19
1 မူၭခိၪဒုၭဖျီၪထၪ့ယွၩအလၩအဖၩ့, ဒဲဆၧလၧအမၩ
2 ဝ့ၫလၧအစူၪနီၪ မူၭဖိၭဖၫ့ ဒုၭနဲၪဝ့ၫလီၫ.- လနံၩဘၪ လနံၩလီၩဖျီၪထၪ့ဆၧ, ဒဲလနၩဘၪလနၩဒုၭနဲၪဆၧၥ့ၪ
3 ယၫလီၫ.- အလးလၧဆၧအလၨအီၪမွဲဂ့ၩ, ဒဲဆၧချဲၩ့ အီၪမွဲဂ့ၩ, ဆၧလနါဂၧၫ့ဘၪအဝ့ၫၥံၪအလူနီၪ, အီၪနး
4 စီၪ့အ့ၬ.- လၧဂၪ့ခိၪထၧၫ့ဖျိၪ့ယၫနီၪ အဖျံၩထိၪဆၧ လ့ၩထၪ့ဝ့ၫတၭ, အဆၧချဲၩ့နီၪထီၩ့လၧဂၪ့ခိၪအထုၬ နီၪလီၫ.တၭအဝ့ၫဒၪအီၪက့ၪတဲၩလဖျိၪ့ လၧမုအဂး
5 လၧအဖၧၩ့နီၪလီၫ.- အဝ့ၫနီၪမၩအၥၭဘဲၫတလၭမူၭ အခွၫလၧအဂဲၫထၪ့လၧဒူၭဖၧၩ့အၥိၭနီၪတၭ, အၥုၪ့ဎွံၫ အၥၭယီၫ ဘဲၫၦအဂဲးဆီၪ့ လၧအမိစဲၪ့ပြၧၩ့အၥိၭနီၪ
6 လီၫ.- ဂဲၫထၪ့ဝ့ၫလၧမူၭထံၭတၭလ့ၩဎဲၪ့ဝၬဝ့ၫလၧမူၭ ထံၭနီၪလီၫ. တၭလၧအဆၧခိအမ့ၬယၫနီၪ ဆၧအီၪ ဘံၭဝ့ၫနးမံၩ့အ့ၬ.
7 ယဟိဝၩအဆၧၥီၪ့ဆၧၥၫ့နီၪ လၧၫ့ထၪ့ဎွ့ၩထၪ့တၭ, ဒုၭၥၫ့ထၪ့ထဲၩ့ပၥၭလီၫ. ယဟိဝၩအဆၧထိးအၥၭနီၪ မွဲအတီၩတၭ, ဒုၭကိၪ့ၥ့ၪၦလၧအၥၭလဖၭဘၪလီၫ.
8 ယဟိဝၩအၥနိၫလဖၪတီၩဝ့ၫတၭ, မၩဎွံၫထၪ့ထဲၩ့ၦၥၭ လီၫ. ယဟိဝၩအဆၧမၪလူၬနီၪဆံၫ့ဎံၪဝ့ၫတၭ, မၩဖၩ့
9 ထၪ့ၦမ့ၬၥၪလီၫ.- ဆၧၥၭမဲၪယဟိဝၩနီၪဆံၫ့ဝ့ၫတၭ, အီၪဝ့ၫအဆိၩဆိၩအကၠၪကၠၪလီၫ. ယဟိဝၩအဆၧ စ့ၩရၫ့လဖၪနီၪမွဲဆၧတီၩတၭ, အဝ့ၫၥံၪတီၩလိၬလီၩ့လိၬ
10 အၥၭထီးအလူၬလီၫ.- ၦၥၭကွံၩဆၧလဖၪနီၪ အလး အီၪအၪနဲၪ့ထီၫ့, ဒိၪနဲၪ့ထီၫ့ဆံၫ့အၪအၪလ့ၬလီၫ. ဆၧၫ့ နဲၪ့န့ၫစၩ့ဒဲန့ၫစၩ့လၧအလၩ့ဆၩ့ လၧအခိၪထံၫဖၧၩ့နီၪ ဒံၭလီၫ.
11 နခ့ၫနၡၩဒိၭဆၧၥီၪ့ဆိၫဝ့ၫလၧအဝ့ၫၥံၪတၭ, ၦလၧ
12 အထီးန့ဝ့ၫနီၪဒိၭန့အခိးအတၩဖၭဒိၪလီၫ.- တၭဆၧ ၥူၭဆၧမၪလဖၪနီၪ မွဲပလၫနၪမိၥ့ၪလဂၩလဲၪ. လၧဆၧ
13 လဖျီၪဘၪလဖၪနီၪ, မၩဖီၩ့မၩဖျ့ၭယၧၩဆံၭ.- ပဒၩ့ထၬ နခ့ၫနၡၩ လၧဆၧမၪအဒူၩဆ့ဆံၭ. မွဲအထီးပၧၩ့ဘၪ ယၧၩလဂ့ၩ, ထီးနီၪလဖၧၫ့ယမိကဲၪၦအတီၩတၭ,ဆၧ မၪအဒိၪအယိၬအီၪအ့ၬ.
14 ယနိၭအဆၧချဲၩ့လဖၪ, ဒဲယၥၭအဆၧဆီၫ့မီၪ့လဖၪ လၧနမ့ၬယၫနီၪ, မွဲအကဲၪဆၧဘၪနၥၭဆံၭ, ယလဲၫ့ဒဲ ဆၧဎွ့ၩန့ထဲၩ့ယၧၩ, ယဟိဝၩဧ့.