအၫတၭ, ယိခွါ, စစီလူၫဒိၭနဲၩ့အၥၭလၧအဖၩ့လီၫ. တၭယိခွါ,လဲၪ့ၥုၭ,
7 ဒဲၦကၥ့ၪၥုၭဖိၪလဖၪလီၩ့ဆီးချႃၭန့အဝ့ၫလီၫ.- တၭ ထီးအယိဆၧလၧအလးခဲၫ့နီၪ, ဒၪဘၪယၧၩတၭ,ကိၭ
8 န့ယၧၩနီၪ,ယစံၭဆၧၫ့ဆၧ, ယိခွါ,ယၧၩလီၫ.- တၭအ ဝ့ၫဒၪစံၭယၧၩ, နမွဲပလၫလဂၩလဲၪ. တၭယစံၭဆၧၫ့
9 အဝ့ၫ, ယမွဲၦအၫမလ့ၭဖိၪလဂၩလီၫ.- တၭစံၭဒီၭ ယၧၩ,ဆၧၫ့ထုၪ့လါလၧယလီၩ့တၭ, မၩၥံၫယၧၩဆံၭ, အဂဲးဘဲၫယီၩဆၧခိဆၧဝီၩဘၪယၧၩနၭမၬလီၫ. အဂဲး ဘဲၫယီၩယၥၭထၧၫ့ဖျိၪ့ယၫအီၪဒံၭ လၧယဖၧၩ့လီၫ.
10 အခိးမွဲယဆၧၫ့ထုၪ့ လၧအလီၩ့တၭ, ယမၩၥံၫအဝ့ၫ လီၫ.အဂဲးဘဲၫယီၩ ယၥ့ၪယၫတၡါလၧအလၩ့ထံၩဖါ အလးခဲၫ့နီၪမၧၫ့ၥ့ၪအ့ၬ. တၭယမၩန့အၥရဖူၩ, လၧ အအီၪဝ့ၫလၧအခိၪဎွံၪ, ဒဲထဲၫ့ဎွံၪအီၪလၧအစူၪလီၩ့ တၭ,ယဂဲၫဆိၬဆၧနီၪ လၧယကဆါအအီၪထီးယီၩ လီၫ.
11 ထီးနီၪလဖၧၫ့စဒၫဝံၭ, ဖီၪ့အကီၩ့အၥိၭတၭၡၫ့ဝ့ၫ, ဒဲၦၡၩလၧအအီၪလၧအစူၪဖၧၩ့ထီးအလူၬ မၩဝ့ၫဘဲၫ
12 နီၪၥိၭလီၫ.- အဝ့ၫၥံၪဒဲၩလၩ့အၥၭနၫၡါတၭဂၪ့ဝ့ၫ, ဒဲ ဒုၪဆၧအၪ့ဆၧအီၩထီၩ့လၩ့လၧ မုဂၪလၩ့လၧစစီလူၫ အကၠီၩ့,ဒဲလၧအဖိၪခွၫစစၪ့နၥၧၫ့အကၠီၩ့, ဒဲလၧယဟိ ဝၩအၡၩခမျၧးအကၠီၩ့, ဒဲလၧအံၫစရ့လၭအၡၩဂံၪ့ဖိၪ အကၠီၩ့လီၫ. အဂဲးဘဲၫယီၩအဝ့ၫၥံၪလၩ့ထံၩဖါဝ့ၫလၧ နၭလီၫ.
13 တၭစဒၫဝံၭစံၭ ၦဖိၪၥၪခွၫ လၧအလီၩဘၪအဝ့ၫနီၪ, မွဲနအီၪအထံၭခီၫခီၫလဲၪ. တၭအဝ့ၫဒၪစံၭဆၧၫ့ဝ့ၫ,ယ မွဲၦလခီၫဘၩ့မုးဖိၪ အဖိၪခွၫ, ၦအၫမလ့ၭဖိၪလီၫ.
14 တၭစဒၫဝံၭစံၭအဝ့ၫ, နယၩ့ထၪ့နစူၪမၩဂၭဂီၩ့ၦလၧ အမွဲယဟိဝၩအၡၩဒိၭဂုၪအၥၭနီၪ, မွဲနၥၭမဲၪအ့ၬဧၪ.
15 စဒၫဝံၭကိၭန့ၦလဂၩ လၧၦဖိၪၥၪခွၫလဖၪအကျၩတၭ, စံၭဝ့ၫၥုၭဘူၭနၥၭ ဖ့ၬခွံၬအဝ့ၫနီၪဆံၭ. တၭအဝ့ၫဖ့ၬ
16 ခွံၬဝ့ၫထီးအၥံၫလီၫ.- တၭစဒၫဝံၭစံၭဝ့ၫ, နၥွံၪအီၪလၧ နခိၪဒၪနဝ့ၫအလီၩ့လီၫ. အဂဲးဘဲၫယီၩနနိၭထိးအၥၭ ထၫ့ဒုၪဒၩနနၫ့ဆါတၭ, စံၭဝ့ၫ, ယမၩၥံၫခွံၬယဟိဝၩ အၡၩဒိၭဂုၪအၥၭယူၭ.
17 တၭစဒၫဝံၭမၩဆၧၥၭအုၭအထၭခိၪ လၧစစီလူၫဒဲ အဖိၪခွၫစစၪ့နၥၧၫ့အကၠီၩ့နီၪလီၫ.
18 (တၭမၪလူၬဆၧၥီၪ့လိၪ ၦယုဒၫဖိၪလၧချံၪ ဎအထၭ ခိၪၭလီၫ. ယိခွါ, ဆၧကွ့ၭအၥၭ လၧလံၬ ယၫၡၧၫအ ဖၧၩ့လီၫ.).
19 အံၫစရ့လၭအဆၧဎံၫဆၧလၩဧ့, နၥံၫလၧနလးထၪ့ ထီၫ, ၦအဆီၪ့လၩ့ထံၩဖါဝ့ၫဘဲၫၥ့ၪလဲၪၬ
20 လီၩဘၪဝ့ၫလၧဂၫၥၭအဖၧၩ့လဂ့ၩ. ဒုၭဂၧၫ့ထၪ့ၥၩလၩ့ဆၧ လၧအၭၡကလၧၫ့ အဖၧၩ့ၥၭ လဖၪလဂ့ၩ. ၦဖလံၡၫဖိၪ အဖိၪမုၪမိၥၭထိၬဘၪခိၬး ၦလဒိၭဘၪ ဆၧကူၭတရံၭအဖိၪမုၪ မိၥုၪ့ဎွံၫၥၭယီၫ ဘၪခိၬလီၫ.
21 ဂံၫလဘိအၫအခိၪလီၩ့ၥံၪဧ့, ဆၩ့ထံၫမွဲဂ့ၩ, ဆၧဆၧၩ့မွဲဂ့ၩ, ဂၪ့ခိၪအဝၩ့လဖၪအီၪ လၧဆၧၥၪဆိၫမွဲဂ့ၩ, မွဲအထီးအီၪ လၧနၥံၪအလီၩ့ လဂ့ၩ. မွဲဆၧခွံၬၡိၭ ၦအဆီၪ့အထၩ့ဖံၭ လဘံၪ့ထီးနီၪအဂဲး, စစီလူၫအထၩ့ဖံၭနီၪ ဘၪဆၧဂုၪဝ့ၫလၧၥိၪအ့ၬ.
22 လၧၦဘၪဆၧမၩၥံၫဝ့ၫအၥွံၪ, လၧၦအဆီၪ့အၥိၪနီၪ, စစၪ့နၥၧၫ့အချံၪကၠၪထဲၩ့အၥၭအ့ၬ. ဒဲစစီလူၫအနၭဂဲၫထဲၩ့ပျီၩဘၪအ့ၬ.
23 တၭစစီလူၫဒဲစစၪ့နၥၧၫ့, မွဲၦလၧဆၧအဲၪဝ့ၫ, ဒဲၦယိဝ့ၫမုၬ လၧအမၧၫ့ဒံၭတၭ, လၧအၥံၫနီၪလၩ့ဖၭဘၪဝ့ၫအ့ၬ. အဝ့ၫၥံၪချဲၫ့နဲၪ့ဒံၭလံၬ ကျီၫ့ကျီၫ့ၥံၪ, အဂဲးအဘၭဆီၪ့နဲၪ့ဆၬလၥၧၫ့ဒံၭလီၫ.
24 အံၫစရ့လၭအဖိၪမုၪၥံၪဧ့, ဂၪ့လၧစစီလူၫအကၠီၩ့ၦ လၧအဒုၭၥိၭနၥံၪလၧဆၧဝီၩ, ဒဲဆၧကယၧၩ့ကယီၫ, ၦလၧအကယၧၩ့ကယီၫ နၥံၪဒုၭကီၩ့ ဒုၭၥိၭနၥံၪလၧ ထီၫ့ၥံၪလွ့ၫၥံၪ,
25 ၦလၧအဆီၪ့လဖၪနီၪ လၩ့ထံၩဖါလၧဆၧဒုၭၥုၭအ ကျၩဘဲၫၥ့ၪလဲၪၬ စစၪ့နၥၧၫ့ဧ့, နဘၪဆၧမၩၥံၫနၧၩလၧနလးထၪ့ထီၫၬ
26 ဆၧၡၪ့ဘၪယၧၩ လၧနကၠီၩ့, ယထၧၫ့ဖုဝဲစစၪ့န ၥၧၫ့ဧ့, နမွဲဆၧမုၬလၩလၧယဂးမုၬမုၬလ့ၬး နအဲၪယၧၩယီၩလၩ့လၭမၬကၨ, ဒိၪနဲၪ့ၦမုၪအဆၧအဲၪဒံၭလီၫ.
27 ၦအဆီၪ့လၩ့ထံၩဖါဘဲၫၥ့ၪလဲၪၬ တၭဆၧဒုၭၥုၭအစူၪဝဲၩဂၭဂီၩ့ဘဲၫၥ့ၪလဲၪၬ