98
1 ၥံၫကျံၩထၪ့ယဟိဝၩလၧထၭခိၪအၥၫ့ဆံၭ. အဂဲးဘဲၫ ယီၩ အဝ့ၫဒၪမၩဆၧလၩ့လၭလဖၪလီၫ. အစူၪထွ့ၪဒဲ အစူၪဒူၪဆံၫ့ဎံၪ ထိးထဲၩ့တၩ့ထဲၩ့ဆၧလၧအဂးလီၫ.
2 ယဟိဝၩဒုၭၥ့ၪယၫယူၭ အဆၧထိးထဲၩ့တၩ့ထဲၩ့တၭ, ဒုၭနဲၪအဆၧတီၩဆၧလီၩ့ လၧၦဆၨၩၥံၪအမ့ၬယၫ
3 လီၫ.- အဝ့ၫဒၪနၪ့ထၪ့ထဲၩ့အဆၧအဲၪအခိးအတၩဒဲအ ဆၧမွဲဆၧတီၩ လၧအံၫစရ့လၭအၡၩဂံၪ့ဖိၪအဂးလီၫ. ဂၪ့ခိၪအထုၬၥံၪထီးအလူၬနီၪ ဒၪဘၪယူၭပယွၩအဆၧ ထိးထဲၩ့တၩ့ထဲၩ့ယူၭ.
4 ကိၭၡၭထၪ့လၧယဟိဝၩ ၦဂၪ့ခိၪဖိၪထီးအလူၬၥံၪ ဧ့,ၥုၪ့ထိၬၥၭထိၬ ဒဲၥုၪ့ဎွံၫၥၭယီၫတၭ, ၥံၫကျံၩအၪ့အူၭ
5 ထၪ့ဆၧဆံၭ.- ၥံၫကျံၩအၪ့အူၭထၪ့ယဟိဝၩလၧနါဒံၩ့
6 လၧနါဒံၩ့ဒဲဆၧၥံၫကျံၩအလူဆ့ဆံၭ.- ပံၩၥံၪခဲၫၥံၪဒဲခွ့ၩ အၥီၫနီၪမၩဆၧၥၭထိၬအၥီၫဖၭဒိၪ လၧစဎွၩယဟိဝၩ အမ့ၬယၫဆံၭ.
7 မွဲမၫဆမံၭၥီၫထၪ့, ဒဲအဆၧလၧၫ့ဆၧဎွ့ၩးဂၪ့ခိၪဒဲၦ အီၪဝ့ၫလၧအလီၩ့ဆ့ဆံၭ.
8 မွဲထံၫလုၬဘံၭဆၧဒဲၩအစူၪဆံၭ, မွဲခိၪလီၩ့ထိၩ့ချိၬ ၥုၪ့ဎွံၫၥၭယီၫလစီၪ့ဎး လၧယဟိဝၩအမ့ၬယၫဆံၭ.
9 အဂဲးဘဲၫယီၩအဝ့ၫဂဲၫဝ့ၫဘဲၫၥိၭ အမိစ့ၩရၫ့ဂၪ့ခိၪလီၫ. တၭမိစ့ၩရၫ့ၦဂၪ့ခိၪဖိၪ လၧဆၧတီၩဆၧလီၩ့ ဒဲၦခမျၧး ၥံၪလၧဆၧမွဲဆၧတီၩလီၫ.