35
1 ယဟိဝၩချဲၩ့ဆၧလၧစမိစ့ၭ လၧမိအၭအဆၧပျၩ့ဖၧၩ့ လၧယီၫဒၫ့အနဲၩ့ဆဲၫဎၩ့ လၧယ့ၫရခိၫတၭ, စံၭဝ့ၫဒၪ,
2 မၪလူၬ ၦအံၫစရ့လၭဖိၪ လၧအမိဘၪဖ့ၪလၫ့ဒိၩ့လဖၪ လၧအဆၧန့ၥၫအကျၩ လၧၦလံဝဲၫဖိၪ, ဘဲၫၥိၭအမိအီၪ ဝ့ၫလၧအဖၧၩ့ဆံၭ. တၭနၥံၪဘၪဖ့ၪလၫ့ၦလံဝဲၫဖိၪလၧ
3 ဆၧအလးလၧဒိၩ့လဖၪ အနဲၩ့ထံၭဝၬဖီၩ့ဝ့ၫလီၫ.- တၭ ဒိၩ့လဖၪနီၪ မိအီၪဝ့ၫလၧအဝ့ၫၥံၪအီၪဝ့ၫအဂး, ဒဲဆၧ အနဲၩ့ထံၭဝၬဖီၩ့လဖၪနီၪ မိအီၪလၧအဆၧဖိၪဆၧဎါ အဒိၩ့အဂး, ဒဲလၧအစူၪလးအခၪ့ခိၪအဂး, ဒဲလၧအ
4 ဆၧဖိၪဆၧဎါထီးအလူၬအဂးလီၫ.- တၭဒိၩ့အနဲၩ့ထံၭ ဝၬဖီၩ့နီၪ လၧနၥံၪဘၪဖ့ၪလၫ့ ၦလံဝဲၫဖိၪၥံၪနီၪ မိအီၪ
5 လၧဒိၩ့ခိၪဒၧၩ့ လၧခီၫ့အဖျါလထီၫ့ဝၬဖီၩ့ဝ့ၫလီၫ.- တၭ နၥံၪမိဘၪထိၪ လၧဒိၩ့မုထၪ့လခီၫအဖျါနံၫထီၫ့, ဒဲလၧ မုခံၫ့လခီၫနီၪ အဖျါနံၫထီၫ့, ဒဲလၧမုနုၬလခီၫနီၪ အဖျါ နံၫထီၫ့, ဒဲလၧမုဖၩလခီၫနီၪ အဖျါနံၫထီၫ့လီၫ. ဒိၩ့နီၪ အီၪဝ့ၫလၧအၥၭခံဖၧၩ့တၭ, ဆၧနီၪမိကဲၪထၪ့ဝ့ၫလၧဒိၩ့
6 အဆၧအၪ့အဆၪအလး လၧအဂးလီၫ.- တၭလၧဒိၩ့ လၧနၥံၪမိဘၪဖ့ၪလၫ့ ၦလံဝဲၫဖိၪအကျၩနီၪ ဒိၩ့မိဘၪ အီၪဎူၫဒိၩ့ လၧဆၧဖလ့ၬအဂး လၧနၥံၪမိဘၪအီၪက့ၪ ဝ့ၫလၧၦမၩၥံၫၦၡၩအဂး, ဘဲၫၥိၭအမိစဲၪ့ဖျ့ၭ ထီးနီၪ လီၫ. တၭလၧနီၪအဖၫ့ခိၪ နၥံၪမိဘၪအီၪက့ၪအၪထၪ့
7 ဒိၩ့လံဆံၫနံၫဒိၩ့လီၫ.- ဒိၩ့ၥံၪတဝၫ့ၥံၪလၧနၥံၪမိဘၪ ဖ့ၪလၫ့ ၦလံဝဲၫဖိၪ ထီးအလူၬနီၪမွဲလံဆံၫဎိၭဒိၩ့လီၫ.
8 အဝ့ၫၥံၪနီၪ, ဒဲဆၧအၪ့အဆၪအလးလဖၪလီၫ.- တၭ ဒိၩ့လဖၪလၧနၥံၪမိဘၪဖ့ၪလၫ့ လၧၦအံၫစရ့လၭဖိၪအ န့ၥၫဆၧအကျၩနီၪ, လၧအအၪအကျၩနီၪ,နၥံၪမိမၩန့ လၧအအၪတၭ, လၧအၡၩအကျၩနီၪ,နၥံၪမိဘၪမၩန့ လၧအၡၩလီၫ. ကယဲၦကိၭအဂၩမိဘၪဖ့ၪလၫ့ဆၧလၧ အဒိၩ့အကျၩနီၪ လၧၦလံဝဲၫဖိၪ, ဘဲၫအဆၧန့ၥၫ လၧ အန့ဘၪၥၫအၥိၭနီၪလီၫ.
(၅မိ ၥ၉:ၥ-ၥ၃, ရှုၫ ၂ဝ:ၥ-၉). ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ,
9-10 ချဲၩ့ ဆၧလၧၦအံၫစရ့လၭဖိၪတၭ စံၭအဝ့ၫၥံၪ, ထီးနၥံၪခၫ့
11 ဂၬထံၫယီၫဒၫ့ လၧခးကၫနအၫ့အဖၧၩ့တၭ,- နၥံၪမိ ဘၪအီၪက့ၪလၩ့ဒိၩ့လဖၪ လၧအမိကဲၪထၪ့ဒိၩ့ဖလ့ၬ လၧနၥံၪအဂး, ဘဲၫၥိၭၦလၧအမၩၥံၫဆၧလၧအမၩၥံၫ
12 ရှုၭၦၡၩအကၠီၩ့လဂၩမိစဲၪ့ဖျ့ၭထီးနီၪလီၫ.- တၭအဝ့ၫ ၥံၪမိကဲၪထၪ့ဒိၩ့ဖလ့ၬ လၧၦအၪ့ဎၬဆၧၥွံၪအစူၪဖၧၩ့, ဘဲၫၥိၭၦလၧအမၩၥံၫၦၡၩလဂၩနီၪ, ဘိၩ့အလချႃၭ ဆၧၫ့ထုၪ့ဒံၭဘၪလၧဆၧအီၪကီၪ့အမ့ၬယၫ လၧဆၧစ့ၩ
13 ရၫ့အဖၧၩ့နီၪ, ထီးၥံၫလဂ့ၩ,- တၭလၧဒိၩ့လဖၪလၧ နၥံၪမိဘၪဖ့ၪလၫ့အကျၩနီၪ, ဎူၫဒိၩ့မိအီၪလၧနၥံၪလၧ
14 ဆၧဖီၩ့ဖျ့ၭအဂးလီၫ.- နၥံၪဘၪအီၪက့ၪလၩ့ ၥၧၫ့ဒိၩ့ လၧယီၫဒၫ့လၧအယီၩလခီၫ, ဒဲနၥံၪဘၪအီၪက့ၪၥၧၫ့ဒိၩ့ လၧခးကၫနအၫ့အဖၧၩ့ လၧအမိကဲၪထၪ့ဒိၩ့ဖလ့ၬလီၫ.
15 ဎူၫဒိၩ့နီၪ မိကဲၪထၪ့ဆၧဖလ့ၬ လၧၦအံၫစရ့လၭဖိၪအ ဂး,ဒဲလၧၦလခီၫဘၩ့မုးဖိၪအဂး, ဒဲလၧၦလၧအအီၪ လၧအကျၩအဂး, ဘဲၫၥိၭၦလၧအမၩၥံၫရှုၭၦၡၩလဂၩ ဂၩနီၪ, မိစဲၪ့ဖျ့ၭထီးနီၪ ကိၭဂၩဒ့ၭလီၫ.
16 တၭအ့ၪဖ့ၬဝ့ၫလၧထၭလမံၩ့မံၩ့ ထီးအဆၧၥံၫဝ့ၫနီၪ, မွဲဝ့ၫလၧၦမၩၥံၫဒၪၦၡၩလီၫ. ၦလၧအမၩၥံၫဒၪၦၡၩ နီၪမိဘၪဆၧမၩၥံၫဝ့ၫတၡါဆ့လီၫ.
17 အ့ၪခွံၬဘၪဝ့ၫလၧလိး လၧအစူၪဖၧၩ့ လၧအမၩၥံၫဆၧ ၥ့ၪတၭ, အဝ့ၫဒၪအ့ၪၥံၫနီၪ, မွဲၦမၩၥံၫဒၪၦၡၩလီၫ. ၦလၧ အမၩၥံၫဒၪၦၡၩနီၪ မိဘၪဆၧမၩၥံၫဝ့ၫ တၡါဆ့လီၫ.
18 အ့ၪဒိၪဝ့ၫလၧၥံၪ့လကုၭ လၧအစူၪလၧအမၩၥံၫဆၧၥ့ၪ တၭ,အဝ့ၫဒၪအ့ၪၥံၫတၭ, မွဲၦမၩၥံၫဒၪၦၡၩတၭ, ၦမၩ
19 ၥံၫဒၪဝ့ၫနီၪ မိဘၪဆၧမၩၥံၫဝ့ၫတၡါဆ့လီၫ.- ၦအၪ့ဎၬ ဆၧအၥွံၪအနၫ့ဆါဒၪဝ့ၫနီၪ မိဘၪမၩၥံၫ ၦမၩၥံၫဒၪၦ ၡၩလဂၩနီၪလီၫ. ထီးအဘၪခီၩ့ဝ့ၫတၭ, မိမၩၥံၫဝ့ၫ
20 လီၫ.- တၭအ့ၪဆ့ၭဝ့ၫလၧအၥၭဂဲၫ့ဆၧအကၠီၩ့, အ့ၪ
21 အီၪခိၭတၭ ခွံၬဝ့ၫလၧဆၧလမံၩ့မံၩ့ထီးအၥံၫ,- အ့ၪ ထၫ့ဒုၪဒၩဝ့ၫတၭ, မ့ၭဝ့ၫလၧအစူၪနီၪ အဝ့ၫဒၪအ့ၪၥံၫ နီၪ,ၦလၧအမၩၥံၫဝ့ၫလဂၩနီၪ မိဘၪဆၧမၩၥံၫဝ့ၫတၡါ ဆ့လီၫ. မွဲဝ့ၫလၧၦမၩၥံၫဒၪၦၡၩလီၫ. ထီးအဘၪခီၩ့ ဝ့ၫတၭ, ၦအၪ့ဎၬဆၧအၥွံၪနီၪ မိမၩၥံၫၦလၧအမၩၥံၫ ဒၪၦၡၩနီၪလီၫ.
22 အ့ၪလမွဲဘၪဘဲၫနီၪတၭ, လထၫ့ဒၩဘၪဝ့ၫတၭ, အ့ၪ ဆ့ၭရှုၭဘၪတၭ, လအီၪခိၭဘၪဝ့ၫနီၪ, အ့ၪခွံၬဆၧလ
23 မံၩ့မံၩ့လၧအဘၪဝ့ၫတၭ,- လဒၪဘၪဝ့ၫနီၪ, အ့ၪခွံၬဝ့ၫ လၧလိးထီးအၥံၫတၭ, အ့ၪလမွဲဘၪအဒုၪအဒၩ, ဒဲအ့ၪ
24 လအၪ့ဎၬမၩအၧၩ့ဘၪတၭ,- ဆၧအီၪကီၪ့မိဘၪစ့ၩရၫ့ ဆၧလၧၦမၩၥံၫဆၧ ဒဲၦအၪ့ဎၬဆၧၥွံၪအဘိၩ့ဆၧၩ့နီၪ
25 ဘဲၫဆၧစ့ၩရၫ့လဖၪယီၩ အၥိၭနီၪလီၫ.- ဆၧအီၪကီၪ့ ဘၪမၩဂၭဖျ့ၭ ၦမၩၥံၫဆၧလၧၦအၪ့ဎၬ ဆၧၥွံၪအစူၪ ဖၧၩ့တၭ, ဆၧအီၪကီၪ့မိဘၪဒုၭထဲၩ့ထဲၩ့ဝ့ၫ လၧဒိၩ့ ဖလ့ၬ လၧအစဲၪ့နုၬလၧအဖၧၩ့တၭ, မိအီၪထီးနီၪထီး ၦလုဆၧအခိၪ လၧအဘၪဆၧဂုၪဝ့ၫ လၧၥိၪဆံၫ့ဎံၪလ ဂၩၥံၫဝ့ၫလီၫ.
26 အ့ၪမွဲၦမၩၥံၫဆၧအ့ၪစဲၪ့ထၪ့ခွံၬ တၡါလၧဒိၩ့ဖလ့ၬ
27 အနဲၩ့လၧအနုၬလၧအဖၧၩ့တၭ,- ၦအၪ့ဎၬဆၧအၥွံၪ လဂၩအ့ၪဒၪန့ဝ့ၫလၧဒိၩ့ဖလ့ၬအနဲၩ့လၧခီၫ့တၭ, ၦအၪ့ ဎၬဆၧအၥွံၪနီၪ အ့ၪမၩၥံၫၦမၩၥံၫဒၪဆၧတၭ, ဆၧၥွံၪ
28 အီၪလၧအလီၩ့အ့ၬ.- အဂဲးဘဲၫယီၩမွဲအကြၨၭအီၪဝ့ၫ လၧအဒိၩ့ဖလ့ၬ ထီးၦလုဆၧအခိၪၥံၫဝ့ၫလီၫ. အ့ၪမွဲ ၦလုဆၧအခိၪၥံၫဝ့ၫအလးခဲၫ့နီၪ ၦမၩၥံၫၦၡၩလဂၩနီၪ မိထဲၩ့ထဲၩ့ဘၪ လၧအဆၧဖီၪ့ထၬအဂၪ့ခိၪလီၫ.
29 ဆၧလဖၪနီၪ မိကဲၪထၪ့ဝ့ၫလၧဆၧစ့ၩရၫ့အၥနိၫလၩ့ လၧနၥံၪအဆၨၩအဆၬ လဆိၩဘၪလဆိၩ လၧနၥံၪ အီၪအလးကိၭစီၪ့ဒ့ၭလီၫ.
30 ၦလၧအမၩၥံၫဒၪၦၡၩလဂၩဂၩနီၪ, ၦလၧအမၩၥံၫ ဒၪၦၡၩ မိဘၪဆၧမၩၥံၫဝ့ၫ လၧၦထိးအၥၭလဖၪ အ ဆၧချဲၩ့အကၠီၩ့လီၫ. အ့ၪမွဲၦလဂၩဎး ထိးဘၪအၥၭ
31 ထီးအဆၧၥံၫအ့ၬ.- တၭထီးမၩန့ဆၧမၩဖီၩ့ဖျ့ၭလၧၦ မၩၥံၫဒၪၦၡၩ လၧအကြၨၭၥံၫလဂၩအဂးနီၪလဂ့ၩ, မွဲ
32 အမိဘၪဆၧမၩၥံၫတၡါဝ့ၫလီၫ.- ၦလၧအစဲၪ့ဆၧလၧ ဒိၩ့ဖလ့ၬဖၧၩ့အဂးနီၪ, လၧၦလုဆၧအခိၪလချႃၭၥံၫဒံၭ ဘၪနီၪ, ဘဲၫၥိၭအမိဂဲၫထဲၩ့အီၪ လၧထံၫၥံၪခးၥံၪအ ဖၧၩ့တၭ, ထီးမၩန့ဆၧဂၭဖျ့ၭအဎွ့ၩနးမံၩ့လဂ့ၩ.
33 တၭထီးမၩဘၪၥၭလိၪ ထံၫၥံၪခးၥံၪလၧနၥံၪအီၪလၧ အဖၧၩ့လဂ့ၩ, အဂဲးဘဲၫယီၩ ဆၧၥွံၪမၩဘၪၥၭလိၪ ခးနီၪလီၫ. တၭခးနီၪမိဘၪ ဆၧမၩဖီၩ့ဖျ့ၭဝ့ၫ လၧဆၧ ၥွံၪဂါလၩ့လၧအဖၧၩ့ န့ၫလၧၦလၧအဂါလၩ့ဝ့ၫ လဂၩ
34 အၥွံၪနီၪလီၫ.- မၩအၥၭဘဲၫနီၪတၭ, မၩဘၪၥၭလိၪခး လၧနၥံၪမိအီၪ လၧအဖၧၩ့, မွဲအလး လၧယအီၪလၧ အဖၧၩ့နီၪလဂ့ၩ. အဂဲးဘဲၫယီၩ ဆၧလၧယၧၩယဟိ ဝၩလဂၩယီၩ ယအီၪလၧၦအံၫစရ့လၭဖိၪ အကျၩနီၪလီၫ.