143
1 ယဟိဝၩဧ့, ခိၭနၪယဆၧဘၩဆိၪဖၪ, ဒိၭနနါလၧယ အၪ့ယၫဆၧဆံၭ. ဘဲၫနမၩတီၩနလူအၥိၭ, ဘဲၫနတီၩ
2 နလီၩ့အၥိၭနီၪ စံၭဆၧၫ့ယၧၩဆံၭ.- တၭချဲၩ့ခွးလၧန ခ့ၫနၡၩလဂ့ၩ, အဂဲးဘဲၫယီၩၦအမၧၫ့လၧအတီၩလၧန
3 မ့ၬယၫနီၪအီၪဝ့ၫနးဂၩအ့ၬ.- အဂဲးဘဲၫယီၩဒုၪဒၩမၩ အၧၩ့မၩနၭယၥၭတၭ, ဆၪ့လၩ့ယူၭ ယၥၭမၧၫ့ထီၩ့ လၧဂၪ့ခိၪး ဒုၭအီၪယၧၩလၧဆၧခံၭကျၩ, ဘဲၫၦလၧ
4 အၥံၫယံၬယံၬယူၭအၥိၭနီၪလီၫ.- တၭယၥၭလၧယ ဖၧၩ့ယီၩလၩ့ပွံၭလၩ့ထၩ့နီၪ, ယၥၭအီၪယူဝ့ၫလၧယ
5 ဖၧၩ့လီၫ.- ယနၪ့ထၪ့ထဲၩ့မုနံၩလၧဖျိၩ့, ယဆီၫ့မီၪ့နမၩ ဆၧထီးအလူၬ အဂဲးအကၠီၪ့တၭး ယမိဆီၫ့မီၪ့ဆီၫ့မၬ
6 ဆၧလၧနမၩကဲၪထၪ့လဖၪအဂဲးအကၠီၪ့လီၫ.- ယယူၬ ထၪ့ယစူၪလၧနအီၪ, ယၥၭလၧနမ့ၬယၫမၩအၥၭဘဲၫ ဂၪ့ခိၪလၧအဎဲၫ့ထၬအၥိၭနီၪလီၫ. (စ့လၫ.)
7 ယဟိဝၩဧ့, မၩချဲၫ့ချဲၫ့စံၭဆၧၫ့ယၧၩဆံၭး ယၥၭမိ လူၬလီၫ. တၭဘဲၫၥိၭယထီၩ့ကဲၪထၪ့ဘၪဘဲၫၦလၧအ လ့ၩလၩ့ လၧဆၧဖၧၩ့လဂ့ၩတၭ, အီၪက့ၪၥူၪခွံၬနမ့ၬ
8 လၧယၧၩလဂ့ၩ.- ဒုၭနါဂၧၫ့ယၧၩလၧနဆၧအဲၪအခိး အတၩလၧဂီၩလခီၫဆံၭ. အဂဲးဘဲၫယီၩယဒိၭနဲၩ့ယ ၥၭလၧနၧၩလီၫ. ဖၧၩ့ၥၭလၧယကြၨၭဖိၬ လဘီၩ့နီၪ, ဒုၭၥ့ၪယၫယၧၩဆံၭး အဂဲးဘဲၫယီၩ ယဆိၬထၪ့ယၥၭ
9 လၧနအီၪလီၫ.- ယဟိဝၩဧ့,မၩဖီၩ့မၩဖျ့ၭယၧၩလၧယ ဒုၪယဒၩၥံၪဆံၭ. ယအီၪက့ၪၥူၪယၥၭလၧနဖၧၩ့လီၫ.
10 တၭဘဲၫၥိၭယမိမၩဆၧ လၧအဘၪနၥၭတၭ, ၥီၪ့လိၪ ယၧၩဆံၭ. အဂဲးဘဲၫယီၩ နမွဲယယွၩလီၫ. နၥၭဂ့ၩနီၪ,
11 မွဲအၥိၫ့ယၧၩလၧခးဒၩအဖၧၩ့ဆံၭ.- ယဟိဝၩဧ့, မၩ မၧၫ့ထၪ့ထဲၩ့ယၧၩ လၧနမံၩ့အကၠီၩ့ဆံၭ. လၧနဆၧတီၩ ဆၧလီၩ့အကၠီၩ့နီၪ, မၩဖီၩ့မၩဖျ့ၭယၥၭလၧဆၧခိဆၧ
12 ဝီၩနီၪဆံၭ.- လၧနဆၧအဲၪအခိးအတၩအဖၧၩ့, နမိမၩ ဂၭဂီၩ့ယဒုၪယဒၩတၭ, မိမၩဂၭဂီၩ့ကယဲၦလၧအမၩ အၧၩ့ယၥၭထီးအလူၬနီၪး အဂဲးဘဲၫယီၩ ယမွဲနခ့ၫန ၡၩလီၫ.