36
1 လၧစယိၥၭအဖိၪခွၫၥံၪအဂံၪ့ဒီၪ့လဖၪအကျၩ, စမ နၭစ့ၫအဖိၪခွၫ စမၫခၧၫအဖိၪခွၫ စဂံလအၭအဖိၪၥံၪအ ဂံၪ့ဒီၪ့လဖၪ အဖါၥံၪအခိၪလဂၩနီၪ ဂဲၫဘူၭတၭ, ချဲၩ့ ဆၧလၧစမိစ့ၭအမ့ၬယၫ, ဒဲလၧၦအံၫစရ့လၭဖိၪ အဖါ
2 အခိၪအၦဒိၪလဖၪအမ့ၬယၫတၭ,- စံၭဝ့ၫဒၪ, ယဟိဝၩ မၪလူၬပကဆါလၧအမိဖ့ၪလၫ့ ထံၫၥံၪခးၥံၪလၧၦအံၫ စရ့လၭဖိၪ အန့ၥၫဆၧအဂး လၧဖၭဆၧအကၠီၩ့တၭ, ယဟိဝၩမၪလူၬ ပကဆါလၧအမိဖ့ၪလၫ့ ပထၧၫ့ဖုဝဲစ ဇံၫလိဖဟၭအဆၧန့ၥၫ လၧအဖိၪမုၪလဖၪ အကျၩနီၪ
3 လီၫ.- အ့ၪန့အဝၩ လၧၦအံၫစရ့လၭဖိၪ အဒီၪ့ဂူၫဂၩ လဖၪအဖိၪတၭ, အဆၧန့ၥၫမိဘၪ ဆၧမၩန့ဝ့ၫလၧပဖါ လဖၪအဆၧန့ၥၫအဖၧၩ့တၭ, မိဘၪဆၧအီၪက့ၪကီၪ့ ဝ့ၫလၧၦလဒီၪ့ လၧအထိးဆၧၫ့ဝ့ၫ လၧအဖၧၩ့လီၫ. တၭ မိဘၪဆၧမၩန့ဝ့ၫလၧအဂး, လၧပန့ၥၫဆၧအဖၧၩ့လီၫ.
4 ထီးၦအံၫစရ့လၭဖိၪ အယုဘလံၫအထီဘၪတၭ, အ ဆၧန့ၥၫနီၪ မိဘၪဆၧအီၪက့ၪကီၪ့ လၧၦလဒီၪ့အဆၧန့ ၥၫလၧအထိးဆၧၫ့ဝ့ၫ လၧအဖၧၩ့လီၫ. တၭအဆၧန့ၥၫ နီၪမိဘၪဆၧမၩန့ထၪ့ခွံၬ လၧပဖါလဒီၪ့အဆၧ န့ၥၫအ ဖၧၩ့လီၫ.
5 တၭစမိစ့ၭမၪလူၬ ၦအံၫစရ့လၭဖိၪ ဘဲၫယဟိဝၩအ လူစံၭဝ့ၫအၥိၭ, စယိၥၭအဖိၪခွၫလဖၪ အဆၨၩနီၪချဲၩ့
6 ဆၧဘၪယူၭ.- အယီၩမွဲဆၧလၧယဟိဝၩ မၪလူၬလၧ စဇံၫလိဖဟၭအဖိၪမုၪလဖၪ အဂဲးအကၠီၪ့တၭ, စံၭဝ့ၫ, မိန့ဒၪဝ့ၫအဝၩထီးအဘၪအမ့ၬဆံၭ. မွဲလါနၫ့မိန့ဘၪ
7 အဝၩလၧအဖါအဒီၪ့လဒီၪ့ အကျၩနီၪလီၫ.- တၭၦအံၫ စရ့လၭဖိၪအဆၧန့ၥၫနီၪ ၥုၭဘၪအၥၭလဒီၪ့ဘၪလဒီၪ့ လဒီၪ့ဘၪလဒီၪ့အ့ၬ. အဂဲးဘဲၫယီၩ ၦအံၫစရ့လၭဖိၪ လဂၩလါလါနီၪ မိဘၪဘုၭထၬလိၬအၥၭ လၧအဖါလ
8 ဖၪလဒီၪ့အဆၧန့ၥၫလီၫ.- တၭကယဲၦၡၩအဖိၪမုၪလၧ အအီၪလၧဆၧန့ၥၫ လၧၦအံၫစရ့လၭဖိၪလဒီၪ့ လၧအ ဒီၪ့လဖၪအကျၩနီၪ မိဘၪကဲၪထၪ့ၦလၧအဖါလဒီၪ့အ ဒီၪ့ဖိၪလဂၩအမၫ, ဘဲၫၥိၭၦအံၫစရ့လၭဖိၪမိန့ၥၫအဖါ
9 အဆၧန့ၥၫကိၭဂၩဒ့ၭနီၪလီၫ.- တၭဆၧန့ၥၫနီၪၥုၭဘၪ အၥၭလၧလဒီၪ့ဘၪလဒီၪ့အ့ၬ. ကယဲၦအံၫစရ့လၭဖိၪ မိဘၪဖီၪ့ထၬ ဆၧလၧအန့ၥၫဒၪဝ့ၫ လဂၩလါလါလီၫ.
10 ဘဲၫယဟိဝၩမၪလူၬ စမိစ့ၭအၥိၭနီၪ စဇံၫလိဖဟၭ
11 အဖိၪမုၪလဖၪ မၩဝ့ၫဘဲၫနီၪအၥိၭလီၫ.- တၭစဇံၫလိ ဖဟၭအဖိၪမုၪလဖၪ, နးမၫလၫ, ဒဲနးတၧဇၫ, ဒဲနးဟီၭ လၫ, ဒဲနးမံလကၫ, ဒဲနးနိအၫနီၪ, န့အဝၩလၧအဖါအ
12 ထၧၫ့ဖုဝဲခွၫလဖၪနီၪလီၫ.- တၭအဝ့ၫၥံၪန့အဝၩလၧ စယိၥၭအဖိၪခွၫ စမနၭစ့ၫအဖိၪခွၫလဖၪ အဂံၪ့ဒီၪ့ဖိၪ လီၫ. တၭအဆၧန့ၥၫနီၪ အီၪဒၪဆၧလၧအဖါအဂံၪ့ဖိၪ
13 လဒီၪ့အဖၧၩ့လီၫ.- ဆၧလဖၪနီၪ မွဲဆၧမၪလူၬလဖၪ, ဒဲဆၧစ့ၩရၫ့လဖၪ လၧယဟိဝၩမၪလူၬ ၦအံၫစရ့လၭ ဖိၪလဖၪလၧစမိစ့ၭအစူၪဖၧၩ့ လၧမိအၭအဆၧပျၩ့ဖၧၩ့ လၧယီၫဒၫ့အနဲၩ့ဆဲၫဎၩ့ လၧယ့ၫရခိၫနီၪလီၫ.