နး ရု ၥၭ အ လံၬ.
1
1 တၭၦစ့ၩရၫ့ဆၧလဖၪပၧၩ့ဆၧအမုနံၩလဖၪနီၪ,ဆၧ မၩအၥၭလၧဆၧၥၭဝံလၩ့ဒိၩ အီၪထၪ့လၧထံၫၥံၪခး ၥံၪအဖၧၩ့လီၫ. တၭၦအီၪလၧဘ့ၭၥလံၫဟံၫ့ ယုဒၫအ ဖၧၩ့လဂၩလ့ၩဆၧဘဲၫၥိၭအမိအီၪဝ့ၫ လၧမိအၭအခး
2 ဖၧၩ့,အဝ့ၫဒၪ,ဒဲအမၫ,ဒဲအဖိၪခွၫနံၫဂၩလီၫ.- ၦလဂၩ နီၪအမံၩ့မွဲစအ့ၫလံမလ့ၭတၭ, အမၫအမံၩ့နးနအိမံၫ လီၫ.တၭအဖိၪခွၫနံၫဂၩ အမံၩ့မွဲစမၫလၧၫ့,ဒဲစခံလ အၧၫ့လီၫ. အဝ့ၫၥံၪနီၪမွဲၦအ့ဖၭဖိၪလၧဘ့ၭၥလံၫဟံၫ့ ယုဒၫလီၫ. အဝ့ၫၥံၪဂဲၫဝ့ၫ လၧမိအၭ အခးဖၧၩ့တၭ, အီၪဝ့ၫထီးနီၪလီၫ.
3 နးနအိမံၫအဝၩစအ့ၫလံမလ့ၭၥံၫဝ့ၫတၭ, အနၫ့ဆါ
4 အီၪလၩ့ထးဒဲအဖိၪခွၫနံၫဂၩလီၫ.- အဝ့ၫၥံၪမၩန့အ မၫလၧမိအၭမုၪတၭ, အလဂၩအမံၩ့မွဲ နးအီပၫတၭ, အဝ့ၫလဂၩအမံၩ့မွဲနးရုၥၭလီၫ. တၭအဝ့ၫၥံၪအီၪဝ့ၫ
5 ထီးနီၪဖိၭဘိၭဆံၫနံၪ့လီၫ.- တၭစမၫလၧၫ့ဒဲစခံလ အၧၫ့ၥံၫဝ့ၫဆ့နံၫဂၩလူၬလီၫ. တၭၦမုၪလဂၩနီၪလၧ အဖိၪခွၫနံၫဂၩၥံၫ ဒဲအဝၩလဂၩၥံၫအလးခဲၫ့နီၪအီၪ လၩ့ထးဝ့ၫဒၪလီၫ.
6 ထီးနီၪလဖၧၫ့ၦမုၪနီၪဂဲထုၪ့ ဒဲအဒဲၪၥံၪဘဲၫၥိၭအမိ ထဲၩ့ထဲၩ့ခွံၬ လၧမိအၭအခးဖၧၩ့လီၫ. အဂဲးဘဲၫယီၩ အီၪဝ့ၫလၧမိအၭအခးဖၧၩ့နီၪနါဂၧၫ့လၧယဟိဝၩအီၪ ၡီၩ့ယူၭအၡၩခမျၧးတၭ, ဖ့ၪလၫ့ယူၭဝ့ၫလၧကိၪယူၭ.
7 မၩအၥၭဘဲၫနီၪတၭ စဲၪ့ထၪ့ခွံၬဝ့ၫ ထီးအလးလၧအ အီၪဝ့ၫတၭ, အဒဲၪနံၫဂၩအီၪလၧအၥိၭတၭ, လ့ၩဖိၬ ဖၧၩ့ၥၭဘဲၫၥိၭအမိထဲၩ့ထဲၩ့ လၧခးယုဒၫနီၪလီၫ.
8 တၭနးနအိမံၫနီၪစံၭအဒဲၪနံၫဂၩ, လ့ၩဘီၪ. ထဲၩ့ထဲၩ့ လဂၩလၧအမိအဂံၪ့, လဂၩလၧအမိအဂံၪ့ဘီၪ.မွဲယ ဟိဝၩမၩနၥံၪလၧအခိးအတၩ ဘဲၫနၥံၪမၩၦအၥံၫယူၭ
9 လဖၪ,ဒဲယၧၩအၥိၭနီၪဆံၭ.- မွဲယဟိဝၩဖ့ၪလၫ့နၥံၪ ဒၪန့ဆၧအီၪပွံၭလဂၩလၧအဝၩအဂံၪ့ဖၧၩ့, လဂၩလၧ အဝၩအဂံၪ့ဖၧၩ့နီၪဆံၭ. ထီးနီၪလဖၧၫ့အဲၪဂါအဝ့ၫၥံၪ
10 တၭ,အဝ့ၫၥံၪမၩၥီၫထၪ့အလူဂၪ့ဝ့ၫလီၫ.- တၭအဝ့ၫ ၥံၪစံၭအဝ့ၫ, ပမိထဲၩ့ထဲၩ့တၡါလၧနၥိၭထီၩ့လၧနၡၩ လဆၨၩအအီၪနီၪလီၫ.
11 တၭနးနအိမံၫစံၭဝ့ၫဒၪ, ထဲၩ့ထဲၩ့ယဖိၪမုၪၥံၪဧ့,န ၥံၪမိလ့ၩဖိၬယခဲၫ့မွဲဘၪလဲၪ. ဖိၪခွၫလဖၪလၧယဒၧၩ့ လးဖၧၩ့လၧအမိကဲၪထၪ့နၥံၪအဝၩလဖၪနီၪ, မွဲအအီၪ
12 ဒံၭဆ့ဧၪ.- ထဲၩ့ထဲၩ့ယဖိၪမုၪၥံၪဧ့, အဂဲးဘဲၫယီၩယ န့ဝၩနီၪယၥၭၡါလၨၪလီၫ. ယအ့ၪစံၭယအီၪလၧဆၧ ယိလါ,ယအ့ၪန့ယဝၩမုလနၩယီၩ, အီၪဖျဲၪန့ဖိၪခွၫလ
13 ဖၪတၭး- နၥံၪမိအီၪထီးအဒိၪထၪ့ဆ့ဧၪ. နၥံၪလန့ဘၪ နၥံၪအဝၩတၭ, နၥံၪမိအီၪမုၪမဲၫလၧအဂးနီၪဆ့ဧၪး မွဲ အ့ၬ,ယဖိၪမုၪၥံၪဧ့, အဂဲးဘဲၫယီၩ လၧယဟိဝၩအစူၪ ယၩ့ထၪ့အၥၭထၫ့ဒုၪဒၩယၧၩတၭ, ယၥုၪ့အုၭၥၭအုၭ
14 နၭနၭလ့ၬလၧနၥံၪအကၠီၩ့လီၫ.- တၭအဝ့ၫၥံၪမၩၥီၫ ထၪ့အလူတၭ, ဂၪ့ဒီၭဝ့ၫလီၫ. တၭနးအီပၫအဲၪဂါအ မံၩ့ၡါမုၪလီၫ. အ့ၪမွဲနးရုၥၭလဂၩ ဘုၭထၬလၧအဝ့ၫ ဒၪလီၫ.
15 တၭအဝ့ၫဒၪစံၭဝ့ၫ, ယိခွါ,နခ့ၫနဲၩမုၪလဂၩထဲၩ့ ထဲၩ့ယူၭလၧအၡၩအဆၨၩဒၪဝ့ၫ, ဒဲလၧအယွၩလဖၪ
16 အအီၪယူၭနီၪ, ထဲၩ့ဖိၬနခ့ၫနဲၩမုၪအခဲၫ့နီၪဘီၪ.- တၭ နးရုၥၭစံၭဝ့ၫဒၪ, ဘဲၫၥိၭယမိစဲၪ့ဒၪနၧၩမွဲဂ့ၩ, ဘဲၫၥိၭ ယထီးဖိၬနခဲၫ့လဂ့ၩနီၪမွဲဂ့ၩ, ထီးအၪ့ယၫယၧၩလ ဂ့ၩးအဂဲးဘဲၫယီၩ ထီးဒၪအလးလၧနလ့ၩဆၧလစီၪ့ စီၪ့နီၪယမိလ့ၩယဝ့ၫ, ထီးနမံၫအလးနီၪ,ယမိမံၫဆ့,န ၡၩလဆၨၩနီၪမိကဲၪထၪ့ယၡၩလဆၨၩတၭ, နယွၩနီၪ
17 မိကဲၪထၪ့ယယွၩလီၫ.- ထီးဒၪအလးလၧနၥံၫလစီၪ့ စီၪ့နီၪ,ယမိၥံၫယဝ့ၫတၭ, ယမိဘၪဆၧခုၪ့လၩ့ဘၧၩ့ ယၧၩထီးနီၪလီၫ. ဆၧလၧအလမွဲဘၪဆၧၥံၫနီၪ, ဆၧ အ့ၪမၩလၩ့မုလၩ့ဖၭယၧၩ ဒဲနၧၩတၭ, မွဲယဟိဝၩမၩ
18 ယၧၩနီၪ,ဒဲအၪနဲၪ့ဘဲၫနီၪဆံၭ.- ထီးအဒၪဘၪဝ့ၫလၧ အၥၭအီၪလၧအမိလ့ၩဆၧလၧအၥိၭတၭ, ထီးနီၪလ ဖၧၫ့ချဲၩ့ဆၧလၧအဝ့ၫနီၪ အီၪပထုၬဝ့ၫလီၫ.
19 အခိးမွဲဘဲၫနီၪအဝ့ၫၥံၪနံၫဂၩ လ့ၩထီၩ့လၧဘ့ၭၥလံၫ ဟံၫ့လီၫ. ထီးအထီၩ့လၧဘ့ၭၥလံၫဟံၫ့နီၪ, ဆၧမၩအ ၥၭလၧဒိၩ့ဖိၪဂဲၩဝ့ၫလၧ အဝ့ၫၥံၪအဂဲးအကၠီၪ့ထၧၫ့ဒိၩ့ ယၫလီၫ. တၭစံၭဝ့ၫဒၪ,အယီၩမွဲနးနအိမံၫနီၪဆ့ဧၪ.
20 တၭအဝ့ၫချဲၩ့ဆၧလၧအဝ့ၫၥံၪ, ထီးကိၭလၧၩ့ယၧၩလၧ နးနအိမံၫလဂ့ၩး ကိၭယၧၩလၧနးမၫရၫဘီၪ. အဂဲးဘဲၫ ယီၩဆၧၥ့ၪဆၧလူၬဖ့ၪလၫ့ယူၭယၧၩ လၧဆၧခၪဖၭဒိၪ
21 ယူၭ.- ယလ့ၩထၪ့လၧၫ့ဎွ့ၩတၭ, ယဟိဝၩဒုၭဂဲၫထဲၩ့ ယၧၩပျီၩပျီၩလီၫ. နၥံၪကိၭယၧၩ လၧနးနအိမံၫနီၪမွဲ ဘၪလဲၪ. ယဟိဝၩထိးအၥၭ ထၫ့ဒၩယၧၩတၭ, ဆၧ ၥ့ၪဆၧလူၬမၩၡၪ့ယူၭယၧၩလီၫ.
22 တၭနးနအိမံၫဂဲၫထဲၩ့ထဲၩ့, ဒဲၦမိအၭမုၪ,အဒဲၪနးရု ၥၭအီၪလၧအၥိၭ လၧအဂဲၫထဲၩ့ထဲၩ့လၧမိအၭအခး ဖၧၩ့နီၪလီၫ. တၭလၧဆၧကူၭၥၫ့ဘုၪမုယီၩအဆၧၫ့အ ထီနီၪ,အဝ့ၫၥံၪထီၩ့ဝ့ၫလၧ ဘ့ၭၥလံၫဟံၫ့အဖၧၩ့လီၫ.