8
1 ထီးစစၫမုၫအ့လၭအၥၭၡါယူၭတၭ, ဆၧမၩအၥၭ လၧအအီၪက့ၪအဖိၪခွၫလဖၪ လၧၦစ့ၩရၫ့ဆၧလၧအံၫ
2 စရ့လၭအဂးလီၫ.- တၭအဖိၪဝဲၡါအမံၩ့နီၪမွဲစယိၫအ့ လၭ,နံၫဂၩလဂၩအမံၩ့မွဲစအဘဲအၫလီၫ. မွဲဝ့ၫလၧၦ
3 စ့ၩရၫ့ခွးလၧဘံအၧၫၡံၫဘၫအဖၧၩ့လီၫ.- တၭအဖိၪ ခွၫလဖၪနီၪလ့ၩလၧအဝ့ၫဒၪအဖၧၩ့ၥၭ ၥံၪအဖၧၩ့အ့ၬ. အ့ၪမွဲကၠၪအၥၭလၧဆၧၥၭကွံၩဆၧတၭ, မၩန့လၬဆီၪ့ ၥံၪတၭ,ဘိၭကၠၪမၪဆၧစ့ၩရၫ့လီၫ.
4 ထီးနီၪလဖၧၫ့အံၫစရ့လၭ အၥုၪ့က့ၭၥၭၡါအီၪကိၩ့ အီၪကီၪ့ထီးအလူၬတၭ, ဂဲၫဝ့ၫလၧစစၫမုၫအ့လၭအ
5 အီၪထီးရၫမၫအဖၧၩ့,- တၭစံၭဝ့ၫဒၪ,ယိခွါ, နၥၭၡါ ယူၭ,နဖိၪခွၫလဖၪလ့ၩလၧနဖၧၩ့ၥၭအ့ၬ, တၭအီၪက့ၪ န့ပၧၩလၧစဎွၩနးဂၩ လၧအမိစ့ၩရၫ့ပၧၩ ဘဲၫကယဲၦ ဆၨၩလဖၪထီးအလူၬအၥိၭနီၪဆံၭ.
6 လၧအစံၭဖ့ၪလၫ့န့ပၧၩလၧ စဎွၩနးဂၩလၧအမိစ့ၩရၫ့ န့ပၧၩနီၪလဘၪဘၪစစၫမုၫအ့လၭအၥၭတၭ, အဝ့ၫဒၪ
7 ဘၩဆိၪဖၪယဟိဝၩလီၫ.- တၭယဟိဝၩစံၭစစၫမုၫအ့ လၭလၧကယဲဆၧလၧၦခမျၧးစံၭနၧၩ လမံၩ့လါလါ နီၪ,ခိၭနၪအလူဆံၭ. အဂဲးဘဲၫယီၩအဝ့ၫၥံၪခွံၬၡိၭယူၭ နၧၩအ့ၬ,မွဲအခွံၬၡိၭယၧၩ, ဘဲၫၥိၭယထီးကဲၪစဎွၩလၧ
8 အဖၫ့ခိၪလဂ့ၩလီၫ.- ဘဲၫကယဲဆၧမၩလၧအမၩဝ့ၫခီၫ လၧမုနံၩလၧယဒုၭစဲၪ့ထၪ့ခွံၬ အဝ့ၫၥံၪလၧအံဇံၭခီးမု ဆၫလနံၩယီၩတၭ, အဝ့ၫၥံၪစဲၪ့ဒၪယၧၩ, ဒဲမၩယွၩအ ဂူၫဂၩၥံၪအဆၧမၩနီၪ, အဝ့ၫၥံၪမၩနၧၩဘဲၫနီၪအၥိၭ
9 ဆ့လီၫ.-တၭဘိၩ့နဲၪ့ယီၩ ခိၭနၪအဝ့ၫၥံၪအလူဆံၭ. မွဲလါနၫ့တၭ, ထိးနၥၭလၧအမ့ၬယၫတၡါၡါတၭ,ဒုၭ နဲၪအဝ့ၫၥံၪလၧစဎွၩ လၧအမိကဲၪစဎွၩ လၧအဖၫ့ခိၪ နီၪအဆၧစ့ၩရၫ့အဂဲးအကၠီၪ့ဆံၭ.
10 ၦခမျၧးလၧအအၪ့ကံၩ့န့စဎွၩ လၧအဝ့ၫဒၪနီၪ,စစၫ မုၫအ့လၭလီၩဘၪဝ့ၫလၧယဟိဝၩ အဆၧချဲၩ့လဖၪထီး
11 အလူၬလီၫ.- တၭစံၭဝ့ၫဒၪ, အယီၩမွဲစဎွၩလၧအမိကဲၪ စဎွၩလၧနၥံၪအဖၫ့ခိၪ အဆၧစ့ၩရၫ့ အဂဲးအကၠီၩ့နီၪ, အဝ့ၫဒၪမိမၩန့နၥံၪအဖိၪခွၫလဖၪတၭ, မိအီၪက့ၪလၧ အဂးဒၪဝ့ၫ,ဒဲလၧအလဲၪ့ၥုၭအဂး, ဒဲလၧအၡၩထူၬက ၥ့ၪအဂးတၭ, အဝ့ၫၥံၪမိစဲၪ့ထၪ့လၧအလဲၪ့ၥုၭ အမ့ၬ
12 ယၫလီၫ.- တၭလၧအလးဒၪဝ့ၫနီၪမိအီၪက့ၪလၩ့ၦအ ထီၫ့ၥံၪအခိၪ, ၦယဲဆံၫၥံၪအခိၪတၭး မိအီၪက့ၪဝ့ၫဘဲၫ ၥိၭအမိထဲၫအဂၪ့ခိၪ, ဒဲကူၭအဘုၪ, ဒဲနဲၫ့အၡၩၥုၭဖိၪ
13 အစူၪဝဲၩ, ဒဲအလဲၪ့အဎၧၩ့အဎီလီၫ.- တၭမိမၩန့နၥံၪ အဖိၪမုၪလဖၪတၭ, မိဒုၭကဲၪထၪ့ဝ့ၫလၧၦလဲၩဎုၬဆၧ
14 နၧၫ့မၧၫ့,ဒဲၦအၪ့ဖီၫ့မ့ၩ, ဒဲၦမၩကိၪလီၫ.- တၭမိမၩန့ နၥံၪအဆံၬအနၩ, ဒဲနၥံၪအစဘံၭမုအလး, ဒဲနၥံၪအ လဲအိၫ့အကျိၭအဂ့ၩထုၬလဖၪတၭ, ဖ့ၪလၫ့ဝ့ၫလၧအ
15 ခ့ၫအၡၩလီၫ.- တၭနၥံၪအချံၫအၥၪ, ဒဲအစဘံၭမုအ လးနီၪမိမၩန့ဝ့ၫဆံၫပိၩ့လပိၩ့တၭဖ့ၪလၫ့ဝ့ၫ လၧၦအ
16 ဒိၪလဖၪ,ဒဲလၧအခ့ၫအၡၩလဖၪလီၫ.- တၭအဝ့ၫဒၪမိ မၩန့နၥံၪအခ့ၫအၡၩခွၫ, ဒဲနၥံၪအခ့ၫအၡၩမုၪ, ဒဲနၥံၪ အဖိၪၥၪခွၫလၧအဂ့ၩ, ဒဲနၥံၪအကၥ့ၪယီၩ့တၭ, ဒုၭမၩ
17 လၧအဆၧမၩဒၪဝ့ၫလီၫ.- တၭမိမၩန့နၥံၪအၥိၪဒဲဘ့ၪ
18 ဆံၫဒီၪ့လဒီၪ့တၭ,နၥံၪမိကဲၪထၪ့အဎီးအၡၩလီၫ.- တၭ ဆၧလၧမုလနံၩနီၪနၥံၪမိကိၭၡၭထၪ့ လၧနၥံၪရွံန့ဝ့ၫလ ဂၩအကၠီၩ့တၭ, ဆၧလၧမုလနံၩနီၪ ယဟိဝၩခိၭနၪန ၥံၪအလူအ့ၬ.
19 မွဲလါနၫ့ၦၡၩၥံၪခိၭနၪ စစၫမုၫအ့လၭအလူအ့ၬး တၭအဝ့ၫၥံၪစံၭဝ့ၫ,မွဲအ့ၬ, မွဲပမိအီၪလၧစဎွၩလၧပဖၫ့
20 ခိၪလဂၩလီၫ.- တၭပမိအီၪဆ့ဘဲၫၦဆၨၩလဖၪထီးအ လူၬအၥိၭနီၪတၭ, ပစဎွၩမိစ့ၩရၫ့ပၧၩတၭ, လ့ၩဆၧ လၧပမ့ၬယၫတၭ, ဒုၭဆၧဒုၭၥုၭလၧပဂးလီၫ.
21 တၭစစၫမုၫအ့လၭနါဂၧၫ့ၦခမျၧး အဆၧချဲၩ့ထီးအ လူၬတၭ, လီၩလၩ့ဝ့ၫလၧယဟိဝၩအနါဖၧၩ့လီၫ.
22 ယဟိဝၩစံၭစစၫမုၫအ့လၭ, ခိၭနၪအဝ့ၫၥံၪအလူတၭ, ဒုၭအီၪထၪ့အဝ့ၫၥံၪ လၧအစဎွၩဆံၭ, တၭစစၫမုၫအ့ လၭစံၭအံၫစရ့လၭအၡၩ, ထဲၩ့ထဲၩ့လၧလဂၩအဒိၩ့ ဒၪဝ့ၫလဂၩအဒိၩ့ဒၪဝ့ၫဆံၭ.