20
1 လၧဆၧမၩခိမၩဝီၩအမုလနံၩနီၪ, မွဲယဟိဝၩခိၭ နၪနလူဆံၭ. မွဲစယၫကူၭအယွၩအမံၩ့နီၪအီၪက့ၪနၧၩ
2 လၧဆၧထၪ့ထီၫဆံၭ.- မွဲအအၪ့မၧၫ့လၩ့ဆၧမၩဆၧၩ့ နၧၩလၧအလးဆံၫ့ဎံၪတၭ, ဒုၭအီၪဂုးအီၪခၧၫ့နၧၩ လၧဇံ
3 အိၫ့နီၪဆံၭ.- နၪ့ထၪ့ထဲၩ့နဆၧမၩဘိၪ့ထီးအလူၬတၭ,
4 ထိးဆၧၫ့နဆၧလုမ့ၪနီၪဆံၭ.- မွဲအဖ့ၪလၫ့နၧၩလၧဆၧ ထီးဒၪနၥၭတၭ, မၩလၧၫ့ထၪ့ဎွ့ၩထၪ့ နဆၧကိၪ့ထၪ့
5 ဖၭလၩ့ထီးအလူၬနီၪဆံၭ.- ပမိၥုၪ့ဎွံၫၥၭယီၫလၧနဆၧ ထိးထဲၩ့တၩ့ထဲၩ့အဖၧၩ့တၭ, လၧပယွၩအမံၩ့နီၪ ပမိ ဘိၭထၪ့ၥုၭဖိၪအလၫ့လီၫ. မွဲယဟိဝၩဖ့ၪလၫ့ဆၧလၧ နအၪ့ကံၩ့လဖၪထီးအလူၬဆံၭ.
6 ဘိၩ့နဲၪ့ယီၩယၥ့ၪယၫ လၧယဟိဝၩ ထိးထဲၩ့တၩ့ ထဲၩ့အၡၩဒိၭဂုၪအၥၭလဂၩနီၪလီၫ. မိခိၭနၪဝ့ၫအလူ လၧအမူၭခိၪဆံၫ့ဎံၪတၭ, မိထိးထဲၩ့တၩ့ထဲၩ့ဆၧလၧ အစူၪထွ့ၪလီၫ.
7 ၦလနၩ့နၩ့ဒိၭနဲၩ့အၥၭလၧလဲၪ့ၥုၭၥံၪတၭ, ၦလနၩ့ နၩ့လၧကၥ့ၪၥံၪ, အ့ၪမွဲပဝ့ၫဒၪယီၩ ပမိအၪ့အူၭလၩ့
8 ပၥၭလၧယဟိဝၩအမံၩ့လီၫ.- အဝ့ၫၥံၪနီၪခိၬလၩ့ယူၭ ဒဲလၩ့ထံၩဖါယူၭ, အ့ၪမွဲပဝ့ၫဒၪယီၩ ပဂဲထုၪ့ထၪ့ဒဲပ အီၪထုၪ့လၧၫ့ဝ့ၫလီၫ.
9 ယဟိဝၩဧ့, ထိးထဲၩ့တၩ့ထဲၩ့ဆၧဆံၭ, ထီးပအ့ၪ ကိၭထၪ့ဆၧလနံၩနီၪ, မွဲစဎွၩခိၭနၪပလူဆံၭ.