1 အဖိၪခွၫစယဟီၡဖၭ ကဲၪထၪ့စဎွၩလၧအလးနီၪ 2 တၭ,မၩဆီၪ့ထၪ့အၥၭထၫ့ဒၩ အံၫစရ့လၭလီၫ.- အ ဝ့ၫဒၪအီၪက့ၪၥုၭဖိၪၥံၪ လၧယုဒၫအဒိၩ့အီၪလၧ အခိၪ ဒၧၩ့ထီးအလူၬအဖၧၩ့တၭ, အီၪက့ၪလၩ့ၦခိၭဆၧလ ဒီၪ့လဒီၪ့လၧခးယုဒၫအဖၧၩ့, ဒဲလၧအံဖြံၫ့အဒိၩ့ၥံၪအ 3 ဖၧၩ့လၧအဖါစအၫစၫမၩန့ဝ့ၫလီၫ.- ယဟိဝၩအီၪလၧ စယဟီၡဖၭအၥိၭနီၪ, အဂဲးဘဲၫယီၩအဝ့ၫဖိၬအဖါစဒၫ ဝံၭအဖၧၩ့ၥၭအခၪ့ထံၭလဖၪနီၪတၭ အၪ့ဎၬဘၫအလၭ 4 လဖၪအ့ၬ.- အ့ၪမွဲအၪ့ဎၬယဟိဝၩ အဖါအယွၩတၭ, လ့ၩဝ့ၫလၧဆၧမၪလူၬအဖၧၩ့တၭ, မၩထွ့ၫအံၫစရ့ 5 လၭအဆၧမၩအခဲၫ့အ့ၬ.- အခိးမွဲယဟိဝၩဒုၭအီၪဂုး အီၪခၧၫ့ဘၩ့မုးနီၪလၧအစူၪဖၧၩ့တၭ, ယုဒၫထီးအလူၬ ဂဲၫဆိၬလၬဆီၪ့လဖၪ လၧစယဟီၡဖၭအအီၪတၭ, အီၪ ဝ့ၫလၧဆၧလူဒိၪဎွ့ၩဒိၪ ဒဲဆၧလၩဆၧဖၩ့အၪအၪလ့ၬ 6 လီၫ.- အၥၭဆီၪ့ထၪ့ဝ့ၫလၧယဟိဝၩ အဖၧၩ့ၥၭအဖၧၩ့ တၭ,ၥုၭခွံၬဆၧအလးထၪ့ထီၫၥံၪ, ဒဲအၡ့ရိၫၥံၪလၧ 7 ယုဒၫအဖၧၩ့လီၫ.- တၭလၧအကဲၪစဎွၩၥၧၫ့နံၪ့လနံၪ့ နီၪအၪ့မၧၫ့လၩ့အၦဒိၪဖၭဒိၪၥံၪ, စဘံၫ့ဟၫအံၫလၭ, ဒဲစအိၫဘဒဲအၫ,ဒဲစဇ့ၭခရဲအၫ, ဒဲစနၥၫ့နအ့လၭ,ဒဲစမံၫ ခ့ယၫ ဘဲၫၥိၭအမိၥီၪ့လိၪ ဆၧလၧယုဒၫအဒိၩ့ၥံၪအ 8 ဖၧၩ့လီၫ.- ၦအီၪလၧအဝ့ၫၥံၪအၥိၭ ၦလံဝဲၫဖိၪၥံၪ,ဒဲစ ၡ့ၫမအဲအၫ ဒဲစန့ၭၥနဲအၫ, ဒဲစဇ့ၭဘဒဲအၫ,ဒဲစအၫစ ဟ့လၭ,ဒဲစၡမံရမီၭ, ဒဲစယဟိနၥၫ့,ဒဲစအၭဒနဲယၫ,ဒဲစ တိၫဘဲယၫ,ဒဲစထိဘၫဒနဲယၫ, ၦလံဝဲၫဖိၪၥံၪတၭ,လၧ အဝ့ၫၥံၪအၥိၭၦလုဆၧလဖၪစအံၫလံၭၡမၫ, ဒဲစယဟိ 9 ရၫ့လီၫ.- အဝ့ၫၥံၪၥီၪ့လိၪဆၧလၧ ယုဒၫအဖၧၩ့တၭ, ယဟိဝၩအလံၬဆၧၥီၪ့ဆၧၥၫ့ အီၪလၧအဝ့ၫၥံၪအၥိၭ တၭ,လ့ၩဝံၩ့ဝၩ့ လၧယုဒၫအဒိၩ့ ထီးအလူၬအဖၧၩ့ တၭ,ၥီၪ့လိၪၦခမျၧးလီၫ.

10 ဆၧၥၭမဲၪယဟိဝၩလၩ့ဘၪလၧ ခးၥံၪအၡၩဘၩ့မုး ဖိၪလၧအအီၪဝၬဖီၩ့ယုဒၫတၭ, ဒုၭၥုၭလၧစယဟီၡဖၭ 11 အ့ၬ.- ၦလၧဖလံၡၫဖိၪအကျၩလဖၪ ဂဲၫဆိၬလၬဆီၪ့ လၧစယဟီၡဖၭအအီၪ, ဖ့ၪလၫ့အခီၫ့စ့ၩတၭ, ၦအရ့ ဘၠၫဖိၪဂဲၫဆိၬန့ဝ့ၫလၧၥိၪၥံၪဘ့ၪၥံၪ, ၥိၪဖၫနွ့ၫထီၫ့နွ့ၫ 12 ယၩ,ဒဲဘ့ၪဖၫနွ့ၫထီၫ့နွ့ၫယၩလီၫ.- စယဟီၡဖၭဒိၪ ထၪ့,ဒိၪထၪ့တၭ, ၥုၪ့ထၪ့ထိၬၥံၪဒဲဒိၩ့ၥံၪအီၪက့ၪထၬ 13 ဆၧလၧယုဒၫအဖၧၩ့လီၫ.- အဆၧမၩအၪအၪလ့ၬအီၪ ဝ့ၫလၧယုဒၫအဒိၩ့ၥံၪအဖၧၩ့တၭ, ၦၥုၭဖိၪ, ဒဲၦအဒိၪ အဆီၪ့အီၪဝ့ၫလၧယရုစလံၫ့အဖၧၩ့လီၫ.

14 တၭအယီၩမွဲအဆၧဝံထၪ့နၬထၪ့ ဘဲၫအဖါၥံၪအဂံၪ့ လဖၪအၥိၭလီၫ. လၧယုဒၫအကျၩ ၦအထီၫ့ၥံၪအခိၪ လဖၪနီၪး စအၭဒနၫမွဲအခိၪတၭ, ၦအဆီၪ့အီၪလၧအ 15 ၥိၭၥၧၫ့ကုၬလီၫ.- တၭဆၧအခိၪစယဟိဟနၫ့အီၪလၧ အစူၪဖၧၩ့တၭ, ၦအီၪလၧအဝ့ၫဒၪအၥိၭနံၫကုၬဎိၭလၬ 16 လီၫ.- တၭစဇံၭခြဲၫအဖိၪခွၫ စအၫမဇဲအၫ လၧအဖ့ၪ လၫ့ဒၪအၥၭ လၧယဟိဝၩလဂၩ အီၪလၧအဝ့ၫအစူၪ ဖၧၩ့တၭ,ၦအဒိၪအဆီၪ့ အီၪလၧအဝ့ၫဒၪအၥိၭနံၫကုၬ 17 လီၫ.- တၭလၧဘံၪ့ယမံၫ့အကျၩနီၪ ၦအဒိၪအဆီၪ့ စအံၫလဲအဒၫ, ၦအီၪလၧအစူၪဝဲၩ, ဒဲချံၪ, ဒဲထၩ့ဖံၭၥံၪ 18 အီၪလၧအဝ့ၫဒၪအၥိၭနံၫကုၬလီၫ.- စယဟီဇဘၭအီၪ လၧအစူၪဖၧၩ့တၭ, ၦလၧအတဲၩ့ဝဲၩအၥၭလၧဒုၭဆၧ 19 အဂးအီၪလၧအဝ့ၫဒၪအၥိၭ လကုၬဎိၭလၬလီၫ.- အဝ့ၫ ၥံၪမွဲၦလၧအမၩစဎွၩအဆၧး လၧနီၪအမ့ၬယၫၦလၧ စဎွၩအီၪက့ၪဝဲၩဝ့ၫလၧ ဒိၩ့အီၪလၧအခိၪဒၧၩ့ၥံၪလၧယု ဒၫထၧၫ့ဘံၪ့ယၫအဖၧၩ့အီၪဝ့ၫလီၫ.