1 ၦလၧအကၩ့ကၩဆၧ လၧၦၡၪ့ဖိၪယၬဖိၪအဂးနီၪ, ဘၪဆိၪဂ့ၩဝ့ၫလီၫ. လၧဆၧအၧၩ့ဆၧၥၫ့ အမုနံၩနီၪ, 2 ယဟိဝၩမိမၩဖီၩ့မၩဖျ့ၭအဝ့ၫဒၪလီၫ.- တၭယဟိဝၩ ယိလၩ့ခွါလၩ့ဝ့ၫတၭ, ဒုၭမၧၫ့ဒံၭအဝ့ၫဒၪလီၫ. တၭ အဝ့ၫဒၪမိဘီၪထၪ့ယီၫထၪ့ လၧထံၫၥံၪခးၥံၪအဖၧၩ့တၭ, နမိဖ့ၪလၫ့ခွံၬအဝ့ၫ ထီးအဒုၪအဒၩ အၥၭအီၪဝ့ၫနီၪဆ့ 3 အ့ၬ.- တၭယဟိဝၩ မိမၩဆီၪ့ထၪ့အဝ့ၫလၧ ဆၧလၩ့ ပွံၭလၩ့ဘဲၩအလးမံၫခိၪလီၫ. နမိတဲၩ့ဝဲၩအလးမံၫလၧ အဘၪဆၧဆၫအခံၫ့အခၫနီၪလီၫ.

4 ယစံၭ, ယဟိဝၩဧ့, ယၫ့ၥုၪ့ယၫ့ၥၭယၧၩတၭ,မၩ ဘျၪထဲၩ့ယၥၭဆံၭ, အဂဲးဘဲၫယီၩယမၩမၪဘၪယူၭ 5 နၧၩယူၭ.- ယဒုၪယဒၩနီၪ ချဲၩ့ဆၧအၧၩ့လၧယဂဲး ယကၠီၪ့တၭ, မွဲအမိၥံၫဒဲအမံၩ့ဂၭဂီၩ့နီၪ ဆံၭယံၬလဲၪ. 6 အ့ၪဂဲၫယိဆၧနီၪ ချဲၩ့ဆၧအဘျံၭအဘျၪတၭ လၧအ ၥၭခံဖၧၩ့နီၪ အီၪက့ၪကီၪ့ဆၧအၧၩ့ဆၧၥၫ့ လၧအဂးဒၪ ဝ့ၫလီၫ.တၭစဲၪ့ထၪ့ဝ့ၫလၧခီၫနီၪ လီၩလၩ့လၬလၩ့ဝ့ၫ 7 ဒၪလီၫ.- ကယဲၦလၧအမ့ၬလဲၩယၧၩ ထီးအလူၬလဖၪ နီၪ, ချဲၩ့ဘံၪၥွံၫလိၬအၥၭ ထၫ့ဒုၪဒၩယၧၩလီၫ. တၭအ 8 ဝ့ၫၥံၪကိၪ့ထၪ့ဆၧအၧၩ့လၧယဂးလီၫ.- စံၭဝ့ၫ ဆၧ အၧၩ့ဘုၭထၬလၧအဝ့ၫနီၪတၭ, လၧအလးမံၫနီၪမိဂဲ 9 ထုၪ့လၧၩ့အ့ၬ.- မွဲမၬ, ယထံၩယၥိၭလၧယဒိၭနဲၩ့ယ ၥၭလၧအစူၪဖၧၩ့, လၧအအၪ့ယကိၪဆ့လဂၩနီၪ ထၧၫ့ယၧၩလၧအခၪ့နိးခဲၫ့လီၫ. 10 တၭနဝ့ၫဒၪယီၩ, ယဟိဝၩဧ့, ယၫ့ၥုၪ့ယၫ့ၥၭယၧၩ, ဘိၭဆၧၫ့ထုၪ့ယၧၩ လၧယမိဖ့ၪထဲၩ့အဝ့ၫ အဂဲးနီၪ 11 ဆံၭ.- တၭယၥ့ၪယၫဆၧမုၬနၥၭလၧယဖၧၩ့, အဂဲး ဘဲၫယီၩယဒုၪယဒၩၥုၪ့ဎွံၫၥၭယီၫ လၧယဖၫ့ခိၪအ့ၬ. 12 တၭဆၧလၧယၧၩယီၩ, နဒုၭအီၪဂုးအီၪခၧၫ့ယၧၩလၧ ယဆၧလၧၫ့ဆၧဎွ့ၩအဖၧၩ့တၭ, နအီၪက့ၪလၩ့ယၧၩ လၧနမ့ၬယၫလၩ့ဆိၩလၩ့ကၠၪလီၫ.

13 ယဟိဝၩအံၫစရ့လၭအယွၩနီၪ မွဲအဘၪဆၧစံၭထၪ့ အၪ့အူၭဝ့ၫ လၧအဆိၩဆိၩအကၠၪကၠၪ, ဒဲထီၩ့လၧအ ဆိၩဆိၩအကၠၪကၠၪနီၪဆံၭ. အၩမံၩ့, ဒဲအၩမံၩ့.