10
1 လၧဆၧနီၪအလးခဲၫ့တၭ, ဆၧမၩအၥၭလၧၦအၫ မၧၫ့ဖိၪအစဎွၩၥံၫဝ့ၫတၭ, အဖိၪခွၫစဟၫနၧၫ့ကဲၪထၪ့
2 စဎွၩလၧအလးလီၫ.- တၭစဒၫဝံၭစံၭဝ့ၫဒၪ, ယမိမၩခိး မၩတၩစနၫဟၭအဖိၪခွၫစဟၫနၧၫ့ ဘဲၫအဖါမၩခိးမၩ တၩယၧၩအၥိၭနီၪလီၫ. တၭစဒၫဝံၭအၪ့မၧၫ့ၦလ့ၩမၩ မုၬထၪ့ထဲၩ့ဝ့ၫလၧအဖါအကၠီၩ့ လၧအခ့ၫအၡၩအစူၪ ဖၧၩ့လီၫ. တၭစဒၫဝံၭအခ့ၫအၡၩ လ့ၩနုၬလၧၦအၫ
3 မၧၫ့ဖိၪအခးဖၧၩ့လီၫ.- တၭၦအၫမၧၫ့ဖိၪအခိၪလဖၪ စံၭလၧအကဆါ စဟၫနၧၫ့နီၪး မွဲနဆီၫ့မီၪ့လၧစဒၫဝံၭ မၩလၩမၩဖၩ့နဖါ လၧနမ့ၬယၫလၧအအၪ့မၧၫ့ ၦမၩ မုၬထၪ့ထဲၩ့ဆၧလဖၪလၧနအီၪအကၠီၩ့ဆ့ဧၪ. တၭစဒၫ ဝံၭအၪ့မၧၫ့အခ့ၫအၡၩ ဂဲၫအၪ့ဎၬဆၧလၧဒိၩ့ဖၧၩ့,ဒဲယိ ဂူၪဆၧလၧအဖၧၩ့တၭ, မၩဂၭဂီၩ့ဝ့ၫနီၪ, မွဲအ့ၬဧၪ.
4 အခိးမွဲစဟၫနၧၫ့မၩန့ စဒၫဝံၭအခ့ၫအၡၩတၭ, လိၩ့အ ခၪလၬဆီၪ့လခီၫတၭ, ကူၭထ့ၬအဆဲၫ့လၧအၥၭကျၩ,
5 ထီးအခဲၫ့ခွးနီၪဂီၩ့တၭ, ဖျါခွံၬဝ့ၫဒၪလီၫ.- ၦလီၩဘၪ စဒၫဝံၭတၭ, အဝ့ၫအၪ့မၧၫ့ၦလ့ၩအၪ့ဂၬဝ့ၫလီၫ. အဂဲး ဘဲၫယီၩ ၦၡၩၥံၪနီၪအမ့ၬမဲဒိၪမၬလီၫ. တၭစဎွၩနီၪ စံၭဝ့ၫဒၪ,အီၪလၧယ့ၫရခိၫ ထီးနၥံၪအခၪလၬဆီၪ့ဂဲၫ ထၪ့ထဲၩ့တၭ, ဂဲၫထဲၩ့ဘီၪ.
6 ၦအၫမၧၫ့ဖိၪဒၪဘၪဝ့ၫ လၧအဘၪစံၪစၪလၧစဒၫဝံၭ အမ့ၬယၫတၭ, ၦအၫမၧၫ့ဖိၪ အၪ့မၧၫ့လၩ့ ၦၡၩအၪ့ လံၩ့ၦစံရအၫဖိၪ, ဘၪဆဲၫ့လၧဘ့ၭၥရ့ဟီၭ,ဒဲၦစံရအၫ ဖိၪဘၪဆဲၫ့လၧဇိဘၫၦခၪ့ၥုၭဖိၪနံၫလၬး ဒဲၦလထီၫ့ဘၪ ဆဲၫ့လၧစဎွၩမၫအခၫ, ဒဲၦလလၬနံၫထီၫ့ဘၪဆဲၫ့လၧ
7 စအံၡတီၭလီၫ.- ထီးစဒၫဝံၭနါဂၧၫ့ဝ့ၫတၭ, အၪ့မၧၫ့ လၩ့စယိအၭ ဒဲၦၥုၭဖိၪခမျၧးၥံၪ ၦအဆီၪ့ထီးအလူၬ
8 လီၫ.- ၦအၫမၧၫ့ဖိၪဂဲၫထၪ့တၭ, တဲၩ့ဝဲၩဆၧဒုၭၥုၭထီး ဆၧလ့ၩနုၬလၧတရၫ့အလးတၭ, ၦစံရအၫဖိၪဘၪဆဲၫ့ လၧဇိဘၫ,ဒဲရ့ဟိၭ, ဒဲအံၡတီၭ, ဒဲမၫအခၫလဖၪနီၪ,
9 အီၪလစီၪ့ဒၪလၧဆၧပျၩ့ဖၧၩ့လီၫ.- ထီးစယိအၭဒၪဘၪ ဝ့ၫလၧဆၧဒုၭၥုၭအလးအီၪဝ့ၫ လၧအမ့ၬယၫဒဲလၧအ ချိၫ့လခီၫဆ့တၭ, အၪ့မၩန့ၦရွံန့ဖိၪထီးအလူၬလၧအံၫ စရ့လၭအကျၩတၭ, တဲၩ့ဝဲၩဝ့ၫထၫ့ဒုၪဒၩ ၦစံရအၫဖိၪ
10 လီၫ.-တၭၦအီၪလၩ့ထးလဖၪနီၪ, အီၪက့ၪဝ့ၫလၧအ ထၧၫ့ဖုဝဲစအၭဘၡဲၫအစူၪဖၧၩ့ ဘဲၫၥိၭအမိတဲၩ့ဝဲၩဝ့ၫ
11 တၭထၫ့ဒုၪဒၩၦအၫမၧၫ့ဖိၪလီၫ.- စံၭဝ့ၫဒၪ, ၦစံရအၫ ဖိၪအ့ၪဆီၪ့နဲၪ့ဒံၭယၧၩတၭ, ထီးနီၪလဖၧၫ့ နဘၪဂဲၫ မၩဆၧၩ့ယၧၩ, အ့ၪမွဲၦအၫမၧၫ့ဖိၪ အ့ၪဆီၪ့နဲၪဒံၭနၧၩ
12 တၭ,ထီးနီၪလဖၧၫ့ ယမိလ့ၩမၩဆၧၩ့နၧၩလီၫ.- အီၪ က့ၪဒူၩနၥၭဘီၪး မွဲပအီၪက့ၪဆီၪ့ၡီၩ့ပၥၭ လၧၦခမျၧး အဂး,ဒဲလၧပယွၩအဒိၩ့လဖၪအဂးဆံၭ. တၭမွဲယဟိ ဝၩမၩဆၧထီးဒၪအဂ့ၩလၧအမ့ၬယၫဆံၭ.
13 စယိအၭဒဲၦခမျၧး အီၪလၧအစူၪဖၧၩ့ၥုၭဘူၭအၥၭ ဘဲၫၥိၭအမိဒုၭဆၧလၧၦစံရအၫဖိၪၥံၪတၭ, အဝ့ၫၥံၪ
14 စဲၪ့ဖျိၭလၧအမ့ၬယၫလီၫ.- ထီးၦအၫမၧၫ့ဖိၪဒၪဘၪလၧ ၦစံရအၫဖိၪၥံၪစဲၪ့ဖျိၭတၭ, အဝ့ၫၥံၪစဲၪ့ဖျိၭဆ့လၧစအၭ ဘၡဲၫအမ့ၬယၫတၭ, လ့ၩနုၬလၧဒိၩ့ဖၧၩ့လီၫ. အခိး မွဲစယိအၭဂဲၫထဲၩ့လၧၦအၫမၧၫ့ဖိၪၥံၪ အအီၪတၭ ဂဲၫ ထီၩ့လၧယရုစလံၫ့လီၫ.
15 ထီးၦစံရအၫဖိၪၥံၪဒၪဘၪ လၧအဘၪဆၧဖ့ၬခွံၬဝ့ၫ လၧအံၫစရ့လၭ အမ့ၬယၫတၭ အဝ့ၫၥံၪအီၪကိၩ့အီၪ
16 ကီၪ့ဝ့ၫလီၫ.- စဟၫဒၭအံဇၧၫ အၪ့မၧၫ့လၩ့ဆၧတၭ, ကိၭန့ၦစံရအၫဖိၪၥံၪလၧအအီၪ လၧထံၫမိၡါဝါလခီၫ တၭ,အဝ့ၫၥံၪဂဲၫထီၩ့လၧဟ့လၫ့လီၫ. တၭစဟၫဒၭ အံဇၧၫအၡၩၥုၭမုအခိၪစၡိဘၭ လ့ၩလၧအဝ့ၫၥံၪအ
17 မ့ၬယၫလီၫ.- ထီးၦလီၩဘၪစဒၫဝံၭတၭ, အဝ့ၫဒၪဒုၭ အီၪကီၪ့အံၫစရ့လၭထီးအလူၬတၭ, ခၫ့ဂၬယီၫဒၫ့နီၪ, ဂဲၫလၧဟ့လၫ့တၭ, ၦစံရအၫဖိၪၥံၪတဲၩ့ဝဲၩဆၧထၫ့ဒုၪ
18 ဒၩစဒၫဝံၭတၭ, ဒုၭၥုၭလၧအဝ့ၫဒၪလီၫ.- ၦစံရအၫဖိၪ ၥံၪစဲၪ့လၧၦအံၫစရ့လၭဖိၪၥံၪအမ့ၬယၫတၭ, စဒၫဝံၭ မၩၥံၫၦစံရအၫဖိၪၥံၪအလဲၪ့ၥုၭအၡၩနွ့ၫယၩ, ဒဲၦက ၥ့ၪၥုၭဖိၪလံလၬတၭ, ဖ့ၬခွံၬၦၥုၭမုအခိၪ စၡိဘၭလၧ
19 အၥံၫဝ့ၫထီးနီၪလီၫ.- ထီးစဎွၩၥံၪလၧအမွဲစဟၫဒၭအံ ဇၧၫအခ့ၫအၡၩကိၭဂၩဒ့ၭလဖၪနီၪ ဒၪဘၪလၧအဘၪ ဆၧဖ့ၬခွံၬဝ့ၫ လၧအံၫစရ့လၭအမ့ၬယၫနီၪ, အဝ့ၫၥံၪ မၩဘၪလိၬဆၧ လၧအံၫစရ့လၭတၭ, မၩအဝ့ၫၥံၪအ ဆၧလီၫ. အခိးမွဲၦစံရအၫဖိၪၥံၪၥၭမဲၪဝ့ၫနီၪ မၩဆၧၩ့ ၦအၫမၧၫ့ဖိၪဘုၪ့လၧၩ့အ့ၬ.