1 ယဟိဝၩဧ့, ခိၭနၪယဆၧဘၩဆိၪဖၪတၭ, ဆၧလၧ 2 ယအၪ့ကံၩ့နီၪ, မွဲအလ့ၩနုၬလၧနအီၪဆံၭ.- တၭမုနံၩ မုနၩလၧယဘၪဆၧခိဆၧဝီၩနီၪ ထီးမၩဘံၭနမ့ၬလၧ ယၧၩလဂ့ၩ,ဒိၭနနါလၧယၧၩဆံၭ. မုလနံၩ လၧယ ကိၭထၪ့နၧၩတၭ, စံၭဆၧၫ့ယၧၩချဲၫ့ချဲၫ့ဆံၭ.

3 အဂဲးဘဲၫယီၩ ယမုနံၩဒံၩခွံၬဝ့ၫဘဲၫမ့ၪခူၪအၥိၭတၭ, 4 မ့ၪအၪ့ယဎွံၪၥံၪဘဲၫၥံၪ့မုအၥိၭနီၪလီၫ.- ယၥၭဘၪဆၧ ကျီၪ့ခွံၬတၭ, ဎဲၫ့ထၪ့ခွံၬဘဲၫနၪ့ၥံၪမံၩ့ၥံၪအၥိၭ ထီးယ 5 ၥၭနၪ့အၪ့ဆၧလီၫ.- မွဲယဂၪ့အုၩ့ဂၪ့ထိၬဆၧအၥီၫအ 6 ကၠီၩ့တၭ, ယဎွံၪဘုၭထၬလၧယယၪလီၫ.- ယလၩ့ဂၬ ဘဲၫစၭကဝၭလၧမံၩ့လၬကျၩ, ယလၩ့ဂၬဘဲၫထိၪပဂူၪ 7 လၧဆၧအီၪယူဝ့ၫအလးအၥိၭနီၪလီၫ.- ယအီၪခိၭ တၭ,ယမၩယၥၭဘဲၫထိၪဎွံၭ အီၪလဘံၪ့ဎးလၧဂံၪ့ခိၪ 8 အၥိၭနီၪလီၫ.- တၭယဒုၪယဒၩဒုၪဒွ့ၪယၧၩ ၥံၫ့နံၩချီၩ့, ဒဲလၧအအီၪက့ၪဖိၫလိၫအၥၭ လၧယဖၫ့ခိၪ ဆိၪလၩ့ 9 အၥၭထၫ့ဒုၪဒၩယၧၩလီၫ.- အဂဲးဘဲၫယီၩယအၪ့ဖံၫ့ ချၪဘဲၫကိၪအၥိၭနီၪတၭ, ယလဲၩဎုၬယဆၧအီၩလၧ 10 မ့ၬထံၫလီၫ.- မွဲလၧနၥၭထၪ့, ဒဲနၥၭခဲၩထၪ့အကၠီၩ့း အဂဲးဘဲၫယီၩ နအီၪက့ၪထၪ့ထီၫယၧၩတၭ, နခွံၬလၩ့ 11 ယၧၩဆ့လီၫ.- ယမုနံၩမုနၩလဖၪ မၩအၥၭဘဲၫဆၧ လၩၡုၪထုၭထီၫထၪ့အၥၭ အၥိၭနီၪတၭ, ယဝ့ၫဒၪယီၩ ယဎဲၫ့ထၪ့ခွံၬဘဲၫနၪ့ၥံၪမံၩ့ၥံၪအၥိၭနီၪလီၫ.

12 အ့ၪမွဲနၧၩ,ယဟိဝၩဧ့, နဆၧၫ့နၩ့ဎလၧလးဆီၩ့ဆီၭ လၩ့ဆိၩလၩ့ကၠၪ,ဒဲဆၧနၪ့ထၪ့ထဲၩ့နၧၩနီၪ အီၪဝ့ၫအ 13 ဆိၩဆိၩအကၠၪကၠၪလီၫ.- နမိဂဲထုၪ့တၭ, နမိယၫ့ၥုၪ့ ယၫ့ၥၭဇံအိၫ့လီၫ. အဂဲးဘဲၫယီၩ ဆၧဖၭနံၩဖၭၥၫ့အ 14 ထီလၧဆၧမိယၫ့ၥုၪ့ယၫ့ၥၭအဝ့ၫနီၪဘၪယူၭ.- အဂဲး ဘဲၫယီၩ နခ့ၫနၡၩမုၬလၩအၥၭ လၧအလိးလဖၪတၭ, 15 အဲၪအဂၪ့ခိၪမုၬဒၪလ့ၬဆ့လီၫ.- တၭၦဆၨၩၥံၪမိၥၭ မဲၪယဟိဝၩအမံၩ့, ဒဲကယဲဂၪ့ခိၪအစဎွၩၥံၪနလၩဖၩ့ 16 လီၫ.- အဂဲးဘဲၫယီၩယဟိဝၩမၩထၪ့ထဲၩ့ဇံအိၫ့တၭ, 17 မိအီၪဖျီၪထၪ့လၧအလၩအဖၩ့အဖၧၩ့လီၫ.- မိကၠၪအၥၭ လၧၦၡၪ့ဖိၪယၬဖိၪအဆၧဘၩဆိၪဖၪအအီၪတၭ, မိမၩ 18 ကြၩ့ထမးအဆၧဘၩဆိၪဖၪဆ့အ့ၬ.- ဆၧယီၩမိဘၪ ကွ့ၭအၥၭ, လၧၦလၧအမိဂဲၫလၧခဲၫ့လဆိၩအဂးတၭ, ၦလၧအမိဘၪဆၧမၩကဲၪထၪ့ဝ့ၫ လဆၨၩမိစံၭထၪ့အၪ့ 19 အူၭယဟိဝၩလီၫ.- ယဟိဝၩယိလၩ့ဆၧလၧအလး ဆံၫ့ဎံၪထၪ့ထီၫး လၧမူၭခိၪနီၪယဟိဝၩယိလၩ့ဝ့ၫလၧ 20 ဂၪ့ခိၪး- ဘဲၫၥိၭအမိနါဂၧၫ့ၦဘၪစၧၩ့ထၬအၥၭအဆၧ ဂၪ့အုၩဂၪ့ထိၬ, ဘဲၫၥိၭအမိဖျါခွံၬၦလၧအဘၪဆၧစ့ၩ 21 ရၫ့ၥံၫ,- ဘဲၫၥိၭၦမိလီၩလၩ့လၬလၩ့ ယဟိဝၩအမံၩ့ လၧဇံအိၫ့အလီၩ့, ဒဲအဆၧစံၭထၪ့အၪ့အူၭ လၧယရု 22 စလံၫ့အဖၧၩ့နီၪလီၫ.- မွဲလၧၦဆၨၩၥံၪထီးအ့ၪအီၪ ကီၪ့လစီၪ့ဎး, ဒဲလၧဘၩ့မုးဖိၪၥံၪ, ဘဲၫၥိၭအမိမၩယ ဟိဝၩအဆၧအကၠီၩ့လီၫ.

23 အဝ့ၫဒၪမၩလၩ့ဆါထဲၩ့ ယဂဲးယဘၭလၧဖၧၩ့ၥၭ 24 အဖၧၩ့တၭ, မၩလၩ့ဖၨၪယမုနံၩမုနၩလဖၪလီၫ.- ယ စံၭ,ယယွၩဧ့, မၩန့ထၪ့ခွံၬယၧၩ လၧယမုနံၩဖိၭဖၫ့လ ဂ့ၩၬနနံၪ့နလၩအီၪဝ့ၫ အဆိၩဆိၩ အကၠၪကၠၪလီၫ. 25 လၧဖျိၩ့နီၪ နအီၪက့ၪလၩ့ဂၪ့ခိၪတၭ, မူၭခိၪနီၪမွဲနစူၪ 26 အဆၧမၩဆ့လီၫ.- အဝ့ၫၥံၪမိထီၩ့လၧဆၧဂၭဂီၩ့, အ့ၪမွဲနဝ့ၫဒၪယီၩ နမိအီၪဂုးခၧၫ့လီၫ. တၭအဝ့ၫၥံၪမိ လးလံၩဝ့ၫထီးအလူၬ ဘဲၫဆၧကီၩ့ဆၧၥိၭ အၥိၭနီၪတၭ, ဘဲၫဆဲၫ့လဘံၪ့အၥိၭ နမိအၪ့လဲၩဝ့ၫတၭ, အဝ့ၫၥံၪမိ 27 ဘၪဆၧအၪ့လဲၩခွံၬဝ့ၫဒၪလီၫ.- အ့ၪမွဲနဝ့ၫဒၪယီၩ, နမွဲ 28 ဘဲၫလးလးတၭ, နနံၪ့နလၩအထုၬအီၪအ့ၬ.- နခ့ၫနၡၩ အဖိၪအလံၩမိအီၪဂုးခၧၫ့ဎလၧခးဖၧၩ့ၭတၭ, အဝ့ၫၥံၪ အချံၫအၥၪမိအီၪဂုးအီၪခၧၫ့လၧနမ့ၬယၫလီၫ.