23
(၂ဎွၩ ၥၥ;၄-ၥ၆).
1 လၧနွ့ၫနံၪ့လနံၪ့အဖၧၩ့နီၪ စယဟီအဒၫအီၪက့ၪဆီၪ့ ထၪ့အၥၭတၭ, မၩန့ၦအယၩၥံၪ အခိၪလဖၪစယရိ ဟၫ့အဖိၪခွၫစအၭဇရဲအၫ, ဒဲစယဟိဟနၫ့အဖိၪခွၫ စအံၫၡမၫအ့လၭ, ဒဲစအိၫဘ့ၭအဖိၪခွၫ စအၭဇရဲအၫ, ဒဲစအဒဲအၫအဖိၪခွၫ စမ့ၫအဇဲအၫ, ဒဲစဇ့ၭခြဲၫအဖိၪ ခွၫစအလံၡဖၭတၭ, အုၩ့လၩ့လိၬအၥၭ လၧအဝ့ၫၥံၪ
2 လီၫ.- အဝ့ၫၥံၪလ့ၩဝံၩ့ဝၩ့ဆၧလၧ ယုဒၫအဖၧၩ့တၭ, ဒုၭအီၪကိၩ့အီၪကီၪ့ၦလံဝဲၫဖိၪ လၧယုဒၫအဒိၩ့ထီးအ လူၬ,ဒဲအံၫစရ့လၭအဖါၥံၪအခိၪနီၪတၭ, အဝ့ၫၥံၪဂဲၫ
3 ထီၩ့ဝ့ၫလၧယရုစလံၫ့လီၫ.- တၭၦအီၪကီၪ့ဝ့ၫထီးအ လူၬနီၪ, အုၩ့လၩ့လိၬအၥၭလၧစဎွၩလၧယွၩအဂံၪ့ဖၧၩ့ နီၪလီၫ. တၭအဝ့ၫဒၪစံၭအဝ့ၫၥံၪ, ယိခွါ, စဎွၩအဖိၪခွၫ မိကဲၪထၪ့စဎွၩ ဘဲၫယဟိဝၩစံၭဆၧလၧ စဒၫဝံၭအဖိၪ
4 ခွၫၥံၪ အဂဲးအကၠီၪ့အၥိၭနီၪလီၫ.- အယီၩမွဲဆၧလၧ နၥံၪမိမၩဘၪလမံၩ့, နၥံၪဝ့ၫလဖၪ ၥၧၫ့ဒီၪ့လဒီၪ့လၧ အလ့ၩနုၬလၧမးၥံၫအနံၩလဖၪ လၧၦလုဆၧလဖၪ,ဒဲ လၧၦလံဝဲၫဖိၪအကျၩ မိကဲၪထၪ့ၦခိၭဆၧလၧတရၫ့ၥံၪ
5 အခၪ့ထံၭ,- ၦၥၧၫ့ဒီၪ့လဒီၪ့မိဘၪအီၪလၧစဎွၩအဂံၪ့ တၭ,ၦၥၧၫ့ဒီၪ့လဒီၪ့ မိဘၪအီၪလၧဆၧၥုၪ့ထၪ့အခၪ့ ထံၭအတရၫ့နီၪ, ၦခမျၧးၥံၪထီးအလူၬ မိဘၪအီၪဝ့ၫ
6 လၧယဟိဝၩအဂံၪ့အဝၩ့လဖၪအဖၧၩ့လီၫ.- အ့ၪမွဲဒုၭ လ့ၩနုၬၦၡၩလၧယဟိဝၩအဂံၪ့ဖၧၩ့ န့ၫၦလုဆၧၥံၪဒဲၦ လံဝဲၫဖိၪၥံၪ လၧအမၩဆၧလဖၪနီၪဆံၭ. အဝ့ၫၥံၪနီၪ မိလ့ၩနုၬဘၪလီၫ. အဂဲးဘဲၫယီၩ မွဲအဆံၫ့ဎံၪဝ့ၫလီၫ. အ့ၪမွဲၦခမျၧးထီးအလူၬနီၪ မိဘၪခိၭန့ယဟိဝၩအဆၧ
7 ခိၭလီၫ.- တၭၦလံဝဲၫဖိၪဘၪဝၩ့ထၬ စဎွၩဝၬဖီၩ့ဝ့ၫ,လ ဂၩလၧအစူၪဝဲၩလၧအစူၪဖၧၩ့, လဂၩလၧအစူၪဝဲၩ လၧအစူၪဖၧၩ့တၭ, ထီးဒၪၦလၧအမိလ့ၩနုၬလၧဂံၪ့အ ဖၧၩ့နီၪမိဘၪဆၧမၩၥံၫဝ့ၫလီၫ. ထီးစဎွၩစဲၪ့ထၪ့ဒဲဂဲၫ နုၬဝ့ၫနီၪ, အီၪနၥံၪဝ့ၫလၧစဎွၩအၥိၭဆံၭ.
8 ၦလံဝဲၫဖိၪဒဲယုဒၫထီးအလူၬနီၪ, မၩဝ့ၫဘဲၫကယဲ ဆၧလၧၦလုဆၧစယဟီအဒၫ မၪလူၬဝ့ၫအၥိၭနီၪတၭ, မၩန့ၦလၧအဂဲၫနုၬလၧမးၥံၫအနံၩ, ဒဲစဲၪ့ထၪ့ဝ့ၫလၧမး ၥံၫအနံၩလီၫ. အဂဲးဘဲၫယီၩၦလုဆၧစယဟီအဒၫဖျါ
9 ခွံၬၦအဆၫ့လဖၪအ့ၬ.- တၭၦလုဆၧစယဟီအဒၫဖ့ၪ လၫ့ၦအယၩၥံၪအခိၪလဖၪ လၧစဒၫဝံၭအဖၩ့ၥံၪ,ဒဲအ ထၩ့ဖံၭဖၭဒိၪၥံၪ, ဒဲအထၩ့ဖံၭဖိၪၥံၪလၧအအီၪဝ့ၫလၧယွၩ
10 အဂံၪ့ဖၧၩ့လီၫ.- တၭၦအီၪက့ၪၦခမျၧးထီးအလူၬလ ဂၩအီၪလၧအစူၪဝဲၩလၧအစူၪဖၧၩ့, လဂၩအီၪလၧအ စူၪဝဲၩလၧအစူၪဖၧၩ့အီၪဝၬဖီၩ့စဎွၩ လၧဂံၪ့အစူၪထွ့ၪ လခီၫ,ထီၩ့လၧဂံၪ့အစူၪစ့ၪလခီၫ, လၧဆၧလုအလးဒဲ
11 ဂံၪ့အနဲၩ့ထံၭနီၪလီၫ.- ထီးနီၪလဖၧၫ့အဝ့ၫၥံၪဂဲၫဆိၬ ထၪ့စဎွၩ အဖိၪခွၫတၭ, ဒုၭချႃၬထၪ့ဝ့ၫလၧၥရဖူၩ,ဒဲ အီၪက့ၪဆၧအုၩ့လၩ့တၭ, အီၪက့ၪထၪ့ဝ့ၫလၧစဎွၩ အလးတၭ, စယဟီအဒၫအဖိၪခွၫၥံၪဂုၪဝ့ၫတၭ, စံၭဝ့ၫ, မွဲစဎွၩမၧၫ့ဝ့ၫဆံၭ.
12 ထီးနးအၭၥလဲအၫနီၪနါဂၧၫ့ ၦခမျၧးစဲၪ့ဒဲစံၭထၪ့ အၪ့အူၭစဎွၩနီၪတၭ, ဂဲၫဝ့ၫလၧၦခမျၧးအအီၪလၧယ
13 ဟိဝၩအဂံၪ့ဖၧၩ့လီၫ.- တၭယိဝ့ၫတၭ, ယိခွါ, စဎွၩ ဆၧၫ့ထုၪ့ဝ့ၫလၧဆၧအလးထၪ့ထီၫ ထီးဆၧလ့ၩနုၬနီၪ တၭ,ၦဒိၪဖၭဒိၪလဖၪ ဒဲၦအူၪခွ့ၩၥံၪ, အီၪဝ့ၫလၧစဎွၩ အနဲၩ့ထံၭနီၪလီၫ. ခးအၡၩခမျၧးထီးအလူၬနီၪ, ၥုၪ့ ထိၬၥၭထိၬတၭ, အူၪထၪ့ခွ့ၩဒဲၦၥံၫကျံၩဆၧအီၪဝ့ၫလၧ ၥၫ့ထီးနါဒံၩ့ ဒဲၦလၧအၥီၪ့လိၪဆၧၥံၫကျံၩ စံၭထၪ့အၪ့ အူၭလီၫ. ထီးနီၪလဖၧၫ့နးအၭၥလဲအၫၡၫ့အဆဲၫ့, ဒဲ
14 ကိၭထၪ့,ဆၧပိၩ့ထၪ့ဖီၩၬ ဆၧပိၩ့ထၪ့ဖီၩၬ- ၦလုဆၧ စယဟီအဒၫဒုၭလ့ၩထၪ့ ၦအယၩၥံၪအခိၪလဖၪ, ဒဲ ၦၥုၭမုအခိၪၥံၪတၭစံၭဝ့ၫ, နၫ့ထၪ့ခွံၬၦမုၪနီၪလၧဂံၪ့ ဖၧၩ့လၧဆၧအဂဲးလဖၪလၧခီၫ့တၭ, ၦလၧအလီၩ့ဖိၬ ဝ့ၫအခဲၫ့နီၪ, မွဲအဘၪဆၧမၩၥံၫဝ့ၫလၧနၭဆံၭ. အဂဲး ဘဲၫယီၩၦလုဆၧစံၭယူၭ, မွဲနၥံၪထီးမၩၥံၫလၧယဟိ
15 ဝၩအဂံၪ့ဖၧၩ့လဂ့ၩ.- အခိးမွဲဘဲၫနီၪၦဖီၪ့ထၬဝ့ၫတၭ, ထီးအလ့ၩဝ့ၫထီၩ့လၧဆၧလ့ၩနုၬ လၧကၥ့ၪအတရၫ့ လၧစဎွၩအဂံၪ့နဲၩ့တၭ, ၦမၩၥံၫဝ့ၫထီးနီၪလီၫ.
(၂ဎွၩ ၥၥ:ၥ၇-၂ဝ).
16 စယဟီအဒၫအုၩ့လၩ့ဆၧ ဒဲဒုၭအုၩ့လၩ့လိၬအၥၭ လၧၦခမျၧးထီးအလူၬ ဒဲလၧစဎွၩနီၪ, ဘဲၫၥိၭအဝ့ၫၥံၪ
17 မိကဲၪထၪ့ယဟိဝၩ အၡၩခမျၧးလီၫ.- ထီးနီၪလဖၧၫ့ ၦခမျၧးထီးအလူၬ လ့ၩထၪ့လၧဘၫအလၭအဂံၪ့ဖၧၩ့ တၭ,မၩလၩ့ဎီးဝ့ၫတၭ, မၩခါလၩ့ဘျ့ၭအဆၧလုလး ဒဲအဆၧဂၩ့ၥံၪတၭ, မၩၥံၫဘၫအလၭ အၡၩလုဆၧ
18 စမၭတၫ့လၧဆၧလုလးလဖၪအမ့ၬယၫလီၫ.- တၭစ ယဟီအဒၫအီၪက့ၪလၩ့ဆၧဖံၭဆၧမၩလဖၪ လၧယဟိ ဝၩအဂံၪ့ဖၧၩ့လၧၦလုဆၧ ၦလံဝဲၫဖိၪၥံၪအစူၪဖၧၩ့,ၦ လၧစဒၫဝံၭအၪ့နၩ့ဖၭဝ့ၫအဆၧၫ့ လၧယဟိဝၩအဂံၪ့ ဖၧၩ့ဘဲၫၥိၭအမိလုထၪ့ယဟိဝၩ လၧဆၧလုမ့ၪဘဲၫဆၧ ကွ့ၭအၥၭလၧစမိစ့ၭအဆၧၥီၪ့ဆၧၥၫ့ အဖၧၩ့အၥိၭနီၪ, အီၪလၧဆၧၥုၪ့ထိၬၥၭထိၬတၭ, ၥံၫကျံၩဆၧ,ဘဲၫစဒၫ
19 ဝံၭမၪလူၬဝ့ၫအၥိၭနီၪလီၫ.- အဝ့ၫဒၪအီၪက့ၪၦခိၭဆၧ ထီးယဟိဝၩအဂံၪ့အတရၫ့လဖၪ ဘဲၫၥိၭဆၧလဆံၫ့
20 ဘၪထီးနုၬနးမံၩ့လဂ့ၩလီၫ.- အဝ့ၫဒၪမၩန့ၦအယၩၥံၪ အခိၪလဖၪ, ဒဲၦလၧအဘၪဆဲၫ့လၧစဎွၩအၡၩဂံၪ့ဖိၪ, ဒဲၦပၧၩ့ၦခမျၧးၥံၪဒဲ ခးအၡၩခမျၧးထီးအလူၬတၭ,ဂဲၫ ဆိၬလၩ့ခွံၬစဎွၩလၧ ယဟိဝၩအဂံၪ့တၭ, ဂဲၫလၧတရၫ့ ထၪ့ထီၫအဖၧၩ့ထီၩ့လၧစဎွၩအဂံၪ့ဖၧၩ့တၭ, ဒုၭဆၧၫ့
21 နၩ့စဎွၩလၧဘၩ့မုးအလးဆီၩ့ဆီအဖၫ့ခိၪလီၫ.- တၭ ခးအၡၩခမျၧးထီးအလူၬ ၥုၪ့ထိၬၥၭထိၬတၭ, ၦမၩၥံၫ ယူၭနးအၭၥလဲအၫလၧနၭအလးခဲၫ့နီၪ, ဒိၩ့အီၪမုၬဝ့ၫ ဒၪလီၫ.