21
1 ၦအံၫစရ့လၭအၡၩခွၫၥံၪဆိၪလၩ့ ဝဲၩယူၭအၥၭလၧ မံဇပၫတၭ,စံၭဝ့ၫဒၪ, ၦလၧပကျၩနီၪဖ့ၪလၫ့အဖိၪမုၪ
2 လၧဘံၪ့ယမံၫ့အဂး နးဂၩအ့ၬ.- ၦခမျၧးဂဲၫထၪ့လၧ ယွၩအဂံၪ့ဖၧၩ့တၭ, အီၪဝ့ၫထီးနီၪလၧယွၩအမ့ၬယၫ ထီးမုဂၪလၩ့တၭ, ထုၭထၪ့အလူတၭအမ့ၬထံၫလၩ့နၭ
3 မၬလီၫ.- စံၭဝ့ၫဒၪ,ယဟိဝၩအံၫစရ့လၭအယွၩဧ့,လၧ အံၫစရ့လၭအဒီၪ့လဖၪအကျၩ, အံၫစရ့လၭလၩ့ၡၩ ၦလဒီၪ့လၧမုဆၫလနံၩယီၩ ဆၧမၩအၥၭယီၩ, မွဲဘၪ
4 လဲၪ.- မုဆဲၪ့ထၪ့လနံၩနီၪ ဆၧမၩအၥၭလၧၦခမျၧးဂဲ ထုၪ့ဂီၩဂီၩတၭမၩထၪ့ဆၧလုလးထီးနီၪတၭ, လုထၪ့ ဆၧလုမ့ၪ, ဒဲဆၧလုမၩဘၪလိၬအိၭလိၬလီၫ.
5 တၭၦအံၫစရ့လၭဖိၪစံၭဝ့ၫဒၪ, ၦလၧအံၫစရ့လၭအ ဒီၪ့ထီးအလူၬအကျၩလၧ အလဂဲၫထၪ့ဘၪလၧဆၧအီၪ ကီၪ့ယဟိဝၩအအီၪနီၪ, မွဲပလၫလဂၩလဲၪ. အဂဲးဘဲၫ ယီၩအဝ့ၫၥံၪဆိၪလၩ့အၥၭ လၧဆၧဆိၪဖၭဒိၪလၧၦ လၧအလဂဲၫဘၪလၧယဟိဝၩအအီၪလၧမံဇပၫအဂဲး အကၠီၪ့တၭ,စံၭဝ့ၫဒၪ, ၥံၫတၭမိဘၪဆၧမၩၥံၫတၡါဝ့ၫ လီၫ.
6 တၭၦအံၫစရ့လၭဖိၪၥ့ၪယၫ နီၫ့ယါလၩ့ထဲၩ့အၥၭ လၧၦထၧၫ့ဖုဝဲဘံၪ့ယမံၫ့အကၠီၩ့တၭ, စံၭဝ့ၫဒၪ,ၦလဒီၪ့ ဘၪဆၧဖ့ၬထ့ၬခွံၬဝ့ၫလၧအံၫစရ့လၭ အကျၩလၧမုဆၫ
7 လနံၩယီၩလီၫ.- မွဲပဆိၪလၩ့ပၥၭလၧယဟိဝၩအမ့ၬ ယၫလၧပလဖ့ၪလၫ့ဘၪအဝ့ၫၥံၪ လၧပဖိၪမုၪ လၧအ မၫအဂးတၭ, ပမိမၩလၧၦလၧအအီၪလၩ့ထးလဖၪအ
8 ဂးဘဲၫၥိၭအမိန့မၫဘဲၫၥ့ၪလဲၪ.- တၭအဝ့ၫၥံၪစံၭဝ့ၫ ဒၪ,လၧအံၫစရ့လၭအဒီၪ့လဖၪအကျၩ ၦလၧအလဂဲၫ ထၪ့ဘၪလၧမံဇပၫလၧယဟိဝၩအအီၪနီၪ, မွဲၦလဒီၪ့ လဲၪ.တၭယိခွါ, ၦလၧယၫဘ့ၭဂံလအၭနီၪ ဂဲၫလၧၦ
9 ၥုၪ့တဲၩအလး လၧဆၧအီၪကီၪ့နးဂၩအ့ၬ.- အဂဲးဘဲၫ ယီၩၦခမျၧးဘၪဆၧဝံထၪ့နၬထၪ့တၭ, ယိခွါယၫဘ့ၭဂံ
10 လအၭဖိၪအီၪထီးနီၪနးဂၩအ့ၬ.- ဆၧအီၪကီၪ့အၪ့မၧၫ့ လၩ့ၦၡၩလၧအဆီၪ့ထုၬ လလၬနံၫထီၫ့လၧနီၪတၭ, မၪလူၬအဝ့ၫၥံၪတၭစံၭအဝ့ၫဒၪ, လ့ၩဖ့ၬခွံၬၦယၫဘ့ၭ ဂံလအၭဖိၪလၧနၭအနါ, ဒဲၦမုၪၦမၧၩ့, ဒဲဖိၪဒံၩဖိၪၥၪ
11 နီၪဘီၪ.- တၭနၥံၪမိဘၪမၩဆၧယီၩ, နၥံၪဘၪမၩဂၭ ဂီၩ့ခွံၬကယဲၦခွၫ, ဒဲကယဲၦမုၪလၧအၥ့ၪယၫမံၫဎုၬလၧ
12 ၦခွၫကိၭဂၩဒ့ၭလီၫ.- တၭအဝ့ၫၥံၪဒၪဘၪဝ့ၫလၧၦယၫ ဘ့ၭဂံလအၭဖိၪအကျၩ, လၧဖိၪၥၪမုၪ,ၦမုၪနၩ့လံယၩ လၧအၥ့ၪယၫမံၫဎုၬလၧၦခွၫအ့ၬ. တၭအဝ့ၫၥံၪဂဲၫ ထဲၩ့ဆိၬဝ့ၫလၧၦၥုၪ့တဲၩအလး ထီးၡဲလိၫလၧအအီၪ လၧခးကၫနအၫ့အဖၧၩ့လီၫ.
13 တၭဆၧအီၪကီၪ့ထီးအလူၬ အၪ့မၧၫ့ၦလ့ၩချဲၩ့ဆၧ လၧၦဘံၪ့ယမံၫ့ဖိၪလၧအအီၪ လၧလဲၫ့ရံမၧၫ့တၭ,ကိၭ
14 န့ဝ့ၫမုၬမုၬလီၫ.- အထီနီၪဘံၪ့ယမံၫ့ဂဲၫထဲၩ့ထဲၩ့တၭ အဝ့ၫၥံၪဖ့ၪလၫ့ဝ့ၫအမၫလဖၪ လၧယၫဘ့ၭဂံလအၭအ မုၪလၧအဒုၭမၧၫ့ဒံၭဝ့ၫလီၫ. မွဲလါနၫ့ဘိၩ့, လၧၫ့လၧအ
15 ဝ့ၫၥံၪအဂးအ့ၬ.- တၭၦခမျၧးနၪ့ထၪ့နီၫ့ယါလၩ့ထဲၩ့ အၥၭလၧဘံၪ့ယမံၫ့အကၠီၩ့လီၫ. အဂဲးဘဲၫယီၩယဟိ ဝၩမၩဆၧလၩ့ဎီးလၧအံၫစရ့လၭအဒီၪ့အကျၩလဖၪ လီၫ.
16 တၭဆၧအီၪကီၪ့အၥၭၡါစံၭဝ့ၫဒၪ, ၦလၧအအီၪလၩ့ ထးလဖၪနီၪ,မိမၩဘဲၫၥိၭအမိန့ဘၪဘဲၫၥ့ၪလဲၪ. အဂဲး ဘဲၫယီၩၦမုၪဂၭဂီၩ့ယူၭ လၧဘံၪ့ယမံၫ့အကျၩယူၭ.-
17 တၭအဝ့ၫၥံၪစံၭဝ့ၫဒၪ, ဆၧန့ၥၫဘၪအီၪလၧၦလၧအ ဖီၩ့ဖျ့ၭလၧဘံၪ့ယမံၫ့ အကျၩနီၪဘဲၫၥိၭၦလဒီၪ့ ထီး
18 လၩ့မါလၧအံၫစရ့လၭ အကျၩနီၪလဂ့ၩလီၫ.- မွဲလါ နၫ့ပဝ့ၫဒၪယီၩပဖ့ၪလၫ့ဘၪအမၫ လၧပဖိၪအကျၩအ့ၬ. အဂဲးဘဲၫယီၩၦအံၫစရ့လၭဖိၪ ဆိၪလၩ့ယူၭအၥၭ တၭ,စံၭဝ့ၫဒၪ, ၦလၧအဖ့ၪလၫ့မၫနီၪ လၧဘံၪ့ယမံၫ့ တၭ,မွဲအဘၪဆိၪအၧၩ့ဆံၭ.
19 ထီးနီၪလဖၧၫ့အဝ့ၫၥံၪစံၭဝ့ၫဒၪ, ယိခွါဆၧမၩဘိၪ့ ယဟိဝၩအီၪဝ့ၫ လၧၡဲလိၫအဖၧၩ့ကိၭနံၪ့ဒ့ၭ ထီးအ လးလၧဘ့ၥလၭ လၧမုဖၩလခီၫလၧဖၧၩ့ၥၭမုလၧအ လ့ၩထၪ့ခွံၬလၧဘ့ၥလၭဖိးလၧၡံခံၫ့မုထၪ့လခီၫ, ဒဲလၧ
20 လဘိနၫမုခံၫ့လခီၫလီၫ.- မၩအၥၭဘဲၫနီၪတၭ, အဝ့ၫ ၥံၪမၪလူၬၦဘံၪ့ယမံၫ့ဖိၪတၭ, စံၭဝ့ၫဒၪ, လ့ၩအီၪခိၭ
21 ၥူၪလၧစဘံၭမုအလးဖၧၩ့လဖၪနီၪဘီၪ.- ယိတၭ,ယိ ခွါ,ၦၡဲလိၫအဖိၪမုၪ အ့ၪဂဲၫထၪ့ဂဲထုၪ့လံ လၧဆၧဂဲ ထုၪ့လံအကျၩတၭ, ထီးနီၪလဖၧၫ့ ဂဲၫထၪ့နၥံၪဝ့ၫလၧ စဘံၭမုအလးဖၧၩ့တၭ, ဖီၪ့န့လဂၩအမၫ,လဂၩအမၫ လၧၦၡဲလိၫအဖိၪမုၪအကျၩတၭ, ထဲၩ့ထဲၩ့လၧဘံၪ့
22 ယမံၫ့အခးဖၧၩ့နီၪဘီၪ.- တၭထီးအဖါလဖၪမွဲဂ့ၩ, အထၧၫ့ဖုဝဲမွဲဂ့ၩ, ဂဲၫချဲၩ့ခွးလၧပအီၪတၭ, ဆၧမိမၩ အၥၭလၧပမိစံၭအဝ့ၫၥံၪ, ယိမ့ၬပၧၩတၭ, ယၫ့ၥၭ အဝ့ၫၥံၪနီၪဘီၪ. အဂဲးဘဲၫယီၩ လၧဆၧဒုၭၥုၭအဖၧၩ့ နီၪပအီၪက့ၪလၩ့ထးဘၪ အမၫလဂၩလဂၩ လၧအဂး ဒၪဝ့ၫအ့ၬ. အဂဲးဘဲၫယီၩ အထီထီးနီၪနၥံၪလဖ့ၪလၫ့ ဘၪဝ့ၫ,ဘဲၫၥိၭနၥံၪအဆၧဒဲၩဘၭထီးအီၪလဂ့ၩလီၫ.
23 ၦဘံၪ့ယမံၫ့ဖိၪမၩဝ့ၫဘဲၫနီၪတၭ, မၩန့အမၫဘဲၫအ ဆၧဝံဆၧနၬအၥိၭ, လၧၦဂဲထုၪ့လံအကျၩလၧအဖီၪ့န့ ဝ့ၫလီၫ. လ့ၩဆၧတၭ, ထဲၩ့ထဲၩ့လၧဆၧန့ၥၫအအီၪ တၭ,မၩထၪ့ထဲၩ့အဒိၩ့လဖၪတၭ, အီၪဝ့ၫလၧအဖၧၩ့
24 လီၫ.-တၭအထီထီးနီၪၦအံၫစရ့လၭဖိၪစဲၪ့ထၪ့ခွံၬ ထီးနီၪလဂၩထီၩ့ လၧအဒီၪ့ဒၪဝ့ၫ, ဒဲလၧအဂံၪ့ဒီၪ့ဒၪ ဝ့ၫဆုၬဆုၬတၭ, အဝ့ၫၥံၪစဲၪ့ထၪ့ခွံၬထီးနီၪလဂၩထီၩ့ လၧအဆၧန့ၥၫဒၪဝ့ၫ, လဂၩလၧအဆၧန့ၥၫဒၪဝ့ၫဆုၬ
25 ဆုၬလီၫ.- ဆၧလၧမုနံၩလဖၪနီၪစဎွၩအီၪလၧအံၫစရ့ လၭအဖၧၩ့အ့ၬ. ၦမၩဆၧထီးဒၪ အတီၩအလီၩ့လၧ အမ့ၬၥၪဒၪဝ့ၫဆုၬဆုၬလီၫ.