11
1 ထီးနံၪ့ဆၧၫ့ထဲၩ့ အလးနီၪ, အဆၧၫ့အထီဘၪလၧ စဎွၩလဖၪလ့ၩထၪ့တၭ, ဆၧမၩအၥၭလၧစဒၫဝံၭအၪ့ မၧၫ့လၩ့စယိအၭ ဒဲအခ့ၫအၡၩအီၪလၧအစူၪဖၧၩ့, ဒဲ အံၫစရ့လၭထီးအလူၬတၭ, အဝ့ၫၥံၪမၩဂၭဂီၩ့ၦအၫ မၧၫ့ဖိၪတၭ,ဝၩ့ထၬရၭဘၫလီၫ. အ့ၪမွဲစဒၫဝံၭအီၪဒံၭ
2 လၧယရုစလံၫ့အဖၧၩ့လီၫ.- ဆၧမၩအၥၭလၧမုဂၪလၩ့ နီၪ,စဒၫဝံၭဂဲထုၪ့လၧအလးမံၫခိၪတၭ, လဲးလီၩ့ဝ့ၫလၧ စဎွၩအဂံၪ့ခိၪလီၫ. တၭလၧအအီၪလၧဂံၪ့ခိၪနီၪ, ဒၪ ဘၪၦမုၪလဂၩ အၪ့လူထံၫလီၫ. တၭၦမုၪနီၪ ဎံၫလၩ
3 ဂ့ၩမၬလီၫ.- စဒၫဝံၭအၪ့မၧၫ့ၦလ့ၩအၪ့စၪ့ဆၧလၧၦမုၪ နီၪအဂဲးအကၠီၪ့တၭ, ၦလဂၩစံၭဝ့ၫဒၪ, အယီၩမွဲစအံ လဲၫအၫ့အဖိၪမုၪနးဘၭၥၡ့ဘၫ, ၦဟံၥၭဖိၪစယုၫရဲအၫ
4 အမၫနီၪ,မွဲအ့ၬဧၪ.- စဒၫဝံၭအၪ့မၧၫ့အၥီၫ့လဖၪမၩန့ ဝ့ၫတၭ,အဝ့ၫဂဲၫလၧအအီၪတၭ, အဝ့ၫဒၪမံၫဎုၬလၧအ ဝ့ၫနီၪလီၫ. (အဂဲးဘဲၫယီၩ ဆံၫ့ထၪ့ယူၭလၧအဆၧလ ဆံၫ့ဘၪနီၪယူၭ.) တၭၦမုၪနီၪ ထဲၩ့ထဲၩ့ဝ့ၫ လၧအဂံၪ့
5 လီၫ.- ၦမုၪနီၪဒၧၩ့ထၪ့တၭ, အၪ့မၧၫ့လၩ့ ၦလီၩဘၪ
6 စဒၫဝံၭတၭ, စံၭဝ့ၫဒၪ, ယဒၧၩ့ထၪ့ယူၭ.- စဒၫဝံၭအၪ့ မၧၫ့လၩ့ဆၧလၧစယိအၭတၭ, စံၭဝ့ၫဒၪ, အၪ့မၧၫ့လၩ့ ၦဟံၥၭဖိၪ စယုၫရဲအၫနီၪလၧယအီၪဆံၭ. တၭစယိ အၭအၪ့မၧၫ့လၩ့ စယုၫရဲအၫလၧစဒၫဝံၭ အအီၪလီၫ.
7 ထီးစယုၫရဲအၫဂဲၫထီၩ့တၭ, စဒၫဝံၭအၪ့စၪ့ဝ့ၫလၧ စယိအၭအီၪမုၬဝ့ၫအဂဲးအကၠီၪ့, ဒဲလၧၦခမျၧးအအီၪ မုၬဝ့ၫအဂဲးအကၠီၪ့, ဒဲလၧဆၧဒုၭၥုၭနီၪ ဘီၪထၪ့ယီၫ
8 ထၪ့အဂဲးအကၠီၪ့နီၪလီၫ.- တၭစဒၫဝံၭစံၭစယုၫရဲအၫ, လ့ၩလၩ့လၧနဂံၪ့ ဒဲၥူၫဝၭဆံၫ့နခၪ့ဆံၭ. တၭစယုၫရဲ အၫစဲၪ့လၩ့ခွံၬလၧစဎွၩအဂံၪ့တၭ, ဆၧအၪ့ဆၧအီၩ
9 ဖိၬအခဲၫ့လၧစဎွၩဖ့ၪလၫ့ဝ့ၫလီၫ.- တၭစယုၫရဲအၫမံၫ ဝ့ၫထီးစဎွၩအဂံၪ့တရၫ့ထံၭ, အီၪလၧအကဆါ အခ့ၫ အၡၩထီးအလူၬအၥိၭတၭ, လ့ၩလၩ့လၧအဂံၪ့အ့ၬ.
10 ၦလီၩဘၪစဒၫဝံၭတၭ, စံၭဝ့ၫဒၪ, စယုၫရဲအၫနီၪလ့ၩ လၩ့လၧအဂံၪ့အ့ၬ. တၭစဒၫဝံၭစံၭစယုၫရဲအၫ နလ့ၩ ဆၧနဂဲၫထဲၩ့မွဲအ့ၬဧၪ. နလလ့ၩလၩ့ဘၪ လၧနဂံၪ့မွဲ
11 ဘၪလဲၪ.- စယုၫရဲအၫစံၭစဒၫဝံၭ, တလၫနီၪ,ဒဲအံၫစ ရ့လၭဒဲယုဒၫအီၪဝ့ၫ လၧတဲၩၥံၪအဖၧၩ့တၭ, ယကဆါ စယိအၭ,ဒဲယကဆါအခ့ၫအၡၩလဖၪ ၥုၪ့တဲၩလၧဆၧ ပျၩ့ဖၧၩ့တၭ, ယဝ့ၫဒၪယမိလ့ၩနုၬ လၧယဂံၪ့ဖၧၩ့ဘဲၫ ၥိၭယမိအၪ့ဆၧ, ဒဲအီၩဆၧ, ဒဲမံၫဎုၬလၧယမၫဆ့ဧၪ.
12 နမၧၫ့နဝ့ၫဒဲနၥၭမၧၫ့ဝ့ၫ, ယမၩဆၧဘဲၫနီၪအ့ၬ.- တၭစ ဒၫဝံၭစံၭစယုၫရဲအၫ, အီၪထီးယီၩ မုလနံၩယီၩဆ့ တၭ,ကဲဂီၩလနံၩ ယမိဖျါခွံၬနၧၩလီၫ. တၭစယုၫရဲ အၫအီၪဝ့ၫလၧယရုစလံၫ့လၧမုလနံၩနီၪ, ဒဲလၧမုဆဲၪ့
13 ထၪ့လနံၩနီၪလီၫ.- ထီးစဒၫဝံၭကိၭန့အဝ့ၫတၭ, အဝ့ၫ နီၪအၪ့ဆၧဒဲအီၩဆၧလၧအမ့ၬယၫတၭ, စဒၫဝံၭဒုၭ အီၩမၧၩ့ဝ့ၫတၭ, လၧမုဂၪလၩ့နီၪ မွဲအစဲၪ့ထၪ့မံၫလၧ အလးမံၫဖၧၩ့အီၪလၧ အကဆါအခ့ၫအၡၩအၥိၭတၭ, လ့ၩဝ့ၫလၧအဂံၪ့အ့ၬ.
14 မုဆဲၪ့ထၪ့နီၪ ဆၧမၩအၥၭလၧစဒၫဝံၭ ကွ့ၭန့စယိ အၭအလံၬလဘံၪ့တၭ, ဖ့ၪယုဝ့ၫလၧစယုၫရဲအၫအစူၪ
15 ဖၧၩ့လီၫ.- ကွ့ၭဝ့ၫလၧလံၬဖၧၩ့နီၪ, စံၭဝ့ၫဒၪ, လၧဆၧ ဒုၭၥုၭဆီၪ့ဆီၪ့လ့ၬအဖၧၩ့နီၪ အီၪက့ၪစယုၫရဲအၫလၧ ယၫလခီၫတၭ, ဂဲၫထဲၩ့စဲၪ့ဒၪခွံၬအဝ့ၫ, ဘဲၫၥိၭအမိဘၪ ဆၧဖ့ၬခွံၬဝ့ၫ, ဒဲၥံၫနီၪဆံၭ.
16 ထီးစယိအၭယိဒိၩ့နီၪတၭ, ဆၧမၩအၥၭလၧအအီၪ က့ၪလၩ့စယုၫရဲအၫထီးအလး လၧအၥ့ၪယၫၦအဆီၪ့
17 လဖၪအီၪဝ့ၫလီၫ.- တၭၦဒိၩ့ဖိၪလဖၪ လ့ၩထၪ့ဒုၭဆၧ လၧစယိအၭတၭ, ၦလၧစဒၫဝံၭအခ့ၫအၡၩ အကျၩ လၩ့ထံၩဖါဝ့ၫ, ဒဲၦဟံၥၭဖိၪစယုၫရဲအၫၥံၫဝ့ၫဆ့လီၫ.
18 စယိအၭအၪ့မၧၫ့လၩ့ဆၧတၭ, လီၩဘၪစဒၫဝံၭလၧ ကယဲဆၧဘၪဆဲၫ့လၧဆၧဒုၭၥုၭ ထီးအလူၬနီၪလီၫ.
19 တၭအဝ့ၫမၪလူၬအၥီၫ့လဂၩနီၪ, စံၭဝ့ၫဒၪ, ထီးနလီၩ ထဲၩ့ဆၧဘၪဆဲၫ့လၧဆၧဒုၭၥုၭနီၪ လၧစဎွၩဂီၩ့တၭ,
20 စဎွၩအၥၭအ့ၪထၪ့တၭစံၭနၧၩ, ထီးနၥံၪဒုၭၥုၭတၭ,န ၥံၪၥုၭဘူၭနၥံၪအၥၭ လၧဒိၩ့ဖိၪနီၪ,မွဲဘၪလဲၪ. ၦလၧ ဒိၩ့ခိၪဒၧၩ့နီၪမိခၭဆၧတၭ, မွဲနၥံၪလၥ့ၪယၫဘၪဧၪ.
21 မွဲပလၫဖ့ၬခွံၬစယရၧၭဘၡ့ၭ အဖိၪခွၫစအဘံမလ့ၭလ ဂၩလဲၪ. ၦမုၪလဂၩခွံၬလၩ့ဒိၭအဝ့ၫ လၧဆုၪ့ဂူၬလိးလ ကဲၩ့လၧဒိၩ့ခိၪဒၧၩ့အလီၩ့တၭ, ၥံၫဝ့ၫလၧၥ့ဘ့ၭနီၪမွဲ အ့ၬဧၪ. နၥံၪလ့ၩဘူၭ လၧဒိၩ့ခိၪဒၧၩ့နီၪ, မွဲဘၪလဲၪ, ထီးနီၪလဖၧၫ့စံၭနဝ့ၫ, နခ့ၫနၡၩၦဟံၥၭဖိၪ စယုၫရဲအၫ လဂၩနီၪၥံၫဆ့ယူၭ.
22 အခိးမွဲအၥီၫ့လဂၩနီၪလ့ၩဝ့ၫတၭ, ဂဲၫထဲၩ့လီၩဘၪ စဒၫဝံၭ ကယဲဆၧလၧစယိအၭ အၪ့မၧၫ့လၩ့ဝ့ၫလီၫ.
23 အၥီၫ့လဂၩနီၪ စံၭစဒၫဝံၭ, ၦၡၩၥံၪနီၪ မၩနၧၩ့တၡါ ပၧၩတၭ,ဂဲၫထၪ့ထီၩ့လၧပအီၪလၧဆၧပျၩ့ဖၧၩ့တၭ,
24 ပလီၩ့ဒုၭအဝ့ၫၥံၪထီၩ့လၧ တရၫ့ထံၭလီၫ.- တၭၦခၭ ဆၧလဖၪလၧဒိၩ့ခိၪဒၧၩ့နီၪ ခၭနခ့ၫနၡၩတၭ, စဎွၩအ ခ့ၫအၡၩလဖၪၥံၫယူၭ, ဒဲနခ့ၫနၡၩၦဟံၥၭဖိၪစယုၫရဲ
25 အၫၥံၫဆ့ယူၭ.- ထီးနီၪလဖၧၫ့ စဒၫဝံၭစံၭအၥီၫ့နီၪ,န ဘၪစံၭစယိအၭဘဲၫယီၩ, မွဲဆၧယီၩ ထီးကဲၪထၪ့ဆၧ အၧၩ့လၧနမ့ၬယၫလဂ့ၩ, အဂဲးဘဲၫယီၩ ဖၩ့ၥံၪနၭၥံၪ အၪ့အယီၩလဂၩ ဘဲၫအနီၪလဂၩအၥိၭလီၫ. ဒုၭဆီၪ့ ဒံၭထၫ့ဒုၪဒၩဒိၩ့နီၪတၭ, မၩဂၭဂီၩ့ဆံၭ. တၭဒုၭဆီၪ့ ထၪ့အဝ့ၫဒၪအၥုၪ့အၥၭဆံၭ.
26 တၭထီးစယုၫရဲအၫအမၫနါဂၧၫ့ဝ့ၫ လၧအဝၩစ ယုၫရဲအၫၥံၫယူၭတၭ, ဒဲၩလၩ့အၥၭနၫၡါ လၧအဝၩအ
27 ကၠီၩ့လီၫ.- ဂၪ့ဆၧယၧၩ့ဆၧဖီၩ့ခွံၬတၭ, စဒၫဝံၭအၪ့ မၧၫ့လၩ့ဆၧတၭ, မၩန့ဝ့ၫလၧအဂံၪ့ဖၧၩ့တၭ, အဝ့ၫ ကဲၪထၪ့အမၫတၭ, အီၪဖျဲၪန့ဝ့ၫအဖိၪခွၫလီၫ. တၭဆၧ လၧစဒၫဝံၭမၩဝ့ၫနီၪ, မွဲဆၧအၧၩ့ လၧယဟိဝၩအမ့ၬ ယၫလီၫ.