1 ယမိၥံၫကျံၩထၪ့လၧဆၧအခိးအတၩ, ဒဲဆၧစ့ၩရၫ့ အဂဲးအကၠီၪ့နီၪ, ယဟိဝၩဧ့, ယမိစံၭထၪ့အၪ့အူၭနၧၩ 2 လီၫ.- ယမိထီးလၩ့ယၥၭလၧဖၧၩ့ၥၭ လၧၫ့လၧၫ့ဎွ့ၩ ဎွ့ၩလဘီၩ့အဖၧၩ့လီၫ. တၭနမိဂဲၫလၧယအီၪဆံၭယံၬ ခိၬလဲၪ. ယမိလ့ၩဆၧလၧယၥၭလၧၫ့ဎွ့ၩ လၧယဂံၪ့ 3 ဖၧၩ့လီၫ.- ဆၧမၩအၧၩ့နီၪမိအီၪက့ၪလၧယမ့ၬယၫ နးမံၩ့အ့ၬ. ၦလၧအမၩမၪဆၧနီၪယမ့ၬလဲၩအဆၧမၩ 4 တၭးမိဘုၭထၬလၧယလီၩ့အ့ၬ.- ဆၧၥၭကဲၪ့မိဘၪစဲၪ့ ဖၭလၧယၧၩတၭး ၦၡၩအအၧၩ့နီၪ ယမိၥ့ၪယၫအဝ့ၫ 5 အ့ၬ.- ၦလၧအခဲၪၦလၧအနဲၩ့ထံၭနီၪ ယမိနၫ့ထၪ့ခွံၬ ဝ့ၫလီၫ. ၦလၧအအီၪက့ၪအမ့ၬထၪ့ထီၫတၭ, အီၪက့ၪ 6 ဖိၫလိၫအၥၭနီၪယထိးနၧၩ့အ့ၬ.- တၭယမ့ၬၥၪမိအီၪ လၧၦအတီၩအလီၩ့လဖၪအလီၩ့ လၧထံၫၥံၪခးၥံၪအ ဖၧၩ့ဘဲၫၥိၭအမိအီၪလၧယၥိၭလီၫ. တၭၦလၧအလ့ၩ ဆၧလၧဖၧၩ့ၥၭ အလၧၫ့အဎွ့ၩလဘီၩ့နီၪ မိမၩယဆၧ 7 လီၫ.- ၦလၧအအၪ့လီၫဆၧနီၪ မိအီၪဘၪလၧယဂံၪ့ဖၧၩ့ အ့ၬ. ၦလၧအချဲၩ့ဆၧအဘျံၭအဘျၪ မိအီၪဂုးအီၪခၧၫ့ 8 လၧယမ့ၬယၫဆ့အ့ၬ.- ဘဲၫၥိၭယမိဒၪ့ထ့ၬခွံၬၦၡၩမၩ ဆၧအၧၩ့ထီးအလူၬလၧယဟိဝၩအဒိၩ့ဖၧၩ့နီၪ, ယမိ မၩဂၭဂီၩ့လဂီၩဘၪလဂီၩ လဂီၩဘၪလဂီၩကယဲၦလ တီၩလလီၩ့ဘၪလၧခးဖၧၩ့ထီးအလူၬလီၫ.