4
1 ယဟိဝၩချဲၩ့ဆၧလၧစမိစ့ၭ, ဒဲစအၫရၧၫ့တၭ, စံၭ
2 ဝ့ၫဒၪ,- ဝံထၪ့နၬထၪ့စကိဟၭအဖိၪခွၫၥံၪ လၧစလံဝဲၫ အဖိၪခွၫလဖၪအကျၩ, ဘဲၫအဝ့ၫၥံၪအဂံၪ့ဒီၪ့ လဖၪ
3 အၥိၭ, ဘဲၫအဖါလဖၪအဂံၪ့အၥိၭနီၪ,- လၧအၥၭၡါ အနံၪ့ၥၧၫ့ဆံၫဒဲအၪနဲၪ့အနီၪဖိးလၧအနံၪ့ယဲဆံၫ ကယဲ ၦလၧအလ့ၩနုၬ လၧၦၥုၭမုအကျၩဘဲၫၥိၭအမိမၩဆၧ လၧဆၧအီၪကီၪ့အတဲၩဆံၫ့ဎံၪဖၧၩ့နီၪဆံၭ.
4 အယီၩမွဲစကိဟၭအဖိၪခွၫလဖၪ အဆၧမၩလၧဆၧ အီၪကီၪ့အတဲၩဆံၫ့ဎံၪဖၧၩ့နီၪ ဘၪဆဲၫ့ လၧဆၧဆံၫ့
5 ဎံၪထုၬလဖၪနီၪလီၫ.- ထီးၦခမျၧးစဲၪ့ထၪ့တၭ, စအၫ ရၧၫ့ဒဲအဖိၪခွၫၥံၪမိဘၪဂဲၫတၭ, အဝ့ၫၥံၪမိဘၪရိလၩ့ ခွံၬဆၧချႃၬဘံၭအဆၧဒီၪ့, ဒဲချႃၬဘံၭဆၧအုၩ့လၩ့အ
6 တလၫလၧဆၧနီၪလမံၩ့လီၫ.- တၭမွဲအဘၪအီၪက့ၪ ဆၧချႃၬဘံၭ တဟၫၡၭအဖံၭလၧအဖၫ့ခိၪတၭ, ဘၪ ဒၩလၩ့ဖၬဘဲၩ့အလၫထၧၫ့ဘံၪ့ယၫ လဘံၪ့ လၧအဖၫ့
7 ခိၪဒဲအီၪက့ၪအနိၪယိၭဘီၩ့လီၫ.- တၭဘၪဒၩလၩ့ဖၬ ဘဲၩ့အလၫလၧဆၧမ့ၬယၫ အကိၪအစပွဲအလီၩ့, ဒဲအီၪ က့ၪထွ့ၫပၪပဲၪလဖၪ, ဒဲနိၪထိၩ့လဖၪ, ဒဲလိၫ့လဖၪ, ဒဲ ဆၧချႃၬဘံၭလၧအချႃၬဘံၭဆၧလၧအဝ့ၫလဖၪ, ဒဲကိၪ
8 လထံၪဎးဘီၩ့ဎးဘၪအီၪလၧအလီၩ့လီၫ.- ဘၪဒၩလၩ့ ဖၬဘဲၩ့အဝီၩ လၧအဖၫ့ခိၪတၭ, ချႃၬဘံၭဝ့ၫလၧဆၧ ချႃၬဘံၭတဟၫၡၭအဖံၭ, အီၪက့ၪအနိၪယိၭဘီၩ့လီၫ.
9 ဘၪမၩန့ဖၬဘဲၩ့အလၫတၭ, ချႃၬဘံၭဆၧဖၩ့အမ့ၪဒိၩ့ မိၡါ, ဒဲအမ့ၪဒိၩ့ၥံၪ,ဒဲအဆၧထံၬန့မ့ၪ, ဒဲၥိၪအဖီၩ့လ
10 ဖၪလၧအမၩဆၧလၧအဝ့ၫလီၫ.- တၭဘၪအီၪက့ၪဝ့ၫ လၧဆၧဖိၪဆၧလံၩ ထီးအလူၬလၧဆၧချႃၬဘံၭ တ ဟၫၡၭအဖံၭအဖၧၩ့တၭ, အီၪက့ၪဝ့ၫလၧယိဆၧအ
11 ဖၫ့ခိၪလီၫ.- ဘၪဒၩလၩ့ဖၬဘဲၩ့အလၫလၧဆၧလုလး ထီၫ့အဖၫ့ခိၪတၭ, ချႃၬဘံၭဝ့ၫလၧဆၧချႃၬဘံၭတဟၫ
12 ၡၭအဖံၭတၭ, အီၪက့ၪနိၪယိၭဘီၩ့ၥံၪလီၫ.- တၭအဝ့ၫ ၥံၪဘၪမၩန့ကယဲဆၧဖိၪဆၧလံၩ လၧအမၩဆၧလၧအ ဝ့ၫလၧဆၧအလးဆံၫ့ဎံၪအဖၧၩ့နီၪ, အီၪက့ၪဝ့ၫလၧ ဆၧလၫအဖၧၩ့တၭ, ချႃၬဘံၭဝ့ၫ လၧဆၧချႃၬဘံၭတ ဟၫၡၭအဖံၭ, တၭအီၪက့ၪလၩ့ဝ့ၫလၧနိၪယိၭဘီၩ့အ
13 လီၩ့လီၫ.- တၭအဝ့ၫၥံၪဘၪမၩန့ခွံၬဖံၫ့ချၪလၧဆၧလု လးအဖၫ့ခိၪ, ဒဲဒၩလၩ့ဖၬဘဲၩ့အလၫလၧအဖၫ့ခိၪလီၫ.
14 တၭလၧအဖၫ့ခိၪနီၪ မိဘၪအီၪက့ၪကယဲအဆၧဖိၪဆၧ လံၩလၧအမၩအဆၧလၧအဝ့ၫ, ဖၧၩ့မ့ၪလဖၪ, နိၪပုၭ ယၪလဖၪ, ဒဲအဆွးလဖၪးဒဲလိၫ့လဖၪ,ဒဲကယဲဆၧလု လးအဆၧဖိၪ ဆၧလံၩထီးအလူၬလီၫ. တၭဘၪဒၩ လၩ့ဆၧချႃၬဘံၭတဟၫၡၭအဖံၭ လၧအဖၫ့ခိၪတၭ
15 အီၪက့ၪနိၪယိၭဘီၩ့လီၫ.- ထီးစအၫရၧၫ့ ဒဲအဖိၪခွၫ လဖၪချႃၬဘံၭဆၧအလးဆံၫ့ဎံၪ, ဒဲကယဲဆၧအလး ဆံၫ့ဎံၪအဆၧဖိၪဆၧလံၩထီးအလူၬဂီၩ့တၭ, ထီးၦခ မျၧးမိလ့ၩဆၧတၭ, လၧဆၧနီၪအလးခဲၫ့ စကိဟၭအ ဖိၪခွၫလဖၪဘၪဂဲၫဘဲၫၥိၭအမိဆိၬဝ့ၫလီၫ. မွဲလါနၫ့အ ဝ့ၫၥံၪထိၭဘၪဆၧဆံၫ့ဎံၪအ့ၬ. မွဲအမိၥံၫဘၪခိၬလီၫ. ဆၧလဖၪနီၪမွဲစကိဟၭအဖိၪခွၫ လဖၪအဆၧယိၭလၧ ဆၧအီၪကီၪ့အတဲၩဆံၫ့ဎံၪဖၧၩ့လီၫ.
16 တၭၦလုဆၧလဂၩ စအၫရၧၫ့အဖိၪခွၫစအံၫလအ့ ဇၧၫအဆၧမၩနီၪ မွဲဆၧမၩဘၪဆဲၫ့လၧၥိၪလၧဆၧဖၩ့ အဂး, ဒဲဆၧနၧၫ့မၧၫ့ဆူၭခဲၩ, ဒဲဆၧမၩဘိၪ့ကိၪမုၬၥံၫ့ၥံၫ့ နံၩ, ဒဲၥိၪဂုၪဆၧ, ဆၧယိတဲၩဆံၫ့ဎံၪထၧၫ့ဖျိၪ့ယၫ, ဒဲ ကယဲဆၧအီၪလၧအဖၧၩ့ လၧဆၧအလးဆံၫ့ဎံၪအဖၧၩ့, ဒဲလၧအဆၧဖိၪဆၧလံၩအဖၧၩ့နီၪလီၫ.
17 ယဟိဝၩချဲၩ့ဆၧလၧစမိစ့ၭ, ဒဲစအၫရၧၫ့တၭစံၭဝ့ၫ
18 ဒၪ,- ထီးဒၪ့ထ့ၬခွံၬ ၦကိဟၭဖိၪ အဂံၪ့ဒီၪ့ၥံၪလဆၨၩ
19 လၧၦလံဝဲၫဖိၪအကျၩနီၪလဂ့ၩ.- အ့ၪမွဲမၩအဝ့ၫၥံၪဘဲၫ ယီၩ, ထီးအၥုၭဘူၭအၥၭ လၧဆၧဆံၫ့ဎံၪထုၬလဖၪ တၭ,ဘဲၫၥိၭအမိမၧၫ့ဝ့ၫဒဲထီးၥံၫလဂ့ၩတၭ, စအၫရၧၫ့ ဒဲအဖိၪခွၫလဖၪ ဘၪလ့ၩနုၬ ဒဲအီၪက့ၪအဝ့ၫၥံၪလဂၩ လၧအဆၧမၩ, ဒဲလဂၩလၧအဆၧယိၭဆုၬဆုၬလီၫ.
20 အ့ၪမွဲထီးဆၧဆံၫ့ဎံၪ ဘၪဆၧချႃၬဘံၭဝ့ၫ အဘိၩ့ဘၭ နီၪလ့ၩနုၬယိဘၪဝ့ၫအ့ၬ, မိၥံၫဘၪခိၬလီၫ.
21-22 ဝံထၪ့ နၬထၪ့စဂၧၡၧၫ့အဖိၪခွၫဆ့ ဘဲၫအဖါလဖၪအဂံၪ့အၥိၭ,
23 ဘဲၫအဝ့ၫၥံၪအဂံၪ့ဒီၪ့လဖၪအၥိၭနီၪဆံၭ.- လၧအၥၭ ၡါအနံၪ့ၥၧၫ့ဆံၫဒဲအၪနဲၪ့အနီၪ ဖိးလၧအနံၪ့ယဲဆံၫနီၪ, နဘၪဝံထၪ့နၬထၪ့ဝ့ၫ ကယဲၦလၧအလ့ၩနုၬလၧအမိ မၩဆၧလၧၦခမျၧးအဂးနီၪ, ဘဲၫၥိၭအမိမၩဆၧအီၪ
24 ကီၪ့အတဲၩဆံၫ့ဎံၪ အဎီးအၡၩအဆၧမၩလီၫ.- အယီၩ မွဲစဂၧၡၧၫ့အဖိၪခွၫၥံၪအဂံၪ့ဒီၪ့လဖၪ အဆၧမၩလၧအ
25 မိမၩဆၧ,ဒဲယိဆၧလီၫ.- တၭအဝ့ၫၥံၪဘၪယိတဲၩဆံၫ့ ဎံၪအဒီၪ့,ဒဲဆၧအီၪကီၪ့အတဲၩဆံၫ့ဎံၪ အဆၧချႃၬဘံၭ တဟၫၡၭအဖံၭလၧအအီၪလၧအဖၫ့ခိၪ, ဒဲဆၧဒီၪ့လၩ့ ဆဲၩလၧဆၧအီၪကီၪ့အတဲၩဆံၫ့ဎံၪ အတရၫ့အဂး,
26 ဒဲလၧဝၩ့ အဆၧဒီၪ့လၩ့ဆဲၩလဖၪ, ဒဲဆၧဒီၪ့ချႃၬဘံၭ ဆၧလၧဝၩ့အတရၫ့ခိၪထိၭအဂး လၧအအီၪလၧတဲၩ ဆံၫ့ဎံၪဒဲဆၧလုအလး,ဒဲဝၬဖီၩ့ဝ့ၫ, ဒဲအဖျံၩလဖၪ,ဒဲက ယဲအဆၧဖိၪဆၧလံၩဘၪဆဲၫ့လၧအဆၧမၩ, ဒဲကယဲ ဆၧလၧဆၧမၩဝ့ၫအလးနီၪ, အဝ့ၫၥံၪမိဘၪမၩဝ့ၫလီၫ.
27 ဘဲၫစအၫရၧၫ့ ဒဲအဖိၪခွၫလဖၪအနိၭအီၪဝ့ၫအၥိၭနီၪ, မိကဲၪထၪ့ကယဲၦဂၧၡၧၫ့ဖိၪအဖိၪခွၫၥံၪအဆၧမၩ, လၧ ကယဲအဆၧယိ,ဒဲလၧကယဲအဆၧမၩလီၫ. တၭနၥံၪ ဘၪအီၪက့ၪဝ့ၫလၧအဆၧယိၭ ဒဲအဆၧယိအလးနီၪ
28 ထီးအလူၬအဖၧၩ့လီၫ.- အနီၪမွဲစဂၧၡၧၫ့အဖိၪခွၫၥံၪ အဂံၪ့ဒီၪ့လဖၪအဆၧမၩ လၧဆၧအီၪကီၪ့အတဲၩဆံၫ့ ဎံၪဖၧၩ့လီၫ. တၭအဆၧယိနီၪအီၪဝ့ၫလၧၦလုဆၧလ ဂၩစအၫရၧၫ့အဖိၪခွၫ စအံၥမၫအစူၪဖၧၩ့လီၫ.
29 စမရၫရဲၫအဖိၪခွၫလဖၪနီၪ နဘၪဝံထၪ့နၬထၪ့ဝ့ၫ ဘဲၫအဝ့ၫၥံၪအဂံၪ့ဒီၪ့လဖၪအၥိၭ ဘဲၫအဖါလဖၪအဂံၪ့
30 အၥိၭနီၪလီၫ.- လၧအၥၭၡါအနံၪ့ၥၧၫ့ဆံၫဒဲအၪနဲၪ့အ နီၪဖိးလၧအနံၪ့ယဲဆံၫနီၪ နဘၪဝံထၪ့နၬထၪ့ဝ့ၫ, ကယဲ ၦလၧအလ့ၩနုၬ လၧအမိမၩဆၧ လၧၦခမျၧးအဂးနီၪ, ဘဲၫၥိၭအမိမၩဆၧအီၪကီၪ့ အတဲၩဆံၫ့ဎံၪအဎီးအၡၩ
31 အဆၧမၩလီၫ.- တၭအယီၩမွဲဆၧယိၭအဆၧယိအလး, ဘဲၫကယဲအဆၧမၩလၧဆၧအီၪကီၪ့ အတဲၩဆံၫ့ဎံၪဖၧၩ့ အၥိၭနီၪ, တဲၩဆံၫ့ဎံၪအၥံၪ့ပၪလဖၪ, ဒဲအနိၪယိၭဘီၩ့
32 လဖၪ,ဒဲအထုၪ့လဖၪ, ဒဲအခၪ့ဖျၪ့လဖၪ,- ဒဲဝၩ့ဝၬဖီၩ့ ဝ့ၫအထုၪ့လဖၪ, ဒဲအခၪ့ဖျၪ့လဖၪဒဲအနိၪစဲၩလဖၪ,ဒဲအ ဖျံၩလဖၪ, ဒဲအဆၧဖိၪဆၧလံၩထီးအလူၬ, ဒဲဆၧဘၪ ဆဲၫ့လၧအမၩဆၧ ထီးအလူၬလီၫ. တၭနၥံၪမိဘၪဝံ ထၪ့နၬထၪ့အဆၧယိၭအလး အဆၧဖိၪဆၧလံၩနီၪလၧ
33 အမံၩ့လဖၪလီၫ.- အဝ့ၫနီၪမွဲစမရၫရဲၫ အဖိၪခွၫၥံၪအ ဂံၪ့ဒီၪ့လဖၪအဆၧမၩ, ဘဲၫကယဲအမၩဆၧ လၧဆၧ အီၪကီၪ့အတဲၩဆံၫ့ဎံၪအဖၧၩ့အၥိၭ, လၧၦလုဆၧလ ဂၩစအၫရၧၫ့အဖိၪခွၫ စအံၥမၫအစူၪဖၧၩ့လီၫ.
34 တၭစမိစ့ၭဒဲစအၫရၧၫ့, ဒဲဆၧအီၪကီၪ့အၦဒိၪလဖၪ, ဝံထၪ့နၬထၪ့ၦကိဟၭဖိၪ ဘဲၫအဝ့ၫၥံၪအဂံၪ့ဒီၪ့လဖၪအ
35 ၥိၭ, ဒဲဘဲၫအဖါလဖၪအဂံၪ့အၥိၭ,- လၧအၥၭၡါအနံၪ့ ၥၧၫ့ဆံၫဒဲအၪနဲၪ့အနီၪ ဖိးလၧအနံၪ့ယဲဆံၫ, ကယဲၦလၧ အလ့ၩနုၬ လၧအမိမၩဆၧလၧၦခမျၧးအဂးနီၪ ဘဲၫၥိၭ အမိမၩဆၧအီၪကီၪ့ အတဲၩဆံၫ့ဎံၪအဎီးအၡၩ အဆၧ
36 မၩ,- ဆၧဝံထၪ့နၬထၪ့ဝ့ၫ ဘဲၫအဒီၪ့လဖၪအၥိၭနီၪ, ၦနံၫ
37 ထီၫ့နွ့ၫယၩယဲဆံၫလီၫ.- အဝ့ၫၥံၪနီၪမွဲၦလၧအဘၪဆၧ ဝံထၪ့နၬထၪ့ဝ့ၫ လၧၦကိဟၭဖိၪအဂံၪ့ဒီၪ့လဖၪအကျၩ, ကယဲၦလၧအမိမၩဆၧလၧ ဆၧအီၪကီၪ့အတဲၩဆံၫ့ဎံၪ ဖၧၩ့, လၧစမိစ့ၭ ဒဲစအၫရၧၫ့ဝံထၪ့နၬထၪ့ဝ့ၫ ဘဲၫယဟိ ဝၩ အဆၧမၪလူၬအီၪဝ့ၫအၥိၭ လၧစမိစ့ၭ အစူၪဖၧၩ့ လီၫ.
38 တၭၦလၧအဘၪဆၧဝံထၪ့နၬထၪ့ဝ့ၫ လၧစဂၧၡၧၫ့အ ဖိၪခွၫၥံၪအကျၩ ဘဲၫအဝ့ၫၥံၪ အဂံၪ့ဒီၪ့လဖၪအၥိၭ,
39 ဒဲဘဲၫအဖါလဖၪအဂံၪ့အၥိၭ,- လၧအၥၭၡါအနံၪ့ၥၧၫ့ ဆံၫ,ကယဲၦလၧအလ့ၩနုၬ လၧအမိမၩဆၧလၧၦခမျၧး အဂးနီၪ, ဘဲၫၥိၭအမိမၩဆၧအီၪကီၪ့အတဲၩဆံၫ့ဎံၪအ
40 ဎီးအၡၩအဆၧမၩ,- ဆၧဝံထၪ့နၬထၪ့ဝ့ၫဘဲၫအဒီၪ့လ ဖၪအၥိၭ, ဘဲၫအဖါလဖၪအဂံၪ့ဒီၪ့အၥိၭနီၪ, ၦနံၫထီၫ့
41 ဎူၫယၩၥၧၫ့ဆံၫလီၫ.- အဝ့ၫၥံၪနီၪ မွဲၦလၧအဘၪဆၧ ဝံထၪ့နၬထၪ့ဝ့ၫ လၧစဂၧၡၧၫ့အဖိၪခွၫၥံၪအဂံၪ့ဒီၪ့လ ဖၪအကျၩ, ကယဲၦလၧအမၩဆၧ လၧဆၧအီၪကီၪ့အ တဲၩဖၧၩ့, လၧစမိစ့ၭဒဲစအၫရၧၫ့ဝံထၪ့နၬထၪ့ဝ့ၫ,ဘဲၫယ ဟိဝၩအဆၧမၪလူၬ အၥိၭနီၪလီၫ.
42 တၭၦလၧအဘၪဆၧဝံထၪ့နၬထၪ့ဝ့ၫ လၧစမရၫရဲၫ အဖိၪခွၫၥံၪအဂံၪ့ဒီၪ့လဖၪအကျၩ, ဘဲၫအဝ့ၫၥံၪအဂံၪ့
43 ဒီၪ့လဖၪအၥိၭ, ဘဲၫအဖါလဖၪအဂံၪ့အၥိၭ,- လၧအ ၥၭၡါအနံၪ့ၥၧၫ့ဆံၫဒဲအၪနဲၪ့အနီၪ ဖိးလၧအနံၪ့ယဲဆံၫ ကယဲၦလၧအလ့ၩနုၬ လၧအမိမၩဆၧလၧၦခမျၧးအ ဂးနီၪ, ဘဲၫၥိၭအမိမၩဆၧအီၪကီၪ့ အတဲၩဆံၫ့ဎံၪအ
44 ဎီးအၡၩအဆၧမၩ,- ဆၧဝံထၪ့နၬထၪ့ဝ့ၫဘဲၫအဝ့ၫၥံၪ
45 အဂံၪ့ဒီၪ့လဖၪအၥိၭနီၪ, ၦၥၧၫ့ထီၫ့နံၫယၩလီၫ.- အဝ့ၫ ၥံၪနီၪမွဲၦလၧအဘၪဆၧဝံထၪ့နၬထၪ့ လၧစမရၫရဲၫအ ဖိၪခွၫၥံၪအဂံၪ့ဒီၪ့လဖၪအကျၩ, လၧစမိစ့ၭဒဲစအၫရၧၫ့ ဝံထၪ့နၬထၪ့ဝ့ၫ, ဘဲၫယဟိဝၩအလူအၥိၭလၧစမိစ့ၭအ စူၪဖၧၩ့နီၪလီၫ.
46 ကယဲၦလၧအဘၪ ဆၧဝံထၪ့နၬထၪ့ဝ့ၫလၧၦလံဝဲၫဖိၪ အကျၩ လၧစမိစ့ၭဒဲစအၫရၧၫ့ဒဲၦအံၫစရ့လၭအၦဒိၪ လဖၪဝံထၪ့နၬထၪ့ဝ့ၫဘဲၫအဝ့ၫၥံၪ အဂံၪ့ဒီၪ့လဖၪအၥိၭ,
47 ဘဲၫအဖါလဖၪအဂံၪ့အၥိၭ,-
48 လၧအၥၭၡါအနံၪ့ၥၧၫ့ ဆံၫဒဲအၪနဲၪ့အနီၪ, ဖိးလၧအနံၪ့ယဲဆံၫကယဲၦလၧအ လ့ၩနုၬလၧအမိမၩဆၧအဎီးအၡၩအဆၧမၩ, ဒဲယိၭ ဆၧအဆၧမၩလၧဆၧအီၪကီၪ့ အတဲၩဆံၫ့ဎံၪအဖၧၩ့နီၪ, ဆၧဝံထၪ့နၬထၪ့ ၦဎိၭထီၫ့ယဲယၩဎိၭဆံၫလီၫ.
49 ဘဲၫယဟိဝၩအဆၧမၪလူၬအၥိၭ အဝ့ၫၥံၪဘၪဆၧ ဝံထၪ့နၬထၪ့ဝ့ၫလၧစမိစ့ၭအစူၪဖၧၩ့, ထီးဒၪၦဘဲၫအ ဆၧမၩအၥိၭ, ဘဲၫအယိဆၧအၥိၭဆုၬဆုၬလီၫ. အ ဝ့ၫၥံၪဘၪဆၧဝံထၪ့နၬထၪ့ဝ့ၫ ဘဲၫယဟိဝၩမၪလူၬ စမိ စ့ၭအၥိၭနီၪလီၫ.