42
(အၪ့,၄၂-၇၂.)
1 တၭဘဲၫခ့ၫဘၩ့ဆိၫ့ဒၪန့ထံၫချိၬအၥိၭနီၪ, ယၥၭဆိၫ့
2 ဒၪန့နၧၩဘဲၫနီၪၥိၭ,ယွၩဧ့,- ဆၧၥူၫယၥၭလၧယွၩ, ယွၩလၧအမၧၫ့ဝ့ၫလဂၩလီၫ. တၭယမိလ့ၩအီၪဘၪ
3 လၧယွၩအမ့ၬယၫဆံၭယံၬခိၬလဲၪ,- လၧအဝ့ၫၥံၪစံၭ ယၧၩလထံၪဎးအဘိၩ့ဘၭ, မွဲနယွၩအီၪခီၫခီၫလဲၪနီၪ, ယမ့ၬထံၫမွဲယဆၧအၪ့ လၧမုဆၫဒဲလၧမုနၩလီၫ.
4 ထီးယအ့ၪနၪ့ထၪ့ထဲၩ့ဆၧလဖၪယီၩတၭ, ယလူၫ လၩ့ခွံၬယၥၭလၧယဖၧၩ့လီၫ. အဂဲးဘဲၫယီၩ ယလ့ၩ ယူၭလၧၦခမျၧးအၥိၭ, ယလ့ၩယဝ့ၫလၧအၥိၭ လၧ ယွၩအဂံၪ့ လၧဆၧၥုၪ့ဎွံၫၥၭယီၫအၥီၫ, ဒဲဆၧစံၭထၪ့အၪ့ အူၭတၭ, ယအီၪလၧၦခမျၧးအၥိၭလၧအမၩဘိၪ့ဆၧ လီၫ.
5 ယၥၭဧ့, မွဲဘၪနီၫလၫလၧ နၥုၪ့ခါနၥၭလၩ့နီၪလဲၪ, တၭနၥုၪ့ခိနၥၭဝီၩ လၧယဖၧၩ့မွဲဘၪလဲၪ. ယိလါနဝ့ၫ လၧယွၩအဖၧၩ့ဆံၭ. အဂဲးဘဲၫယီၩယမိစံၭထၪ့အၪ့အူၭ ဒံၭအဝ့ၫနီၪဒံၭ, လၧအမွဲယဆၧထိးထဲၩ့တၩ့ထဲၩ့ ဒဲယ ယွၩလီၫ.
6 ယၥုၪ့ခါယၥၭလၩ့လၧယဖၧၩ့လီၫ. မၩအၥၭဘဲၫနီၪ တၭ, ယမိနၪ့ထၪ့ထဲၩ့နၧၩလၧယီၫဒၫ့အခးဖၧၩ့, ဒဲလၧ ဟၧမၧၫ့ၥံၪ, ဒဲလၧခိၪလီၩ့မဲဇၫ အလီၩ့နီၪလီၫ.
7 ထံၫယိၬဖၧၩ့ကိၭထၪ့ဝ့ၫ လၧထံၫယိၬဖၧၩ့လၧနထံၫ လၩ့ဆ့ၭလဖၪအၥီၫလီၫ. ကယဲနလပီၩဘွၩခိၪ ဒဲနလ
8 ပီၩမုလဖၪဂဲၫချႃၬဘံၭယၧၩလီၫ.- လၧမုဆၫလခီၫနီၪ ယဟိဝၩ မၪလူၬအဆၧအဲၪအခိးအတၩ, ဒဲလၧမုနၩ လခီၫအဆၧၥံၫကျံၩ အီၪလၧယၧၩတၭ, ယဆၧဘၩဆိၪ
9 ဖၪထီၩ့လၧယၥၭမၧၫ့အယွၩလီၫ.- ယမိစံၭ,ယလဲၫ့, ယွၩဧ့, မွဲဘၪနီၫလၫလၧနၥၭနၪ့ယၧၩလဲၪ. ယလ့ၩဆၧ တၭ,ယလ့ၩလၧဆၧၥုၪ့အုၭၥၭအုၭ လၧဒုၪဒၩမၩအၧၩ့
10 ဆၧအကၠီၩ့နီၪမွဲဘၪလဲၪ.- ထီးယဒုၪယဒၩစံၭယၧၩ ကိၭမုနံၩမုနၩဒ့ၭ, နယွၩအီၪခီၫခီၫလဲၪနီၪတၭ, ဒုၪဒွ့ၪ ယၧၩတၭ,မၩအၥၭဘဲၫဆၧမၩလၩ့ဘျ့ၭ ယဎွံၪလဖၪ လီၫ.
11 ယၥၭဧ့, မွဲဘၪနီၫလၫလၧနၥုၪ့ခါနၥၭလၩ့နီၪလဲၪ. တၭနၥုၪ့ခိနၥၭဝီၩ လၧယဖၧၩ့မွဲဘၪလဲၪ. ယိလါနဝ့ၫ လၧယွၩအဖၧၩ့ဆံၭ, အဂဲးဘဲၫယီၩ ယမိစံၭထၪ့အၪ့ အူၭဒံၭအဝ့ၫနီၪဒံၭ, လၧအမွဲယဆၧထိးထဲၩ့တၩ့ထဲၩ့, ဒဲယယွၩလီၫ.