19
1 တၭယုဒၫအစဎွၩ စယဟီၡဖၭထဲၩ့ထဲၩ့ဝ့ၫလၧအ
2 ဂံၪ့မုၬမုၬလၧယရုစလံၫ့အဖၧၩ့လီၫ.- တၭၦဒၪဆၧလၧ ယၫစဟၫနနဲၫအဖိၪခွၫ စယံဟုၫလ့ၩအၪ့ဂၬဝ့ၫတၭ, စံၭစဎွၩယဟီၡဖၭ, နကြၨၭမၩဆၧၩ့ ၦလတီၩလလီၩ့ ဘၪ,ဒဲအဲၪၦလၧအၥၭဂဲၫ့ယဟိဝၩနီၪဧၪ. အခိးမွဲဆၧ ၥၭထၪ့ဘၪနၧၩ လၧယဟိဝၩအမ့ၬယၫ လၧဆၧနီၪအ
3 ကၠီၩ့လီၫ.- မွဲလါနၫ့တၭ ဆၧဒၪန့ဆၧအဂ့ၩလဖၪလနၩ့ နၩ့လၧနဖၧၩ့လီၫ. အဂဲးဘဲၫယီၩနမၩဂၭဂီၩ့ခွံၬအၡ့ ရိၫလဖၪလၧခးဖၧၩ့တၭ, နတဲၩ့ဝဲၩယူၭနၥၭဘဲၫၥိၭနမိ အၪ့ဎၬယဟိဝၩယူၭ.
4 စယဟီၡဖၭအီၪဝ့ၫလၧယရုစလံၫ့အဖၧၩ့တၭ လ့ၩ ထၪ့ဒီၭလၧၦခမျၧးအကျၩ လၧဘံအၧၫၡံဘၫထီၩ့လၧ ခိၪလီၩ့အံဖြံၫ့တၭ, ဒုၭကၠၪလီၩ့ထဲၩ့အဝ့ၫၥံၪလၧယဟိ ဝၩအဝ့ၫၥံၪအဖါလဖၪအယွၩ အအီၪလီၫ.
5 အဝ့ၫအီၪက့ၪအၡၩစ့ၩရၫ့ခွး လၧထံၫၥံၪခးၥံၪအ ဖၧၩ့လၧဒိၩ့အီၪလၧအခိၪဒၧၩ့ လၧယုဒၫအဖၧၩ့လဒိၩ့
6 ဘၪလဒိၩ့ကိၭဖျိၪ့ဒ့ၭလီၫ.- တၭစံၭၦစ့ၩရၫ့ခွး, နၥံၪ မၩဘဲၫၥ့ၪလဲၪ, ဘဲၫၥ့ၪလဲၪနီၪ ထီးလၩ့နၥံၪအၥၭဆံၭ. အဂဲးဘဲၫယီၩ နၥံၪစ့ၩရၫ့ဆၧ လၧၦၡၩအဂးမွဲအ့ၬး လၧယဟိဝၩအဂး, လၧအအီၪဝ့ၫလၧနၥံၪအၥိၭလၧ
7 စ့ၩရၫ့ဆၧအဖၧၩ့လီၫ.- တၭဘိၩ့နဲၪ့ယီၩမွဲဆၧၥၭမဲၪ ယဟိဝၩအီၪလၧနၥံၪအလီၩ့ဆံၭ. ထီးလၩ့နၥံၪအၥၭ တၭ,မၩဆၧဆံၭ. အဂဲးဘဲၫယီၩဆၧအၧၩ့မွဲဂ့ၩး ဆၧ ယိမ့ၬမွဲဂ့ၩ, ဆၧမၩန့လၬဆီၪ့မွဲဂ့ၩ, အီၪလၧယဟိဝၩ ပယွၩအ့ၬ.
8 တၭထီးအဝ့ၫၥံၪဂဲၫထဲၩ့ထီၩ့ဝ့ၫ လၧယရုစလံၫ့နီၪစ ယဟီၡဖၭအီၪက့ၪၦလံဝဲၫဖိၪ လၧယရုစလံၫ့အဖၧၩ့ ဆ့,ဒဲၦလုဆၧၥံၪ, ဒဲအံၫစရ့လၭအဖါအခိၪၥံၪလၧယ ဟိဝၩအဆၧစ့ၩရၫ့အဂး, ဒဲလၧဆၧလိၭခွးအဂးလီၫ.
9 အဝ့ၫဒၪမၪလူၬအဝ့ၫၥံၪတၭ, စံၭဝ့ၫဒၪ, နၥံၪမိဘၪမၩ လၧဆၧၥၭမဲၪယဟိဝၩအဖၧၩ့ဘဲၫယီၩ, လၧနၥံၪအလူ
10 တီၩ,ဒဲလၧနၥံၪအၥၭထၧၫ့ဖျိၪ့ယၫလီၫ.- တၭထီးဒၪ ဆၧလိၭခွးလမံၩ့မံၩ့ မိဂဲၫလၧနၥံၪအမ့ၬယၫ, ဘၪဆဲၫ့ လၧနၥံၪအထၧၫ့ဖုဝဲလၧအအီၪလၧ ဆၧၥွံၪအဘိၩ့ဆၧၩ့ လၧဆၧၥီၪ့ဆၧၥၫ့ဆၧမၪလူၬ, ဆၧၥနိၫၥံၪ,ဒဲဆၧစ့ၩရၫ့ ၥံၪအဘိၩ့ဆၧၩ့, နၥံၪမိဘၪၥီၪ့ထဲၩ့ၥၫ့ထဲၩ့ဝ့ၫ, ဘဲၫၥိၭ အထီးမၩမၪဘၪယဟိဝၩ, ဒဲအဆၧၥၭထၪ့ထီးဘၪန ၥံၪ,ဒဲနၥံၪအထၧၫ့ဖုဝဲၥံၪလဂ့ၩတၭ, မၩဘဲၫနီၪဆံၭ.
11 တၭနၥံၪမၩမၪဘၪဆၧအ့ၬ.- တၭယိခွါ, ၦလုဆၧအ ဒိၪ,စအၫမရဲအၫ, အီၪဝ့ၫလၧနၥံၪအဖၫ့ခိၪလၧကယဲ ဆၧဘၪဆဲၫ့လၧယဟိဝၩး ဒဲယုဒၫအၡၩဂံၪ့ဖိၪအခိၪစ အံၫၡမၫအ့လၭအဖိၪခွၫ စဇ့ၭဘဒဲအၫ လၧကယဲဆၧ ဘၪဆဲၫ့လၧစဎွၩ, ဒဲၦလံဝဲၫဖိၪမိကဲၪထၪ့ၦဒိၪၥံၪလၧ နၥံၪအမ့ၬယၫလီၫ. အီၪက့ၪဆီၪ့ထၪ့ နၥံၪအၥၭတၭ, မၩဆၧဆံၭ. တၭယဟိဝၩမိအီၪလၧၦအဂ့ၩ အၥိၭ လီၫ.