22
1 ၦအၪ့ဎူၫအၪ့ဎၬအမံၩ့ဂ့ၩနီၪ မွဲဂ့ၩနဲၪ့ဒံၭဆၧလူဒိၪ ဎွ့ၩဒိၪဖၭဒိၪ, ဒဲဆၧအဲၪအခိးအတၩနီၪ, အၪနဲၪ့ဒံၭ ကျိၪၥံၪစ့ၩၥံၪ, ထီၫ့ၥံၪလွ့ၫၥံၪနီၪလီၫ.
2 ၦၥထံၫၥံၪ ဒဲၦၡၪ့ဖိၪယၬဖိၪဒၪခီၩ့လိၬအၥၭတၭး မွဲ ယဟိဝၩတဲၩ့လၩ့အဝ့ၫၥံၪ ထီးအလူၬလီၫ.
3 ၦၥ့ၪယၫ ထီးလၩ့အၥၭဂ့ၩလဂၩ ဒၪစိၩဆၧအၧၩ့, အီၪက့ၪၥူၪခွံၬအၥၭ, အ့ၪမွဲၦလၧအလမၩလိၪဘၪဆၧ လ့ၩဒၪဆၧဘဲၫနီၪတၭ, ဘၪဆၧၡၪ့ဆၧနၭလီၫ.
4 ဆၧၥုၪ့ဆၧၩ့ၥၭဆၧၩ့ အခိးအတၩ, ဒဲဆၧၥၭမဲၪယ ဟိဝၩနီၪ, မွဲဆၧလူဒိၪဎွ့ၩဒိၪ, ဒဲဆၧလၩဖၩ့, ဒဲဆၧမၧၫ့ လီၫ.
5 ဆၧဆူၪၥံၪ ဒဲဖျံၩခွၩ့ၥံၪအီၪဝ့ၫ လၧၦၥၭကဲၪ့အဖၧၩ့ ၥၭဖၧၩ့ ၦလၧအယိထဲၩ့ခွါထဲၩ့အၥၭနီၪ အီၪယဲၩ့လၧ ဆၧလဖၪနီၪလီၫ.
6 ၥိၫ့ဖိၪၥၪလၧအဖၧၩ့ၥၭကြၨၭဆံၭ ထီးအၥၭၡါထၪ့ နီၪ, မိကၠၪခွံၬအၥၭအ့ၬ.
7 ၦၥထံၫပၧၩ့ဘၪၦၡၪ့ဖိၪယၬဖိၪး ဒဲၦလၧအအၪ့လီး ဆၧနီၪကဲၪထၪ့စ့ၩကဆါအဎီးလီၫ.
8 ၦလၧအဎွံၪဆၧအၧၩ့ဆၧၥၫ့လဂၩနီၪ, မိကူၭန့ဆၧ ၡၪ့ဆၧနၭး ဒဲနိၪထးလၧအဆၧအီၪက့ၪထၪ့ထီၫအၥၭ အဂးနီၪ, အီၪတဲၩ့ဝဲၩအၥၭလီၫ.
9 ၦအီၪလၧမ့ၬၥၪယၫ့ၥၭဆၧလဂၩနီၪ, မိဘၪဆၧဆိၪ ဂ့ၩး အဂဲးဘဲၫယီၩ အကိၪနီၪဖ့ၪလၫ့ၦၡၪ့ဖိၪယၬဖိၪၥံၪ လီၫ.
10 နၫ့ထၪ့ခွံၬ ၦလၧအချဲၩ့ကြၩ့ထမးဆၧတၭ, ဆၧဂဲးလိၬ တ့ၭလိၬနီၪ မိစဲၪ့ထၪ့ခွံၬဆ့တၭး ဆၧချဲၩ့ခွးဒဲဆၧဒုၪဒွ့ၪ နီၪမိလၩ့မါပံၭလီၫ.
11 ၦလၧအအဲၪၦၡၩအၥၭဆံၫ့ဎံၪၥံၪနီၪ, အနိၭဖျံၩလ ဖၪမွဲဆၧအခိးအတၩ, ဒဲစဎွၩမိကဲၪထၪ့ အထံၩအၥိၭ လီၫ.
12 ယဟိဝၩအမ့ၬၥၪ ခိၭထၬဆၧၥ့ၪယၫတၭ, အဝ့ၫဒၪ မၩလၩ့ချႃၬ ၦအၪ့လီၫဆၧအဆၧချဲၩ့ လဖၪနီၪလီၫ.
13 ၦကၠႃၪ့လဂၩစံၭဝ့ၫ, ဆၬလၥၧၫ့လဒုၩ အီၪလၧခီၫ့ တၭး ဆၧမိမၩၥံၫယၧၩ လၧဖၧၩ့ၥၭၥံၪအဖၧၩ့နီၪလီၫ.
14 ၦမုၪလၩ့မဲၩအနိၭနီၪ မွဲဆၧဖၧၩ့ယိၬတၭ, ၦလၧယ ဟိဝၩၥၭလိၪဝ့ၫလဂၩနီၪ မိလၩ့ထ့ၬလၧအဖၧၩ့လီၫ.
15 ဆၧအဂီၩ့အီၪဘဲၩ့ဘီၩ့ထၬဝ့ၫ လၧဖိၪၥၪအၥၭခံဖၧၩ့ တၭး ဆၧအၪ့ၥီၪ့အနိၪဖျ့ၪနီၪ မိနၫ့ယဲၩ့ထၪ့ခွံၬဝ့ၫ လၧအ အီၪလီၫ.
16 ၦလၧအမၩနၧၩ့မၩစၪ ၦၡၪ့ဖိၪယၬဖိၪၥံၪ, ဘဲၫၥိၭအ မိမၩအၪထၪ့ဆၧ လၧအနၫ့ဆါအဂးနီၪ, မွဲၦလၧအဖ့ၪ လၫ့ၦၥထံၫတၭ, မိဘၪတၡါ ဆၧၡၪ့ဆၧနၭဆ့လီၫ.
17 ဒိၭနနါတၭ, ခိၭနၪၦကိၪ့ၥ့ၪအဆၧချဲၩ့လဖၪး ဒဲအီၪ
18 က့ၪနၥၭလၧယဆၧၥ့ၪယၫနီၪဆံၭ.- အဂဲးဘဲၫယီၩန အ့ၪအီၪက့ၪထၬဝ့ၫ လၧနၥၭခံဖၧၩ့နီၪ, အ့ၪအီၪတဲၩ့ဝဲၩ
19 အၥၭလၧနနိၭဖျံၩအလီၩ့နီၪ, မွဲဆၧအမုၬလီၫ.- ဘဲၫၥိၭ နမိဒိၭနဲၩ့နၥၭ လၧယဟိဝၩအဖၧၩ့နီၪး ယၥီၪ့ထဲၩ့ၥၫ့
20 ထဲၩ့နၧၩမုဆၫလနံၩယီၩ, မွဲမၬနၧၩဒၪလ့ၬလီၫ.- ယ ကွ့ၭန့ဝဲၩယူၭနၧၩ လၧဆၧအဂ့ၩဖ့ၪယူ လၧနဂး, လၧ
21 ဆၧၥ့ၪယၫဒဲဆၧဒုၭကိၪ့လဖၪး- ဘဲၫၥိၭယမိဒုၭၥ့ၪယၫ နၧၩလၧဆၧမွဲဆၧတီၩ လၩ့ထံးလၩ့ဆ့ၭ, ဘဲၫၥိၭနမိချဲၩ့ ဆၧၫ့ဆၧမွဲဆၧတီၩ လၧၦလၧအအၪ့မၧၫ့နၧၩနီၪ မွဲအ့ၬ ဧၪ.
22 ၦၡၪ့ဖိၪယၬဖိၪ, လၧအဘၪၡၪ့ဘၪယၬ အကၠီၩ့နီၪ, ထီးအၪ့ဂူၬန့အဆၧလဂ့ၩး ဒဲၦၡၪ့ဖိၪယၬဖိၪလၧတရၫ့
23 ဖၧၩ့လဖၪနီၪ, ထီးမၩအၧၩ့မၩနၭဝ့ၫလဂ့ၩ.- အဂဲးဘဲၫ ယီၩယဟိဝၩ မိချဲၩ့အဝ့ၫၥံၪအခွးတၭ မိအၪ့ဂူၬန့ဆီၪ့ ၦအၥၭမၧၫ့ လၧအအၪ့ဂူၬန့ဆီၪ့ အဝ့ၫၥံၪအဆၧလီၫ.
24 ထီးထၧၫ့ထံၩထၧၫ့ၥိၭ လၧၦၡၩအၥၭထၪ့ချဲၫ့နီၪလ ဂ့ၩး ဒဲထီးလ့ၩဆၧ လၧၦၥၭထၪ့ယုၩယါအၥိၭ နးဂၩ
25 လဂ့ၩး- နမိမၩလိၪဘၪခိၬ အဝ့ၫဒၪအဖၧၩ့ၥၭၥံၪ, ဒဲန ၥၭမိဘၪဘၪခိၬ ဖျံၩခွၩ့နီၪဆ့လီၫ.
26 ထီးကဲၪထၪ့ၦလဂၩ လၧအဖီၪ့လိၬၦအစူၪနီၪးဒဲၦ
27 လၧအထိးအၥၭ လၧၦအဒ့ၪအမါအဂးနီၪလဂ့ၩ.- န လိၭထဲၩ့ဆၧနီၪအ့ၪလအီၪဘၪနးမံၩ့တၭ, အဝ့ၫမိမၩ န့နလးမံၫ လၧနဖၫ့လၬနီၪ မွဲဘၪလဲၪၬ
28 ခးဆၧၫ့အဆၧမၩနဲၪ့, လၧနဖါၥံၪ အီၪက့ၪလၩ့ဝ့ၫ လၧဖျိၩ့နီၪ, ထီးၥုၭခွံၬလဂ့ၩ.
29 ၦအဎၭလၧအမၩကၩအဖၧၩ့နီၪ, မွဲနဒၪဘၪဆ့ဧၪ, အဝ့ၫဒၪမိဆၧၫ့ထုၪ့ လၧစဎွၩၥံၪအမ့ၬယၫ, မိဆၧၫ့ထုၪ့ လၧၦအန့ၬလဖၪ အမ့ၬယၫနီၪအ့ၬ.