53
1 ၦအဂီၩ့စံၭယူၭလၧအၥၭခံဖၧၩ့, ယွၩအီၪနးဂၩအ့ၬ. အဝ့ၫၥံၪအၧၩ့ဝ့ၫၥၫ့ဝ့ၫတၭ, မၩယူၭဆၧၥၭလိၪယူၭ, ၦ
2 မၩဆၧဂ့ၩအီၪနးဂၩအ့ၬ.- ၦလၧအၥၭဖၭ, ၦအၪ့ဎၬ ယွၩနီၪ,မွဲအအီၪလအီၪဘၪလဲၪ, ဘဲၫၥိၭအမိဒၪဘၪဝ့ၫ တၭ,ယွၩယိလၩ့လၧမူၭခိၪ လၧၦၡၩဖိၪခွၫၥံၪအလီၩ့
3 လီၫ.- တၭအဝ့ၫၥံၪဂၧၩ့ထဲၩ့ယူၭ အၥၭထီးအလူၬယူၭ, အုၪထၪ့ယူၭလစီၪ့ဎးယူၭ, ၦမၩဆၧဂ့ၩအီၪနးဂၩအ့ၬ, န့ၫလဂၩနီၪအီၪအ့ၬ.
4 တၭၦလၧအမၩဆၧအၧၩ့လဖၪနီၪ, မွဲအၥ့ၪယၫဆၧ နးမံၩ့အ့ၬဧၪ. တၭအၪ့ဝ့ၫယၡၩခမျၧး, ဘဲၫအအၪ့ကိၪ
5 အၥိၭတၭ, ကိၭထၪ့ယွၩနီၪဆ့အ့ၬ.- လၧဆၧၥၭမဲၪ အလးလအီၪဘၪနီၪ, ထီးနီၪအဝ့ၫၥံၪၥၭမဲၪဆၧဖၭဒိၪ လီၫ.အဂဲးဘဲၫယီၩယွၩမၩလၩ့ပြံၩလၩ့ပၩ ၦၥုၪ့တဲၩ ထၫ့ဒုၪဒၩနၧၩလဖၪအဎွံၪၥံၪလီၫ. နဒုၭမ့ၬမဲအဝ့ၫၥံၪ နီၪ,အဂဲးဘဲၫယီၩ ယွၩမ့ၬလဲၩအဝ့ၫဒၪလီၫ.
6 အံၫစရ့လၭအဆၧထိးထဲၩ့တၩ့ထဲၩ့နီၪ, မွဲအဂဲၫ ထၪ့လါလၧဇံအိၫ့ အဖၧၩ့နီၪဆံၭ. တၭထီးယွၩဒုၭထဲၩ့ ထဲၩ့အၡၩဆၧအၪ့မၧၫ့ဎီးဝ့ၫနီၪတၭ, ယၫကူၭမိၥုၪ့ဎွံၫ ၥၭယီၫတၭ, အံၫစရ့လၭမိၥုၪ့ထိၬၥၭထိၬလီၫ.