1 ထီးနီၪလဖၧၫ့ အံၫစရ့လၭထီးအလူၬအီၪကိၩ့အီၪ ကီၪ့လၧစဒၫဝံၭအအီၪလၧဟံဘြၧၫ့အဖၧၩ့တၭ, စံၭဝ့ၫ, 2 ယိခွါ,ပဝ့ၫဒၪယီၩ ပမွဲနဎွံၪဒဲနယၪလီၫ.- လၧနီၪအမ့ၬ ယၫ,လၧအၥၫ့နီၪ, လၧစစီလူၫကဲၪစဎွၩဒၪလ့ၬ,နဝ့ၫဒၪ ယီၩမွဲၦလၧအလ့ၩၥိၫ့ထၪ့ ဒဲဂဲၫထဲၩ့န့အံၫစရ့လၭနီၪ တၭး ယဟိဝၩနယွၩစံၭနၧၩ, နဘၪယိထဲၩ့ခွါထဲၩ့ယ ၡၩခမျၧးအံၫစရ့လၭနီၪတၭ, နဘၪကဲၪၦပၧၩ့ဆၧလၧ 3 ယၡၩခမျၧးအံၫစရ့လၭနီၪအဖၫ့ခိၪဆ့လီၫ.- အခိးမွဲ အံၫစရ့လၭအၥုၪ့က့ၭၥၭၡါ ထီးအလူၬလဖၪဂဲၫလၧ စဎွၩအအီၪ လၧဟံဘြၧၫ့တၭး စဒၫဝံၭအုၩ့လၩ့အၥၭ လၧအဝ့ၫၥံၪ လၧဟံဘြၧၫ့အဖၧၩ့ လၧယဟိဝၩအမ့ၬ ယၫနီၪလီၫ. တၭအဝ့ၫၥံၪဂုၪစဒၫဝံၭစဎွၩ လၧအံၫစရ့ လၭအဖၫ့ခိၪ, ဘဲၫယဟိဝၩအလူအီၪဝ့ၫလၧမီၪစစၫမုၫ အ့လၭအၥိၭနီၪလီၫ.

4 တၭစဒၫဝံၭ ဒဲအံၫစရ့လၭ ထီးအလူၬနီၪလ့ၩထီၩ့ လၧယရုစလံၫ့, လၧအမွဲယံဘၧၭနီၪး အနီၪမွဲအလး လၧၦယံဘၧၭဖိၪၥံၪအၡၩထံၫဖိၪခးဖိၪလဖၪနီၪ အီၪ 5 ဝ့ၫလီၫ.- တၭယံဘၧၭအၡၩထံၫဖိၪခးဖိၪလဖၪစံၭစဒၫ ဝံၭနီၪ နမိဂဲၫနုၬဘၪထီးယီၩအ့ၬ. မွဲလါနၫ့ဘိၩစဒၫဝံၭ 6 မၩန့ဇံအိၫ့အထိၬ, လၧအမွဲစဒၫဝံၭအဒိၩ့လီၫ.- တၭ စဒၫဝံၭစံၭဝ့ၫ, ၦလဂၩဂၩလၧအကျီၪ့ခွံၬဆိၫၦယံဘၧၭ ဖိၪလဖၪနီၪ, မိကဲၪၦဒိၪဒဲၥုၭခိၪလီၫ. အခိးမွဲနးဇ့ၫရုၫ အဲအၫအဖိၪခွၫစယိအၭနီၪ လ့ၩထၪ့ဆိၫဝ့ၫတၭ, မွဲအ 7 ခိၪလီၫ.- တၭစဒၫဝံၭအီၪလၧထိၬဖၧၩ့နီၪး အခိးမွဲဘဲၫ 8 နီၪတၭ,အဝ့ၫၥံၪကိၭဝ့ၫလၧစဒၫဝံၭအဒိၩ့လီၫ.- တၭ အဝ့ၫဒၪမၩကဲၪထၪ့ဒိၩ့ဝၬဝၬ, လၧမံလိၫဒၪလ့ၬ ဝၬဝၬ လီၫ.တၭစယိအၭနီၪမၩဂ့ၩထၪ့ ဒိၩ့အလးဂူၫဂၩနီၪဆ့ 9 လီၫ.- အခိးမွဲစဒၫဝံၭနီၪဒိၪထၪ့ဆီၪ့ထၪ့ထူထူဆ့,အဂဲး ဘဲၫယီၩဆၧၥုၭမုခမျၧးအယဟိဝၩနီၪ အီၪလၧအၥိၭ လီၫ.

10 အယီၩမွဲၦဆီၪ့လၧစဒၫဝံၭအၥိၭ အခိၪလဖၪနီၪအ ဝ့ၫၥံၪမၩဆီၪ့ထၪ့အၥၭလၧအဝ့ၫဒၪအၥိၭ လၧအဘၩ့ အမုးအဖၧၩ့, ဒဲလၧအံၫစရ့လၭထီးအလူၬဘဲၫၥိၭအမိ ဒုၭကဲၪစဎွၩဘဲၫယဟိဝၩအလူအီၪဝ့ၫ လၧအံၫစရ့လၭ 11 အဂဲးအကၠီၪ့အၥိၭနီၪလီၫ.- တၭၦဆီၪ့လဖၪအီၪလၧ စဒၫဝံၭအၥိၭအဆၧဝံဆၧနၬနီၪမွဲအယီၩ, ၦဟၭမနဲၭ ဖိၪစၡိဘအၫ့မွဲၦၥုၭခိၪလဖၪအခိၪး အဝ့ၫဒၪဆိၬထၪ့ အဖၩ့ထၫ့ဒုၪဒၩၦၥၧၫ့ယၩ လၧအဘၪဆၧမၩၥံၫဝ့ၫလ 12 ဖၧၫ့ဎးလီၫ.- လၧအဝ့ၫဒၪအလးခဲၫ့မွဲစဒိဒိၫအဖိၪခွၫ စအံၫလအ့ဇၫ, ၦအဟိဟဲၭဖိၪလဂၩ, ဘၪဆဲၫ့လၧၦ 13 ဆီၪ့ၥၧၫ့ဂၩနီၪလီၫ.- အဝ့ၫဒၪအီၪလၧစဒၫဝံၭအၥိၭလၧ ပၭစဒၫ့မံၫ့နီၪ, အလးလၧၦဖလံၡၫဖိၪၥံၪအီၪကီၪ့ဝ့ၫလၧ ဆၧဒုၭၥုၭအဂးတၭး အဝၩ့ထီးနီၪလစီၪ့ဎွ့ၩဝ့ၫလၧဘုၪ မုယီၩလီၫ. တၭၦခမျၧးလဖၪစဲၪ့ဖျိၭဝ့ၫလၧၦဖလံၡၫ 14 ဖိၪၥံၪအမ့ၬယၫနီၪလီၫ.- တၭအဝ့ၫၥံၪအီၪက့ၪအနၫ့ ဆါၥံၪလၧဆၧလဝၩ့နီၪအၥၭကျၩတၭ, မၩဖီၩ့မၩဖျ့ၭ အဝ့ၫဒဲကျီၪ့ၥံၫခွံၬၦဖလံၡၫဖိၪလဖၪနီၪတၭး ယဟိဝၩ မၩဖီၩ့ဖျ့ၭအဝ့ၫၥံၪလၧဆၧဖီၩ့ဖျ့ၭဖၭဒိၪနီၪဆ့လီၫ.

15 တၭၦၥၧၫ့ဂၩဘၪဆဲၫ့ လၧၦအခိၪၥၧၫ့ဆံၫနီၪ, လ့ၩ လၩ့လၧစဒၫဝံၭ အလိးမုလၧအဒၧလၫ့ အအိၩဖၧၩ့နီၪး တၭၦဖလံၡၫဖိၪအၥုၭမုခမျၧးလဖၪ ၥုၪ့အတဲၩၥံၪလၧ 16 ရ့ၭဖအံၫ့အခိၪလီၩ့ဆူၭဖၧၩ့နီၪလီၫ.- လၧအထီနီၪ စဒၫဝံၭအီၪဝ့ၫလၧထိၬဖၧၩ့တၭ ၦဖလံၡၫဖိၪလဖၪအီၪ 17 ကီၪ့အလးမွဲလၧဘ့ၭၥလံၫဟံၫ့နီၪလီၫ.- တၭစဒၫဝံၭ ဆိၫ့န့ဆၧနီၪ စံၭဝ့ၫဒၪ,မွဲပလၫမိဒုၭအီၩယၧၩထံၫအီၪ လၧဘ့ၭၥလံၫဟံၫ့အထံၫဖၧၩ့ လၧတရၫ့ထံၭနီၪလဂၩ 18 လဲၪၬ- တၭၦၥၧၫ့ဂၩနီၪ လ့ၩဖျီၫ့ဆီၪ့ၦဖလံၡၫဖိၪအၥုၭ မုခမျၧးတၭ, အၪ့ဒုၪ့ထံၫလၧဘ့ၭၥလံၫဟံၫ့အထံၫဖၧၩ့ လၧတရၫ့ထံၭနီၪ, မၩန့ဝ့ၫဂဲၫထဲၩ့န့လၧစဒၫဝံၭအအီၪ 19 နီၪလီၫ. မွဲလါနၫ့ဘိၩစဒၫဝံၭအီၩဝ့ၫဒၪအ့ၬ.- အ့ၪမွဲဂါ လၩ့ခွံၬဝ့ၫလၧယဟိဝၩအဂးတၭ, စံၭဝ့ၫဒၪ, မွဲယထီး မၩဆၧဘဲၫယီၩလၩလါလဂ့ၩ ၦလဖၪယီၩဆိၬအၥၭ မၧၫ့လၧဆၧၥၭမဲၪအလးတၭ, မွဲယမိအီၩအဝ့ၫၥံၪ အၥွံၪဆ့ဧၪ. အဂဲးဘဲၫယီၩ အဝ့ၫၥံၪဂဲၫဆိၬဝ့ၫ အၥၭ မၧၫ့အီၪလၧဆၧၥၭမဲၪအဖၧၩ့နီၪလီၫ. မၩအၥၭဘဲၫနီၪ တၭအီၩဝ့ၫဒၪအ့ၬ. ၦဆီၪ့ၥၧၫ့ဂၩနီၪမၩဆၧလဖၪယီၩ လီၫ.

20 တၭစယိအၭအထၧၫ့ဖုဝဲခွၫ စအၭဘၡဲၫနီၪမွဲၦၥၧၫ့ ဂၩနီၪအခိၪလီၫ. အဂဲးဘဲၫယီၩလၧအဆိၬထၪ့ အဖၩ့ ထၫ့ဒုၪဒၩၦၥၧၫ့ယၩ မၩၥံၫဝ့ၫ အကၠီၩ့နီၪတၭ, အမံၩ့ 21 အီၪလၧၦၥၧၫ့ဂၩနီၪအကျၩလီၫ.- လၧၦၥၧၫ့ဂၩနီၪအ ကျၩအဝ့ၫဒၪ အလၩအဖၩ့အၪနဲၪ့ ၦနံၫဂၩနီၪး အဂဲး ဘဲၫယီၩမွဲအဝ့ၫၥံၪအခိၪလီၫ. မွဲလါနၫ့ဘိၩန့ၫဒံၭ ၦအ ခၪ့ထံၭၥၧၫ့ဂၩနီၪအ့ၬ.

22 ၦလၧအဆီၪ့အဖိၪခွၫ ဘၪဆဲၫ့လၧကၭဘဇံၫလၭ စယဟီအဒၫအဖိၪခွၫစဘံၫ့နအဲအၫနီၪ, မၩဆၧဖၭဒိၪ အၪမံၩ့တၭး ကျီၪ့ၥံၪၦဆီၪ့ဘဲၫဆၬလၥၧၫ့အၥိၭ, ၦမိ အၭဖိၪနံၫဂၩနီၪး တၭမွဲအလ့ၩလၩ့ဆ့ မၩၥံၫဆၬလ ၥၧၫ့လၧဆၧဖၧၩ့အဖၧၩ့နီၪ, ထီးအဘၪမူၭခိၪဖီၫ ဂဲၫ 23 လၩ့အနံၩနီၪလီၫ.- တၭမွဲအမၩၥံၫၦအံဇံၭဖိၪလဂၩ, ၦၡၩလၧအဂၩ့နီၪထၪ့ထီၫယဲဖျါတၭး လၧၦအံဇံၭဖိၪ နီၪအစူၪဖၧၩ့ဖၩ့လဘံၪ့ မွဲဘဲၫၦထၭထၪအထၪခိၪၥိၭ နီၪတၭး အဝ့ၫဒၪလ့ၩလၩ့လၧအအီၪလၧနိၪထိၭလဘီၩ့ တၭ, အၪ့ဂူၬန့ဖၩ့လၧၦအံဇံၭဖိၪနီၪအစူၪဖၧၩ့တၭ, မၩ 24 ၥံၫအဝ့ၫလဂၩ လၧအဖၩ့ဒၪဝ့ၫနီၪလီၫ.- ဆၧလဖၪနီၪ စယဟီအဒၫအဖိၪခွၫ စဘံၫ့နအဲအၫနီၪ မၩဝ့ၫတၭ,န့ 25 ဘၪအမံၩ့လၧၦဆီၪ့ၥၧၫ့ဂၩအကျၩလီၫ.- ယိခွါ,အဝ့ၫ ဒၪန့ဆၧလၩဖၩ့ လၧၦၥၧၫ့ဆံၫအကျၩလါနၫ့တၭ,မွဲအ န့ၫဒံၭၦၥၧၫ့ဂၩအ့ၬ. တၭစဒၫဝံၭအီၪက့ၪအဝ့ၫလၧၦ ခိၭဆၧလဖၪအဖၫ့ခိၪလီၫ.

26 တၭၦဆီၪ့ဘၪဆဲၫ့လၧၥုၭဖိၪအဒီၪ့လဖၪနီၪ, မွဲစယိ အၭအထၧၫ့ဖုဝဲစအၫစဟ့လၭ, ၦဘၪဆဲၫ့လၧဘ့ၭၥလံ 27 ဟံၫ့စဒိဒိၫအဖိၪခွၫစအ့ၫလဟၫနၫ့,- ၦဟၫရိၫဖိၪစၡၫ့ 28 မီၭ,ၦပ့ၫလနဲၭဖိၪစဟံလဇၫ,- ၦတကိအၫဖိၪစအံၭ က့ၭအဖိၪခွၫစအဲရၫ, ၦအၫ့တၥဲၭဖိၪစအၭဘအံဇၧၫ, 29 ၦဟုၡၫဖိၪစစံၭဘခ့ၫ,ၦအဟိအၫဖိၪစအဲလ့ၫ,- ၦနတီၭ 30 ဖၥဲၭဖိၪစမဟၫရအဲၫ, ၦနတီၭဖၥဲၭဖိၪ စဘၫအနၫအ 31 ဖိၪခွၫစဟံလ့ၭ,- ၦဂံဘအၫဖိၪဘၪဆဲၫ့လၧစဘံၪ့ယမံၫ့ အဖိၪအလံၩစရဲဘ့ၫအဖိၪခွၫစအံၭၥအဲၫ, ၦပံၫလၥၧၫ့ 32 ဖိၪစဘံၫ့နအဲအၫ,- စဟုရ့ၫဘၪဆဲၫ့ လၧဂၫအၭအ 33 ထံၫချိၬလဖၪး ၦအၫဘၫဖိၪစအဘဲၫအ့လၭ,- ၦဘဟၫ ရၧၫ့ဖိၪစအၭဇမၫဝ့ၭ, ၦၡၩအၫလဘနဲၭဖိၪ စအံၫလဲ 34 အဘၫ,- ၦဂဲဇၧၫဖိၪစဟၫၡံၫ့အဖိၪခွၫလဖၪ ၦဟၫရၫ 35 ဖိၪစၡၫဂံၫအဖိၪခွၫ စစၪ့နၥၧၫ့,- ၦဟၫရၫဖိၪစစၫကၫ 36 အဖိၪခွၫစဟဲအၫ့, စအၧၫအဖိၪခွၫ စအ့လဖၫလၭ, 37 ၦမ့ၭခရၭဖိၪစဟံဖၧၫ, ၦဝ့ၫလိၫနဲၭဖိၪစအဟဲယၫ, 38 ၦကၫမလၭဖိၪစဟ့ဇရိၫ, စအ့ၭဇဘဲၫအဖိၪခွၫစနၫအ 39 ရ့ၫ,- စနၫၥၫ့အထၧၫ့ဖုဝဲခွၫစယိၫအ့လၭ, စဟၭဂရဲၫ 40 အဖိၪခွၫစမံၭဘဟၫ,- ၦအၫမၧၫ့ဖိၪစဇံလ့ၭ, ၦဘရိ ၥဲၫဖိၪစနဟၫရဲၫ, ၦဆိၬစယိအၭအစူၪဝဲၩ နးဇ့ၫရုၫအဲ 41 အၫအဖိၪခွၫ,- ၦအံၭၥ့ၫဖိၪစအဲရၫ, ၦအံၭၥ့ၫဖိၪစဂၫ ရ့ၭ,ၦဟံၥၭဖိၪစယုၫရဲအၫ, စအၫလဲၫအဖိၪခွၫစဇၫ 42 ဘၭ,- ၦရုဘံၫ့ဖိၪစၡဲဇၫအဖိၪခွၫစအဒဲနၫ, မွဲၦရုဘံၫ့ 43 ဖိၪအၥုၭခိၪတၭ, ၦၥၧၫ့ဆံၫအီၪလၧအၥိၭ,- စမၫအခၫ 44 အဖိၪခွၫစဟၫနၫ့, ၦမံၭၥနဲၭဖိၪစယီၭၡဖၭ,- ၦအၭၡ တရၫဖိၪစအၧၭဇဲၫ, ၦအရိအၧၫဖိၪစဟိၥၫ့အဖိၪခွၫၥံၪ 45 စၡၫမၫဒဲစယဟဲၫအ့လၭ,- စၡံမရဲၫအဖိၪခွၫစယ့ဒၭ 46 အ့လၭ,ဒဲအထၧၫ့ဖုဝဲခွၫၦတဲဇၭဖိၪစယိဟၫ,- ၦမဟၫ ဝံၭဖိၪစအံၫလအ့လၭ ဒဲစယ့ၫရဘဲၫ,ဒဲစယီၭစဝဲအၫ, လၧအမွဲစအ့ၫလန့အၫ အဖိၪခွၫလဖၪ, ဒဲၦမိအၭဖိၪစ 47 အံၭၥမၫ,- စအံၫလအ့လၭ, စအိဘ့ၭ,ဒဲၦမ့ၭစိၫဘၫဖိၪ စယၫစအ့လၭနီၪလီၫ.