28
(၂ဎွၩ ၥ၆:ၥ-၄).
1 လၧစအၫဟဇၭကဲၪၥၫ့စဎွၩနီၪ အၥၭအီၪအနံၪ့နံၫ ဆံၫတၭ,ကဲၪစဎွၩလၧယရုစလံၫ့အဖၧၩ့ လဆံၫဎူၫနံၪ့ တၭး မၩဆၧဂ့ၩလၧယဟိဝၩအမ့ၬယၫ ဘဲၫအဖါစဒၫ
2 ဝံၭအၥိၭအ့ၬ.- ဖိၬအံၫစရ့လၭအစဎွၩၥံၪအဖၧၩ့ၥၭ တၭမၩကဲၪထၪ့ ဘၫအလၭၥံၪ အဆၧဂၩ့ ၥိၫ့အၥၭ
3 လဖၪတၭ,- လၧနီၪအမ့ၬယၫဆူၭခဲၩဆၧနၧၫ့မၧၫ့လၧ စဟံၪ့နၧၫ့အဖိၪခွၫအခိၪလီၩ့ဆူၭဖၧၩ့တၭ ဆူၭထၪ့ ခွံၬအဖိၪၥံၪလၧမ့ၪဘဲၫၦဆၨၩလဖၪ အဆၧၥၭလိၪအ ၥိၭ,လၧယဟိဝၩနၫ့ထၪ့ခွံၬဝ့ၫ လၧအံၫစရ့လၭဖိၪအ
4 မ့ၬယၫနီၪလီၫ.- အဝ့ၫဒၪလုထၪ့ဆၧဆ့ ဒဲဆူၭခဲၩဆၧ နၧၫ့မၧၫ့လၧဆၧအလးထၪ့ထီၫလဖၪအဖၫ့ခိၪ, ဒဲလၧ ဆၧစီၩ့ခိၪအဖၫ့ခိၪ, ဒဲလၧကယဲၥံၪ့ၥံၫ့ဆ့ၬအဖၫ့လၬနီၪ လီၫ.
(၂ဎွၩ ၥ၆;၅).
5 မၩအၥၭဘဲၫနီၪတၭ, ယဟိဝၩအဝ့ၫဒၪအယွၩဖ့ၪ လၫ့ခွံၬအဝ့ၫလၧစံရအၫအစဎွၩအစူၪဖၧၩ့တၭ, အဝ့ၫ ၥံၪကျီၪ့ခွံၬအဝ့ၫတၭ, ဆိၬန့ခွံၬအၪ့မၧၫ့ဎီး ၦအၪဂၩ တၭ,ဆိၬန့ခွံၬဝ့ၫထီၩ့လၧဒမၭစကၧၭလီၫ. အဝ့ၫဘၪ ဆၧဖ့ၪလၫ့ခွံၬဆ့ လၧအံၫစရ့လၭအစဎွၩအစူၪဖၧၩ့,
6 လၧအကျီၪ့ခွံၬဝ့ၫလၧဆၧကျီၪ့ခွံၬဖၭဒိၪလီၫ.- တၭစရ့ၫ မလဲအၫအဖိၪခွၫစပံကၫမၩၥံၫ ၦလကုၬနံၫလၬလၧလ နံၩဎးလၧယုဒၫအဖၧၩ့ ၦအဂဲးဆီၪ့ထီးအလူၬလီၫ.အ ဂဲးဘဲၫယီၩအဝ့ၫၥံၪစဲၪ့ဒၪယူၭ ယဟိဝၩအဝ့ၫၥံၪအဖါ
7 လဖၪအယွၩလီၫ.- ၦအဂဲးဆီၪ့ၦအံဖြံၫ့ဖိၪစဇံၭခြဲၫမၩ ၥံၫစဎွၩအဖိၪစမၫအစဲအၫ ဒဲၦဂံၪ့ဖိၪအခိၪစအၭဇကၫ့,
8 ဒဲၦလၧစဎွၩအဖၫ့လၬစအ့လကနၫလီၫ.- ၦအံၫစရ့လၭ ဖိၪဆိၬထၪ့ခွံၬအၪ့မၧၫ့ဎီးၦနံၫကုၬ, ၦမုၪၥံၪ, ဒဲၦခွၫၥံၪ ဒဲၦအဖိၪမုၪၥံၪ လၧအထၧၫ့ဖုဝဲအကျၩတၭ, မၩန့ဆၧ အၪ့ဂူၬဆီၪ့လၧအဝ့ၫၥံၪအၪအၪလ့ၬတၭ, ဂဲၫဆိၬဆၧ ဖိၪဆၧလံၩလၧစမ့ရအၫအဖၧၩ့လီၫ.
9 ယဟိဝၩအမီၪလဂၩ အီၪဝ့ၫထီးနီၪတၭ, အမံၩ့မွဲ စအိဒ့ၭတၭ, စဲၪ့ထၪ့ဝ့ၫလၧၥုၭမုခမျၧးလၧအဂဲၫလၧ စမ့ရအၫအမ့ၬယၫတၭ, စံၭအဝ့ၫၥံၪ, မွဲယဟိဝၩနၥံၪ အဖါအယွၩၥၭထၪ့ယုဒၫတၭ, ဖ့ၪလၫ့ခွံၬဝ့ၫလၧနၥံၪ အစူၪဖၧၩ့တၭ, နၥံၪမၩၥံၫဝ့ၫလၧဆၧၥၭထၪ့လၧအထၪ့
10 ဘၭလၧမူၭခိၪလီၫ.- တၭဘိၩ့နဲၪ့ယီၩ နၥံၪစံၭလၧနၥံၪ မိအီၪက့ၪလၩ့ၦယုဒၫဖိၪ, ဒဲၦယရုစလံၫ့ဖိၪ လၧနၥံၪအ ဎီးခွၫဒဲနၥံၪအဎီးမုၪလီၫ. ဆၧအီၪလၧနၥံၪ,ဆၧမၩမၪ ယဟိဝၩနၥံၪအယွၩအီၪလၧနၥံၪဒၪလ့ၬ, မွဲအ့ၬဧၪ.
11 တၭဘိၩ့နဲၪ့ယီၩခိၭနၪယလူ ဒဲဖျါခွံၬၦလၧနၥံၪအၪ့မၧၫ့ ဎီးလၧနၥံၪအထၧၫ့ဖုဝဲအကျၩနီၪဆံၭ. အဂဲးဘဲၫယီၩ
12 ယဟိဝၩအဆၧၥၭထၪ့နီၪလၩ့ဘၪနၥံၪလီၫ.- ထီးနီၪ လဖၧၫ့ၦလၧအံဖြံၫ့ဖိၪ အခိၪအကျၩလဖၪနီၪ, စယိၫ ဟၫနၫ့အဖိၪခွၫစအၭစရဲအၫ, စမၡံလမီၭအဖိၪခွၫစ ဘ့ၫရခဲအၫ, ဒဲစၡၫလၧၫ့အဖိၪခွၫ, စယ့ၫဟ့ၭဇကဲအၫ, ဒဲစဟၭဒလ့အဲၫအဖိၪခွၫ စအၫမစၫလဖၪနီၪဂဲထုၪ့ထၫ့
13 ဒၩၦလၧအဂဲၫထဲၩ့လၧဆၧဒုၭၥုၭလဖၪနီၪတၭ,- စံၭ အဝ့ၫၥံၪ, နၥံၪဂဲၫဆိၬနုၬဘၪၦလၧအကဲၪဎီးထီးယီၩ အ့ၬ. အဂဲးဘဲၫယီၩ ပမၩမၪဘၪယူၭ ယဟိဝၩယူၭ တၭ,နၥံၪစံၭလၧနၥံၪမိမၩအၪထၪ့ ပဆၧဒဲၩဘၭဒဲဆၧ အမၪလီၫ. အဂဲးဘဲၫယီၩပဆၧအမၪနီၪမွဲအဒိၪအယိၬ
14 တၭ,ဆၧၥၭထၪ့ဆီၪ့နီၪဘၪအံၫစရ့လၭလီၫ.- တၭၦ ၥုၭဖိၪအီၪက့ၪလၩ့ၦလၧအကဲၪဎီးဒဲဆၧဖိၪဆၧလံၩလၧ ၦဒိၪဖၭဒိၪ, ဒဲလၧဆၧအီၪကီၪ့ ထီးအလူၬ အမ့ၬယၫ
15 လီၫ.- ၦလၧဆၧကိၭထၪ့အမံၩ့လဖၪနီၪဂဲထုၪ့တၭ,အၪ့ မၩန့ၦကဲၪဎီး, ဒဲဆၧဖိၪဆၧလံၩလၧဆၧအၪ့ဂူၬန့ဝ့ၫနီၪ ဒုၭကီၩ့ဒုၭၥိၭ ကယဲၦလၧအအီၪဘိၪ့ဝ့ၫလၧအကျၩ, ဒဲကယၧၩ့ဝ့ၫ, ဒဲဒုၭၥိၭထၪ့ဝ့ၫအခၪ့ဖံၭ, ဒဲဖ့ၪအၪ့ဖ့ၪ အီၩဝ့ၫ,ဒဲဂုၪဝ့ၫ, ဒဲဆိၬၦအဆၫၥံၪ လၧကၥ့ၪယီၩ့အ လီၩ့တၭ,ဆိၬဝ့ၫလၧယ့ၫရခိၫ, ဒိၩ့ၥံၪ့စီၩ့မလီၫ့,လၧအ ထၧၫ့ဖုဝဲအအီၪတၭ, ထီးနီၪလဖၧၫ့ ထဲၩ့ကဒၩထဲၩ့ဝ့ၫ လၧစမ့ရအၫလီၫ.
(၂ဎွၩ ၥ၆;၇-၉).
16 လၧအဆၧၫ့အထီနီၪစဎွၩအၫဟဇၭ အၪ့မၧၫ့လၩ့ ဆၧလၧအစံရအၫအစဎွၩလဖၪ ဘဲၫၥိၭအမိမၩဆၧၩ့ဝ့ၫ
17 လီၫ.- ၦအံဒၧၫ့ဖိၪဂဲၫယူၭဝ့ၫတၭ, ကျီၪ့ယုဒၫတၭ,ထဲၩ့
18 ဆိၬအၪ့မၧၫ့ဎီးၦလဖၪနီၪလီၫ.- တၭၦဖလံၡၫဖိၪၥံၪ လ့ၩနုၬယူၭ လၧဒိၩ့လဖၪလၧဆၧဒၩဖၧၩ့ ဒဲယုဒၫမုခံၫ့ လခီၫတၭ, မၩန့ဘ့ၭၥၡံမံၭ, ဒဲအၭဇလၧၫ့, ဒဲကဒံရီၭ, ဒဲၡိကိၫဒဲအတဝၫ့ၥံၪ, ဒဲတံၭမနၫဒဲအတဝၫ့ၥံၪ, ဒဲဂံၭမ
19 ဇိၫဆ့ဒဲအတဝၫ့ၥံၪတၭ, အီၪဝ့ၫထီးနီၪလီၫ.- အဂဲးဘဲၫ ယီၩယဟိဝၩဒုၭဆၪ့လၩ့ယုဒၫ လၧအံၫစရ့လၭအစဎွၩ အၫဟဇၭအကၠီၩ့လီၫ. အဂဲးဘဲၫယီၩအဝ့ၫဒၪဒုၭအီၪ
20 ဘိၪ့ယုဒၫတၭ, မၩမၪဘၪယဟိဝၩဒိၪမၬလီၫ.- တၭ အစံရအၫအစဎွၩတံၭဂလၭပလံစၫ ဂဲၫလၧအအီၪတၭ
21 မၩကၪမၩဂဲၩဝ့ၫတၭ, ဒုၭဆီၪ့ထၪ့ဝ့ၫအ့ၬ.- အဂဲးဘဲၫ ယီၩစအၫဟဇၭမၩန့ခွံၬ ဆၧအဂးလၧယဟိဝၩအဂံၪ့ ဖၧၩ့,ဒဲလၧစဎွၩဒဲၦဒိၪၥံၪအဂံၪ့ဖၧၩ့တၭ, ဖ့ၪလၫ့ဝ့ၫ လၧအစံရအၫစဎွၩလီၫ. မွဲလါနၫ့ဘိၩအဝ့ၫမၩဆၧၩ့ ဝ့ၫအ့ၬ.
22 တၭလၧအဘၪဆၧခိဆၧဝီၩ အဆၧၫ့အထီနီၪမၩမၪ ဘၪယဟိဝၩအၪနဲၪ့အနီၪဒံၭလီၫ. အဝ့ၫဒၪမွဲစဎွၩအၫ
23 ဟဇၭလီၫ.- တၭဒမၭစကၧၭအယွၩ လၧအကျီၪ့ခွံၬ ဝ့ၫလဖၪနီၪ, အဝ့ၫလုထၪ့ဝ့ၫတၭ, စံၭဝ့ၫဒၪ,မွဲစံရအၫ အစဎွၩအယွၩလဖၪ မၩဆၧၩ့အဝ့ၫၥံၪတၭ, ယမိလု ထၪ့ဝ့ၫဘဲၫၥိၭအမိမၩဆၧၩ့ယၧၩဆ့လီၫ. အ့ၪမွဲအဝ့ၫ ၥံၪကဲၪထၪ့လၧအဝ့ၫဒၪ ဒဲအံၫစရ့လၭထီးအလူၬအ
24 ဆၧလၩ့ထံၩဖါအလးလီၫ.- စအၫဟဇၭအၪ့ထုၫ့ကီၪ့ ယွၩအဂံၪ့အဎၧၩ့အဎီတၭ, ဒၪ့ဘျ့ၭခွံၬ ယွၩအဂံၪ့အ ဎၧၩ့အဎီဒဲကၭဘံၭထၬယဟိဝၩ အဂံၪ့အတရၫ့လဖၪ တၭ,မၩဆၧလုအလး လၧယရုစလံၫ့အဖၧၩ့ကိၭဆၧ
25 အနိၪ့ဒ့ၭလီၫ.- တၭမၩဆၧအလးထၪ့ထီၫလၧကယဲ ယုဒၫအဒိၩ့ဖၧၩ့လဒိၩ့ဘၪလဒိၩ့ လဒိၩ့ဘၪလဒိၩ့ဘဲၫ ၥိၭအမိဆူၭခဲၩဆၧနၧၫ့မၧၫ့ လၧယွၩအဂူၫဂၩလဖၪအ ဂးတၭ,ထိၪဂဲၩယဟိဝၩ လၧအမွဲအဖါၥံၪအယွၩအ ဆၧၥၭထၪ့လီၫ.
26 တၭဆၧအီၪလၩ့ထးဘၪဆဲၫ့ လၧအဝ့ၫဒၪအဆၧမၩ လဖၪ,ဒဲအဖၧၩ့ၥၭထီးအလူၬအခၪ့ထံၭ, ဒဲဆၧအထုၬ နီၪ,ယိခွါ, ကွ့ၭအၥၭလၧယုဒၫဒဲအံၫစရ့လၭအစဎွၩ
27 ၥံၪအလံၬဖၧၩ့လီၫ.- စအၫဟဇၭမံၫဝ့ၫလၧအဖါၥံၪအ ၥိၭတၭ, ၦခုၪ့လၩ့ဘၧၩ့ခွံၬဝ့ၫ လၧဒိၩ့ဖၧၩ့လၧယရုစ လံၫ့အဖၧၩ့လါနၫ့တၭ, ဂဲၫဆိၬဘၪဝ့ၫလၧအံၫစရ့လၭ အစဎွၩၥံၪအဆၧၥွၪခိၪအဖၧၩ့အ့ၬ. တၭအဖိၪခွၫစ ဟ့ၭဇကဲအၫကဲၪစဎွၩ လၧအလးလီၫ.