7
1 ကၧယၭယ့အရံၫ့အၡၩနီၪဂဲၫတၭ, ထဲၩ့ဆိၬထၪ့ယ ဟိဝၩအတလၫနီၪတၭ, ဆိၬနုၬဝ့ၫလၧစအဘံနဒၭအ ဂံၪ့ဖၧၩ့အီၪလၧဆၧစီၩ့ခိၪတၭ, အီၪက့ၪဆံၫ့ဎံၪအဖိၪ ခွၫစအံၫလအ့ဇၧၫဘဲၫၥိၭအမိပၧၩ့ ယဟိဝၩအတလၫ နီၪလီၫ.
2 တၭဆၧမၩအၥၭလၧတလၫနီၪ အီၪဝ့ၫလၧကၧယၭ ယ့အရံၫ့အဖၧၩ့အဘိၩ့ဘၭနီၪ, အဆၧၫ့အထီယံၬမၬး အဂဲးဘဲၫယီၩ မွဲဝ့ၫအနံၪ့နံၫဆံၫလီၫ. တၭအံၫစရ့လၭ အၡၩဂံၪ့ဖိၪ ထီးအလူၬမီၪ့ဘၪၥၭယူယဟိဝၩလီၫ.
3 စစၫမုၫအ့လၭ ချဲၩ့ထၪ့ဆၧလၧအံၫစရ့လၭ အၡၩဂံၪ့ ဖိၪထီးအလူၬတၭ,စံၭဝ့ၫဒၪ, နၥံၪအ့ၪဂဲၫထဲၩ့ထဲၩ့လၧ ယဟိဝၩအအီၪလၧနၥံၪအၥၭ ထၧၫ့ဖျိၪ့ယၫတၭ,အီၪ က့ၪခွံၬၦလခီၫဘၩ့မုးဖိၪအယွၩလဖၪ, ဒဲအၭၡတြီၭ လၧနၥံၪအကျၩဆံၭ. တဲၩ့ဝဲၩနၥံၪအၥၭလၧယဟိဝၩ အဂးတၭ, မၩန့ၫအဝ့ၫလဂၩနီၪအဆၧဆံၭ. တၭမွဲအ မိမၩဖီၩ့မၩဖျ့ၭနၥံၪ လၧၦဖလံၡၫဖိၪအစူၪဖၧၩ့လီၫ.
4 ထီးနီၪလဖၧၫ့ၦအံၫစရ့လၭဖိၪ အီၪက့ၪခွံၬဘၫအလၭ လဖၪ,ဒဲအၭၡတြီၭတၭ မၩန့ၫယဟိဝၩအဆၧလီၫ.
5 တၭစစၫမုၫအ့လၭစံၭဝ့ၫဒၪ, ဒုၭအီၪကိၩ့အီၪကီၪ့ အံၫစရ့လၭထီးအလူၬ လၧမံဇပၫနီၪဆံၭ. တၭယမိ
6 ဘၩဆိၪဖၪန့နၥံၪအဂး လၧယဟိဝၩလီၫ.- အဝ့ၫၥံၪ အီၪကိၩ့အီၪကီၪ့လၧမံဇပၫတၭ, ဒုၪ့ထၪ့ထံၫ,လူၫလၩ့ ဝ့ၫလၧယဟိဝၩအမ့ၬယၫတၭ, ဒုၪဆၧအၪ့ဆၧအီၩ လၧမုလနံၩနီၪတၭ, စံၭဝ့ၫထီးနီၪ ပမၩမၪဘၪယူၭယ ဟိဝၩယူၭ. တၭစစၫမုၫအ့လၭ စ့ၩရၫ့ၦအံၫစရ့လၭ ဖိၪလၧမံဇပၫအဖၧၩ့လီၫ.
7 ၦဖလံၡၫဖိၪနါဂၧၫ့ဝ့ၫ လၧအံၫစရ့လၭဖိၪ အီၪကိၩ့ အီၪကီၪ့လၧမံဇပၫတၭ, ၦဖလံၡၫဖိၪအၦဒိၪဖၭဒိၪၥံၪ လ့ၩထၪ့ထၫ့ဒၩ ၦအံၫစရ့လၭဖိၪလီၫ. ၦအံၫစရ့လၭ
8 ဖိၪနါဂၧၫ့ဝ့ၫတၭ, ၥၭမဲၪၦဖလံၡၫဖိၪနီၪလီၫ.- ၦအံၫစ ရ့လၭဖိၪစံၭစစၫမုၫအ့လၭ, ကိၭထၪ့ယဟိဝၩပယွၩ လၧပဂးတၭ,အီၪပထုၬလဂ့ၩ, ဘဲၫၥိၭအမိမၩဖီၩ့မၩ
9 ဖျ့ၭပၧၩလၧၦဖလံၡၫဖိၪအစူၪဖၧၩ့နီၪအဂဲးလီၫ.- စစၫ မုၫအ့လၭမၩန့ၥိၪဖိၪလၧအအၪ့နူလဒုၩတၭ, လုထၪ့ ဝ့ၫလၧဆၧလုမ့ၪထၧၫ့ဒုၩယၫ လၧယဟိဝၩအဂးလီၫ. တၭစစၫမုၫအ့လၭ ကိၭထၪ့ယဟိဝၩ လၧအံၫစရ့လၭ အဂးတၭ, ယဟိဝၩခိၭနၪအလူလီၫ.
10 တၭစစၫမုၫအ့လၭလုထၪ့ဆၧလုမ့ၪ အဘိၩ့ဘၭနီၪ, ဆၧမၩအၥၭလၧၦဖလံၡၫဖိၪ ၥုၭဘူၭအၥၭဘဲၫၥိၭအ မိဒုၭဆၧလၧအံၫစရ့လၭလီၫ. တၭဆၧလၧမုလနံၩနီၪ ယဟိဝၩမိဒုၭဎွံၩ့လၫ့ လၧဆၧၥီၫဖၭဒိၪ လၧၦဖလံၡၫ ဖိၪအလီၩ့တၭ, မၩစၪဝ့ၫနီၪဘၪဆၧဖ့ၬခွံၬဝ့ၫ လၧအံၫ
11 စရ့လၭအမ့ၬယၫလီၫ.- အံၫစရ့လၭအၡၩစဲၪ့ထၪ့ခွံၬ လၧမံဇပၫတၭ, လီၩ့ဆီးၦဖလံၡၫဖိၪတၭ, ဖ့ၬခွံၬအဝ့ၫ
12 ၥံၪဖိးလၧဘ့ၭၥကၫအဖၫ့လၬလီၫ.- စစၫမုၫအ့လၭမၩ န့လိးလဖျိၪ့တၭ, အီၪက့ၪဝ့ၫလၧမံဇပၫ ဒဲၡံၫ့အဘိၩ့ ဆၧၩ့တၭ,ဖျိၬဝ့ၫအမံၩ့လၧ အ့ၭဘနံဇၧၫတၭ,စံၭ, ယ ဟိဝၩမၩဆၧၩ့ယူၭပၧၩ လၧအခီၫခီးဘိၩ့နဲၪ့ယီၩလီၫ.
13 ၦဖလံၡၫဖိၪစၪဝ့ၫတၭ, ဂဲၫလၧအံၫစရ့လၭ အခးနဲၩ့ ထံၭလၧၩ့အ့ၬ. တၭယဟိဝၩအစူၪအီၪဝ့ၫလၧၦဖလံၡၫ ဖိၪအလီၩ့,လၧစစၫမုၫအ့လၭ အမုနံၩထီးအလူၬလီၫ.
14 ဆၧလၧဒိၩ့လဖၪလၧၦဖလံၡၫဖိၪ မၩန့ယူၭဝ့ၫလၧအံၫ စရ့လၭအစူၪဖၧၩ့နီၪ, ဘၪဆၧဖ့ၪထဲၩ့ဝ့ၫလၧအံၫစရ့ လၭ,လၧအ့ၭကြၧၫ့နီၪထီၩ့လၧဂၫၥၭး ဒဲအခးနဲၩ့ထံၭ လဖၪနီၪအံၫစရ့လၭမၩဖီၩ့ဖျ့ၭဝ့ၫ လၧၦဖလံၡၫဖိၪအ စူၪဖၧၩ့လီၫ. တၭၦအံၫစရ့လၭ ဒဲၦအၫမိၫဖိၪအီၪဘၪ လိၬအၥၭလီၫ.
15 တၭစစၫမုၫအ့လၭ စ့ၩရၫ့အံၫစရ့လၭလဆိၩဒၪအ
16 ၥၭလီၫ.- တၭလ့ၩဎဲၪ့လၧလနံၪ့ဘၪလနံၪ့လၧဘ့ၥလၭ, ဒဲလၧဂံလဂၫလၭ, ဒဲမံဇပၫတၭ, စ့ၩရၫ့အံၫစရ့လၭလၧ
17 အလးလဖၪနီၪထီးအလူၬလီၫ.- အ့ၪမွဲအဂဲၫထဲၩ့ထဲၩ့ လခီၫနီၪမွဲလၧရၫမၫလီၫ. အဂဲးဘဲၫယီၩအဂံၪ့အီၪထီး နီၪတၭ,စ့ၩရၫ့အံၫစရ့လၭထီးနီၪ, ဒဲမၩထၪ့ဆၧလုလး လၧယဟိဝၩအဂးထီးနီၪလီၫ.