52
1 ၦလၧအဂဲးဆီၪ့လဂၩဧ့, မွဲဘၪနီၫလၧနအီၪက့ၪဖိၫ လိၫနၥၭလၧဆၧအၧၩ့အကၠီၩ့နီၪလဲၪ, ယွၩအခိးအတၩ
2 အီၪဝ့ၫကိၭမုနံၩမုနၩဒ့ၭလီၫ.- နဖျ့ၩကိၪ့ထၪ့ဆၧမၩ အၧၩ့ဘဲၫဒီၩလိၩ့ဆၧအနါအဲၪ့ဝ့ၫအၥိၭနီၪ, မၩအၪ့လီၫ ဆၧလီၫ.
3 နအဲၪဆၧအၧၩ့ဒိၪနဲၪ့ဆၧဂ့ၩဒံၭ, ဒဲဆၧချဲၩ့ဘျံၭချဲၩ့ ဘျၪနီၪအၪနဲၪ့ဆၧချဲၩ့တီၩနီၪဒံၭလီၫ. (စ့လၫ.)
4 နအဲၪကယဲဆၧချဲၩ့မၩဂၭဂီၩ့ဆၧ, ဖျ့ၩအၪ့လီၫဆၧ
5 ဧ့,- ယွၩမိမၩဂၭဂီၩ့နၧၩ လၩ့ဆိၩလၩ့ကၠၪဆ့လီၫ. အ ဝ့ၫဒၪမိဖီၪ့ထၬနၧၩတၭ, မိထုၭထၪ့ခွံၬနၧၩလၧတဲၩဖၧၩ့တၭ, ထ့ၭထၪ့ခွံၬနၧၩလၧခးလၧၦမၧၫ့ဝ့ၫအဖၧၩ့နီၪလီၫ.(စ့လၫ.)
6 ၦအတီၩအလီၩ့မိဒၪဘၪဝ့ၫ, ဒဲၥၭမဲၪဝ့ၫတၭ, နံဘၪ
7 ဝ့ၫနီၪလီၫ.- ယိခွါ, ၦလဂၩလၧအလအီၪက့ၪဘၪယွၩ လၧအဂဲးအဘၭတၭ, ဒိၭနဲၩ့အၥၭလၧအဆၧလၧၫ့ဆၧ ဎွ့ၩအၪအဖၧၩ့တၭ, မၩဆီၪ့ထၪ့အၥၭလၧအဆၧအၧၩ့ လဖၪနီၪ, ယိၦလဂၩနီၪဆံၭ.
8 တၭယဝ့ၫဒၪယီၩ ယလၩ့ဂၬဘဲၫအလဲအိၫ့အၥံၫ့ဆ့ၭ လထံၭလၧယွၩ အဂံၪ့ဖၧၩ့အၥိၭနီၪလီၫ. တၭယဒိၭနဲၩ့ ယၥၭလၧယွၩအဆၧယၫ့ၥုၪ့ယၫ့ၥၭ လၩ့ဆိၩလၩ့ကၠၪ လီၫ.
9 တၭယမိစံၭထၪ့အၪ့အူၭနၧၩ လၩ့ဆိၩလၩ့ကၠၪဆ့, အဂဲးဘဲၫယီၩနမၩနဝ့ၫလီၫ. တၭယယိလါဆၧလၧ နမံၩ့နီၪ, အဂဲးဘဲၫယီၩ ဂ့ၩဝ့ၫလၧၦဆံၫ့ဎံၪအမ့ၬယၫ လီၫ.