3
1 မုလနံၩလၧယဟိဝၩချဲၩ့ဆၧလၧစမိစ့ၭ လၧခိၪလီၩ့ စဲနၫအလီၩ့နီၪစအၫရၧၫ့ ဒဲစမိစ့ၭအဆၨၩအဆၬမွဲအ
2 ယီၩ,- တၭအယီၩမွဲစအၫရၧၫ့အဖိၪခွၫလဖၪအမံၩ့,
3 အဖိၪဝဲၡါစနၫဒၭ, ဒဲစအဘဲဟုၫ,ဒဲစအံၫလအ့ဇၧၫဒဲစ အံၥမၫလီၫ. အဝ့ၫၥံၪနီၪမွဲစအၫရၧၫ့အဖိၪခွၫ,ၦလုဆၧ လဖၪလၧအဒိၭဂုၪအၥၭ, လၧအအီၪက့ၪထၪ့အလး
4 ဘဲၫၥိၭအမိမၩန့ၦလုဆၧ အဆၧမၩလဖၪလီၫ.- ထီးအ ဖ့ၪလၫ့မ့ၪလၩ့မဲၩဒၪဆၧ လၧယဟိဝၩအမ့ၬယၫတၭ, စနၫဒၭဒဲစအဘဲဟုၫၥံၫဝ့ၫ လၧယဟိဝၩအမ့ၬယၫလၧ ၡါမုနၧၩ့ဖၫစဲနၫတၭ, အဖိၪအလံၩအီၪအ့ၬ. စအံၫလ အ့ဇၧၫဒဲစအံၥမၫနီၪ မၩၦလုဆၧအဆၧမၩလၧအဖါစ အၫရၧၫ့အမ့ၬယၫလီၫ.
5-6 ဒုၭဂဲၫ ဘူၭၦလံဝဲၫဖိၫလဒီၪ့တၭအီၪက့ၪအဝ့ၫၥံၪ လၧၦလုဆၧ လဂၩစအၫရၧၫ့အမ့ၬယၫ, ဘဲၫၥိၭအဝ့ၫၥံၪမိမၩအခ့ၫ
7 အၡၩအဆၧဆံၭ.- တၭအဝ့ၫၥံၪဘၪထီးလၩ့အၥၭလၧ အဆၧယိ, ဒဲဆၧအီၪကီၪ့ထီးအလူၬ,အဆၧယိလၧ ဆၧအီၪကီၪ့အတဲၩဆံၫ့ဎံၪအမ့ၬယၫ, ဘဲၫၥိၭအမိမၩ
8 တဲၩဆံၫ့ဎံၪအဆၧမၩလီၫ.- တၭအဝ့ၫၥံၪဘၪယိကယဲ ဆၧအီၪကီၪ့အတဲၩဆံၫ့ဎံၪအဆၧဖိၪဆၧလံၩ, ဒဲၦအံၫ စရ့လၭဖိၪအဆၧယိဘဲၫၥိၭ အမိမၩတဲၩဆံၫ့ဎံၪအဎီး
9 အၡၩအဆၧမၩလီၫ.- တၭနဘၪဖ့ၪလၫ့ၦလံဝဲၫဖိၪလၧစ အၫရၧၫ့, ဒဲလၧအဖိၪခွၫလဖၪလီၫ. ဆၧဖ့ၪလၫ့ဝ့ၫတၡါ
10 လၧၦအံၫစရ့လၭဖိၪအကျၩလီၫ.- နမိဘၪအီၪက့ၪလၩ့ စအၫရၧၫ့ဒဲအဖိၪခွၫလဖၪတၭ, အဝ့ၫၥံၪဘၪထီးန့ဝ့ၫလၧ ၦလုဆၧအဆၧမၩလီၫ. တၭၦလခီၫဘၩ့မုးဖိၪ လၧအၥုၭ ဘူၭအၥၭနီၪ မိဘၪဆၧမၩၥံၫဝ့ၫလီၫ. ယဟိဝၩချဲၩ့ဆၧလၧစမိစ့ၭတၭစံၭဝ့ၫဒၪ,
11-12 ယဝ့ၫ ဒၪယီၩ, ယိခွါ, ယဝ့ၫဒၪယီၩယမၩန့ယူၭၦလံဝဲၫဖိၪ လၧၦအံၫစရ့လၭဖိၪအကျၩ လၧကယဲၦဝဲၡါ လၧအဝဲ ထၪ့ဒၧၩ့လးလၧၦအံၫစရ့လၭဖိၪအကျၩ ထီးအလူၬအ လးလီၫ. အခိးမွဲဘဲၫနီၪတၭ ၦလံဝဲၫဖိၪမိကဲၪထၪ့ယဆၧ
13 လီၫ.- အဂဲးဘဲၫယီၩကယဲဆၧဝဲၡါနီၪမွဲယဆၧလီၫ. မု နံၩလၧယကျီၪ့ၥံၫခွံၬ ကယဲဆၧဝဲၡါလၧခးအံဇံၭအဖၧၩ့ နီၪ,ယအီၪက့ၪဆံၫ့ဎံၪ ကယဲဆၧဝဲၡါလၧၦအံၫစရ့လၭ ဖိၪအကျၩ, ၦၡၩမွဲဂ့ၩ, ဆၧဖိၪဆၧဎါလၧယဂးမွဲဂ့ၩ, အဝ့ၫၥံၪမိကဲၪထၪ့ယဆၧလီၫ. ယဝ့ၫဒၪယီၩ ယမွဲယ ဟိဝၩလီၫ.
14 ယဟိဝၩချဲၩ့ဆၧလၧစမိစ့ၭ လၧၡါမုနၧၫ့ဖၫစဲနၫတၭ,
15 စံၭဝ့ၫဒၪ,- ဝံထၪ့နၬထၪ့ၦလံဝဲဖိၪ ဘဲၫအဖါလဖၪအဂံၪ့ အၥိၭ, ဘဲၫအဂံၪ့ဒီၪ့လဖၪ အၥိၭနီၪဆံၭ. ကယဲၦခွၫ လၧအၥၭအီၪလၩလဘံၪ့ ဒဲအၪနဲၪ့အနီၪကိၭဂၩဒ့ၭ
16 နီၪနမိဘၪဝံထၪ့နၬထၪ့ဝ့ၫလီၫ.- တၭစမိစ့ၭဝံထၪ့နၬထၪ့ ဝ့ၫဘဲၫယဟိဝၩအလူအၥိၭ, ဘဲၫဆၧမၪလူၬဝ့ၫ အၥိၭ
17 နီၪလီၫ.- တၭအယီၩမွဲစလံဝဲၫအဖိၪခွၫလဖၪ ဘဲၫအမံၩ့ အီၪဝ့ၫအၥိၭနီၪလီၫ. စဂၧၡၧၫ့ဒဲစကိဟၭ, ဒဲစမရၫရဲၫ
18 လီၫ.- အယီၩမွဲစဂၧၡၧၫ့အဖိၪခွၫအမံၩ့ ဘဲၫအဂံၪ့ဒီၪ့
19 လဖၪအၥိၭနီၪ, စလံဘနဲၫ, ဒဲၡံမအဲၫလီၫ.- တၭစကိ ဟၭအဖိၪခွၫဘဲၫအဂံၪ့ဒီၪ့လဖၪအၥိၭနီၪ မွဲစအၫမရၫ့ ဒဲစအံၭဇဟၫ, ဒဲစဟံဘြၧၫ့, ဒဲစအၧၭဇအ့လၭလီၫ.
20 တၭစမရၫရဲၫအဖိၪခွၫ ဘဲၫအဂံၪ့ဒီၪ့လဖၪအၥိၭနီၪ, မွဲစမၫလံၫ, ဒဲစမုၡဲၫလီၫ. အယီၩမွဲၦလံဝဲၫဖိၪ အဂံၪ့
21 ဒီၪ့လဖၪဘဲၫအဖါလဖၪအဂံၪ့အၥိၭနီၪလီၫ.- တၭၦလံ ဘနဲၫဖိၪအဂံၪ့ဒီၪ့, ဒဲၦၡံမအဲၫဖိၪအဂံၪ့ဒီၪ့နီၪ, ကဲၪ ထၪ့ဝ့ၫဘၪဆဲၫ့လၧစဂၧၡၧၫ့လီၫ. အနီၪမွဲၦဂၧၡၧၫ့ဖိၪ
22 အဂံၪ့ဒီၪ့လဖၪလီၫ.- တၭၦလၧအဘၪဆၧဝံထၪ့နၬထၪ့ ဝ့ၫလၧအကျၩ, ဘဲၫအခွၫလၧအၥၭအီၪ လၩလဘံၪ့,ဒဲ အၪနဲၪ့အနီၪဘဲၫအဆၧဝံဆၧနၬအၥိၭနီၪ, ၦလၧအဘၪ ဆၧဝံထၪ့နၬထၪ့ဝ့ၫလၧအကျၩနီၪ, မွဲၦနွ့ၫထီၫ့ယဲယၩ
23 လီၫ.- တၭၦဂၧၡၧၫ့ဖိၪအဂံၪ့ဒီၪ့လဖၪနီၪ ဘၪၥုၪ့အ
24 တဲၩလၧတဲၩဆံၫ့ဎံၪ အချိၫ့လၧမုနုၬလခီၫလီၫ.- တၭၦ ဂၧၡၧၫ့ဖိၪအဖါအဂံၪ့ အၦဒိၪနီၪမွဲစလၫအ့ၫလၭအဖိၪ
25 ခွၫစအံၫလဲၫအစၭလီၫ.- တၭစဂၧၡၧၫ့အဖိၪခွၫၥံၪအ ဆၧယိဘၪဆဲၫ့လၧဆၧအီၪကီၪ့ အတဲၩဆံၫ့ဎံၪနီၪ, မွဲ ဆၧအီၪကီၪ့အလး, ဒဲတဲၩအဆၧချႃၬဘံၭ ဒဲဆၧလၩ့ ဆဲၩလၧဆၧအီၪကီၪ့ အတဲၩဆံၫ့ဎံၪ အတရၫ့အဂး,
26 ဒဲဝၩ့အဆၧလၩ့ဆဲၩ, ဒဲဆၧဒီၪ့ချႃၬဘံၭဆၧလၧဝၩ့အ တရၫ့အဂးလၧအအီၪလၧတဲၩဆံၫ့ဎံၪအနဲၩ့, ဒဲလၧဆၧ လုလးအနဲၩ့ဝၬဖီၩ့ဝ့ၫ, ဒဲအဖျံၩလဖၪ လၧအမၩဆၧ ထီးအလူၬအဂးလီၫ.
27 တၭၦအၫမရၫ့ဖိၪအဂံၪ့ဒီၪ့, ဒဲၦအံၭဇဟၫဖိၪအဂံၪ့ ဒီၪ့,ဒဲၦဟံဘြၧၫ့ဖိၪအဂံၪ့ဒီၪ့, ဒဲၦအံၭဇအ့လၭဖိၪအဂံၪ့ ဒီၪ့နီၪဘၪဆဲၫ့လၧစကိဟၭလီၫ. အဝ့ၫၥံၪနီၪမွဲၦကိဟၭ
28 အဂံၪ့ဒီၪ့လဖၪလီၫ.- တၭကယဲအဖိၪခွၫလဖၪဘၪဆၧ ဝံထၪ့နၬထၪ့လၧအၥၭအီၪလၩလဘံၪ့ ဒဲအၪနဲၪ့အနီၪ မွဲဎိၭထီၫ့ဎူၫယၩလီၫ. တၭအဝ့ၫၥံၪမွဲၦလၧအယိဆၧ
29 ဘၪဆဲၫ့လၧဆၧအလးဆံၫ့ဎံၪအဆၧယိလီၫ.- တၭစ ကိဟၭအဖိၪခွၫၥံၪအဂံၪ့ဒီၪ့လဖၪနီၪ ဘၪၥုၪ့အတဲၩလၧ
30 တဲၩဆံၫ့ဎံၪအနဲၩ့ထံၭ လၧမုခံၫ့လခီၫလီၫ.- တၭၦကိ ဟၭဖိၪအဖါအဂံၪ့ဒီၪ့လဖၪအၦဒိၪနီၪ မွဲစအၧၭဇအ့ လၭအဖိၪခွၫ စအလံၭဇဖၫ့လီၫ.
31 တၭအဝ့ၫၥံၪအဆၧယိနီၪမွဲတလၫ,ဒဲစပွဲ, ဒဲမ့ၪဒိၩ့မိ ၡါ, ဒဲဆၧလုအလးလဖၪ, ဒဲဆၧအလးဆံၫ့ဎံၪအဆၧဖိၪ ဆၧလံၩလၧၦမၩအဆၧ လၧအဝ့ၫဒဲဆၧလၩ့ဆဲၩ, ဒဲက
32 ယဲဆၧဘၪဆဲၫ့လၧအမၩဆၧထီးအလူၬ.- တၭၦလု ဆၧလဂၩစအၫရၧၫ့အဖိၪခွၫစအံၫလအ့ဇၧၫနီၪ မိကဲၪ ထၪ့ၦလံဝဲၫဖိၪအၦဒိၪလဖၪအခိၪလီၫ. ဒဲယိၦလၧအ ယိဆၧအလးဆံၫ့ဎံၪ အဆၧလီၫ.
33 တၭၦမၫလံၫဖိၪအဂံၪ့ဒီၪ့, ဒဲၦမုၡံၫဖိၪ အဂံၪ့ဒီၪ့နီၪ ဘၪဆဲၫ့လၧစမရၫရဲၫလီၫ. အဝ့ၫၥံၪနီၪမွဲစမရၫရဲၫ အ
34 ဂံၪ့ဒီၪ့လဖၪလီၫ.- တၭၦလၧအဘၪဆၧဝံထၪ့နၬထၪ့ ဝ့ၫ,ဘဲၫကယဲၦခွၫလၧအၥၭအီၪ လၩလဘံၪ့ဒဲအၪနဲၪ့ အနီၪထီးအလူၬ, ဘဲၫအဆၧဝံထၪ့နၬထၪ့ဝ့ၫအၥိၭနီၪ
35 မွဲဎူၫထီၫ့နံၫယၩလီၫ.- တၭၦမရၫရဲၫဖိၪအဖါအဂံၪ့ ဒီၪ့လဖၪအၦဒိၪနီၪ မွဲစအဘဲၫဟလၭအဖိၪခွၫ စဇုၫရ အ့လၭလီၫ. အဝ့ၫၥံၪနီၪဘၪၥုၪ့အတဲၩ လၧတဲၩဆံၫ့
36 ဎံၪအနဲၩ့ထံၭလၧမုဖၩလခီၫလီၫ.- တၭစမရၫရဲၫအ ဖိၪခွၫအဆၧပၧၩ့ဆၧယိဆၧနီၪ မွဲတဲၩဆံၫ့ဎံၪအၥံၪ့ပၪ, ဒဲအနိၪဘီၩ့ ဒဲအထုၪ့လဖၪ, ဒဲအခၪ့ဖုၪ့လဖၪ, ဒဲအဆၧ
37 ဖိၪဆၧလံၩထီးအလူၬ,- တၭကယဲဆၧဘၪဆဲၫ့လၧအ ဆၧမၩ, ဒဲဆၧဝၩ့ဝၬဖီၩ့နီၪအထုၪ့လဖၪ, ဒဲအခၪ့ဖျၪ့လ ဖၪ, ဒဲအနိၪစဲၩၥံၪ, ဒဲအဖျံၩလဖၪလီၫ.
38 အ့ၪမွဲၦလၧအၥုၪ့အတဲၩ လၧတဲၩဆံၫ့ဎံၪ မုထၪ့လ ခီၫ, လၧဆၧအီၪကီၪ့အတဲၩဆံၫ့ဎံၪ အမ့ၬယၫမုထၪ့လ ခီၫနီၪမိမွဲစမိစ့ၭဒဲစအၫရၧၫ့ ဒဲအဖိၪခွၫလဖၪလီၫ. အ ဝ့ၫၥံၪမိယိဆၧအလးဆံၫ့ဎံၪ အဆၧယိ လၧၦအံၫစရ့ လၭဖိၪအဆၧယိအဂးလီၫ. တၭၦလခီၫဘၩ့မုးဖိၪလၧ
39 အၥုၭဘူၭအၥၭနီၪမိဘၪဆၧမၩၥံၫဝ့ၫလီၫ.- တၭကယဲ ၦလၧအဘၪဆၧဝံထၪ့နၬထၪ့ဝ့ၫ လၧၦလံဝဲၫဖိၪအကျၩ, လၧစမိစ့ၭ, ဒဲစအၫရၧၫ့ဝံထၪ့နၬထၪ့ဝ့ၫ ဘဲၫအဝ့ၫၥံၪအ ၥိၭလၧယဟိဝၩအဆၧမၪလူၬ ကယဲၦခွၫလၧအၥၭအီၪ လၩလဘံၪ့ဒဲအၪနဲၪ့အနီၪ မွဲနံၫလၬနံၫထီၫ့လီၫ.
40 တၭယဟိဝၩစံၭစမိစ့ၭ, ဝံထၪ့နၬထၪ့ကယဲၦခွၫဝဲၡါ လၧအံၫစရ့လၭဖိၪအကျၩ လၧအအီၪလၩလဘံၪ့ဒဲအၪ
41 နဲၪ့အနီၪတၭ, မၩန့အမံၩ့အဆၧဝံထၪ့နၬထၪ့ဆံၭ.- တၭ နဘၪမၩန့ ၦလံဝဲၫဖိၪလၧယဂး, (ယဝ့ၫဒၪယီၩယမွဲ ယဟိဝၩ,) လၧကယဲၦဝဲၡါ လၧၦအံၫစရ့လၭဖိၪအ ကျၩအလး ဒဲၦလံဝဲၫဖိၪအဆၧဖိၪဆၧဎါအဒိၩ့လဖၪ လၧကယဲဆၧဝဲၡါ လၧၦအံၫစရ့လၭဖိၪအဆၧဖိၪဆၧ
42 ဎါအဒိၩ့ၥံၪအလးလီၫ.- တၭစမိစ့ၭဝံထၪ့နၬထၪ့ကယဲ ၦဝဲၡါလၧအံၫစရ့လၭဖိၪအကျၩ, ဘဲၫယဟိဝၩမၪလူၬ
43 ဝ့ၫအၥိၭနီၪလီၫ.- တၭကယဲၦခွၫဝဲၡါ လၧအမံၩ့အဆၧ ဝံထၪ့နၬထၪ့လၧအအီၪလၩလဘံၪ့ ဒဲအၪနဲၪ့အနီၪ,ဆၧ ဝံထၪ့နၬထၪ့အီၪဝ့ၫနံၫလၬနံၫထီၫ့နံၫယၩနွ့ၫဆံၫၥၧၫ့ဂၩ
44 လီၫ.- ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ,
45 မၩန့ၦလံဝဲၫဖိၪ လၧကယဲၦဝဲၡါ လၧၦအံၫစရ့လၭဖိၪ အကျၩအလး, ဒဲၦလံဝဲၫဖိၪအဆၧဖိၪဆၧဎါအဒိၩ့လၧ
46 အဝ့ၫၥံၪအဆၧဖိၪဆၧဎါအဒိၩ့အလးဆံၭ.- ၦလံဝဲၫ ဖိၪၥံၪမွဲယဆၧတၭး ယမွဲယဟိဝၩလီၫ. တၭၦဝဲၡါလၧ ၦအံၫစရ့လၭဖိၪအကျၩ အၪနဲၪ့ၦလံဝဲၫဖိၪလၧအမိဒိၭ
47 ဆၧဎွ့ၩန့ထဲၩ့ဝ့ၫၦနံၫယၩနွ့ၫဆံၫၥၧၫ့ဂၩနီၪ,- နမိဘၪ မၩန့လၧအဂးယဲၡက့လၭ ဘဲၫအခိၪလဖၪအၥိၭနီၪ လီၫ. ဘဲၫဆၧအလးဆံၫ့ဎံၪအၡက့လၭ အၥိၭနီၪလီၫ.
48 (ၡက့လၭလဘံၪ့နီၪ မွဲဂ့ရၫအဘံၪ့နံၫဆံၫလီၫ.)- တၭ စ့ၩလၧအဎွ့ၩန့ထဲၩ့ ၦလၧအအီၪအၪလါကဲၪကၩနီၪန
49 ဘၪဖ့ၪလၫ့ဝ့ၫလၧစအၫရၧၫ့ ဒဲအဖိၪခွၫလဖၪလီၫ.- တၭ ၦလၧအအီၪအၪနဲၪ့ ၦလၧအဒိၭဆၧဎွ့ၩန့ထဲၩ့ဝ့ၫလၧ ၦလံဝဲၫဖိၪနီၪ စမိစ့ၭမၩန့ အဆၧအဎွ့ၩန့ ထဲၩ့အစ့ၩ
50 လီၫ.- မၩန့စ့ၩလၧၦဝဲၡါလၧၦအံၫစရ့လၭဖိၪအကျၩ, စ့ၩလထီၫ့ၥၧၫ့ယၩဎူၫဆံၫယဲၡက့လၭ, ဘဲၫဆၧအလး
51 ဆံၫ့ဎံၪအၡက့လၭအၥိၭနီၪလီၫ.- တၭစမိစ့ၭဖ့ၪလၫ့ၦ လၧအဘၪဆၧဎွ့ၩန့ထဲၩ့အစ့ၩ လၧစအၫရၧၫ့ဒဲအဖိၪ ခွၫလဖၪ, ဘဲၫယဟိဝၩအလူအၥိၭ, ဘဲၫယဟိဝၩမၪ လူၬစမိစ့ၭအၥိၭနီၪလီၫ.