20
1 တၭလၧဆၧနီၪလဖၪအလးခဲၫ့ ဆၧမၩအၥၭလၧၦ မိအၭဖိၪ,ဒဲၦအၫမၧၫ့ဖိၪ, ဒဲၦအံဒၧၫ့ဖိၪလၧအဝ့ၫၥံၪအ ၥိၭဂဲၫထၫ့ဒၩစယဟီၡဖၭ ဘဲၫၥိၭအမိဒုၭဆၧလီၫ.
2 ထီးနီၪလဖၧၫ့, ၦလနၩ့နၩ့ ဂဲၫလီၩဘၪစယဟီၡဖၭ တၭ,စံၭဝ့ၫဒၪ, ၦခမျၧးဖၭဒိၪဂဲၫထၫ့ဒၩနၧၩ လၧမၫဆ မံၭဝါလခီၫ လၧစံရအၫအယီၩလခီၫ, ယိခွါ,အီၪဝ့ၫ လၧဟၭဇဇၫ့တၫမၫအဖၧၩ့, လၧအမွဲအံၪ့ဂံၫဒဲၫလီၫ.
3 တၭစယဟီၡဖၭၥၭမဲၪဆၧတၭ, ကၠၪအၥၭဘဲၫၥိၭအမိ အၪ့ဎၬယဟိဝၩလီၫ. တၭကိၭထၪ့ဆၧဒုၪဆၧအၪ့
4 ဆၧအီၩလၧယုဒၫဖိၪ ထီးအလူၬအကျၩလီၫ.- ယုဒၫ ဖိၪအီၪကိၩ့အီၪကီၪ့ဘဲၫၥိၭ အမိအၪ့ကံၩ့ဆၧလၧယဟိ ဝၩတၭ, လၧယုဒၫအဒိၩ့ထီးအလူၬနီၪ, မွဲၦဂဲၫအၪ့ဎၬ
5 ယဟိဝၩလီၫ.- တၭစယဟီၡဖၭ ဆၧၫ့ထုၪ့ဝ့ၫလၧယု ဒၫ,ဒဲယရုစလံၫ့အဆၧအီၪကီၪ့အကျၩ လၧယဟိဝၩ
6 အဂံၪ့ဖၧၩ့,လၧဝၩ့အၥၫ့အမ့ၬယၫလီၫ.- တၭစံၭဝ့ၫဒၪ, ယဟိဝၩပဖါၥံၪအယွၩဧ့, နမွဲယွၩလၧမူၭခိၪမွဲအ့ၬဧၪး ဒဲနပၧၩ့ၦဆၨၩလဖၪအဘၩ့အမုးထီးအလူၬ, လမွဲဘၪ ဧၪး တၭဆၧအစီၩ့အမၩ့, ဒဲဆၧအဂဲးအဘၭ အီၪဝ့ၫ လၧနစူၪဖၧၩ့, ဒဲလၧၦအီၪက့ၪဆၧၫ့ထုၪ့အၥၭ ထၫ့ဒၩ
7 နၧၩလအီၪဘၪ,မွဲအ့ၬဧၪ.- နမွဲပယွၩလၧအနၫ့ထၪ့ခွံၬ ၦလၧအအီၪဝ့ၫလၧခးယီၩအဖၧၩ့ လၧၦခမျၧးအံၫစရ့ လၭအမ့ၬယၫတၭ, ဖ့ၪလၫ့ဝ့ၫလၧနထံၩနၥိၭစအၫဘြ
8 ဟၫ့အချံၫအၥၫလၩ့ဆိၩလၩ့ကၠၪ, လမွဲဘၪဧၪ.- ၦအီၪ ဝ့ၫလၧအဖၧၩ့တၭ, မၩထၪ့န့နၧၩလၧ ဆၧအလးဆံၫ့
9 ဎံၪလၧအဖၧၩ့လၧနမံၩ့အဂးတၭ, စံၭဝ့ၫဒၪ,- နၭၥံၪဖၩ့ ၥံၪမွဲဂ့ၩ,ဆၧစ့ၩရၫ့မွဲဂ့ၩ, ဆၧၥံၫချဲၫ့မွဲဂ့ၩ, ဆၧၥၭဝံ လၩ့ဒိၩမွဲဂ့ၩ,ဆၧအၧၩ့အ့ၪဘၪပၧၩတၭ, ပဆၧၫ့ထုၪ့ လၧဂံၪ့ယီၩအမ့ၬယၫ, ဒဲလၧနမ့ၬယၫ, (အဂဲးဘဲၫယီၩ, နမံၩ့အီၪဝ့ၫလၧဂံၪ့ယီၩအဖၧၩ့) တၭကိၭထၪ့နၧၩလၧ ပဘၪဆၧၡၪ့ဆၧနၭအဆၧၫ့အထီတၭ, နမိခိၭနၪဒဲမၩ
10 ဆၧၩ့ဆၧလီၫ.- တၭဘိၩ့နဲၪ့ယီၩ,ယိခွါ, ၦအၫမၧၫ့ဖိၪ, ဒဲၦမိအၭဖိၪ, ဒဲၦခိၪလီၩ့စံအၫဖိၪ ထီးအံၫစရ့လၭစဲၪ့ ထၪ့လၧခးအံဇံၭအဖၧၩ့နီၪတၭ, နလဒုၭဂဲၫနုၬဘၪ အံၫစရ့လၭလၧအဝ့ၫၥံၪအခး, အ့ၪမွဲကၠၪခွံၬအၥၭလၧ
11 အဝ့ၫၥံၪအအီၪ ဒဲလမၩဂၭဂီၩ့ဘၪဝ့ၫလီၫ.- ယိခွါ,အ ဝ့ၫၥံၪဖ့ၪလၫ့ဆၧၫ့ပၧၩ လၧအဂဲၫဘဲၫၥိၭအမိနၫ့ထၪ့ခွံၬ
12 ပၧၩလၧဆၧန့ၥၫအဖၧၩ့ လၧနဒုၭန့ၥၫပၧၩလီၫ.- ပယွၩ ဧ့,နမိစ့ၩရၫ့ဝ့ၫအ့ၬဧၪ. အဂဲးဘဲၫယီၩလၧၦခမျၧးဖၭ ဒိၪလၧအဂဲၫထၫ့ဒၩဘၪပၧၩယီၩ အမ့ၬယၫပဂဲးပဘၭ လၧပမိထၫ့ဒၩ အဝ့ၫၥံၪအီၪအ့ၬ. တၭပမိမၩဘဲၫၥ့ၪ လဲၪ,ဘဲၫၥ့ၪလဲၪနီၪ ပၥ့ၪယၫဆ့အ့ၬ, အ့ၪမွဲပမ့ၬၥၪအီၪ
13 ဝ့ၫလၧနအီၪလီၫ.- တၭယုဒၫထီးအလူၬဆၧၫ့ထုၪ့လၧ ယဟိဝၩအမ့ၬယၫ အီၪလၧအဖိၪဆံၭၥံၪ, ဒဲအမၫၥံၪ, ဒဲအဖိၪအလံၩၥံၪလီၫ.
14 ထီးနီၪလဖၧၫ့ ၦလံဝဲၫဖိၪစမၭတနဲအၫ အဖိၪခွၫ, စယဟဲၫအ့လၭအဖိၪခွၫ စဘံၫ့နအဲအၫအဖိၪခွၫ,စဇ့ၭ ခရဲအၫအဖိၪခွၫစဟၭဇအ့လၭ, လၧစအၫစၭအဖိၪခွၫ ၥံၪအကျၩလဂၩနီၪ, ယဟိဝၩ အၥၭအီၪထၪ့လၧအ
15 လီၩ့လၧဆၧအီၪကီၪ့အကျၩတၭ,- အဝ့ၫဒၪစံၭ, ယုဒၫ ထီးအလူၬ,ဒဲၦအီၪဝ့ၫလၧယရုစလံၫ့အဖၧၩ့နၥံၪဝ့ၫဒၪ, ဒဲနဝ့ၫဒၪစဎွၩ ယဟီၡဖၭဧ့, ခိၭနၪဆံၭ. ယဟိဝၩစံၭ နၥံၪဘဲၫယီၩ, ထီးၥၭမဲၪဆၧလဂ့ၩ, ထီးအၪ့ယိၪဆၧ လၧၦခမျၧးဖၭဒိၪယီၩ အကၠီၩ့လဂ့ၩး အဂဲးဘဲၫယီၩ
16 ဆၧဒုၭၥုၭနီၪမွဲနၥံၪအဆၧအ့ၬ, မွဲယွၩအဆၧလီၫ.- ကဲ ဂီၩခိၬလနံၩနီၪ လ့ၩလၩ့ထၫ့ဒၩအဝ့ၫၥံၪဆံၭ. ယိခွါ, အဝ့ၫၥံၪဂဲၫထၪ့ဝ့ၫ လၧခိၪလီၩ့ဇံဇၭအဖၧၩ့ၥၭလၧခိၪ လီၩ့ဆူၭလၧအအီၪဝ့ၫလၧ ယရုၫအ့လၭအမံၩ့လၬကျၩ
17 နီၪလီၫ.- နၥံၪဒုၭဘၪဆၧလၧဆၧဒုၭယီၩအဖၧၩ့အလး အီၪအ့ၬ, တဲၩ့ဝဲၩနၥံၪအၥၭ, ဆၧၫ့ထုၪ့တၭ, ဒၪဘၪယ ဟိဝၩအဆၧထိးထဲၩ့တၩ့ထဲၩ့ အီၪလၧနၥံၪအဂးဆံၭ. ယုဒၫ,ဒဲယရုစလံၫ့ၥံၪဧ့, ၥၭမဲၪလဂ့ၩ, ဒဲအၪ့ယိၪဆၧ လဂ့ၩ,ကဲဂီၩခိၬနီၪ လ့ၩလၩ့ထၫ့ဒၩအဝ့ၫၥံၪဆံၭ. အ
18 ဂဲးဘဲၫယီၩယဟိဝၩအီၪလၧနၥံၪအၥိၭလီၫ.- စယဟီ ၡဖၭၡီၫ့လၩ့အခိၪ လၧဂၪ့ခိၪဒဲယုဒၫထီးအလူၬ, ဒဲၦ အီၪဝ့ၫလၧယရုစလံၫ့အဖၧၩ့လဖၪနီၪ ၡီၫ့လၩ့အၥၭလၧ ယဟိဝၩအမ့ၬယၫတၭ, ဘိၪ့ထၪ့ဘၩထၪ့ယဟိဝၩ
19 လီၫ.- တၭၦလံဝဲၫဖိၪလၧၦကိဟၭဖိၪအကျၩ, ဒဲလၧ ၦကိရၫဖိၪအကျၩလဖၪ ဆၧၫ့ထုၪ့စံၭထၪ့အၪ့အူၭယ ဟိဝၩအံၫစရ့လၭအယွၩ လၧအလူၥီၫဖၭဒိၪလၧဆၧ ထၪ့ထီၫနီၪလီၫ.
20 မုဆဲၪ့ထၪ့နီၪအဝ့ၫၥံၪဂဲထုၪ့ဂီၩဂီၩတၭ, လ့ၩထၪ့လၧ ၡါမုနၧၫ့ဖၫ တံၫကိအၫလီၫ. ထီးအဝ့ၫၥံၪလ့ၩထၪ့နီၪ စယဟီၡဖၭဆၧၫ့ထုၪ့တၭ, စံၭဝ့ၫဒၪ,ခိၭနၪယလူဆံၭး ယုဒၫ,ဒဲၦအီၪဝ့ၫလၧယရုစလံၫ့ၥံၪဧ့, နဲၩထဲၩ့ယဟိ ဝၩနၥံၪအယွၩဆံၭ. တၭနၥံၪမိအီၪဂုးအီၪခၧၫ့လီၫ. နဲၩအမီၪလဖၪဆ့း တၭနၥံၪမိဘီၪထၪ့ယီၫထၪ့လီၫ.
21 အဝ့ၫၥံၪကိၪ့လိၬအၥၭ လၧၦခမျၧးဂီၩ့တၭ, အီၪက့ၪၦ ၥံၫကျံၩဆၧလၧယဟိဝၩအဂး, ဘဲၫၥိၭအဝ့ၫၥံၪမိစံၭ ထၪ့အၪ့အူၭဆၧဆံၫ့ဎံၪအဎံၫအလၩ, လၧအလ့ၩထၪ့ လၧၦၥုၭမုအမ့ၬယၫ အဘိၩ့ဘၭနီၪ, မိစံၭဘၪဝ့ၫဘဲၫ ယီၩ,စံၭထၪ့အၪ့အူၭယဟိဝၩဆံၭ. အဂဲးဘဲၫယီၩအ ခိးအတၩအီၪဝ့ၫလၩ့ဆိၩလၩ့ကၠၪလီၫ.
22 ထီးအဝ့ၫၥံၪၥံၫကျံၩဆၧအခၪ့ထံၭ ဒဲစံၭထၪ့အၪ့အူၭ ဝ့ၫနီၪ,ယဟိဝၩအီၪက့ၪၥူၪဆၧထၫ့ဒၩ ၦအၫမၧၫ့ဖိၪၥံၪ, ဒဲၦမိအၭဖိၪၥံၪ, ဒဲၦခိၪလီၩ့စံအၫဖိၪၥံၪ လၧအဂဲၫထၫ့
23 ဒၩယုဒၫနီၪတၭ, အဝ့ၫၥံၪဘၪဆၧကျီၪ့ၥံၫဝ့ၫလီၫ.- အဂဲး ဘဲၫယီၩၦအၫမၧၫ့ဖိၪ, ဒဲၦမိအၭဖိၪ, ဆၧၫ့ထုၪ့ထၫ့ဒၩ ၦအီၪဝ့ၫလၧခိၪလီၩ့စံအၫအလီၩ့ ဘဲၫၥိၭအမိမၩၥံၫခွံၬ, ဒဲမၩဂၭဂီၩ့ခွံၬဝ့ၫလီၫ. ထီးအမၩလူၬခွံၬၦအီၪဝ့ၫလၧ စံအၫအလီၩ့တၭ, မၩဆၧၩ့လိၬအၥၭ ဘဲၫၥိၭအမိမၩ ၥံၫလိၬအၥၭလီၫ.
24 ထီးယုဒၫဂဲၫစိၩလၧထိၬခိၭဆၧ လၧၡါမုနၧၫ့ဖၫနီၪ, ယိၦခမျၧးတၭ,ယိခွါ, အဝ့ၫၥံၪနီၪ, မွဲၦအစွၪလဖၪ လၧအလၩ့ထံၩဖါလၧဂၪ့ခိၪချိၫ့တၭ, ၦဖီၩ့ဖျ့ၭဝ့ၫနးဂၩ
25 အ့ၬ.- စယဟီၡဖၭ, ဒဲၦခမျၧးဂဲၫအၪ့ဂူၬန့အဝ့ၫၥံၪအ ဆၧဖိၪဆၧလံၩတၭ, လၧအကျၩနီၪ ဒၪန့ဆၧအၪအၪ လ့ၬ, ဆၧလူဒိၪဎွ့ၩဒိၪဒဲဆၧကီၩ့ဆၧၥိၭ ဒဲဆၧကယၧၩ့ လဖၪအဆၧလူဒိၪဎွ့ၩဒိၪတၭ, ဘဲၪ့လၩ့ခွံၬလၧအဂးဒၪ ဝ့ၫအၪနဲၪ့လၧအဆိၬဝ့ၫန့လီၫ. မွဲဆၧဖိၪဆၧလံၩအီၪ အၪအကၠီၩ့တၭ, ဘၪအၪ့ထုၫ့ထၪ့ဆၧအၪ့ဂူၬန့လဖၪ
26 ၥၧၫ့နံၩလီၫ.- တၭလံနံၩလနံၩနီၪ အဝ့ၫၥံၪအီၪကိၩ့အီၪ ကီၪ့လၧခိၪလီၩ့ဆူၭဘ့ရခၫး အဂဲးဘဲၫယီၩစံၭထၪ့အၪ့ အူၭယဟိဝၩအမံၩ့ထီးနီၪလီၫ. မၩအၥၭဘဲၫနီၪတၭ, ဖျိၬဝ့ၫဆၧအလးနီၪအမံၩ့ ဘ့ရခၫထီးမုဆၫလနံၩယီၩ လီၫ.
27 ထီးနီၪလဖၧၫ့ ယုဒၫဒဲယရုစလံၫ့အၡၩထဲၩ့ထဲၩ့ဝ့ၫ ကိၭအဂၩဒ့ၭတၭ, စယဟီၡဖၭအီၪလၧအမ့ၬယၫဘဲၫ ၥိၭအမိထဲၩ့ထဲၩ့လၧ ယရုစလံၫ့အီၪလၧဆၧၥၭထိၬ လီၫ.အဂဲးဘဲၫယီၩ ယဟိဝၩဒုၭၥၭထိၬဝ့ၫလၧအဒုၪ
28 အဒၩအဖၫ့ခိၪလီၫ.- တၭဂဲၫဝ့ၫလၧယရုစလံၫ့အီၪလၧ
29 ၥၫ့ထီးဒဲနါဒံၩ့, ဒဲခွ့ၩလၧယဟိဝၩအဂံၪ့လီၫ.- တၭထီး ခးလဖၪနီၪအၡၩဘၩ့မုးဖိၪ နါဂၧၫ့ဝ့ၫလၧယဟိဝၩဒုၭ ဆၧထၫ့ဒၩအံၫစရ့လၭ အဒုၪအဒၩလဖၪတၭ,ဆၧၥၭ
30 မဲၪယွၩအီၪဝ့ၫလၧအဝ့ၫၥံၪအလီၩ့လီၫ.- တၭစယဟီၡ ဖၭအဘၩ့အမုးအီၪဂုးဖုးဝ့ၫလီၫ. အဂဲးဘဲၫယီၩအဝ့ၫ ဒၪအယွၩဖ့ၪလၫ့ဝ့ၫလၧ ဆၧအီၪပွံၭဝၬဖီၩ့ဝ့ၫလီၫ.
(ၥဎွၩ ၂၂;၄ၥ-၅ဝ)
31 စယဟီၡဖၭကဲၪစဎွၩ လၧယုဒၫအဖၫ့ခိၪတၭ,လၧ အကဲၪၥၫ့စဎွၩနီၪ အၥၭအီၪၥၧၫ့ဆံၫယဲနံၪ့တၭ, ကဲၪ စဎွၩလၧယရုစလံၫ့အဖၧၩ့ နံၫဆံၫယဲနံၪ့လီၫ. တၭအ
32 မိအမံၩ့မွဲနးအဇုဘၫ, စၡံလဟဲၫအဖိၪမုၪလီၫ.- အ ဝ့ၫဒၪဖိၬအဖါစအၫစၫအဖၧၩ့ၥၭ ဘဲၫၥိၭအမိမၩဆၧ ဂ့ၩလၧယဟိဝၩအမ့ၬယၫတၭ, ကၠၪခွံၬအၥၭလၧအဝ့ၫ
33 အ့ၬ.- မွဲလါနၫ့ဘိၩဆၧမၩဂၭဂီၩ့ ဆၧအလးထၪ့ထီၫ အ့ၬ. တၭၦခမျၧးၥံၪတဲၩ့ဝဲၩအၥၭ လၧအဖါၥံၪအယွၩ
34 အဂးအ့ၬ.- တၭဆၧအီၪလၩ့ထးဘၪဆဲၫ့လၧ စယဟီၡ ဖၭ,ဆၧအခၪ့ထံၭဒဲအထုၬနီၪ, ယိခွါ, ကွ့ၭအၥၭလၧ လံၬစဟၫနနဲၫအဖိၪခွၫ စယံဟုၫအဖၧၩ့ လၧအဂဲးအ ကၠီၪ့အီၪဝ့ၫလၧအံၫစရ့လၭအစဎွၩ အလံၬကွ့ၭနဲၪ့ဆၧ အဖၧၩ့လီၫ.
35 တၭဆၧလဖၪနီၪအလးခဲၫ့ ယုဒၫအစဎွၩစယဟီၡ ဖၭမၩအၥိၭလၧအံၫစရ့လၭ အစဎွၩစအၫဟဇဲအၫ,လၧ
36 အမၩဆၧလတီၩလလီၩ့ဘၪလီၫ.- တၭမၩဎုၬဆၧလၧ အဝ့ၫဘဲၫၥိၭအမိအၪ့မၧၫ့လၩ့ကဘၩ့ လၧတၫၡံၭလီၫ. အဝ့ၫၥံၪမၩကဲၪထၪ့ ကဘၩ့ လၧအံဇအၧၫ့ဂံဘၧၫအ
37 ဖၧၩ့လီၫ.- တၭၦမရံၡၫဖိၪ, စဒိၫဒဝၫအဖိၪခွၫစအံၫလ အ့ဇၧၫလဂၩ ချဲၩ့ဆၧလၧမီၪအချိၬထၫ့ဒၩ စယဟီၡဖၭ တၭ,စံၭဝ့ၫဒၪ,မွဲနမၩဎုၬဆၧလၧ စအၫဟဇဲအၫအကၠီၩ့ တၭ,ယဟိဝၩမၩဂၭဂီၩ့ခွံၬယူၭနဆၧမၩယူၭ. ကဘၩ့ ဂၭဂီၩ့တၭ, လ့ၩဆၧလၧတၫၡံၭၥ့ၪအ့ၬ.