29
(၂ဎွၩ ၥ၈:ၥ-၃).
1 လၧစဟ့ၭဇကဲအၫကဲၪၥၫ့စဎွၩနီၪ အၥၭအီၪနံၫဆံၫ ယဲနံၪ့တၭ, ကဲၪစဎွၩလၧယရုစလံၫ့အဖၧၩ့ နံၫဆံၫခွံၫနံၪ့ လီၫ. တၭအမိအမံၩ့မွဲနးအဘဲယၫ စဇ့ၭခရဲအၫအဖိၪ
2 မုၪလီၫ.- တၭအဝ့ၫဒၪမၩဆၧဂ့ၩ လၧယဟိဝၩအမ့ၬ ယၫဘဲၫကယဲဆၧလၧအဖါ စဒၫဝံၭမၩဝ့ၫအၥိၭနီၪ လီၫ.
3 အဝ့ၫဒၪလၧအကဲၪစဎွၩအခၪ့ထံၭလနံၪ့, လၧ လၩခၪ့ထံၭလဘံၪ့နီၪ ဝဲထၪ့ယဟိဝၩ အဂံၪ့အတရၫ့
4 မၩဂ့ၩထဲၩ့ဝ့ၫလီၫ.- ဒုၭဂဲၫနုၬၦလုဆၧလဖၪဒဲၦလံဝဲၫ ဖိၪလဖၪတၭ, ဒုၭအီၪကိၩ့အီၪကီၪ့ဝ့ၫလၧဖၧၩ့ၥၭမုထၪ့
5 လခီၫအဖၧၩ့လီၫ.- တၭစံၭဝ့ၫ, ၦလံဝဲၫဖိၪၥံၪဧ့, ခိၭနၪ ယလူ,မၩဆံၫ့ထၪ့နၥံၪအၥၭတၭ, မၩဆံၫ့ဎံၪယဟိဝၩ နၥံၪအဖါယွၩအဂံၪ့တၭ, ဆိၬထၪ့ခွံၬဆၧၥၭလိၪ လၧ
6 ဆၧအလးဆံၫ့ဎံၪအဖၧၩ့နီၪဆံၭ.- အဂဲးဘဲၫယီၩပဖါ မၩမၪဘၪဆၧတၭ, မၩဆၧအၧၩ့လၧယဟိဝၩပယွၩ အမ့ၬယၫတၭ, စဲၪ့ဒၪအဝ့ၫတၭ, အဝ့ၫၥံၪကၠၪခွံၬအမ့ၬ လၧယဟိဝၩအီၪဝ့ၫအလးတၭ, ကၠၪဒိၭချိၫ့အၥၭလီၫ.
7 တၭအဝ့ၫၥံၪကၭဘံၭထၬ ထိၬချိၫ့အတရၫ့တၭမၩလၩ့ ဖံၬမ့ၪဒိၩ့ၥံၪ, လဆူၭခဲၩဘၪဆၧနၧၫ့မၧၫ့, ဒဲလလုထၪ့ ဘၪအံၫစရ့လၭအယွၩ လၧဆၧလုမ့ၪ လၧဆၧအလး
8 ဆံၫ့ဎံၪအဖၧၩ့နီၪလီၫ.- မၩအၥၭဘဲၫနီၪတၭယဟိဝၩ အဆၧၥၭထၪ့ဘၪယုဒၫ, ဒဲယရုစလံၫ့တၭ, အဆၧဖ့ၪ လၫ့ခွံၬဝ့ၫလၧဆၧခိဆၧဝီၩ, အီၪက့ၪဝ့ၫလၧဆၧထီၫမံၫ ထီၫမၪအလးဒုၪဒွ့ၪ ဘဲၫနဒၪဘၪ လၧနၥံၪအမ့ၬၥၪအ
9 ၥိၭနီၪလီၫ.- ယိခွါ, ပဖါၥံၪလၩ့ထံၩဖါလၧနၭတၭ,ပ ဖိၪခွၫၥံၪ ဒဲပဖိၪမုၪၥံၪ ဒဲပမၫၥံၪကဲၪဎီး လၧဆၧနီၪအ
10 ကၠီၩ့လီၫ.- တၭဘိၩ့နဲၪ့ယီၩ ယၥၭအီၪလၧယမိအုၩ့ လၩ့ဆၧလၧယဟိဝၩ အံၫစရ့လၭအယွၩဘဲၫၥိၭအၥၭ
11 ထၪ့ဆီၪ့မိကၠၪခွံၬအၥၭ လၧပအီၪလီၫ.- ယဖိၪခွၫၥံၪဧ့, ဘိၩ့နဲၪ့ယီၩ,နၥံၪအ့ၪလထီးလၩ့ဘၪ နၥံၪအၥၭတၭ အီၪလဂ့ၩ. ယဟိဝၩရွံန့နၥံၪ ဘဲၫၥိၭနၥံၪမိဆၧၫ့ထုၪ့ လၧအမ့ၬယၫလၧနၥံၪမိမၩအဆၧ, ဒဲဘဲၫၥိၭနၥံၪမိမၩ ဆၧအခ့ၫအၡၩအဆၧ, ဒဲဆူၭခဲၩထၪ့ဆၧနၧၫ့မၧၫ့လီၫ.
12 ထီးနီၪလဖၧၫ့ၦလံဝဲၫဖိၪဂဲထုၪ့, စအၫမစ့အဲၫအဖိၪ ခွၫစမၫဟၭ, ဒဲစအၭဇရဲအၫအဖိၪခွၫ စယိၫအ့လၭ, လၧၦကိဟၭဖိၪၥံၪအကျၩး ဒဲလၧစမရၫရဲၫအဖိၪခွၫ ၥံၪအကျၩနီၪ, စအၭဘဒံၫအဖိၪခွၫ, စကံၭ,ဒဲစယဟၫ လအ့လၭအဖိၪခွၫ စအၭဇရဲအၫလီၫ. လၧၦဂၭၡၧၫ့ ဖိၪအကျၩ, စဇံမမၫအဖိၪခွၫစယိအၫ, ဒဲစယိအၫအဖိၪ
13 ခွၫစအံဒံၫ့လီၫ.- တၭလၧစအလံၭဇဖၫ့အဖိၪခွၫၥံၪအ ကျၩနီၪ,စၡံမရဲၫ ဒဲစယအဲၫအ့လၭး ဒဲလၧစအၫစဖၭ အဖိၪခွၫၥံၪအကျၩနီၪ, စဇ့ၭခရဲအၫ, ဒဲစမၭတနဲအၫ.
14 လၧစဟံမၫ့အဖိၪခွၫၥံၪအကျၩနီၪ စယဟဲၫအ့လၭ,ဒဲစ ၡံမအဲၫ,ဒဲလၧစယဒုၥၫ့အဖိၪခွၫၥံၪအကျၩနီၪ, စၡံမဲ
15 အၫ,ဒဲစအၧၭဇဲၫအ့လၭလီၫ.- အဝ့ၫၥံၪဒုၭအီၪကိၩ့အီၪ ကီၪ့အထၧၫ့ဖုဝဲလဖၪတၭ, မၩဆံၫ့ဎံၪအၥၭတၭ, ဂဲၫ ဝ့ၫဘဲၫစဎွၩအဆၧမၪလူၬ လၧယဟိဝၩအလူအၥိၭနီၪ,
16 ဘဲၫၥိၭအမိမၩဆံၫ့ထၪ့ယဟိဝၩအဂံၪ့လီၫ.- တၭၦလု ဆၧလဖၪလ့ၩနုၬလၧယဟိဝၩ အဂံၪ့လၧယၫလခီၫ ဘဲၫၥိၭအမိမၩဆံၫ့ထၪ့ဝ့ၫတၭ, ဂဲၫထဲၩ့ဆိၬဆၧလဆံၫ့ ဘၪလဖၪထီးအလူၬ လၧအဒၪန့ဝ့ၫလၧယဟိဝၩအနီး ဖၧၩ့နီၪ ထီၩ့လၧယဟိဝၩအဂံၪ့အဝၩ့ဖၧၩ့တၭ, ၦလံ ဝဲၫဖိၪမၩန့ဆိၬထၪ့ခွံၬဝ့ၫ လၧခီၫ့လၧထံၫချိၬကံၭဒၧၫ့
17 အဖၧၩ့လီၫ.- လၧလၩအခၪ့ထံၭလၩထၪ့လနံၩနီၪအ ဝ့ၫၥံၪမၩထၪ့ၥၫ့ ဘဲၫၥိၭအမိမၩဆံၫ့ဎံၪထၪ့ဝ့ၫတၭ, လၧလၩဎိၭနံၩလနံၩနီၪ, ဂဲၫဝ့ၫလၧယဟိဝၩအထိၬ ချိၫ့တၭ, မၩဆံၫ့ဎံၪယူၭယဟိဝၩအဂံၪ့ လၧဎိၭနံၩအ ထးဖၧၩ့လီၫ. လၧလၩအခၪ့ထံၭလဆံၫဎူၫနံၩလနံၩနီၪ မၩဝ့ၫထီးအလူၬလီၫ.
18 ထီးနီၪလဖၧၫ့ အဝ့ၫၥံၪလ့ၩဆၧ လၧစဎွၩဟ့ၭဇကဲ အၫအအီၪတၭ, စံၭဝ့ၫဒၪ, ပမၩဆံၫ့ထၪ့ယူၭယဟိဝၩ အဂံၪ့ထၧၫ့ဂံၪ့ယၫ, ဒဲဆၧလုမ့ၪအလး, ဒဲအဎၧၩ့အဎီ ထီးအလူၬ, ဒဲဆၧမ့ၬယၫအကိၪအစပွဲ, ဒဲအဖၧၩ့ၥံၪ,
19 ထွ့ၫၥံၪထီးအလူၬလီၫ.- လၧစဎွၩအၫဟဇၭပၧၩ့ဆၧ အဘိၩ့ဘၭနီၪဆၧအဎၧၩ့အဎီ လၧအခွံၬၡိၭခွံၬဝ့ၫလၧ အမၩမၪဆၧအဖၧၩ့ထီးအလူၬနီၪ, ပတဲၩ့ဝဲၩယူၭ, ဒဲပ မၩဆံၫ့ယူၭတၭ, ယိခွါ, အီၪဝ့ၫလၧယဟိဝၩအဆၧလု
20 လးအမ့ၬယၫလီၫ.- ထီးနီၪလဖၧၫ့စဎွၩဟ့ၭဇကဲအၫ ဂဲထုၪ့ဂီၩဂီၩတၭ, ဒုၭအီၪကီၪ့ဒိၩ့အၦဒိၪဖၭဒိၪလဖၪ
21 တၭ,လ့ၩထၪ့ဝ့ၫလၧယဟိဝၩအဂံၪ့ဖၧၩ့လီၫ.- အဝ့ၫ ၥံၪဂဲၫဆိၬချီဖၫနွ့ၫဒုၩ, ဒဲၥိၪဖၫနွ့ၫဒုၩ, ဒဲၥိၪဖိၪနွ့ၫဒုၩ, ဒဲဘ့ၪဖၫနွ့ၫဒုၩ,လၧဆၧလုဆၧဒဲၩဘၭအဂး, ဒဲလၧဘၩ့ မုးအဂးဒဲလၧဆၧအလးဆံၫ့ဎံၪအဂး, ဒဲလၧယုဒၫအ ဂးတၭ,မၪလူၬၦလုဆၧ စအၫရၧၫ့အဖိၪခွၫၥံၪလၧအမိ ဘၪလုထၪ့ဝ့ၫလၧယဟိဝၩ အဆၧလုလးအဖၫ့ခိၪလီၫ.
22 ၦမၩၥံၫချီဖၫလဖၪတၭ, ၦလုဆၧၥံၪဒိၭန့ဆၧၥွံၪတၭ, ဎွံၪဝ့ၫလၧဆၧလုလး အဖၫ့ခိၪလီၫ. မၩၥံၫၥိၪဖၫတၭ, ဎွံၪဝ့ၫလၧအၥွံၪလၧဆၧလုလးအဖၫ့ခိၪ, မၩၥံၫၥိၪဖိၪ
23 တၭ,ဎွံၪဝ့ၫအၥွံၪလၧဆၧလုလးအဖၫ့ခိၪလီၫ.- အဝ့ၫ ၥံၪဂဲၫဆိၬဘ့ၪဖၫၥံၪ လၧဆၧလုဆၧဒဲၩဘၭအဂးလၧ စဎွၩဒဲလၧဆၧအီၪကီၪ့အမ့ၬယၫတၭ, အဝ့ၫၥံၪအီၪက့ၪ
24 အစူၪလၧအဖၫ့ခိၪလီၫ.- ၦလုဆၧလဖၪမၩၥံၫဝ့ၫတၭ, မၩဆၧဘၪလိၬအိၭလိၬ လၧအၥွံၪအကၠီၩ့လၧဆၧလုလး အဖၫ့ခိၪနီၪ, ဘဲၫၥိၭအမိမၩဆၧဖီၩ့ဖျ့ၭလၧအံၫစရ့လၭ ထီးအလူၬအဂးလီၫ. အဂဲးဘဲၫယီၩ စဎွၩမၪလူၬဝ့ၫ လၧဆၧလုမ့ၪ,ဒဲဆၧလုဆၧဒဲၩဘၭနီၪ မိဘၪလၧအံၫစ
25 ရ့လၭထီးအလူၬအဂးလီၫ.- တၭအဝ့ၫဒၪအီၪက့ၪၦ လံဝဲၫဖိၪလၧယဟိဝၩအဂံၪ့ဖၧၩ့ အီၪလၧစံၩ့စံၩ့ၥံၪ,ဒဲနါ ဒံၩ့ၥံၪ,ဘဲၫစဒၫဝံၭဒဲစဎွၩ အၡၩဒၪဆၧလၧယၫ, စဂၭ, ဒဲစနၫၥၫ့အဆၧမၪလူၬအၥိၭနီၪလီၫ. အဂဲးဘဲၫယီၩ
26 ယဟိဝၩမၪလူၬဆၧနီၪလၧမီၪၥံၪလီၫ.- တၭၦလံဝဲၫဖိၪ ဆၧၫ့ထုၪ့အီၪလၧစဒၫဝံၭအနါဒံၩ့ၥံၪ, ၥၫ့ထီးၥံၪတၭၦ
27 လုဆၧလဖၪနီၪအီၪလၧခွ့ၩလဖၪလီၫ.- စဟ့ၭဇကဲအၫ မၪလူၬဝ့ၫလၧအမိလုထၪ့ဆၧလုမ့ၪ လၧဆၧလုလးအ ဖၫ့ခိၪတၭး ထီးအလုထၪ့ၥၫ့ဆၧလုမ့ၪနီၪ, မွဲယဟိဝၩ အဆၧၥံၫကျံၩထၪ့ၥၫ့အီၪလၧခွ့ၩၥံၪ, ဒဲၥၫ့ထီးနါဒံၩ့ၥံၪ ဘဲၫလၧအံၫစရ့လၭအစဎွၩဒၫဝံၭ မၪလူၬဝ့ၫအၥိၭနီၪ
28 လီၫ.- ဆၧအီၪကီၪ့ထီးအလူၬ ဘိၪ့ထၪ့ဘၩထၪ့ဆၧ တၭ,ၦၥံၫကျံၩဆၧလဖၪနီၪၥံၫကျံၩဆၧ, ဒဲၦအူၪခွ့ၩၥံၪ, အူၪထၪ့ဝ့ၫတၭ, ဆၧထီးအလူၬနီၪမၩဝ့ၫထီးအလုထၪ့
29 ဆၧလုဂီၩ့တၭ, စဎွၩဒဲကယဲၦအီၪလၧအၥိၭထီးအလူၬ
30 နီၪၡီၫ့လၩ့အခိၪတၭ, ထွံၩလၩ့ဘၩထၪ့ဆၧလီၫ.- တၭ စဎွၩဟ့ၭဇကဲအၫ ဒဲအၦဒိၪဖၭဒိၪလဖၪနီၪမၪလူၬၦ လံဝဲၫဖိၪဘဲၫၥိၭ အမိစံၭထၪ့အၪ့အူၭယဟိဝၩ, ဘဲၫစ ဒၫဝံၭ,ဒဲၦဒၪဆၧလၧယၫ စအၫစၭအဆၧချဲၩ့အၥိၭနီၪ လီၫ.တၭအဝ့ၫၥံၪၥံၫကျံၩဆၧလၧ အၥုၪ့ထိၬအၥၭထိၬ ၡီၫ့လၩ့အခိၪတၭဘိၪ့ထၪ့ဘၩထၪ့ဝ့ၫလီၫ.
31 ထီးနီၪလဖၧၫ့စဟ့ၭဇကဲအၫ ချဲၩ့ဆၧတၭ,စံၭဝ့ၫဒၪ, ဘိၩ့နဲၪ့ယီၩနၥံၪမၩဆံၫ့ဎံၪယူၭ နၥံၪအၥၭလၧယဟိ ဝၩအဂးယူၭ, ၥုၭဘူၭနၥံၪအၥၭဂဲၫဆိၬဆၧလုလဖၪ, ဒဲဆၧလုစံၭထၪ့အၪ့အူၭလဖၪ လၧယဟိဝၩအဂံၪ့ဖၧၩ့ ဆံၭ. တၭဆၧအီၪကီၪ့နီၪဂဲၫဆိၬဆၧလုလဖၪ, ဒဲဆၧလု စံၭထၪ့အၪ့အူၭတၭ, ထီးဒၪၦလၧအၥၭအီၪထၪ့ဒၪ
32 ဆၧလဂၩဂၩနီၪ ဂဲၫဆိၬအဆၧလုမ့ၪလီၫ.- တၭဆၧလု မ့ၪလၧဆၧအီၪကီၪ့ ဂဲၫဆိၬဝ့ၫလဖၪ အဆၧဝံဆၧနၬနီၪ မွဲချီဖၫနွ့ၫဆံၫ, ဒဲၥိၪဖၫလယၩ, ဒဲၥိၪဖိၪနံၫယၩလီၫ. အဝ့ၫၥံၪထီးအလူၬနီၪ အီၪလၧဆၧလုထၪ့ယဟိဝၩအ
33 ဆၧလုမ့ၪအဂးလီၫ.- တၭဆၧလၧၦအီၪက့ၪဆံၫ့ဎံၪ
34 ဝ့ၫလဖၪနီၪမွဲချီဖၫဎူၫယၩ ဒဲၥိၪၥၧၫ့ထီၫ့လီၫ.- မွဲလၧၦ လုဆၧၥံၪအီၪၡၩလၨၪအကၠီၩ့တၭ, မၩၥံၫဆၧလုမ့ၪ ထီးအလူၬၥ့ၪအ့ၬ. အခိးမွဲဘဲၫနီၪတၭ, အထၧၫ့ဖုဝဲၦ လံဝဲၫဖိၪမၩဆၧၩ့ဝ့ၫ ထီးဆၧလုအဆၧမၩနီၪ ဂီၩ့ဝ့ၫ, ဒဲထီးၦလုဆၧၥံၪမၩဆံၫ့ဎံၪထၪ့အၥၭလီၫ. အဂဲးဘဲၫ ယီၩၦလံဝဲၫဖိၪၥံၪလၧ အမိမၩဆံၫ့ဎံၪအၥၭနီၪ, မွဲအ
35 တီၩနဲၪ့လီၩ့နဲၪ့ၦလုဆၧဒံၭလီၫ.- တၭဆၧလုမ့ၪအီၪ ဝ့ၫအၪအၪလ့ၬ, ဒဲဆၧလုမၩဘၪလိၬအိၭလိၬလဖၪအ ဆၧၥိၪ,ဒဲဆၧလုအီၩလဖၪ လၧဆၧလုမ့ၪအဂးလီၫ. တၭယဟိဝၩ အဂံၪ့ အဆၧမၩနီၪ တဲၩ့ဝဲၩယူၭအၥၭ လီၫ.
36 တၭစဟ့ၭဇကဲအၫၥုၪ့ထိၬၥၭထိၬ ဒဲၦခမျၧးထီးအ လူၬလၧယဟိဝၩတဲၩ့ဝဲၩ ၦခမျၧးၥံၪ အကၠီၩ့နီၪလီၫ. အဂဲးဘဲၫယီၩဆၧကဲၪထၪ့ဝ့ၫဒၪချဲၫ့မၬလီၫ.