1 ယဟိဝၩချဲၩ့ဆၧလၧစမိစ့ၭဒဲစအၫရၧၫ့တၭ, စံၭဝ့ၫ 2 ဒၪ,-အယီၩမွဲဆၧၥီၪ့ဆၧၥၫ့အထူၫအရူၫ လၧယဟိဝၩ မၪလူၬဆၧတၭ, စံၭဝ့ၫဒၪ, စံၭၦအံၫစရ့လၭဖိၪလၧအမိ ဂဲၫဆိၬန့နၧၩ လၧချီမိဝီၩအလၧၫ့အဎွ့ၩ, လၧအစံၫဖီး လအီၪဘၪ, လၧနိၪယိၭဘီၩ့လအီၪဘၪ လၧအလီၩ့နး 3 ဆိၭလဒုၩနီၪဆံၭ.- တၭနၥံၪမိဘၪဖ့ၪလၫ့ဝ့ၫ လၧၦလု ဆၧစအံၫလအ့ဇၧၫ, ဘဲၫၥိၭအမိလ့ၩဆိၬဘၪဝ့ၫ လၧၦ ၥုၪ့တဲၩအလးဖၧၩ့လၧခီၫ့လခီၫတၭ, ဆၧဘၪမၩၥံၫဝ့ၫ 4 လၧအမ့ၬယၫလီၫ.- တၭၦလုဆၧစအံၫလအ့ဇၧၫလဂၩ နီၪဘၪမၩန့အၥွံၪလၧအစူၪနိၩ့လဘီၩ့တၭ, ဎွံၪအၥွံၪ ဆဲၫဎၩ့လၧဆၧအီၪကီၪ့ အတဲၩဆံၫ့ဎံၪအမ့ၬယၫ နွ့ၫ 5 ဘျၩ့လီၫ.- တၭဆၧဘၪဆူၭထၪ့ခွံၬ ချီမိနီၪလၧမ့ၪလၧ အမ့ၬယၫလီၫ. အဖံၭဒဲအယၪ, ဒဲအၥွံၪ, ဒဲအအ့ၪနီၪမိ 6 ဘၪဆူၭထၪ့ခွံၬဝ့ၫလၧမ့ၪလီၫ.- တၭၦလုဆၧလဂၩဘၪ မၩန့ၥံၪ့ၡိၫအ့ရ့ၭ, ဒဲဟံစိၭ, ဒဲဆၧဝီၩနီၪတၭ, ဖျႃၭလၩ့ 7 ဝ့ၫလၧမ့ၪအၪ့ခွံၬချီမိလစီၪ့အဖၧၩ့နီၪလီၫ.- ထီးနီၪလ ဖၧၫ့ၦလုဆၧလဂၩ မိဘၪအၪ့ဆူၫဝၭအကီၩ့အၥိၭတၭ, ၥူၫဝၭဆံၫ့အယၪလၧထံၫလီၫ. လၧခဲၫ့ထဲၩ့တၭ မိဂဲၫ ထဲၩ့ဘၪလၧၦၥုၪ့တဲၩအလးဖၧၩ့တၭ, ၦလုဆၧလဂၩနီၪ 8 မိအီၪလဆံၫ့ဘၪထီးမုဂၪလၩ့လီၫ.- တၭၦလၧအဆူၭ ထၪ့ခွံၬအဝ့ၫလဂၩနီၪ မိဘၪအၪ့ဆူၫဝၭ အကီၩ့အၥိၭ လၧထံၫ ဒဲၥူၫဝၭဆံၫ့အယၪလၧထံၫတၭ, အီၪလဆံၫ့ 9 ဘၪထီးမုဂၪလၩ့လီၫ.- ၦအဆံၫ့လဂၩ မိဘၪအၪ့ထုၫ့ ကီၪ့ထၪ့ချီမိအဖံၫ့ချၪတၭ, အီၪက့ၪလၩ့ဝ့ၫလၧၦၥုၪ့တဲၩ အလးလၧခီၫ့လခီၫ, လၧအလးဆံၫ့လီၫ. တၭမွဲအမိ ဘၪဆၧအီၪက့ၪထၬဝ့ၫ လၧၦအံၫစရ့လၭဖိၪ အဆၧအီၪ ကီၪ့အဂးလၧဆၧလၩ့ဖၭ အထံၫအဂးလီၫ. အနီၪမွဲဆၧ 10 ဒဲၩဘၭအဆၧမၩဆံၫ့ခွံၬလီၫ.- ၦလၧအအၪ့ထုၫ့ကီၪ့ ထၪ့ချီမိအဖံၫ့ချၪလဂၩနီၪ ဘၪအၪ့ဆူၫဝၭအကီၩ့အၥိၭ တၭ,အီၪလဆံၫ့ဘၪထီးမုဂၪလၩ့လီၫ. တၭဆၧမိကဲၪ ထၪ့ဆၧအထူၫအရူၫ အဆိၩအကၠၪ လၧၦအံၫစရ့လၭ ဖိၪအဂး, ဒဲလၧၦလခီၫဘၩ့မုးဖိၪ လၧအအီၪလၧအ ကျၩအဂးနီၪလီၫ.

11 ၦလၧအထိၭဘၪၦလဂၩဂၩအစွၪနီၪ မိဘၪအီၪလ 12 ဆံၫ့ဘၪနွ့ၫနံၩလီၫ.- တၭမွဲအဘၪ မၩဆံၫ့ထၪ့အၥၭ လၧအဝ့ၫလၧမုၥၧၫ့နံၩလနံၩအဖၧၩ့တၭ, လၧမုနွ့ၫနံၩ မိဆံၫ့ထၪ့ဝ့ၫလီၫ. အ့ၪမွဲမုၥၧၫ့နံၩလနံၩနီၪ အ့ၪလမၩ ဆံၫ့ထၪ့ဘၪအၥၭတၭ, လၧမုနွ့ၫနံၩလနံၩနီၪမွဲလဆံၫ့ 13 ထၪ့ဘၪလီၫ.- ကယဲၦလၧအထိၭဘၪၦအၥံၫအစွၪလၧ အၥံၫယူၭလဂၩနီၪ ဒဲလမၩဆံၫ့ထၪ့ဘၪအၥၭလဂၩလါ လါနီၪ, မွဲအမၩၥၭလိၪယဟိဝၩ အတဲၩဆံၫ့ဎံၪလီၫ. တၭၦလဂၩနီၪမိဘၪဆၧဒၪ့ထ့ၬခွံၬဝ့ၫ လၧအံၫစရ့လၭ လီၫ. မွဲဆၧလၩ့ဖၭအထံၫလဎွံၪဘၪအၥၭ လၧအလီၩ့ တၭ,မိအီၪလဆံၫ့ဘၪလီၫ. အဆၧလဆံၫ့ဘၪနီၪအီၪ 14 ဒံၭလၧအလီၩ့လီၫ.- ထီးၦၡၩအ့ၪၥံၫလၧတဲၩဖၧၩ့တၭ, ၥနိၫမွဲအယီၩ, ကယဲၦၡၩလ့ၩနုၬလၧတဲၩဖၧၩ့, ဒဲကယဲ ဆၧအီၪလၧတဲၩဖၧၩ့ထီးအလူၬနီၪ မိအီၪလဆံၫ့ဘၪနွ့ၫ 15 နံၩလီၫ.- တၭကယဲဆၧဖၧၩ့, ထွ့ၫလဘံၪ့လါလါ, အီၪဝဲ ထၪ့အၥၭ, လၧအခိၪချႃၭလအီၪဘၪလၧအဖၫ့ခိၪနီၪ မွဲ 16 လဆံၫ့ဘၪလီၫ.- တၭကယဲၦလၧအထိၭဘၪ ၦလဂၩ လၧအဘၪဆၧဖ့ၬၥံၫခွံၬဝ့ၫ လၧဖၩ့ၥံၪနၭၥံၪအီၪလၧဆၧ ပျၩ့ဖၧၩ့မွဲဂ့ၩ, ဆၧအစွၪမွဲဂ့ၩ, ၦၡၩအဎွံၪမွဲဂ့ၩ, ဆၧၥွၪ ခိၪမွဲဂ့ၩ, မိဘၪအီၪလဆံၫ့ဘၪနွ့ၫနံၩလီၫ.

17 ၦလဆံၫ့ဘၪအဂးနီၪ ၦၡၩဘၪမၩန့ချီမိလဒုၩ လၧ မ့ၪအၪ့ခွံၬဝ့ၫ ဘၪဆဲၫ့လၧဆၧဒဲၩဘၭ အဆၧမၩဆံၫ့ဝ့ၫ နီၪအဖံၫ့ချၪတၭ ဘၪအီၪက့ၪဎုၬထံၫမၧၫ့ လၧလိၫ့ဖၧၩ့ 18 လီၫ.- ၦအဆံၫ့လဂၩဘၪမၩန့ဟံစိၭတၭ, စုၪလၩ့ဝ့ၫ လၧထံၫနီၪအဖၧၩ့တၭ, ဎွံၪဝ့ၫလၧတဲၩလီၩ့, ဒဲဖၧၩ့, ဒဲထွ့ၫ လဖျိၪ့လါလါအလီၩ့, ဒဲလၧၦလၧအအီၪယူၭထီးနီၪလ ဖၪအလီၩ့, ဒဲလၧၦလၧအထိၭဘၪၦအဎွံၪမွဲဂ့ၩ, ၦလၧ အဘၪဆၧဖ့ၬၥံၫဝ့ၫမွဲဂ့ၩ, ဆၧအစွၪမွဲဂ့ၩ, ဆၧၥွၪခိၪ 19 မွဲဂ့ၩ,အလီၩ့ဆ့လီၫ.- တၭၦအဆံၫ့လဂၩနီၪဘၪဎွံၪ ဆၧလၧၦလဆံၫ့ဘၪအလီၩ့ လၧမုၥၧၫ့နံၩလနံၩ, ဒဲလၧ မုနွ့ၫနံၩလနံၩလီၫ. လၧမုနွ့ၫနံၩလနံၩနီၪ ဘၪမၩဆံၫ့ အၥၭတၭ,အၪ့ဆူၫဝၭအကီၩ့အၥိၭ, ဒဲအၪ့လူထံၫတၭ, 20 လၧမုဂၪလၩ့နီၪ မိဆံၫ့ထၪ့ဝ့ၫလီၫ.- ၦလၧအလဆံၫ့ဘၪ လဂၩအ့ၪလမၩဆံၫ့ထၪ့ဘၪအၥၭနီၪတၭ, အဝ့ၫလဂၩ နီၪမိဘၪဆၧဒၪ့ထ့ၬခွံၬဝ့ၫ လၧဆၧအီၪကီၪ့လီၫ. အဂဲး ဘဲၫယီၩ မွဲအမၩၥၭလိၪယဟိဝၩအလး ဆံၫ့ဎံၪလီၫ. ဆၧဎွံၪဘၪဆၧလၩ့ဖၭအထံၫ လၧအလီၩ့အ့ၬ, မွဲၦလ 21 ဆံၫ့ဘၪလဂၩလီၫ.- တၭမွဲအမိကဲၪထၪ့ဆၧအထူၫအ ရူၫအဆိၩအကၠၪ လၧအဝ့ၫၥံၪအဂး, လၧၦလၧအဎွံၪ ဆၧလၩ့ဖၭအထံၫလဂၩနီၪ မိဘၪအၪ့ဆူၫဝၭအကီၩ့အ ၥိၭတၭ, ၦလၧအထိၭဘၪဆၧလၩ့ဖၭ အထံၫနီၪမိအီၪ 22 လဆံၫ့ဘၪထီးမုဂၪလၩ့လီၫ.- တၭကယဲဆၧလၧၦလ ဆံၫ့ဘၪအ့ၪထိၭဘၪဝ့ၫလမံၩ့မံၩ့နီၪ, မိအီၪလဆံၫ့ဘၪ, ဒဲၦလၧအထိၭဘၪဝ့ၫလဂၩနီၪ ဘၪအီၪလဆံၫ့ဘၪထီး မုဂၪလၩ့လီၫ.