10
(ၥစၫ ၃ၥ:ၥ-ၥ၃).
1 တၭၦဖလံၡၫဖိၪလဖၪ ဒုၭၥုၭထၫ့ဒုၪဒၩအံၫစရ့လၭ နီၪး ၦၡၩအံၫစရ့လၭဖိၪၥံၪ စဲၪ့ဖျိၭခွံၬလၧၦဖလံၡၫဖိၪ ၥံၪအမ့ၬယၫတၭ, ဘၪဆၧကျီၪ့ခွံၬဝ့ၫနီၪလၩ့ထံၩဖါဝ့ၫ
2 လၧခိၪလီၩ့ဂံၫလဘိအၫအဖၧၩ့လီၫ.- တၭၦဖလံၡၫဖိၪ ၥံၪလီၩ့ဆီးစစီလူၫဒဲအဖိၪခွၫလဖၪနီၪး တၭၦဖလံၡၫ ဖိၪၥံၪကျီၪ့ၥံၫခွံၬစစၪ့နၥၧၫ့, ဒဲစအဘံနဒၭ,ဒဲစမၫလခရှု
3 အၫ,စစီလူၫအဖိၪခွၫၥံၪလီၫ.- တၭဆၧဒုၭၥုၭနီၪထၫ့ ဒုၪဒၩစစီလူၫနၭနၭလ့ၬတၭး ၦခၭချံၪလဖၪ ခၭဘၪအ ဝ့ၫတၭ, မွဲအဘၪထံၭဆၫလၧၦခၭချံၪလဖၪနီၪလီၫ.
4 ထီးနီၪလဖၧၫ့ စစီလူၫစံၭ ၦလၧအဆိၬ အစူၪဝဲၩလဂၩ နီၪ,ထုၭထၪ့နနၭတၭ ဆ့ၭဖျီၫ့ယၧၩဘီၪ ၦလၧအလ ဘၪဘၪဆၧကူၭတရံၭလဖၪယီၩ မိဂဲၫမၩအၧၩ့မၩနၭ ဘၪခိၬယၧၩလီၫ. အ့ၪမွဲၦဆိၬအစူၪဝဲၩလဂၩနီၪမၩဝ့ၫ အ့ၬ,အဂဲးဘဲၫယီၩ ၥၭမဲၪဆၧဒိၪမၬလီၫ. အခိးမွဲစစီ လူၫမၩန့နၭလဘံၪ့တၭ, ထိၪလၩ့ထံၩဖါအၥၭ လၧအ
5 လီၩ့လီၫ.- ထီးၦဆိၬအစူၪဝဲၩလဂၩဒၪဘၪလၧစစီလူၫ ၥံၫဝ့ၫတၭ, ထိၪလၩ့ထံၫဖါအၥၭ လၧနၭအလီၩ့ဘဲၫနီၪ
6 ၥိၭဆ့တၭ,ၥံၫဝ့ၫဒၪလီၫ.- အခိးမွဲစစီလူၫၥံၫဝ့ၫ ဒဲအဖိၪ ခွၫၥၧၫ့ဂၩလဖၪတၭ, အဂံၪ့ဖိၪထီးအလူၬၥံၫဝ့ၫလစီၪ့
7 ဎးလီၫ.- ထီးၦၡၩအံၫစရ့လၭဖိၪၥံၪထီးအလူၬလၧအ အီၪလၧခိၪလီၩ့ဆူၭဖၧၩ့နီၪ ဒၪဘၪလၧအဝ့ၫၥံၪစဲၪ့ဖျိၭ, ဒဲစစီလူၫ ဒဲအဖိၪခွၫလဖၪၥံၫဝ့ၫနီၪတၭ, ထီးနီၪလဖၧၫ့ အဝ့ၫၥံၪစဲၪ့ထၪ့ခွံၬလၧအဒိၩ့လဖၪစဲၪ့ဖျိၭဆ့တၭး ၦဖ လံၡၫဖိၪလဖၪဂဲၫအီၪဝ့ၫလၧအဖၧၩ့နီၪလီၫ.
8 ကဲဂီၩခိၬနီၪ ထီးၦဖလံၡၫဖိၪၥံၪဂဲၫအၪ့မၩန့ဆၧလၧ အအီၪဝ့ၫလၧၦၥံၫလဖၪအလီၩ့နီၪတၭ ဆၧမၩအၥၭ လၧအဝ့ၫၥံၪဒၪဘၪ လၧစစီလူၫဒဲအဖိၪခွၫလဖၪ လၩ့
9 ထံၩဖါဝ့ၫလၧခိၪလီၩ့ဂံၫလဘိအၫအလီၩ့နီၪလီၫ.- ထီး အဝ့ၫၥံၪဘဲၪ့လၩ့ခွံၬအဝ့ၫဒၪအဆၧတၭ, မွဲအမၩန့အ ခိၪဎွံၪနီၪ,ဒဲအစူၪဝဲၩလဖၪနီၪတၭ, အၪ့မၧၫ့ဆၧလၧၦ ဖလံၡၫဖိၪအခးဝၬဝၬနီၪ, ဘဲၫၥိၭအမိဆိၬ ဆၧပရၧၫ့ ထီၩ့လၧအဝ့ၫၥံၪအဆၧဂၩ့ဆၧဖၪ့အအီၪ, ဒဲလၧၦခမျၧး
10 လဖၪဆ့လီၫ.- အဝ့ၫၥံၪအီၪက့ၪအဝ့ၫဒၪအစူၪဝဲၩနီၪ လၧအဝ့ၫၥံၪအယွၩလဖၪအဂံၪ့ဖၧၩ့တၭ, မၩထၬအဝ့ၫ ဒၪအခိၪဎွံၪလၧဒၫဂၫ့အဆၧလုအဂံၪ့ဖၧၩ့နီၪလီၫ.
11 ထီးၦယ့ဘ့ၭဂံလအၭၥံၪထီးအလူၬ နါဂၧၫ့ကယဲဆၧ လမံၩ့လါလါ လၧၦဖလံၡၫဖိၪၥံၪမၩယူၭလၧစစီလူၫ
12 နီၪတၭ,- အဝ့ၫၥံၪဂဲထုၪ့တၭ, ကယဲၦဆီၪ့ၥံၪထီးအ လူၬနီၪ,မၩန့ခွံၬစစီလူၫအမိၡါ, ဒဲအဖိၪခွၫလဖၪအမိ ၡါနီၪ, ဂဲၫထဲၩ့ဆိၬအဝ့ၫၥံၪ ထီၩ့လၧယၫဘ့ၭနီၪ, ခုၪ့ လၩ့ဘၧၩ့ခွံၬအဎွံၪလဖၪ လၧၥံၪ့ထိၭဖၫအဖၫ့လၬလၧ ယၫဘ့ၭအဖၧၩ့ဒဲဒုၪဆၧအၪ့ဆၧအီၩနွ့ၫနံၩလီၫ.
13 အခိးမွဲစစီလူၫၥံၫလၧအမၩမၪဆၧအကၠီၩ့ လၧအ မၪဘၪယဟိဝၩနီၪ, လၧအထၫ့ဒုၪဒၩယဟိဝၩအလူ, လထီးန့ဘၪဝ့ၫ, ဒဲလၧအအၪ့စၪ့ဆၧလၧၦလၧဆၧနၪ အီၪလၧအလီၩ့, ဘဲၫၥိၭအမိၥ့ၪယၫဆၧအကၠီၩ့နီၪး
14 လအၪ့စၪ့ဘၪလၧယဟိဝၩး အခိးမွဲဘဲၫနီၪတၭ,အဝ့ၫ ဒၪကျီၪ့ၥံၫခွံၬအဝ့ၫ, ဒဲဖ့ၪလၫ့ထဲၩ့အဘၩ့အမုးနီၪလၧ စယ့ၭစံၫအဖိၪခွၫ စဒၫဝံၭနီၪလီၫ.