22
(၂ဎွၩ ၈;၂၅-၂၉, ၉;၂ၥ-၂၈).
1 တၭၦအီၪဝ့ၫလၧယရုစလံၫ့အဖၧၩ့လဖၪနီၪ, အီၪ က့ၪထၪ့အဖိၪဒၪဘၨၩစအၫဟဇဲအၫ လၧစဎွၩလၧအ လးလီၫ. အဂဲးဘဲၫယီၩၦလဒီၪ့ လၧအဂဲၫလၧၦအရ့ ဘၠၫဖိၪအၥိၭ လၧၦၥုၪ့တဲၩအလးနီၪ, မၩၥံၫယူၭအဝဲ ၥံၪထီးအလူၬလီၫ. တၭယုဒၫအစဎွၩ စယဟိရၫ့အ
2 ဖိၪခွၫစအၫဟဇဲအၫကဲၪထၪ့စဎွၩလီၫ.- တၭစအၫဟ ဇဲအၫကဲၪၥၫ့စဎွၩနီၪ အၥၭၡါလံဆံၫနံၫနံၪ့တၭ, ကဲၪ စဎွၩလနံၪ့လၧယရုစလံၫ့အဖၧၩ့တၭ, အမိအမံၩ့မွဲနး
3 အၭၥလဲအၫ စအီမြဲၫအဖိၪမုၪလီၫ.- အဝ့ၫဒၪဖိၬစအၫ ဟၭအၡၩဂံၪ့ဖိၪအဖၧၩ့ၥၭလီၫ. အဂဲးဘဲၫယီၩအမိမွဲ ၦလၧအဒုၭကိၪ့အဝ့ၫဘဲၫၥိၭအမိမၩ ဆၧအၧၩ့လီၫ.
4 တၭအဝ့ၫမၩဆၧအၧၩ့ လၧယဟိဝၩအမ့ၬယၫ, ဘဲၫစ အၫဟၭအၡၩဂံၪ့ဖိၪအၥိၭနီၪလီၫ. အဂဲးဘဲၫယီၩလၧ အဖါၥံၪအလးခဲၫ့နီၪ အဝ့ၫၥံၪမွဲၦဒုၭကိၪ့အဝ့ၫထီးအ
5 ထီၩ့လၧဆၧဂၭဂီၩ့လီၫ.- အဝ့ၫဒၪလ့ၩဆ့ဘဲၫအဝ့ၫၥံၪ ဒုၭကိၪ့ဆၧအၥိၭတၭ, လ့ၩဝ့ၫလၧစအၫဟၭအဖိၪခွၫ စယိရၫ့အၥိၭလၧဆၧဒုၭၥုၭလၧစံရအၫအစဎွၩဟၭ ဇအ့လၭလၧရၫမီၭဂံလအၭအဖၧၩ့တၭ, ၦစံရအၫဖိၪ
6 ၥံၪကျီၪ့စယိရၫ့လီၫ.- တၭစယိရၫ့ထဲၩ့ကဒၩထဲၩ့ဝ့ၫ လၧယ့ၭဇအ့လၭ, ဘဲၫၥိၭအဖၧၩ့လးလဖၪလၧၦစံရ အၫဖိၪမၩဝ့ၫလၧရၫမၫ, ထီးအဒုၭၥုၭ လၧစံရအၫအ စဎွၩဟၭဇအ့လၭနီၪမိဘျၪထဲၩ့ဝ့ၫလီၫ. တၭယုဒၫအ စဎွၩယဟိရၫ့အဖိၪခွၫ စအၫဟဇဲအၫနီၪလ့ၩထၪ့အီၪ ၡီၩ့စအၫဟၭအဖိၪခွၫ စယိရၫ့လၧယ့ၭဇအ့လၭအ ဖၧၩ့,အဂဲးဘဲၫယီၩဆၫဝ့ၫလီၫ.
7 တၭစအၫဟဇဲအၫ ဘၪဆၧမၩဂၭဂီၩ့ဝ့ၫနီၪဂဲၫလၩ့ ဝ့ၫလၧယွၩလခီၫ, လၧအဂဲၫလၧစယိရၫ့အအီၪအကၠီၩ့ လီၫ. အဂဲးဘဲၫယီၩထီးအထီၩ့ဝ့ၫတၭ, လ့ၩထၪ့ဝ့ၫ လၧစယိရၫ့အၥိၭထၫ့ဒၩစနံၫ့ၡဲၫအဖိၪခွၫစယံဟုၫလၧ ယဟိဝၩဂုၪဝ့ၫ, ဘဲၫၥိၭအမိဒၪ့ထ့ၬခွံၬ စအၫဟၭအ
8 ၡၩဂံၪ့ဖိၪလီၫ.- ထီးစယံဟုၫစ့ၩရၫ့စအၫဟၭအၡၩဂံၪ့ ဖိၪတၭ, ဆၧမၩအၥၭလၧအဒၪန့ယုဒၫအၦဒိၪဖၭဒိၪ လဖၪဒဲစအၫဟဇဲအၫအထၧၫ့ဖုဝဲလဖၪ အဖိၪခွၫၥံၪ လၧအမၩစအၫဟဇဲအၫအဆၧတၭ, မၩၥံၫအဝ့ၫၥံၪ
9 လီၫ.- တၭအၪ့ဎၬစအၫဟဇဲအၫတၭ, ၦဖီၪ့န့ဝ့ၫ (အ ဂဲးဘဲၫယီၩ, အီၪက့ၪၥူၪအၥၭ လၧစမ့ရအၫအဖၧၩ့) တၭဂဲၫၥိၫ့ဝ့ၫ လၧစယံဟုၫအအီၪတၭ, ထီးအမၩၥံၫ ဘၪဝ့ၫတၭ, ခုၪ့လၩ့ဘၧၩ့ခွံၬဝ့ၫလီၫ. အဂဲးဘဲၫယီၩစံၭ ဝ့ၫဒၪ,မွဲစယဟီၡဖၭလၧအအၪ့ဎၬ ယဟိဝၩလၧအၥၭ ထၧၫ့ဖျိၪ့ယၫအဖိၪခွၫလီၫ. တၭစအၫဟဇဲအၫအၡၩ ဂံၪ့ဖိၪပၧၩ့ဒံၭဘၩ့မုးနီၪအစီၩ့အမၩ့အီၪအ့ၬ.
(၂ဎွၩ ၥၥ:ၥ-၃).
10 ထီးစအၫဟဇဲအၫအမိ နးအၭၥလဲအၫလဂၩဒၪ ဘၪဝ့ၫလၧအဖိၪခွၫၥံၫယူၭတၭ, ဂဲထုၪ့မၩဂၭဂီၩ့စဎွၩအ ချံၫအၥၪထီးအလူၬ လၧအဘၪဆဲၫ့ယုဒၫအၡၩဂံၪ့ဖိၪ
11 လီၫ.- အ့ၪမွဲစဎွၩအဖိၪမုၪ နးယဟီၡဘံအၭလဂၩမၩ န့စအၫဟဇဲအၫအဖိၪခွၫ စယိအၭအၪ့ဂူၪန့ဝ့ၫလၧစ ဎွၩအဖိၪခွၫလၧအဘၪဆၧမၩၥံၫဝ့ၫအကျၩတၭ, အီၪ က့ၪၥူၪခွံၬဝ့ၫဒၪ, ဒဲအၡၩဒုၭအၪ့နူလဂၩ လၧဒူၭဖၧၩ့ လီၫ. တၭစယဟိရၫ့အဖိၪမုၪ, ၦလုဆၧစယဟီအဒၫ အမၫနးယဟီၡဘံအၭ (အဂဲးဘဲၫယီၩ မွဲစအၫဟဇဲ အၫအထၧၫ့ဖုဝဲမုၪ) အီၪက့ၪၥူၪခွံၬအဝ့ၫ လၧနးအၭၥ လဲအၫအမ့ၬယၫတၭ, ၦမုၪနီၪမၩၥံၫဘၪဝ့ၫဒၪအ့ၬ.
12 တၭအဝ့ၫဒၪဘၪဆၧအီၪက့ၪၥူၪဝ့ၫ လၧယွၩအဂံၪ့ဖၧၩ့ ဎူၫနံၪ့လီၫ. တၭနးအၭၥလဲအၫနီၪ ကဲၪထၪ့နးဎွၩမုၪ လၧခးအဖၫ့ခိၪလီၫ.