1 မွဲယွၩဂဲထုၪ့ဆံၭ, မွဲအဒုၪအဒၩၥံၪလၩ့ပြံၩလၩ့ပၩ ဆံၭ.တၭၦလဖၪလၧအမ့ၬလဲၩယွၩနီၪ မွဲအစဲၪ့ဖျိၭ 2 လၧအမ့ၬယၫဆံၭ.- တၭဘဲၫမ့ၪခူၪဒံၩခွံၬဝ့ၫအၥိၭနီၪ, နၫ့ထၪ့ခွံၬအဝ့ၫၥံၪ ဘဲၫနီၪအၥိၭဆံၭ. ဘဲၫဎိၭဖံထၪ့ ဝ့ၫလၧမ့ၪအမ့ၬယၫအၥိၭနီၪ, မွဲၦလတီၩလလီၩ့ဘၪ လဖၪဂၭဂီၩ့လၧယွၩအမ့ၬယၫ ဘဲၫနီၪအၥိၭဆံၭ. 3 အ့ၪမွဲၦတီၩၦလီၩ့လဖၪနီၪ, မွဲအၥၭထိၬဆံၭ. မွဲအၥုၪ့ ဎွံၫၥၭယီၫလၧယွၩအမ့ၬယၫဆံၭ. တၭမွဲအၥုၪ့ဎွံၫၥၭ ယီၫလၧဆၧၥၭထိၬဖၭဒိၪနီၪဆံၭ.

4 ၥံၫကျံၩထၪ့ယွၩတၭ, ၥံၫကျံၩအၪ့အူၭထၪ့အမံၩ့နီၪ ဆံၭ. မၩဖၧၩ့ၥၭနးဘီၩ့ လၧၦလၧအထၪ့ထူၬဆၧလၧ ၡါမုနၧၫ့ဖၫလဂၩအဂးနီၪဆံၭ. အမံၩ့မွဲယွၩတၭ, ၥုၪ့ 5 ဎွံၫၥၭယီၫလၧအမ့ၬယၫဆံၭ.- ယွၩလၧအအီၪလၧအ လးဆံၫ့ဎံၪအဖၧၩ့နီၪ, မွဲၦဖိၪဎွ့ၪအဖါ, ဒဲၦလၧအစ့ၩ 6 ရၫ့န့ၦမုၪမဲၪအခွးလီၫ.- ၦလၧအအီၪယူဝ့ၫနီၪယွၩဒုၭ ကဲၪထၪ့လၧဂံၪ့ဖိၪအဒီၪ့လဖၪတၭ, ၦလၧအဘၪဆၧ စၧၩ့ထၬဝ့ၫလဖၪ, ဒုၭစဲၪ့ထၪ့ခွံၬဝ့ၫ အ့ၪမွဲၦပိၩ့ထၪ့ဆၧ နီၪအီၪဝ့ၫလၧအလးဎဲၫ့ထၬလီၫ.

7 ယွၩဧ့, ထီးနလ့ၩထၪ့လၧနၡၩခမျၧးအမ့ၬယၫတၭ, ထီးနဂၭဝံၩ့ဝၩ့လၧၡါမုနၧၫ့ဖၫအဘိၩ့ဘၭနီၪ, (စ့လၫ.) 8 ဂၪ့ခိၪဝၭၡိၩ့ၡိၭ, မွဲမၬ, မူၭခိၪလၩ့ဆၩ့လၧယွၩအမ့ၬ ယၫမွဲဝ့ၫစဲနၫ လၧယွၩအမ့ၬယၫ, အံၫစရ့လၭအယွၩ 9 နီၪလီၫ.- ယွၩဧ့, နအၪ့မၧၫ့ဆၧဂဲၫဆၧၩ့အၪအၪလ့ၬ, လၧနၡၩန့ၥၫဆၧအဂးတၭ, ထီးအၥၭလၩ့ဘဲၩနီၪ, န 10 ဒုၭဆီၪ့ထၪ့ဝ့ၫလီၫ.- တၭနၡၩလဒီၪ့အီၪဝ့ၫ လၧအ ဖၧၩ့လီၫ.လၧနဆၧဂ့ၩအဖၧၩ့, နဝ့ၫဒၪ, နတဲၩ့ဝဲၩဆၧ 11 လၧၦၡၪ့ဖိၪယၬဖိၪအဂး, ယွၩဧ့,- ကဆါအလူလၩ့ တၭ,ၦမုၪၥံၪလၧအမၩဂၧၫ့ထၪ့ၥၩလၩ့ ဆၧၥၭထိၬအ 12 ပရၧၫ့နီၪအီၪခမျၧးဖၭဒိၪလီၫ.- ၥုၭမုခမျၧးအစဎွၩၥံၪ စဲၪ့ဖျိၭဝ့ၫ,စဲၪ့ဖျိၭဝ့ၫတၭ, ၦမုၪလၧအအီၪဒၪဆၧလၧ 13 ဂံၪ့ဖၧၩ့နီၪအၪ့နၩ့ဖၭဆၧအၪ့ဂူၬန့လီၫ.- ထီးနၥံၪမံၫနၩ့ လၧၥိၪဖီၩ့အဘိၩ့ဆၧၩ့တၭ, နၥံၪမိမၩအၥၭဘဲၫထိၪ လွံအဒံၭဖၩ့ဝ့ၫလၧစ့ၩ, ဒဲအဆီၪ့နီၪဘဲၫလၧထီၫ့ဘၩ့အ 14 ၥိၭလီၫ.- ထီးၦၥ့ၪဆၧလူၬ မၩလၩ့ပြံၩလၩ့ပၩ စဎွၩ ၥံၪလၧအဖၧၩ့တၭ, ဆၧဘွၩဘဲၫမူၭခိၪဖီၫ လၧစၫလမိၫ့ အလီၩ့နီၪလီၫ.

15 ဘၫၡၫ့နီၪမွဲယွၩအခိၪလီၩ့တၭ, ဘၫၡၫ့နီၪ,မွဲခိၪလီၩ့ 16 အခံၫစူၩလဖၪလီၫ.- ခိၪလီၩ့လၧယွၩဆိၫ့ အီၪလၧအ ဖၧၩ့,ခိၪလီၩ့အခံၫစူၩၥံၪဧ့, မွဲဘၪနီၫလၧနၥံၪခိၭယိ လၧဆၧၥၭခ့ၬနီၪလဲၪ,မွဲမၬ, ယဟိဝၩမိအီၪဝ့ၫလၧအ 17 လီၩ့အဆိၩဆိၩအကၠၪကၠၪလီၫ.- တၭယွၩအလဲၪ့ၥုၭ လဖၪအီၪအလၬၥံၪ အဘျၩ့အလၬၥံၪ, အထီၫ့ၥံၪအ ဘျၩ့အထီၫ့ၥံၪအဖၫ့ခိၪလီၫ. ယဟိဝၩအီၪဝ့ၫလၧအ 18 ဝ့ၫၥံၪအကျၩ, စဲနၫအီၪလၧအလးဆံၫ့ဎံၪဖီၩ,- နလ့ၩ ထၪ့ယူၭလၧဆၧထၪ့ထီၫယူၭ. နမီၩ့ထၪ့ အၪ့မၧၫ့ဎီး ယူၭဆၧလၧအအၪ့မၧၫ့ဎီးဆၧနီၪ, နမၩန့ယူၭဆၧဖ့ၪ လၫ့လဖၪလၧၦၡၩအဂးယူၭ, လၧၦပိၩ့ထၪ့ဆၧအဂး 19 ဒၪလ့ၬ, ဘဲၫၥိၭနမိအီၪ,ယဟိဝၩ,ယွၩဧ့.- မွဲကဆါဘၪ ဆၧစံၭထၪ့အၪ့အူၭလနံၩဘၪလနံၩနီၪဆံၭ. ဆၧအီၪ က့ၪဆၧယိၭဎၧၫ့လၧပလီၩ့ဎလါနၫ့ၭတၭ, ဆၧထိးထဲၩ့ တၩ့ထဲၩ့ပၧၩနီၪမွဲယွၩလီၫ. (စ့လၫ.) 20 ယွၩနီၪမွဲဆၧထိးထဲၩ့တၩ့ထဲၩ့ပၧၩအယွၩလီၫ.တၭ ဆၧဒုၭစဲၪ့ထၪ့ခွံၬ လၧဆၧၥံၫအဖၧၩ့လဖၪနီၪ အီၪဝ့ၫ 21 လၧယဟိဝၩ, ကဆါနီၪလီၫ.- မွဲမၬ, ယွၩမိဖ့ၬခွံၬအဒုၪ အဒၩၥံၪအခိၪဎွံၪ, ၦလၧအလ့ၩဆၧလၧအဆၧမၪ အ 22 ဖၧၩ့နီၪအခိၪဒၩ့အီၪလၧခိၪၥူၪနီၪလီၫ.- ကဆါစံၭဝ့ၫ ဒၪ,ယမိဒုၭဂဲၫထဲၩ့ဆၧလၧဘၫၡၫ့အအီၪ ယမိဒုၭဂဲၫ 23 ထဲၩ့ဆၧလၧမၫဆမံၭအဆၧယိၬဖၧၩ့နီၪ.- ဘဲၫၥိၭနမိ ယဲးလၩ့လၧဆၧၥွံၪဖၧၩ့တၭ, နထွံၪၥံၪအဖျ့ၩန့ဘၪအ 24 ဂးလၧဒုၪဒၩၥံၪအအီၪလီၫ.- တၭအဝ့ၫၥံၪဒၪဘၪဝ့ၫ လၧနလ့ၩဆၧယွၩဧ့, ယယွၩ,ယစဎွၩအလ့ၩဆၧလၧ 25 အလးဆံၫ့ဎံၪအဖၧၩ့နီၪလီၫ.- ၦၥံၫကျံၩဆၧၥံၪလ့ၩလၧ ယၫ,ၦဒံၩ့နါဒံၩ့ၥံၪလၧခဲၫ့, ၦမုၪနၩ့ၥံၪလၧအဖိၬစံၩ့စံၩ့ 26 လဖၪအီၪဝ့ၫလၧအကျၩလီၫ.- လၧၦအဒီၪ့ၥံၪအဖၧၩ့, ၦဘၪဆဲၫ့လၧၦအံၫစရ့လၭအထံၫထၪ့ဖျိၭနီၪ, စံၭထၪ့ 27 အၪ့အူၭယွၩ, ကဆါလဂၩလီၫ.- ၦအဆံၭ, ၦလၧအ ပၧၩ့ဆၧ,ဘံၪ့ယမံၫ့ယုဒၫအၦဒိၪဖၭဒိၪၥံၪ, အၡၩခ မျၧး,ဇ့ၭဘလၧၫ့ အၦဒိၪဖၭဒိၪၥံၪ, နၭၥလဲၫအၦဒိၪ 28 ဖၭဒိၪၥံၪအီၪထီးနီၪလီၫ.- နယွၩအီၪက့ၪလၩ့ယူၭနဂဲး နဘၭယူၭ, ယွၩဧ့, ဆၧလၧနမၩလၧပဂး မၩဆီၪ့ထၪ့ ဆံၭ.

29 လၧနနီးအီၪလၧယရုစလံၫ့အဖၧၩ့အကၠီၩ့နီၪ, စဎွၩ 30 ၥံၪမိဂဲၫဆိၬ ဆၧဖ့ၪလၫ့လၧနအီၪလီၫ.- အၪ့ၥီၪ့ဖီးအ ဆၧဖိၪဆၧဎါအမံၩ့, ချီဖၫအဒီၪ့,ဒဲၦခမျၧးအချီဖိၪၥံၪ, လၧအဆၪ့လၩ့အဝ့ၫၥံၪအၥၭ လၧစ့ၩအဘံၪ့လဖၪနီၪ ဆံၭ.အဝ့ၫဒၪမၩလၩ့ပြံၩလၩ့ပၩ ၦၡၩလၧအမုၬအၥၭ 31 လၧဆၧဒုၭၥုၭ အဖၧၩ့နီၪလီၫ.- ၦဒိၪလဖၪ မိဂဲၫထၪ့ လၧအံဇံၭအဖၧၩ့, ကုၡၫနီၪ မိယူၬထၪ့အစူၪ ချဲၫ့ချဲၫ့ လၧယွၩအအီၪလီၫ.

32 ဂၪ့ခိၪအဘၩ့ၥံၪမုးၥံၪဧ့, ၥံၫကျံၩထၪ့ယွၩဆံၭ. စံၭ 33 ထၪ့အၪ့အူၭကဆါဆံၭ. (စ့လၫ.)- ၦလၧအထူၬမူၭ ခိၪအမူၭခိၪလၧဖျိၩ့လဂၩနီၪ စံၭထၪ့အၪ့အူၭအဝ့ၫနီၪ 34 ဆံၭ.ယိခွါ, အလူလၩ့ဝ့ၫအၥီၫဖၭဒိၪလီၫ.- အီၪက့ၪ ဆၧဂဲးဆီၪ့ဘၭဆီၪ့ လၧယွၩဆံၭ. အလၩအဖၩ့အီၪ ဝ့ၫလၧအံၫစရ့လၭအဖၫ့ခိၪ, ဒဲအစီၩ့အမၩ့အီၪဝ့ၫလၧ 35 ဆၧအုၪ့လဖၪလီၫ.- ယွၩဧ့, နမွဲဆၧၥၭမဲၪအလးလၧ နလးဆံၫ့ဎံၪအဖၧၩ့လီၫ. အံၫစရ့လၭအယွၩ မွဲၦလၧ အဖ့ၪလၫ့ၦၡၩခမျၧး လၧအဂဲးအဘၭ ဒဲဆၧအစီၩ့အ မၩ့လီၫ. စံၭထၪ့အၪ့အူၭယွၩဆံၭ.