16
(ၥဎွၩ ၥ၅:ၥ၇-၂၂).
1 လၧစအၫစၫကဲၪစဎွၩ အနံၪ့ၥၧၫ့ဆံၫဎူၫနံၪ့လနံၪ့အ ဖၧၩ့နီၪ,စဘၫၡၫအံၫစရ့လၭ အစဎွၩနီၪဂဲၫထၪ့ထၫ့ဒၩ ယုဒၫတၭ, မၩထၪ့ရၫမၫဘဲၫၥိၭ အမိပဒၩ့ၦလၧအစဲၪ့ ထၪ့ခွံၬ,ဒဲလ့ၩနုၬလၧယုဒၫ အစဎွၩအၫစၫအအီၪနီၪ
2 လီၫ.- ထီးနီၪလဖၧၫ့စအၫစၫဆိၬထၪ့ခွံၬ စ့ၩဒဲထီၫ့လၧ အအီၪဝ့ၫလၧယဟိဝၩအဂံၪ့ အီၪက့ၪကီၪ့ဆၧအလး, ဒဲလၧစဎွၩအဂံၪ့ဖၧၩ့ဆ့တၭ အၪ့မၧၫ့ၦလ့ၩဆိၬဝ့ၫလၧ စံရအၫအစဎွၩ စဘံၫ့ဟၫဒၭအအီၪ လၧအအီၪဝ့ၫလၧ
3 ဒမၭစကၧၭအဖၧၩ့တၭ, စံၭဝ့ၫဒၪ,- ဆၧအုၩ့လၩ့လိၬ လၧနၧၩဒဲယၧၩ, ဘဲၫအအီၪလၧနဖါဒဲယဖါအၥိၭနီၪ, မွဲအအီၪထၪ့ဘီၪး ယိခွါ, ယဖ့ၪလၫ့ယုနၧၩစ့ၩဒဲထီၫ့ တၭဘဲၫၥိၭအံၫစရ့လၭအစဎွၩ ဘၫၡၫလဂၩနီၪမိစဲၪ့ ထၪ့ခွံၬလၧယၧၩတၭ, လ့ၩဘီၪ, မၩဂၭဂီၩ့ခွံၬဆံၭ.
4 စဘံၫ့ဟၫဒၭခိၭနၪစဎွၩအၫစၫတၭ, အၪ့မၧၫ့လၩ့အၥုၭ မုခမျၧးအခိၪလဖၪထၫ့ဒုၪဒၩအံၫစရ့ၭလၭအဒိၩ့လဖၪ လီၫ.တၭအဝ့ၫၥံၪမၩဂၭဂီၩ့ အဲယၧၫ့, ဒဲဒၫ့, ဒဲအၫဘ လၭမံၫ့,ဒဲနၭၥလဲၫအဒိၩ့အီၪက့ၪကီၪ့ ဆၧလဖၪထီးအ လူၬလီၫ.
5 ထီးစဘၫၡၫနါဂၧၫ့ဝ့ၫတၭ, ဆၧမၩအၥၭလၧအမၩ ထၪ့ရၫမၫနီၪ, အီၪထီဝ့ၫဒဲမၩလၧၩ့အဆၧမၩနီၪအ့ၬ.
6 ထီးနီၪလဖၧၫ့ စအၫစၫမၩန့ယုဒၫထီးအလူၬတၭ,အ ဝ့ၫၥံၪဆိၬခွံၬလိးလဖၪ, ဒဲအၥံၪ့လၧစဘၫၡၫမၩထၪ့ရၫ မၫနီၪ, စအၫစၫမၩထၪ့ဂံဘၫဒဲ မံစပၫလၧဆၧနီၪလဖၪလီၫ.
7 လၧအဆၧၫ့အထီနီၪ မီၪစဟၫနနဲၫဂဲၫလၧယုဒၫအ စဎွၩအၫစၫအအီၪတၭ, စံၭအဝ့ၫနီၪလၧနဒိၭနဲၩ့နၥၭ လၧစံရအၫအစဎွၩအကၠီၩ့နီၪ, လဒိၭနဲၩ့ဘၪနၥၭလၧ ယဟိဝၩနယွၩနီၪ, အခိးမွဲဘဲၫနီၪတၭ, စံရအၫအစဎွၩ
8 အၥုၭမုခမျၧးနီၪဂၭဖျ့ၭလၧ နစူၪဖၧၩ့လီၫ.- တၭၦကုၡၫ ဖိၪၥံၪဒဲလုဘံၫ့ဖိၪၥံၪ မွဲၦခမျၧးဖၭဒိၪ, အီၪလၧလဲၪ့ၥုၭ ၥံၪအၪအၪလ့ၬ, ဒဲၦထူၬကၥ့ၪလဖၪဆ့, မွဲအ့ၬဧၪ. မွဲလါ နၫ့ဘိၩ, လၧနဒိၭနဲၩ့နၥၭ လၧယဟိဝၩအစူၪဖၧၩ့အ ကၠီၩ့တၭ, အဝ့ၫဒၪဖ့ၪလၫ့ခွံၬ ၦလဖၪနီၪလၧနစူၪဖၧၩ့
9 လီၫ.- အဂဲးဘဲၫယီၩ ယဟိဝၩအမ့ၬၥၪၥံၪလ့ၩဝံၩ့ဝၩ့ လၧဂၪ့ခိၪချိၫ့ယီၩ ဎံၩ့ဎံၩ့လ့ၬနီၪ, ဘဲၫၥိၭအမိနဲၪလၧ အနၫ့ဆါဆီၪ့လၧကယဲၦလၧ အၥၭလၧၫ့ဎွ့ၩလၧယွၩအ ဖၧၩ့အဂးလီၫ. လၧဆၧယီၩလမံၩ့အကၠီၩ့တၭ, နမၩ ဘဲၫၦဂီၩ့ဖိၪအၥိၭနီၪလီၫ. အခိးမွဲဘဲၫနီၪတၭ, လၧယၫ လခီၫနီၪ, နမိအီၪလၧဆၧဒုၭၥုၭလဖၪလီၫ.
10 ထီးနီၪလဖၧၫ့ စအၫစၫၥၭထၪ့ မီၪလဂၩနီၪဒူၭလၩ့ ဝ့ၫလၧထီၫ့ဖၧၩ့း အဂဲးဘဲၫယီၩအၥၭခိထၪ့ဖၭဒိၪလၧ ဆၧနီၪလမံၩ့အကၠီၩ့လီၫ. တၭအဆၧၫ့အထီနီၪ စအၫ စၫမၩၡၪ့မၩနၭၦၡၩခမျၧး လနၩ့နၩ့ဆ့လီၫ.
(ၥဎွၩ ၥ၅;၂၃-၂၄).
11 တၭယိခွါ, စအၫစၫအဆၧမၩလဖၪ, လၧအခၪ့ထံၭ ထီးအထုၬနီၪ,ယိခွါ, အီၪကွ့ၭအၥၭလၧယုဒၫဒဲအံၫစရ့ လၭအစဎွၩၥံၪအလံၬဖၧၩ့နီၪ, မွဲအ့ၬဧၪ.
12 လၧစအၫစၫကဲၪစဎွၩ အနံၪ့ၥၧၫ့ဆံၫခွံၫနံၪ့လနံၪ့အ ဖၧၩ့နီၪအခၪ့ဆၫထၪ့တၭ, အဆၧဆၫနီၪဒိၪထၪ့နၭနၭ လ့ၬလါနၫ့နီၪ, လၧအဆၧဆၫအဖၧၩ့, အၪ့ဎၬယဟိဝၩ
13 အ့ၬ,အ့ၪမွဲအၪ့ဎၬၦၥံၪဆရၫလဖၪနီၪလီၫ.- တၭစအၫ စၫမံၫဝ့ၫလၧအဖါၥံၪအၥိၭတၭ, ၥံၫဝ့ၫလၧအပၧၩ့ဆၧ
14 အနံၪ့လံဆံၫလနံၪ့အဖၧၩ့နီၪလီၫ.- တၭအဝ့ၫၥံၪခုၪ့လၩ့ ဘၧၩ့ဝ့ၫလၧအၥွၪခိၪဒၪဝ့ၫအဖၧၩ့, လၧအမၩဝဲၩဝ့ၫလၧ အနၫ့ဆါဒၪဝ့ၫအဂး, လၧစဒၫဝံၭအဒိၩ့ဖၧၩ့တၭ,အီၪ က့ၪဝ့ၫလၧလးမံၫအဖၧၩ့, လၧဆၧမၩဎွ့ၩထၪ့ဝ့ၫလၧ ဆၧနၧၫ့မၧၫ့အၪမံၩ့ လၧဆၧလဲၩဎုၬဘဲၫၦလဲၩဎုၬၥံၪအ ၥိၭနီၪလီၫ. တၭအဝ့ၫၥံၪမၩဆၧဆူၭခဲၩထၪ့ဖၭဒိၪလၧ အဝ့ၫဒၪအဂးလီၫ.