97
1 ယဟိဝၩပၧၩ့ဆၧတၭ, မွဲဂၪ့ခိၪၥုၪ့ဎွံၫၥၭယီၫဆံၭ. မွဲကျိၩ့ၥံၪအၪဖျိၪ့နီၪၥုၪ့ထိၬၥၭထိၬဆံၭ.
2 ဆၧအုၪ့ဒဲဆၧခံၭအီၪဝၬဖီၩ့အဝ့ၫဒၪး ဆၧတီၩဆၧ လီၩ့,ဒဲဆၧစ့ၩရၫ့မွဲအဝ့ၫဒၪ အလးဆီၩ့ဆီအခၪ့ထံၭ
3 လီၫ.- မ့ၪလ့ၩလၧအမ့ၬယၫတၭ, အၪ့ခွံၬအဒုၪအဒၩ
4 အီၪဝၬဖီၩ့ဝ့ၫလီၫ.- အလၫ့ဝဲဒံၭဒုၭဖၩ့ထၪ့ဂၪ့ခိၪ, ဂၪ့ခိၪ
5 ဒၪဘၪဝ့ၫတၭ, ဝၭၡိၩ့ၡိၬဝ့ၫဒၪလီၫ.- ခိၪလီၩ့ထိၩ့ချိၬ ဖံၪထၪ့ဝ့ၫဘဲၫဎိၭအၥိၭ လၧယဟိဝၩအမ့ၬယၫလၧဂၪ့
6 ခိၪထၧၫ့ဖျိၪ့ယၫ အကဆါအမ့ၬယၫလီၫ.- မူၭခိၪဒုၭဖျီၪ ထၪ့အဆၧတီၩဆၧလီၩ့တၭ, ၦဆၨၩထီးအလူၬလဖၪ
7 ဒၪဘၪအလၩအဖၩ့လီၫ.- ကယဲၦလၧအမၩဆၧဂၩ့ဆၧ ဖၪ့အဆၧမၩ, ၦလၧအအီၪက့ၪဖိၫလိၫအၥၭ လၧဆၧ လမွဲဘၪဆၧအကၠီၩ့လဖၪနီၪ အမ့ၬမိမဲဝ့ၫလီၫ. ယွၩထီး အလူၬၥံၪဧ့, ဘိၪ့ထၪ့ဘၩထၪ့အဝ့ၫဒၪဆံၭ.
8 ဇံအိၫ့နါဂၧၫ့ဝ့ၫတၭ, ၥုၪ့ထိၬၥၭထိၬဒဲယုဒၫအဖိၪမုၪ ၥံၪၥုၪ့ဎွံၫၥၭယီၫ လၧနစ့ၩရၫ့ဆၧလဖၪအကၠီၩ့, ယဟိ
9 ဝၩဧ့,- အဂဲးဘဲၫယီၩ,ယဟိဝၩဧ့, နဝ့ၫဒၪနမွဲဆၧထၪ့ ထီၫလၧဂၪ့ခိၪထၧၫ့ဖျိၪ့ယၫအဖၫ့ခိၪးနအီၪလၧဆၧထၪ့ ထီၫလၧယွၩထီးအလူၬလဖၪအဖၫ့ခိၪ လၩ့ထံးလၩ့ ဆ့ၭလီၫ.
10 ၦလၧအအဲၪယဟိဝၩၥံၪဧ့,ၥၭဂဲၫ့မ့ၬလဲၩဆၧအၧၩ့ ဆံၭ. အဝ့ၫဒၪခိၭထၬအၡၩဆံၫ့ဎံၪအၥၭမၧၫ့နီၪတၭ, မၩဖီၩ့ မၩဖျ့ၭဝ့ၫ လၧၦလတီၩလလီၩ့ဘၪအစူၪဖၧၩ့လီၫ.
11 ဆၧဖၩ့ဎွံၪယူၭအၥၭ လၧၦတီၩၦလီၩ့အဂးယူၭ.ဒဲ ဆၧၥုၪ့ထိၬၥၭထိၬ လၧၦအၥၭဆုးလီၩ့အဂးနီၪဆ့လီၫ.
12 ၦတီၩၦလီၩ့ၥံၪဧ့, ၥုၪ့ထိၬၥၭထိၬလၧယဟိဝၩအ ဖၧၩ့ဆံၭ. တၭစံၭထၪ့အၪ့အူၭအဆၧနၪ့ထၪ့ထဲၩ့ ဆံၫ့ ဎံၪနီၪဆံၭ.