69
1 မၩဖီၩ့မၩဖျ့ၭယၧၩဆံၭ. ယွၩဧ့, အဂဲးဘဲၫယီၩထံၫ
2 လဖၪနီၪဂဲၫနုၬဖိးလၧယၥၭဖၧၩ့လီၫ.- ယလၩ့ဘၧၩ့ လၧဆၧယိၬ အဆၧလၩ့လၧၩ့အဖၧၩ့တၭ, ဆၧၫ့ထုၪ့ အလးအီၪနးစီၪ့အ့ၬ. ယဂဲၫနုၬ လၧထံၫယိၬ အကျၩ
3 တၭ,ထံၫလုၬဘံၭ မၩလၩ့ဘၧၩ့ယၧၩလီၫ.- ဆၧပွံၭ ယၥၭလၧယကိၭထၪ့ဆၧအကၠီၩ့, ယခိၬဖၧၩ့ဎဲၫ့ထၪ့ တၭ,ယမ့ၬၥၪလူၬ လၧယယိလါ ယယွၩအဖၧၩ့ၥၭအ
4 ကၠီၩ့နီၪလီၫ.- တၭၦလၧအမ့ၬလဲၩယၧၩပျီၩပျီၩလဖၪ နီၪအီၪဝ့ၫအၪနဲၪ့ ယခိၪၥူၪအဘီၩ့နီၪဒံၭလီၫ. တၭၦ လၧအမိမၩဂၭဂီၩ့ယၧၩ, ယဒုၪယဒၩလတီၩဘၪလဖၪ နီၪအဂဲးအဘၭဆီၪ့ဆီၪ့လ့ၬလီၫ. တၭဆၧလၧယလ မၩန့ဘၪနီၪ, မွဲယဘၪဖ့ၪထဲၩ့ဆ့ဧၪ.
5 ယွၩဧ့,နၥ့ၪယၫယဆၧဂီၩ့ဆၧစၪတၭ, ယဆၧဒဲၩဘၭ
6 အီၪၥူၪခွံၬလၧနၧၩဆ့အ့ၬ.- ၦလၧအအီၪခိၭနၧၩလဖၪ နီၪယဟိဝၩဆၧၥုၭမုခမျၧးအကဆါဧ့, မွဲအထီးမ့ၬမဲ ဘၪလၧယကၠီၩ့လဂ့ၩ. ၦလၧအအၪ့ဎၬနၧၩလဖၪနီၪ, မွဲအထီးဘၪဆၧအီၪက့ၪမဲအမ့ၬ လၧယကၠီၩ့လဂ့ၩ,
7 အံၫစရ့လၭအယွၩဧ့,- အဂဲးဘဲၫယီၩ ယဘၪဆၧဒုၪ
8 ဒွ့ၪလၧနကၠီၩ့တၭ, ဆၧမ့ၬမဲလုၬဘံၭယမ့ၬလီၫ.- ယ ကဲၪထၪ့ၦမွံၩလၧယထၧၫ့ဖုဝဲအမ့ၬယၫ, ဒဲၦလခီၫဘၩ့
9 မုးဖိၪ လၧအမိအဖိၪခွၫၥံၪအမ့ၬယၫလီၫ.- အဂဲးဘဲၫ ယီၩယၥၭဆီၪ့လၧနဂံၪ့အဂးနီၪ အၪ့ခွံၬယူၭယၧၩယူၭ တၭ,ၦလၧအဒုၪဒွ့ၪနၧၩနီၪ အဆၧဒုၪ့ဒွ့ၪၥံၪလၩ့ဘၪ
10 ယူၭလၧယလီၩ့ယူၭ.- ယၥၭဒုၪဆၧအၪ့ဆၧအီၩအ ဘိၩ့ဘၭနီၪယမ့ၬထံၫလၩ့တၭ, ကဲၪထၪ့ဝ့ၫလၧဆၧဒုၪ
11 ဒွ့ၪယၧၩလီၫ.- ယအီၪက့ၪရၧၬအဆၧယၬလၧယကီၩ့ ယၥိၭတၭ, ယကဲၪထၪ့ဆၧချဲၩ့ဒီၩ့ လၧအဝ့ၫၥံၪအမ့ၬ
12 ယၫလီၫ.- ၦလၧအဆၧၫ့နၩ့ လၧတရၫ့အဖၧၩ့နီၪ ချဲၩ့ ဆၧထၫ့ဒုၪဒၩယၧၩလီၫ. တၭယကဲၪထၪ့ ၦအီၩမၧၩ့ ၥံၭထံၫဂၬထံၫအၥံၫကျံၩဆၧအလးနီၪလီၫ.
13 အ့ၪမွဲယဝ့ၫဒၪယီၩ လၧအဆၧၫ့အထီဘၪနီၪယဘၩ ဆိၪဖၪနၧၩ,ယဟိဝၩဧ့, ခိၭနၪယလူလၧနဆၧယၫ့ၥၭ ဒိၪအကၠီၩ့လၧနဆၧထိးထဲၩ့တၩ့ထဲၩ့ အဆၧမွဲဆၧတီၩ
14 နီၪဆံၭ, ယွၩဧ့,- ထုၭထၪ့ခွံၬယၧၩလၧကဖံၬလၩ့လၧၩ့ အကျၩနီၪဆံၭ, ထီးဒုၭလၩ့ဘၧၩ့ယၧၩလဂ့ၩ. တၭမွဲ ဆၧမၩဖီၩ့မၩဖျ့ၭယၧၩ လၧၦမ့ၬလဲၩယၧၩလဖၪ,
15 ဒဲလၧထံၫယိၬနီၪဆ့ဆံၭ.- ထံၫလုၬဘံၭဆၧနီၪ,မွဲအထီး မၩလၩ့ဘၧၩ့ယၧၩလဂ့ၩ. တၭထံၫယိၬဖၧၩ့နီၪ, မွဲအ ထီးယုလၩ့ခွံၬယၧၩလဂ့ၩ, မွဲဆၧဖၧၩ့နီၪထီးချႃၬဘံၭ
16 န့ယၧၩလၧအနိၭလဂ့ၩ.- ခိၭနၪယလူဆံၭ, ယဟိဝၩ ဧ့,အဂဲးဘဲၫယီၩနဆၧအဲၪအခိးအတၩ မွဲဆၧအဂ့ၩ လီၫ.ဘဲၫနယၫ့ၥၭဆၧအၪအၥိၭနီၪ ကၠၪနၥၭလၧယ
17 အီၪဆံၭ.- အီၪက့ၪၥူၪခွံၬနမ့ၬ လၧနခ့ၫနၡၩအအီၪလ ဂ့ၩ,အဂဲးဘဲၫယီၩယဘၪဆၧခိဆၧဝီၩလီၫ. ခိၭနၪယ
18 လူလၧအဆိၫအချဲၫ့ဆံၭ.- ၥုၭဘူၭနၥၭလၧယၥၭတၭ, ဎွ့ၩန့ထဲၩ့အဝ့ၫဆံၭ. မၩဖီၩ့မၩဖျ့ၭယၧၩ လၧယဒုၪ ယဒၩအကၠီၩ့နီၪဆံၭ.
19 နဝ့ၫဒၪနၥ့ၪယၫယဆၧဒုၪဒွ့ၪ, ဒဲယဆၧမ့ၬမဲ,ဒဲဆၧ အီၪက့ၪမဲယမ့ၬလီၫ. ယဒုၪယဒၩထီးအလူၬ အီၪဝ့ၫ
20 လၧနမ့ၬယၫလီၫ.- ဆၧဒုၪဒွ့ၪဒုၭၥုၪ့ခါၥၭလၩ့ယၧၩ တၭ,ယၥၭဆၫလီၫ. တၭယယိလါၦယၫ့ၥၭဆၧအ ဖၧၩ့ၥၭ,မွဲလါနၫ့အီၪအ့ၬ. ဒဲၦမၩမုၬဆၧအဖၧၩ့ယဒၪ
21 န့နးဂၩအ့ၬ.- တၭၦဖ့ၪလၫ့ယၧၩ ဆၧခၪလၧဆၧအၪ့ အဂးတၭ, ထီးဆၧၥၭဝံယၥၭလၧထံၫတၭ, အဝ့ၫၥံၪ ဒုၭအီၩယၧၩလၧဆၧဆဲၪ့ထံၫလီၫ.
22 မွဲအဝ့ၫၥံၪအစပွဲကဲၪထၪ့ဖျံၩခွၩ့ လၧအမ့ၬယၫဆံၭ. ဒဲၦလၧအမၩမုၬလၩဒၪအၥၭနီၪ မွဲအကဲၪထၪ့ခုၩလ
23 ခၫလၧအဂးဆံၭ.- မွဲအဝ့ၫၥံၪအမ့ၬၥၪခံၭလၩ့ဘဲၫၥိၭ အထီးဒၪဘၪဆၧလဂ့ၩတၭ, ဒုၭဝၭထိၬအယးဒံၩ့လ
24 ထံၪဎးဆံၭ.- လူၫလၩ့နဆၧၥၭထၪ့လၧအလီၩ့တၭ,မွဲ
25 နၥၭခဲၩထၪ့ဘၪအဝ့ၫၥံၪဆံၭ.- မွဲအအီၪအလးနီၪအီၪ ယူဝ့ၫဆံၭ. မွဲၦထီးအီၪ လၧအဝ့ၫၥံၪ အတဲၩလဖၪအ
26 ဖၧၩ့နီၪနးဂၩလဂ့ၩ.- အဂဲးဘဲၫယီၩအဝ့ၫၥံၪမၩအၧၩ့ မၩနၭၦလၧနကျီၪ့ဝ့ၫတၭ, လီၩဘၪဆၧလၧနၡၩဘၪ
27 ထံၭဆၫအဆၧၡၪ့ဆၧနၭအဂဲးလီၫ.- တၭအီၪက့ၪဆၧ အၧၩ့လၧ အဝ့ၫၥံၪအဆၧအၧၩ့အဖၫ့ခိၪဆံၭ. တၭဒုၭ လ့ၩနုၬအဝ့ၫၥံၪ လၧနဆၧတီၩဆၧလီၩ့အဖၧၩ့လဂ့ၩ.
28 တၭထူၭခွံၬအဝ့ၫၥံၪ လၧလံၬမၧၫ့အဖၧၩ့ဆံၭ. မွဲအထီး အီၪကွ့ၭအၥၭလၧၦအတီၩအလီၩ့အၥိၭလဂ့ၩ.
29 အ့ၪမွဲယဝ့ၫဒၪယီၩ, ယဘၪၡၪ့ဘၪနၭတၭ, ယၥုၪ့ အုၭယၥၭအုၭလီၫ. ယွၩဧ့,မွဲနဆၧထိးထဲၩ့တၩ့ထဲၩ့
30 နီၪအီၪက့ၪယၧၩလၧဆၧထၪ့ထီၫဆံၭ.- တၭယမိစံၭ ထၪ့အၪ့အူၭယွၩအမံၩ့ လၧဆၧၥံၫကျံၩအဖၧၩ့တၭ, ယမိအီၪက့ၪဒိၪအဝ့ၫ လၧဆၧစံၭထၪ့အၪ့အူၭလီၫ.
31 တၭအယီၩလၧယဟိဝၩအမ့ၬယၫ မွဲဆၧဂ့ၩနဲၪ့ချီဖၫ,
32 ချီဖၫလၧအအီၪလၧအနိၩ့ ဒဲခၪ့မံၪထ့ဖၭနီၪလီၫ.- တၭ ၦၡၩလၧအၥၭဆၧၩ့နီၪ ဒၪဘၪဝ့ၫတၭ, ၥၭထိၬဝ့ၫဒၪ လီၫ.ၦၡၩလၧအအၪ့ဎၬယွၩ, နၥံၪဝ့ၫဒၪယီၩ, နၥံၪအ
33 ၥၭမိမၧၫ့ဝ့ၫလီၫ.- အဂဲးဘဲၫယီၩယဟိဝၩခိၭနၪၦၡၪ့ ဖိၪယၬဖိၪအလူ, ဒဲၦလၧအဘၪဆၧစၧၩ့ထၬလဖၪနီၪ မၩကြၩ့ထမးဝ့ၫအ့ၬ.
34 မူၭခိၪဒဲဂၪ့ခိၪ, မၫဆမံၭ ဒဲကယဲဆၧအဂဲၩလၧအဖၧၩ့
35 ထီးအလူၬနီၪ, မွဲအစံၭထၪ့အၪ့အူၭအဝ့ၫနီၪဆံၭ.- အဂဲး ဘဲၫယီၩယွၩမိထိးထဲၩ့တၩ့ထဲၩ့ ဇံအိၫ့ဒဲမၩကဲၪထၪ့ ယုဒၫအဒိၩ့လဖၪ ဘဲၫၥိၭအဝ့ၫၥံၪ မိအီၪလၧအဖၧၩ့
36 ဒဲန့ဘၪဝ့ၫလၧ အဂးဒၪဝ့ၫဆ့လီၫ.- တၭအခ့ၫအ ၡၩအချံၫအၥၪနီၪမိန့ၥၫဝ့ၫတၭ, ၦလၧအအဲၪအမံၩ့လ ဖၪမိအီၪဂုးခၧၫ့လၧအဖၧၩ့လီၫ.