142
1 ယကိၭထၪ့ယဟိဝၩ လၧယလူၥီၫ, ယအၪ့ယၫယ
2 ဟိဝၩ လၧယလူၥီၫလီၫ.- ယလူၫလၩ့ယဆၧဆီၫ့မီၪ့ လၧယမ့ၬယၫ, ယဒုၭနဲၪအဝ့ၫဒၪလၧယဆၧခိဆၧဝီၩ
3 လီၫ.- ထီးယၥၭအ့ၪလၩ့ဘဲၩတၭ,နၥ့ၪယၫယဖၧၩ့ၥၭ လီၫ.ဖၧၩ့ၥၭလၧယဖိၬဝ့ၫလဘီၩ့အဖၧၩ့နီၪ, ၦအီၪက့ၪ
4 ၥူၪဖျံၩခွၩ့လၧယဂးလီၫ.- ယယိလၧယစူၪထွ့ၪနီၪ ယိ ဆၧတၭ,ၦလၧအၥ့ၪယၫယၧၩအီၪအ့ၬ. ယဆၧဖလ့ၬ အလးလၩ့မါလီၫ. ၦလၧအလီၫ့ကီၩ့ယၥၭ အီၪနးဂၩ အ့ၬ.
5 ယဟိဝၩဧ့,ယကိၭထၪ့နၧၩ, ယစံၭ,နမွဲယဆၧဖလ့ၬ
6 အလး, ယဂးလၧၦၡၩမၧၫ့ဝ့ၫအခးဖၧၩ့လီၫ.- ခိၭနၪ ယအၪ့ယၫဆၧဆံၭး အဂဲးဘဲၫယီၩယဘၪဆၧဆၪ့လၩ့ ယၧၩနၭမၬလီၫ. မၩဖီၩ့မၩဖျ့ၭယၧၩ လၧၦမၩအၧၩ့ မၩနၭယၧၩနီၪဆံၭ. အဂဲးဘဲၫယီၩအဝ့ၫၥံၪအဂဲးအ ဘၭဆီၪ့နဲၪ့ယၧၩဒံၭလီၫ.
7 ဒုၭစဲၪ့ထၪ့ခွံၬယၥၭ လၧထီၫ့ဖၧၩ့, ဘဲၫၥိၭယမိစံၭ ထၪ့အၪ့အူၭနမံၩ့ဆံၭ. ၦအတီၩအလီၩ့မိအီၪကီၪ့ဝၬ ဖီၩ့ယၧၩး အဂဲးဘဲၫယီၩ နမိမၩဂ့ၩယၧၩလီၫ.